✦ jurnaldan
Musiqi və Bədən: Richard Powers mahnının gücü haqqında
yaxşılıq etmək
12,398 | 28 | 95
əjdahalar googlla
sözaltı günlük - sözaltı etiraf - sözaltı sözlük - sözaltı jurnal - təkcə mənmi edirəm deyə düşünülən şeylər - son baş verənlər - azərbaycana və ya azərbaycanlılara xas xüsusiyyətlər - yazarların hazırda düşündükləri - erkin qədirlinin sözləri - intihar
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, qaynar xəttə zəng et:
☎ 860
barışmaq üçün o qeyd dәftәrini verin oxusun. barışsa, sizә bir qonaqlıq borcum olsun.
bəzi günlər, hətta özümü yaxşı hiss etdiyim bir çox günlərdə özümü daha da yaxşı hiss etməyimə səbəb olan tək şeydir deyə bilərəm. özünə edilmiş yaxşı bir şeydən çox daha dəyərlidir. bəhs etdiyim yaxşılıq dilənçiyə pul vermək deyil, başqa formalardadır. məsələn gözlənilməyən yaxşılıq buna misaldır, dilənçi onsuz da pul verilmək üçün var, ancaq, məsələn əşyalarını maşınından evinə daşıyan biri kiminsə gəlib ona kömək etməsini gözləmir, və sizin ona kömək etməyiniz onu təəccübləndirir və ona bişeylər qatır. bəzən elə olur ki elə yerdə elə şeylərə kömək edirəm ki adamlar sonda pul istəyəcəyimi sanırlar, hətta işin ortasında "çox sağol valla istəmirəm" deyirlər. işini bitirib tez ordan gözləmədən işin avand olsun deyib getməyin isə o insana sənin həqiqətən də nəsə gözləmədən kömək etmiş olduğunu göstərir. sanki heç bir şey olmamış kimi yoluna davam edirsən, əksi təqdirdə bir an belə gözləməyin qarşı tərəfdən təşəkkür və ya pul gözləyirsən mənasına gələ bilər.
birinə yaxşılıq edəndə ürəyim sanki boğazımdan çıxacaqmış kimi olur, bunun elmi açıqlamasını da yazaram. yaxşılıq edin, nə qədər gözəl olduğunu görəcəksiniz.
dəfələrlə olub ki öz işimdə belə müştəriyə etdiyim köməyi bəxşiş almaq üçün etdiyimi sanıblar. bunun üçün iş bitən kimi yaxşı hələlik sağolun mən getdim deyib uzaqlaşmışam. nəsə gözlədiyimi sanmasın deyə.
yaxşılıq etmək tənbəlliyinizi ani olaraq öldürəcək tək şeydir. hər zaman yaxşılıq etmək məcburiyyətində deyilsiniz, ancaq mümkün qədər edin. bu arada kompliment, üzr istəmək, təşəkkür etmək özü də bir yaxşılıqdır.
etdiyiniz yaxşılığın qarşı tərəfi sonradan borclu vəziyyətə salmayacağına da əmin olun.
yadımdadı uşaq vaxtı bir gün yenə papa dərsə aparırdı bizi. bir qaqaş var idi qaz 31 markalı maşında yüksək səslə məktəbin qarşısında həmişə mahnı oxudur, sürətlə sürür, özünü həddindən artıq lovğa aparırdı, icra hakimiyyətində birinin oğlu idi. biz gedirik, arxamızca qonşumuz gəlir, hansı ki böyük bir idarədə müdürdür, qarşımızda da bu qaqaş gedir. qaqaş anidən dönüb maşını tərsinə saxlamaq istəyəndə maşın divara girdi, bildiyin girdi yəni. yarısı içəridəydi. biz çatdıq düşdük, heç kim yaxınlaşmırdı, çünki qaqaşa hərəkətləri görə hamı nifrət edirdi. papa düşdü getdi başladı daşları təmizləməyə. arxadan gələn müdür saxlayıb pəncərəni açıb "ala uşaq muşağın daşını təmizliysən? işə gecikmə" tərzində sözlər atıb lağ edərək sürüb getdi. hansı ki iyrənc görünürdü. animal's farmdakı donuzlar qədər iyrənc. kim olduğunun fərqi yoxdur siz yaxşılığınızı edin.
papa o qədər yaxşı idiki, yaxşılığı artıq özünə zərər verirdi, hələ də verir. qohum/qonşu/qardaş demədən hamının işinin arxasınca gedirdi hansı ki mən nə qohum nə qardaş vecinə alanam. o qədər yaxşı ola bilməyəcək qədər zaman-zaman eqoist, praqmatist və tənbəl adamam.
ama əlimdən gəldiyi qədər yaxşılıq etməyə çalışıram. ama bunu nə dünya barışı üçün, nə hansısa din üçün, nə mənə karma olaraq geri dönəcəyi üçün, nə insanların məni yaxşı tanıması üçün edirəm. bunu sadəcə bədənimdəki xoşbəxtlik hormonları üçün edirəm, özümü yaxşı hiss etdirir. yəni bir növ eqoist olmuş oluram, amma heç kim bu eqoizmdən zərər görmür əksinə fayda əldə edir.
əslində isə əsəbləri pozğun, səbrsiz və tez əsəbləşən adamam. qarşımda yavaş yeriyən adamlar görəndə çox pis əsəbləşib içimdən yarım saat söyürəm. amma o adamlardan birinə keçərkən çiynimlə dəysəm yarım saat üzr istəyirəm.
daha çox pul qazanmaq üçün yalan danışan insanlar var, doludular. heç sevmirəm bu tip hərəkətləri, daha az qazanacağımı bilə bilə qarşı tərəfə kömək edirəm çox vaxt, işləmiş olduğum bütün işlərdə müdürlər daha çox pul qazanmaq üçün işin əxlaqsız tərəflərini öyrədiblər və buna əməl etməyəndə danlayıblar, ama mən əlimdən gəldiyi qədər müştəriylə dürüst olmağa çalışmışam, bəzən elə biliblər bəxşiş gözləyirəm, bəzən soruşublar ki niyə belə edirsən bəs sən qazanmırsan axı elə etsən? çox pul qazanmaq kimi bir dərdim olmadığını demişəm, yoxdur da onsuz. bahalı maşınlar almaq kimi hədəflər.
bəzən insanlar məcbur qalıb edirlər belə hərəkətləri, məsələn sabirabadda bazara getsəniz kasıbçılığın insanı nə hala saldığını görə bilərsiniz, satıcılar sizdən pul qoparmaq üçün hər şeyi edirlər. hamı bir birinə atış gəlir, polisi, həkimi, müəllimi. orda pisi yaxşıdan ayırmaq mümkün deyil.
ama elə yerlər var ki maddi vəziyyətləri yaxşı olmasına baxmayaraq insanlar yenə başqalarından daha çox mənfəət əldə etməyin arxasınca qaçırlar, bax orda yaxşını pisdən ayıra bilərsiniz. və bəhs etdiyim yaxşılığınız burada keçərlidir, düşünün ki yaxşı olmaq üçün əslində pis olanı etməməyiniz kifayətdir. yəni vəziyyət elə gətirib ki siz normal olması gərəkəni edərək yaxşı olmuş olursunuz, onda sizdən nə gedir? sadəcə pis olmayın.
şirkətlərə baş vurularda bir çox müdürlərə tək şey lazımdır; sizin nə qədər pis olduğunuz, müştəridən ən çox pul qazananı yəni beləcə ən pis adamı seçirlər. ən üzsüzü, aralarında ən çox bahalı maşın almaq istəyəni, pula ən çox düşkün olanı, pulgiri. çünki o işçi öz mənfəəti uğruna hamıya soxuş gələ bilər.
bu kimlərinsə həyat fəlsəfəsi ola bilər, mənim deyil.
dürüst olun. yaxşılıq etməyinizə ehtiyac qalmayacaq.
üzv ol
əlaqəli xəbər
bütün xəbərlər →
culture
Gecə yox olur icmalı – kinematoqrafın ictimai yaxşılıq qüvvəsi olaraq hipnotik həyatı
tech
AI şirkəti Anthropic ‘ictimai yaxşılıq’ fonduna səhmlərinin 5% -ni ayırmaqda
politics
Ali Məhkəmə videotape dövründən olan “Yaxşılıq göstərin, yenidən qeydiyyatdan keçirin” qanununu müəyyənləşdirir
sport
Fillies MLB pleyofflarına çətinliklə vəsiqə qazanır: 'yaxşılıq yavaş hərəkətdə'