+9 əjdaha
1. breaking bad və better call saul-da görünən marco və leonel adlı əkizlərdir. salamanca klanının ən önəmli adamlarındandırlar. daniel və luis moncada adlı aktyorlar tərəfindən canlandırılıb.https://i.imgur.com/I5Xqdpa.jpg
spoiler!
əkizlər uşaqlıqlarında hector salamanca tərəfindən himayəyə götürülərək yetişdirilirlər. günlərin birində aralarında dava edərkən hector gəlir və əkizlərdən birinin başını suya salıb boğmağa başlayır. digəri bundan qorxub davanı dayandırır. burada hector əkizlərə məşhur nəsihətini edir: “la familia es todo” (ailə hər şeydir).
əkizlər “better call saul”-da daha tez-tez görünürlər. “breaking bad”-də isə tuco salamanca-nın ölüm xəbərini aldıqdan sonra onun qisasını almaq üçün amerikaya gəlirlər. amerikaya gəlmək üçün içində qaçaq işçilərin olduğu bir maşına minirlər. işçilərdən biri, əkizlərin geydiyi və üzərində kəllə təsviri olan ayaqqabıları gördükdə, onların karteldən olduğunu başa düşür. əkizlər də şahid və iz qalmaması üçün sürücü də daxil olmaqla hər kəsi öldürür və maşını yandırırlar.
amerikaya gəldikdən sonra əmiləri hector ilə birlikdə gus fring ilə görüşürlər. gus, heisenberg-i öz mənfəəti üçün istifadə etdiyini və vaxtı bitənə qədər ölməməli olduğunu deyir. ancaq əkizlər qərarlıdırlar. Walter white evində duş alarkən məşhur baltaları ilə içəri girir və onu gözləyirlər. mike ehrmantraut da onları öz maşını ilə izləyir. ancaq gus-dan gələn bir mesajdan sonra əkizlər fikirlərini dəyişirlər. gus onları tuco-nun əsas qatili olan hank schrader-ə yönləndirir.
hank-ə sui-qəsd etməzdən əvvəl əkizlər bir silah satıcısından son model bronejiletlər alırlar. bronejiletin necə olduğuna əmin olmaq üçün onu satıcıya geyindirir və silahla atəş açırlar və keyfiyyətinə əmin olduqdan sonra alırlar.
hank parking-də ikən telefonuna “1 dəqiqə içində oradan uzaqlaş” deyə bir mesaj gəlir. amma hank məhəl qoymur. əraziyə gələn əkizlər hank-ə hücum edir. hank, onlardan birini maşınla əzərək ayaqlarını şikəst edir, digərinin isə sinəsinə silahla atəş açır, ancaq bronejilet onu qoruyur. əkiz ona bir neçə dəfə atəş açaraq ağır yaralayır. amma “¡no! muy fácil” (yox! belə çox asandır) deyərək ənənəvi baltalarını götürməyə gedir. çünki əkizlər ən böyük düşmənlərini ənənəvi olaraq bu balta ilə öldürürdülər. o gələnə qədər çətinliklə də olsa yerə düşmüş son gülləni götürən hank, onu silahına yerləşdirir və əkizi başından vuraraq öldürür.
sağ qalan əkiz isə xəstəxanaya yerləşdirilir və hər iki ayağı kəsilir. gecə saatlarında gizlicə onun yanına gələn mike, əkizə bir neçə saat içində təsir edəcək bir zəhər verir. səhər oyandıqda aralarında heisenberg-in də olduğu çox sayda insan sağ qalan əkizi görməyə gəlir. əkiz, heisenberg-i gördükdə sürünərək ona hücum etməyə çalışır. ancaq qanaxma və zəhər ucbatından həyatını itirir.