+9 əjdaha
1. amerikalı bir jurnalistin apardığı araşdırma nəticəsində 65 il əvvəl cia in fransada bir kəndi tamamilə zəhərləmə faktı ortaya çıxmışdır. araşdırmalara görə cia kəndlilərin yediyi çörəyə halusinasyaya yol açan lsd maddəsi qatmışdır. 16 avgust 1951-ci ildə ‘lənətli çörək’ (le pain maudit) olaraq tarixə keçən hadisə nəticəsində 5 nəfər ölmüş yüzlərlə insan halusinasiyalar görərək dəli olmuşdur.jurnalist (h.p. albarell), cia in ‘zehnin idarə edilməsi’ çərçivəsində apardığı eksperiment zamanı kəndlilərin çörəyinə lsd adlı sintetik narkotik maddə qatmış və nələr olacağını görmək istəmişdi.
fransanın pont-saint-esprit ərazisində meydana gəlmiş hadisə zamanı kəndilərdən biri ilanların onu yediyini söyləmiş, digər biri isə həkimə gedərək ürəyinin yerindən çıxdığını bildirib ürəyini geri taxmasını xahiş etmişdi. bir kəndli isə mən təyyarəyəm deyərək özünü 2-ci mərtəbədən atmışdı. hadisə zamanı 5 nəfər ölmüş, 300 dən çox insan yaralanmış, 50-dən çox insan isə aylarla ruhi xəstəxanalarda yatmışdı. o zamanlar həkimlər bunun çörəyin içinə qarışmış bir yabani göbələkdən qaynaqlandığını açıqlamışdı.
jurnalist bu haqda 1975-ci ildə ağ ev tərəfindən açıqlanan ‘cia nin sui-istifadə halları’ adlı sənəddə məlumat olduğunu bildirmişdi.