+1 əjdaha
1. avropa futbol tarixinin ən maraqlı çempionatı deyərdim. turnir isveçdə keçirilirdi və bu turnirin qəhrəman sostavı heç şübhəsizki Danimarka sostavıdır.seçmə oyunlarında yuqoslaviyaya məğlub olan danimarka, turnirdə oynamağa haqq qazanmamışdı. amma çərxi-fələk elə fırlandı ki, həmin illərdə yuqoslaviyada siyasi və hərbi hadisələr (yuqoslaviya müharibəsi) baş verdi. bmt sanksiyalar tətbiq etdi və nəticədə yuqoslaviya turnirdən uzaqlaşdırıldı. UEFA isə oyunların başlamasına az bir müddət qalmış Danimarka millisini yuqoslaviya millisinin yerinə dəvət etdi.
danimarka bu xəbəri son anda aldı. çünki oyunçuların bir çoxu artıq yay tətilinə çıxmışdı, bəziləri isə öz formasından uzaqlaşmışdı. buna baxmayaraq komanda qısa bir müddətdə toplandı və çempionata daxil oldu. heç kim onlardan ciddi nəticə gözləmirdi amma sən saydığını say gör Piter Şmeyxel nə sayır..
qrup mərhələsində danimarka əməlli-başlı mübarizə apardı. heç bir ümid vəd etməyən bu komanda yarımfinallara qədər yüksəldi. yarimfinalda onların rəqibi, sonuncu avropa çempionu və Marco Van Bastenli Hollandiya komandasl idi. oyun çox gərgin keçdi və penaltılara qaldı. məhz burda piter şmeyxel van bastenin udarını qapısından çıxardı və komandasını o dövrün ən nəhənglərindən olan Almaniya ilə final oynamağa vəsiqəni qazandı.
final günü almaniya və danimarka milliləri qarşı-qarşıya gəldi. yenədə bir çoxları, "artıq şans bir yerə kimi gətirər" adı ilə Jürgen Klinsmanlı Almaniyanı dəstəkləyirdilər. Amma heç kim bir süpriz gözləmirdi...
ilk qolu Danimarka heyyətindən Con Yensen, ikinci qolu Kim Vilfort vurdu. almaniya millisi nə qədər çalışsada danimarka müdafiəsini keçə bilmədi və danimarka bütün proqnozları alt-üst edib Avropa çempionu oldu.
atamın dediyinə görə onun ən çox sevdiyi çempionat bu olub. çünki futbol tarixində belə böyük sensasiyalar az-az olur. Danimarka millisi turnirə son anda, loru dillə desək mırta qatılıb çempion olmuşdu.
"imkansız heç nə yoxdur" sözünü çox vaxt ciddiyə alan biri olmamışam amma belə tarixi hekayələr fikrimi tez-tez dəyişdirir