+2 əjdaha
1. 2018 istehsalı oyun. franşizanın ən az sevdiyim oyunudur. assassin’s creed: origins ilə başlayan rpg, level və grind sistemi bunda da var. hekayə bölümlərini oynamaq üçün oyun sizə zorla yan missiya oynadır. qarşıdakı düşmənin leveli daha yüksəkdirsə, heç gizli öldürmək də olmur. yaxşı ki pc-də cheat engine var, yoxsa oyunu yarımçıq qoyardım. oyunda herodot, aristotel, perikl, sparta kralı leonid kimi yunan tarixinin məşhur şəxsiyyətləri də yer alır.leyla hasan adlı misirli tarixçi və arxeoloq leonidin nizəsini tapır. daha sonra animusa bağlanır və qarşısına alexios və kassandra adlı 2 sibling çıxır. bu obrazlardan birini seçərək oyuna başlayırıq. hekayə eradan əvvəl 431-ci ildə, antik qretsiyada keçir.
“legacy of the first blade” dlc-i əsas hekayədən daha maraqlıdır. bu dlc-də tarixdəki ilk assassin olan iranlı (əhəməni) daranı görürük. dara, assassinlərin məşhur silahı olan gizli bıçağın (hidden blade/скрытый клинок) yaradıcısıdır və gəncliyində bu silahla əhəməni şahı kserksə sui-qəsd edib. dlc, həmçinin assassin və tamplier təşkilatlarının formalaşmasına aparan ilk gedişatı da göstərir. dara, assassin’s creed 2-dəki auditore malikanəsində heykəli olan məşhur assassinlərdən biridir.
“the fate of atlantis” dlc-də isə yunan mifologiyasına aid motivlər var idi. amma hekayə o qədər də xoşuma gəlmədiyi üçün sıxılıb, yarımçıq qoydum.