+1 əjdaha
1. Alman filosofu Martin Heidegger (azərb. Martin Haydegger) tərəfindən irəli sürülən, ənənəvi metafizikanın sonu və ya məhv edilməsi ilə fəlsəfəni yenidən düşünülməsi fikridir. Haydegger yazırdı ki:"Biz bu vəzifəni belə başa düşürük ki, Varlıq sualını ipucumuz kimi götürərək qədim ontologiyanın ənənəvi məzmununu məhv etməli, Varlığın mahiyyətini müəyyən etməyin ilk yollarını əldə etdiyimiz ilkin təcrübələrə çatana qədər davam etməliyik – məhz bu yollar bizə o vaxtdan bəri rəhbərlik edir."
Yuxarıdakı ifadə 1927-ci ildə "Varlıq və Zaman" əsərində yazılıb. Köhnə ontologiyanın məhv edilməsi anlayışı Martin Heideggerin 1964-cü ildə yazdığı "Fəlsəfənin Sonu və Düşünmənin Vəzifəsi" esseyində fəlsəfənin sonu barədə yazdıqları ilə daha da aydınlaşır. Əvvəlcə 1964-cü ildə Fransada keçirilən bir konfransda təqdim olunan bu esse sonradan 1966-cı ildə Kierkegaard Vivant (Paris: Gallimard 1966) adlı topluda fransız dilində nəşr olunub və 1969-cu ildə ingilis dilinə tərcümə edilib. Heideggerin bu mətnlərdəki layihəsi ənənəvi metafizikanın sonunu və ya məhvini elan etməklə fəlsəfəni yenidən düşünmək və aleteya, yəni həqiqətin açılması formasını alan düşünmə tapşırığını yenidən nəzərdən keçirməkdir.
Mənbə: Heidegger on Destruction
sifarişi verən: boyumaqamışölçdülər