ketilept nədir

+19 əjdaha

2. (baxma: könlümün sevgili məhbubu mənim)
normal yuxu yatmaq üçün nemətdir. arada 3 gün nənəmgildə qaldım, dərmanı evdə unutmuşdum deyə içə bilmədim. yuxuya gedənə qədər azı 1 saat yerin içində fırlandım, gecə də neçə dəfə oyanmışdım. ikidə-üçdə yatıb səhər 6-dan oyanırdım. gün boyu yuxum gəlirdi amma axşam da yata bilmirdim.
ketilepti saat 12-ə qalmış atıram, artıq 12-ə yuxum gəlib yatıram. Səhər də 8-də oyanıram. əsas məsələ yuxunun keyfiyyətidir, yatmamışdan əvvəl 2 saat yerində qurcalanmaq yoxdur, üstəgəl tez yuxuya gedirsən deyə gələcək qayğısı üzmür adamı. ona görə depressiya müalicəsində istifadə olunur.
bir əmması var ki, içdikdən sonra gec yatsan ya ümumiyyətlə gec içsən səhər oyanmaq olmur. mən hər gün 12-ə qalmış içirəm, axşam dostum mənimlə dərdləşirdi deyə 1-də içdim. yuxudan 1 saat olar ancaq ayılmışam.

bu dərmanı içəcəklərə tövsiyyəm odur ki, çalışın rejimlə için, hər gün eyni saatda. belədə oyanmaq daha asan olur və dərman daha effektiv təsir bağışlayır. və həkim yazan dozadan kənara çıxmayın, norma yarım tabletdir.

"nə zordu ala mən də alım içim" deyənlərə də təəssüflə bildirirəm ki, reseptsiz satılmır.

+19 əjdaha

1. müxtəlif psixoloji xəstəliklərin müalicəsində əsasən yuxu rejimini qaydaya salmaq üçün istifadə edilən antipsixotik dərman. əsas təsiredici maddəsi ketiapindir. hallusinasiyalar, major depressiv ataklara qarşı çox yaxşı təsir göstərir.
psixiatrın yazdığı resept üzrə hər gecə yarım tablet atıram. 15 dəq keçməmiş artıq əsnəməyə başlayır adam, yarım saata da yuxu tutur. yuxuya gedərkən sanki əriyib yatağa qarışdığını hiss edirsən. necə ki, içkinin təsiri özünü göstərməyə başlayır, elə.
ilk atdığım gecə ölü kimi az qala 11 saat yatmışdım. amma zamanla adam öyrəşir, səhərlər oyanmaq daha asan olur.
gecə kofe içib sonra dərmanı atmayın, gic olacaqsız. adam gecə oyanır, amma yuxuluyla oyaq arasında bir şey olur. eləməyin elə.
bir də qətiyyən alkollu halda atmayın. Qətiyyən! mən içkili halda atdığım yarım tabletlə səhər altıda boğulma, ürək bulantısı, bütün bədəndə ağrıyla oyandım. Bir də o qələti eləmərəm.
Yan təsiri ağızda quruluq yaratmasıdır. Bir də dərmanı atıb biraz oyaq qalsaz trippy kimi şey olur. yüngülvari baş hərlənməsi və ürək döyüntülərinin artması baş verir.