bugün məsləhət təsadüfi
sözaltı sözlük
Yoxlama mesaj

...

boşanmaq


10,591 | 22 | 80

əjdahalar  googlla
keçən ayın ən bəyənilənləri - boşanmaların səbəbi - qadın cinayətləri - boşanmaq istəyənlərə tövsiyələr - evlənməyin ən gözəl tərəfi - qərbin əxlaqsız olması - əxlaq - saleh ibn tarif - brooklyn finest
/ 2 »


    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    1. ortostatistik azərbaycanlının ən çox qorxduğu və bizim ki,orta əsrlərdən qalma cəmiyyətlərdə nəticəsi qadınlar için çox pis olan hüquqi akt

    2 əjdaha!

    23.04.2013 17:39, rubberglove
    2. ailə ola bilməyən, ya da ailə ola bilməyin nə olduğunu bilməyən adamların edə bilmədiyi şey. necə ki ailə qurmağın nə olduğunu bilmirlər, elə də boşanmağın. arada uşaq varsa evli qalsalar da, boşansalar da psixologiyası pozulmuş uşaq qalır ortada.

    1 əjdaha!

    12.08.2013 22:30, uzuncorab hippi
    3. məncə bu, ailə anlayışı haqqında ziddiyətli fikirləri olan iki insanın, bu toqquşan düşüncələri necəsə ortaq məxrəcə gətirib, yaşatmağı və ya davam etdirməyi bacarmaması nəticəsində başvurduğu bir aktdır. onsuzda ailə ola bilməyin tam olaraq nə olduğunu başdan bilə bilməzsən, bunu ancaq zamanla öyrənə bilərsən və bunu öyrənmək bəzən çox uzun zaman tələb edə bilər, hətta bu proses, ömrün sonuna qədər belə davam edə bilər. insanlar var ki, bunu bacara bilmirlər və qısa müddət sonra bu çətinliyə təslim olurlar, çünki zəifdirlər. bəli, ailə qurmaq çətindir. asan olsa idi, boşanmaq deyilən bir şey olmazdı

    4 əjdaha!

    12.08.2013 22:57, macguffin
    4. 99%nin səbəbi evlənməkdir.

    4 əjdaha!

    26.08.2013 19:45, uzuncorab hippi
    5. indiyə qədər adi gələn söz idi. ama bu gün eşitdim 5 ildi tanıdığım, bir-birini sevən 2 dostum boşanıb. elə qəribə gəldi ki.adamın heç ağlına da gəlməzdi. bir-birinə can deyib can eşidən ideala yaxın 1 cütlük indi mövcud deyil. səbəbsə narkotika. təsəvvür eləmək elə çətindi ki. balaca 1 həbə görə sevgini itirmək. nəbilim. düşmənimə də arzulamıram. bu söz adi söz deyilmiş. 2 və daha artıq ürəyin qırılmasına səbəb olan söyüşdən də betər söz imiş. * əgər sən də o zibilin istifadəçisisənsə lütfən at onu, qalib gəl ona, inan ki səni sevənlərə ağır zərbə vurursan.

    7 əjdaha!

    26.08.2013 19:59, tenzey
    6. 2aylıq hamilə halımla,4aylıq evlilikdən sonra başıma gəlmiş bir hadisə...24 yaşında bu halda tək buraxılmaq... danışmaqla anlatmaq olmur... çarəsiz,əlacsız ve tek...kaşki boşanmaq deyə bir məvhum olmayaydı...nə olur olsun mənəvi cəhətdən yaralanan qadın olur...

    3 əjdaha!

    31.05.2015 15:36, spirt seven
    7. istər qadın,istərsə kişi üçün ağır psixaloji travmalara səbəb olan hüquqi akt. təəssüf ki, ölkəmizdə boşanma mədəniyyəti inkişafdan çox geridədi. azərbaycanda boşanma prosesində söyülən söyüşləri,qarğışları heç bir yerdə görə bilmərsiz. keçmiş ər-arvad bir-birlərinə elə nifrət edirlər ki, elə bil illərlə eyni evi, yatağı paylaşmayıblar. məsələyə ailələr də qarışırsa(demək olar bütün boşanmalarda belə olur) vəziyyət daha kritik hal alır. hamı bir-birini günahkar bilir. boşanma qərarında ayrılan cütlüyə məhkəmə müəyyən müddətlik zaman verir ki, bir daha düşünsünlər. amma bu zaman nifrəti və əsəbi daha da qızışdırır. bunun səbəbi ailə qurduğu insanı sevərək seçim etməməkdi. boşanmadan sonra qadınlarda "boşanmış qadın sindromu" baş qaldırır. və depressiya həyatını məhv etməyə başlayır. ölkəmizdə necə ki, qızla qadının istər hüquqi , istər də ictimai baxışda fərqləri varsa boşanmış qadının da cəmiyyətdə özünü aparma qaydası və hüququ fərqlənir. boşanmış qadına ictimai təzyiqlər çox olur. kişilər də psixaloji çətinliklər yaşayırlar. məsələn çox hallarda qadınlara inamsızlıq və nifrət yaranır boşanmış kişidə. amma ictimai qınaqdan kənar qaça bilir kişilər. həmçinin boşanmadan sonra kişinin ailə qurması qadından daha asand olur. çünki azərbaycanda boşanmış kişi ilə evlənmək olar amma boşanmış qadın ilə olmaz deyə məntiqsiz bir kütlə düşüncəsi var. əgər boşanan ailədə uşaqlar varsa bu daha pis hal alır. söz-söhbət və davalar genişlənir. azərbaycan qadınlarında el arasında "ümbülnisə sindromu"deyilən psixaloji vəziyyət inkişaf edir və qadın hər fürsəttdə kişiyə problem yaratmağın yollarını axtarıb, hər fürsətdə onu soymağı düşünür. aliment bu vəziyyətdə qadının "köməyinə çatır" . alimentə qarşı olan bir insan olaraq onu deyə bilərəm ki, cəmiyyət bu mövzuda da kişini əzir və qadına nələrisə güzəştə gedir. əgər ortada qadın xəyanəti yoxdursa uşaq(lar) anaya verilir. bunun düzgün addım olmadığını düşünürəm. çünki ana psixaloji təzyiqlər ilə mübarizə apararkən uşaqlarını unudur. uşaqlarda psixaloji problemlər yaranır. mənəvi dünyaları dağılır. gələcəkdə bu uşaqların çox hissəsi uğursuz həyat yaşayırlar. ya da əksinə çox qəddar insana çevrilirlər.
    boşanma hər bir insanın başına gələ bilər. heç kim deyə bilməz ki, mən sevib evlənmişəm və heç vaxt boşanmayacam. unutmayaq ki, məsələ boşanmaqda deyil boşanma zamanı etikanı gözləməkdədi. nə vaxtsa sevib , can deyib can eşitdiyin insana hörmət etməkdədi.

    8 əjdaha!

    09.07.2016 09:40, la jolie fille
    8. leninin territorial integrity və self-determination hüququ barədə açıqlama verərkən nümunə olaraq istifadə etdiyi eylem.xalqların imperiyadan ayrılaraq müstəqil dövlətlərini qura bilmə haqlarının olduğunu ifadə edərkən,imperialist yoldaşları ona etiraz edərək bununla böyük rusiya imperiyasını məhv edə biləcəyini söyləmiş dahi qardaşımızsa belə cavab vermişdi:
    "xalqlara öz müqəddəratını həll etməyə,ayrılaraq müstəqilliklərini tapmağa imkan verməmək,boşanma hüququnu ləğv edərək ailələrin daha möhkəm əsasda dura biləcəyinə ümid etmək kimidir."

    5 əjdaha!

    09.07.2016 12:26, elbay.assedov
    9. bəzən, bir-birini sevməyən, nələrə görəsə ( övlad, maddi asılılıq, el qınağı) birlikdə yaşamağa məcbur olan insanlarçün xoşbəxtliyin başlanğıcı, ikinci şans (cəsarətlilərçün).

    3 əjdaha!

    09.07.2016 13:50, sentinus
    10. evlənəndə elə dolursan ki ayrılanda boş olasan?! evlənmək də həyatdaki çox şey kimi bir növ qumardır . 50% şansın var. deməli dolu da boş da deyilsən . sözlər əgər dərin məna ifadə edirsə onda vurucu olurlar. bu söz heç də vurucu deyil . bəlkə də elə buna görə boşanmaq insanı o qədər də narahat etmir

    0 əjdaha!

    27.02.2017 21:52, sakmaydik
/ 2 »



üzv ol
Modalı bağla





əlaqəli xəbər bütün xəbərlər →
health Sofía Vergara və Joe Manganiellonun boşanmaqdan sonra olan dramı onun yeni xatirələri sayəsində daha da çətinləşdi culture ‘The Odyssey’ filminin aktrisası Mia Goth Shia LaBeouf-dan boşanmaq üçün ərizə verib və qızının əsas qəyyumluğunu tələb edir sport 'Heç kim boşanmaq istəmir' - Glasner on Forest çağırışı world LDP, JIP və DPP Aşağı Palata məclisi sayını azaltmağı planlaşdırır, mübahisəni sona çatdırır

...