+4 əjdaha
1. instagramda paylaşım linki kopyaladığında, o link əslində "təmiz" deyil. Təmiz deyil deyəndə yəni rəqəmsal izin oraya düşür. Sənin hesabına bağlı gizli bir kod onun sonuna yapışdırılır (igsh, igshid kimi parametrlər). Bu kod sənin bir növ "imzandır" demək olar. "Ay camaat bu linki mən paylaşmışam" demək kimi bir şeydir.indi gəl görək nə baş verir...
Tutalım hansısa maraqlı bir postu Whatsapp statusda və ya həmin postun linkini bir forumda paylaşırsan. Forum deyəndə heç uzağa getməyək sözlükdə ya entry ya postlar ya da məsləhətxana hissəsində atdığın link ola bilər. Kimsə üstünə klikləyir, həmin adamın telefonunda instagram tətbiqi açılır (yaxud brauzerlə daxil olanda alqoritm sistem işə düşür). Tətbiq dərhal o gizli kodu oxuyur və instagrama arxa fonda xəbər göndərir ki, "filankəs link paylaşıb bir başqa adam da ona klik edib. ən bomba sosial şəbəkə sənsən millət durmadan sənin linkinə klikləyir"
instagramın alqoritmi bunu necə oxuyur? çox sadə: "Bu iki istifadəçi arasında deyəsən nəsə maraq var, deməli bir-biri ilə ünsiyyətə keçə bilərlər." Nəticədə həmin şəxsin "izləmə tövsiyələri" bölməsində sən peyda olursan. Daha dəqiq desəm həmin adam linkə vuranda ki, baxsın görsün nə açılır, birbaşa sənin profilin qarşısına çıxır ki, "bu şəxsi izləmək istəyirsən?". Bax burda Kərəmi tutdu ağlamaq.
Maraqlısı budur ki, bu adi axtarışla tapılan linklərdə baş vermir. Çünki orada o şəxsi sənə bağlayan heç bir izləmə kodu yoxdur.
Yaxşı, bunun çarəsi nədir?
Çox sadə. Linki paylaşmadan əvvəl "?" işarəsindən sonrakı hissəni tamamilə sil. daha detallı şəkildə desəm yəni:
instagram.com/p/ABC123/?igsh=xyz123 ❌
instagram.com/p/ABC123/ ✅
Bu kiçik addım, sənin "rəqəmsal izini" tamamilə silir və hesabın artıq heç kimə tövsiyə kimi çıxmır. Çox şükür bu gün də kimliyin gizli qaldı. Rahat yata bilərsən.