yükə sitayiş nədir

+3 əjdaha

1. ondoqquzuncu əsrdə qeydə alınıb və ikinci dünya müharibəsindən sonra xüsusilə genişlənmişdir. sitayişin yaranmasına melaneziyalıların istehsal və ticarətdən tamamilə xəbərsiz olmaları, qərb cəmiyyətindən, iqtisadiyyatı və dinindən məlumatsızlıqları səbəb oldu. ikinci dünya müharibəsində müstəmləkələrdə əsgərlərin yerləşdirilməsi və bununla əlaqədar olaraq adada yeniliklərin - geyim, konserv, çadır, silah və digər şeylərin peyda olması adalıların həyatında dəyişikliklərə səbəb olmuşdu. onlar əsgərlərin radio ilə ərzaq və ya, sadəcə, dərmanlar sifariş verdiyini, daha sonra isə sifarişlərin gəmilər, təyyarələr və ya paraşütçülərlə gəldiyini gördükdə istehsalatdan tamamilə xəbərsiz olan bu insanlar gəlmələrin öz əcdadları ilə əlaqəyə girdiyini və əcdadlarının onlara bütün bu var-dövləti bəxş etdiyini düşündülər. onlar ağların radio-operatorlar vasitəsilə gəmilərin və təyyarələrin gəlişindən xəbər tutduğunu görüb özləri üçün taxtadan süni qulaqcıqlar hazırlayıb ağaclarda dispetçer qüllələri quraşdırdılar. onlar təyyarələri adaya cəlb etmək üçün ağaclardan təyyarələr hazırladılar, lakin yüklü təyyarə və gəmilərin gəlmədiyini görüb insanlar digər dini görüşlərini tərk edərək yalnız aerodromlara və hazırladıqları süni əşyalara sitayiş etməyə başladılar.