+11 əjdaha
2. yəhudi əsilli rəssam. abstrakt ekspressionizmin əsas nümayəndələrindən biri olub.1923-cü ildə new-yorka gəlir və burada incəsənət məktəbinə yazılır. ona ilk təsir edən insan müəllimlərindən biri olan arshile gorky olmuşdur. sənətin səssiz bir dillə bir çox şey anlata biləcəyini ilk dəfə onun rəsmlərində görən rothko, bir mənada əlindəki gücün fərqinə varır.
rəssamın metro rəsmləri qabiliyyətinin üzə çıxdığı ilk işləridir.
sonradan müasir amerikan rəsm sənətinin öldüyündən qorxaraq yenilik axtarmağa başladı. bu axtarışda ona nietzsche və tragediyanın doğuşu yoldaşlıq edirdi. mifologiyadan və psixoloji düşüncələrdən də təsirlənən rəssam artıq fərqli yolla irəliləyirdi. həmin dövrdə dönəminə damğasını vuran aşağıdakı sözləri deyir:
"gerçəkdə bütün mövzular içində hər zaman ən çox diqqət çəkənlər tragik olanlardır. sonsuz tragik təcrübə sənətin bəsləndiyi əsas qaynaqdır. tragediyalar və böyük əzablar olmasaydı bugün sitayiş etdiyimiz bir çox rəssam bildiyimiz əsərlərilə mövcud olmazdı."
həyatı boyunca bir çox cərəyandan təsirləndi və heç birinə bənzəməyən rəsmlər yaratdı.
rəsmləri içində daşıdığı narahatlığın simvolları idi. onu bəlkə də ən çox qorxudan şey rəsmlərinin gözəl qəbul edilməsi idi. əgər gözəl olaraq qəbul edilərdilərsə, varlıların evlərində dekorativ əşya halına gələcəkdilər.
1958-ci ildə bir restoranın dekorasiyası üçün ona külli miqdarda pul təklif edilir. uzun çək-çevirdən sonra maddi çətinliklər ucbatından təklifi qəbul etmək məcburiyyətində qalır və restorana asılacaq rəsmlərinin bura gələcək müştərilərin iştahlarını qaçırmasını diləyir. bir yandan da öz məqsədini həyata keçirmək üçün xalqla birbaşa təmasa keçmə şansı əldə etmiş olur. onun fikrincə, rəsmləri restorana gələcək müştərilərə hər tərəfi bağlı otaqda tələyə düşmə hissini verəcəkdi. rəsmlərini tamamlayır və bir gün arvadı ilə bu restorana şam yeməyə gedir. həyatı boyu yeməyə bir-iki dollardan artıq verməyən rəssam üçün gördükləri xəyal qırıqlığı yaradır. bir yeməyə bu qədər pul verən insanların onun rəsmlərinə baxmayacağını anlayır. restoran ilə müqaviləni ləğv edir və rəsmlərini geri alır.
1970-ci ildə biləklərini kəsərək intihar edir.
