1. italyanca tempera ,temperare -rəngləri qarışdırmaq sözündən əmələ gəlmiş boyakarlığın texniki üsullarından biri. temperada rənglərin yapışdırıcı maddəsi su və yumurta sarısından , həmçinin yağ ilə (yaxud yağ və lak ilə) qarışdırılaraq suda həll edilmiş bitki , yaxud heyvandan alınan yapışqandan ibarət olur. üsul hələ qədim misirdə məlum idi. orta əsrlərdə isə tempera dəzgah boyakarlığının əsas texniki üsulu olmuş , bəzən də binaların divar rəsmlərində istifadə edilmişdir. tempera ilə işlənmiş tabloların rəngi və tonu yağlı boya ilə çəkilən əsərlərə nisbətən ətraf mühitin təsirinə daha davamlı olmaqla yanaşı ilkin təravətini uzun müddət saxlayır.