avtoritarizm nədir

+4 əjdaha

1. hakimiyyətin "yuxarıdakıların" xalqın istəyini nəzərə almadan siyasi gücə sahib olması ehtiyacına inanan siyasi mövhum. avtoritarizm və avtoritet fərqlənirlər. avtoritet mövhumu avtoritarizmdən fərqli olaraq "aşağıdakıların" gücündən yaranan legitimliyə inanır. avtoritar rejimlər isə avtoritetin tələblərini fərdin azadlığının üstünə qoya bilirlər. avtoritarizm totalitarizmdən fərqli bir siyasi konspetdir. avtoritarizmdəki "yuxarıların" idarəetməsi daha çox monarxik absolyutist, ənənəvi diktaturalar və ya hərbi rejimlərlə yəni sadəcə siyasi məsələlərlə maraqlanan-müxaliflərin təqib olunması, avtoritar rejimə qarşı olan kütləvi informasiya vasitələrinin susdurulması kimi siyasi azadlıqların yatırılması ilə maraqlanan rejimlərlə əlaqədərdir. dövlət və vətəndaş cəmiyyətləri arasına kəskin məsafə qoymaq avtoritar rejimlərdə sıx hallarda rastlanır. avtoritar rejimlər bir çox hallarda iqtisadi,dini və bu tip azadlıqlara tolerant yanaşırlar və totalitar rejimlər kimi dövləti cəmiyyətin həyatına qarışmaq vasitəsi kimi istifadə etmirlər, sadəcə siyasətə total nəzarəti hədəfləyirlər. dövrümüzdə avtoritar rejimlərə nümunə olaraq lukaşenko belarusu və ya putin rusiyasını nümunə olaraq göstərə bilərik.