+8 əjdaha
1. better call saul-un əfsanəvi obrazlarından biri. tony dalton tərəfindən canlandırılıb.https://i.imgur.com/G1EFXkU.jpg
Spoiler!
salamanca klanının ən böyük adamlarından biridir. düşmənlərinə qarşı sərt və qəddar, ailəsinə və malikanəsindəki işçilərə qarşı bir o qədər yumşaqdır. normalda salamanca klanı ilə arası elə də yaxşı olmayan don eladio belə lalo-ya səmimi bir hörmət bəsləyir. bunun əsas səbəbi lalo-nun karteldəki böyük nüfuzu və kartelə təhvil veriləcək pulları necə təqdim edəcəyini bilməsidir. həmçinin lalo, 2-3 saatdan çox yatmağı da sevmir.
serialın sonrakı hissələrində lalo-nun yolu saul goodman və gus fring ilə də kəsişir. gus gizli yeraltı narkotik laboratoriyasını inşa etdirərkən lalo, layihənin rəhbəri olan alman mühəndis werner ziegler-ə telefonda özünü gus-ın adamı kimi təqdim edir və ziegler böyük sirri üzə çıxardığı üçün gus-ın əmri ilə mike ehrmantraut tərəfindən vurularaq öldürülür.
lalo sonradan günahsız bir adamı öldürdüyü üçün saxlanılır və saul-u özünə vəkil tutur. saul, lalo-nu çıxarmaq üçün bir qadını və uşaqlarını məhkəməyə gətirib, onları lalo-nun ailəsi kimi təqdim edir və onu azadlığa çıxarmağa nail olur. qarşılığında isə 7 milyon dollar mükafat alır.
gizli laboratoriya haqqında bəzi məlumatlar ifşa olduğu üçün, gus, lalo-nu öldürtməyə qərar verir. bunun üçün hector salamanca-nı iflic etmiş ignacio varga ilə əməkdaşlıq edirlər. gecə saatlarında bir qrup sui-qəsdçi gizlicə malikanəyə girir və içəridəki hər kəsi qətlə yetirirlər. lalo isə sağ qalır və bir sui-qəsdçidən əmri gus-dan aldıqlarını öyrənir. bundan sonra özünü ölü kimi göstərib gizlənməyə qərar verir. məqsədi gus-ın gizli planları haqqında sübut yığmaq və don eladio-ya təqdim etməkdir. bunun üçün əvvəlcə almaniyaya gedib, ziegler-in yoldaşı margarethe və gizli laboratoriyada işləmiş mühəndislərdən birindən bir sıra şeylər öyrənir. daha sonra amerikaya qayıdır və qocalar evində olan hector ilə əlaqə saxlayır. əsas səhvini də burada edir. hector ilə olan bütün danışıqlarının gus tərəfindən dinlənildiyini başa düşür və onu öldürmək üçün hərəkətə keçir.
gecə saatlarında əvvəlcə saul və kim wexler-in evinə gəlir. bütün etibarını itirmiş howard hamlin də oradadır. lalo silahına səsboğucu taxaraq hamlin-i öldürür. daha sonra gus ilə üzləşmək üçün laboratoriyanın yerləşdiyi laundry-ə yollanır. burada gus-ı ələ keçirir. gus, ölməzdən əvvəl kameraya bir neçə söz demək üçün icazə alır və burada uzun illərdir böyük bir intiqam planı qurduğundan, həm salamanca klanının, həm də don eladio-nun işini bitirəcəyindən bəhs edir. daha sonra işıqları anidən söndürür və qaranlıqda gizlətdiyi silahla lalo-nu boğazından güllələyərək öldürür. bu hadisədən sonra lalo və hamlin-in cəsədləri laboratoriyada basdırılır. saul, lalo-ya nə olduğunu soruşduqda, mike “onu bir də görməyəcəksiniz” deyir (“öldü” demir). hamlin isə intihar etmiş kimi göstərilir. saul bütün həyatı boyu lalo-nun hər an yenidən çıxa biləcəyi qorxusu ilə yaşayır.
bütün bu hadisələrdən sonra don eladio öz malikanəsində yığıncaq keçirir. bundan sonra şimali amerikadakı narkoticarət sisteminin böyük bir hissəsinə gus baxacaq. salamanca klanı isə özlərinin meksikadakı territoriyalarında qalacaqlar. lalo-nun ölümü klana ən böyük zərbə olur.
uzun illər sonra breaking bad-də walter white və jesse pinkman, saul-u öz tərəflərinə çəkmək üçün qaçırıb səhraya gətirəndə saul-un ilk reaksiyası belə olur: “soy abogado, el amigo del cartel (mən vəkiləm, kartelin dostuyam). satqın mən deyildim, ignacio idi! sizi lalo göndərib?” bu səhnənin “better call saul”-da göstərilmiş davamında walter, “biraz əvvəl lalo filan deyirdin. o kimdir?” deyə soruşur. saul isə “boş ver” deyir.
qeyd: lalo, hector-u ziyarət etmək üçün qocalar evinə gələndə, əmisinin əlaqə qurmasına kömək etmək üçün ona məşhur zəngini hədiyyə edir. özü hər nə qədər gus-ı öldürə bilməsə də, onun illər sonra ölümünə səbəb olacaq zəmini yaratmış olur.