Bunu açıq-aşkar görə bilməyənlər üçün izah edim:
insana vurulan mənəvi zərbə ona olan fiziki şiddətdən qat-qat daha böyük miqyasda təsir yaradır. mən bunu hələ il yarım əvvəl yazmışdım ki, insanı təkcə söyüşlə təhqir etmirlər. Şiddət sadəcə birinin üzündən yumruq vurmaqla olmur. Şiddətin və bir insana sarsıdıcı şəkildə zərər vurmağın digər növləri də var. Açın sözlükdə "sözaltı günlük" başlığından tutmuş, "ana", "ata", ümumən ailə, sosial əlaqələrlə bağlı olan bütün başlıqlara baxın: orada olan 90% şəxs nə fiziki zorakılıqdan, nə də təhqirdən danışmır. Oradakı əsas məsələ hətta bizimçün çox adi gələ biləcək şeylərin belə necə mənəvi sarsıntılar yarada biləcəyi, illər boyu bunun izinin necə qaldığı və həyatdakı digər neçə-neçə şeylərə təsiridir. Daha bir real nümunəsi isə hazırda gözümüzün önündə baş verir.
Linkini qeyd etdiyim başlıqda bir yazar anasının atasına xəyanət etdiyini öyrəndiyini deyir. Atasının bunu öyrənəcəyi halda anasını öldürə biləcəyindən danışır. Çətin halda kömək istəyir. ölümdən söhbət gedir, adam açıq-aydın deyir ki, sabah bir də gördün atam vurdu anamı öldürdü. Lap o olmasa belə, aradakı münasibət və bağın hansı səviyyədə olmasından asılı olmayaraq Bir övladçün anasının xəyanətini öyrənmədən daha böyük çox az travmatik hadisə ola bilər. Bu mövzunun axırı ananın ölümündən, öldürülməsindən övladın intiharına qədər gedə bilər. Ki, məsləhət istəyən yazar da bundan xəbərdardır və bilir. Bunlar olmasa belə, Bu insan bunu ömrünün sonuna qədər unutmayacaq. ilk andan etibarən də deyir ki, günahkarlıq hissi duyur. Ən yaxşı psixoloq belə bu günahkarlıq hissini yatıra bilməyəcək, bundan xəbəri olan neçə nəfər var? Ona sadəcə bununla necə yaşamalı olduğunu başa sala bilər, o da hələ nisyə söhbətdir, pasiyentin yeni fikirlərə açıq olması və qavraması ilə əlaqəlidir. Bu yazarın durumu ilə lağlağı etmək nə dərəcədə doğrudur? Ona necə təsir edəcəyini təsəvvür edən var? Baxın bu, insanı alçaltmaqdan daha betər hərəkətdir. Çünki bu, onun durumunu ciddiyə almamaq, görməzdən gəlmək, türklər demiş, "ihmal" etməkdir. Onda ömürlük bir iz qalacaq. Adam son çarə kimi gəlib hesab açıb buradan kömək istəyir, bu yazar isə gülür, məzələnir. Emosional durumda olduğunu dili ilə deyir. Elə bu gecə durub intihar eləsə, bilirsinizmi ki, bunda bizim də payımız olacaq? Və ya bilirsiniz ki, Gələn dəfə həyatının vacib bir anında kömək istəsə, nə qədər normal qarşılanacağını bildiyi halda hər zaman bunu xatırlayacaq? Bu gün 50 yaşında birisi 10 yaşı olanda sinifdə dostunun onu necə xor görməsini belə həmin ankı kimi hiss edir, bəs belə hadisə necə?
Bu işlər Mənəvi zərər çəkən insanların halına acımaqla, dözməyib intihar edənlərin ardınca poetik cümlələr qurmaqla olmur. hazırda biz göz görə-görə birinin "zəhərlənməsinə" şahid oluruq, amma eyni zamanda onu zəhərləyən ortalıqda heç nə olmamış kimi ortalıqda gəzir. bu insan qəsdən belə davranış sərgiləyir, elədiklərinin fərqindədir və yenə də edəcək. Bütün sözlüyə bəllidir ki, tez-tez intriqalar yaradaraq insanların əsəbləri ilə oynamağı sevir. Bir insanın həyat tragediyasını məsxərəyə qoymaq isə ona ediləcək ən murdar və iyrənc hərəkətlərdən biridir. Bu, fikir azadlığı deyil, insanlara qəsdən psixoloji zərər vurmaqdır və mənəvi yaralar insanda ən qalıcı, bütün həyat axarına, yaşam keyfiyyətinə önəmli ölçüdə təsir edə biləcək şeylərdir. Bu yazar psixoloji problemli, ciddi travmaları olan insandır. Onun bu hala düşməyini anlamaq çətin deyil, bir azca tanıyanlar ailədə necə şiddət gördüyünü çox yaxşı bilir. Lakin bunları bilməyimiz onun hərəkətlərinə tolerant yanaşacağımız, bəraət verəcəyimiz anlamına gəlməməlidir. Sözlükdəki Fikir azadlığı bu olmamalıdır. Sənin azadlığın başqalarının çərçivələrinə qədərdir. Başqalarına qarşı dağıdıcı hərəkət edən birinə göz yummaq, Ona qarşı tədbir görməmək onun əməllərinə şərik olmaqdır.
Biz bu insanın bütün hərəkətlərinə məhdudiyyət qoya bilmərik. Şübhəsiz ki, o gedib başqa yerlərdə də bu cür hərəkətlərə davam edəcək. Amma sözlük rəhbərliyi onun ən azından burada o hərəkətlərə yol verməsinin qarşısını ala bilər. Məhz elə bu saydığım və əsəbdən heç toparlayıb deyə bilmədiyim onlarla şey bu yazarın buradan uzaqlaşdırılması üçün lazımı qədər yetərli səbəblərdir. Kim nə cür qarşılayırsa, qarşılasın. Amma mən belələrinə daha bir əməlini həyata keçirəcək şəraiti yaradan və ya onun qarşısına keçmə imkanı olub da bunu etməyən platformada qalmaq istəmirəm. Vicdanıma bunu yedirə bilmərəm. Elə bu səbəbdən Cəzasını alana qədər qeyri-müəyyən müddətə sözlük fəaliyyətimi dayandırıram. Xudahafiz.
Update: entri aktuallığını itirib və yazarla olan hazırki münasibətimizi əks etdirmir.
14. Adının haqqını verərək bu gün aramızdan "pufff" deyərək ayrılmışdır. Sözlüyün gəlmiş-geçmiş ən yaxşı niklərindən biri olsa da lənətli nik idi. Gəldiyi gündən umbaylıqdan yazarlığa kimi saytın admini moderi partizanı yazarı umbayı daxil olmaqla "x-in, y-in" feyki kimi qələmə verildi
Hep şübheler, şərlər, linçləmələr, təhdidlər gəlib səni tapdı be pufpufum. Ömrü gödək olsa da, yaxşı günlər də yaşadıq, pis yaxşı insanlar tanıdıq. Bəzən öz adımın belə önünə keçib, puf deyə çağırılmama nədən oldun. Oysa ki adımla xitab etməsini istədiklərim var idi, artık yoklar. Allah kessin, Getcontact Dan puf sözlərini silməkdən birtəhər olmuşam, hər sabah kontrol edirəm bi terslik yok mu diye, fobiya yaranıb, lol.
Səndən geriyə qalan xatirələrdən biri də davamlı yazarlarımızdan günü bu gün də özümün belə cavabını bilmədiyim o məşhur sual –"nikinin mənası nədir" verilir -*
Bəzən "puf Sədərək yastığı" bəzən "eti puf" bəzən də yazarların harda puf sözünü görsə çəkib atdığı şəkillər üzümdə kəpənəklər açdırdı. Sevildin, nifrət edildin, qıcıq olundun və s. Mən də səni sevirəm, but yiyən çox tez sıxılan insandır, bəzən dəyişikliklərə ehtiyac duyur, sən allah küsmə ahhahd. Nur içində yat, lənətli şirin şeysi.
9. Söhbəti məsləhətxanadan postlara, postlardan entriyə, ordan yenə postlara gətirilən yazar. Onsuz deaktiv edib gedib sözlükdən, uzaqlaşdırılsa nə qazanacaqsız? Özlüyündə haqlı olduğunuz bir məsələni niyə bu qədər böyüdürsüz? Elədiyi hərəkət düz deyil idi, yazarın hərəkətinə haqq qazandırmıram, amma onun etdiyini başqası etsə idi, məsələnin bu qədər böyüyüb-böyüməyəcəyi də sual altındadı.
Linç etmək asandı, hələ birini çox adam linç edirsə, bu daha asandı, çünki belə olanda hamı sənin tərəfində olur. Burda kiminsə travması ilə məzələnən ilk adam pufpuf deyil. Elə bu yaxınlarda kimsə qardaşı haqqında onun üzündən nə qədər xərcə-borca girmişik deyə məsləhət başlığı açmışdı. Kimdisə yazan, o da yəqin orda-burda deyə bilmir, anonimliyin verdiyi rahatlıqda "bəlkə burda kiminsə başına belə bir hadisə gəlib, kömək edən çıxar" məntiqi ilə məsləhəti yazmışdı. Məsləhətə də bertrand bir də bir-iki yazar düzəməlli məsləhət vermişdi, qalanları məzələnmişdi. Məsələ ailə travması kimi həssas mövzular haqqında zarafat etməkdən gedirsə, bunu edən tək pufdu deyə davranmayın burda.
Bertrandın səmimiyyətinə inanıram, çünki o həmişə belədi, amma yazarın bu qədər linçlənməsini və məsələnin də bu qədər böyüdülməsini haqqlı görmürəm. 70% məsələ qərəz üstündədi.
11. məncə bir qədər əsas məğzindən "sözlüyün müəyyən "kulta" bağlı qalıb onu müdafiə edən yazarları" tərəfindən yönü dəyişdirilərək yazarın qovulması levelinə çatdırılmış məsələnin məsuliyyətini daşıyan yazardır.
ilk öncə aydınlaşdıraq ki, burda yazarın qovulması ilə bağlı kimlər ən çox önə çıxır? (bax: bertrand zobrist)
bertrandın #365253 nömrəli entrisində buna səbəb ola biləcəyini düşündüyü arqumentləri açıq şəkildə yazdığını görürük. ki, adam da səhv yazmır, amma
sözlük qaydalarına əsasən də bu tipdə hərəkətlərin verilə biləcək cəzası "yazarın xəbərdarlıq edilərək müəyyən olunmuş müddətdə yazarlığına xitam verilərək umbay edilməsi"dir. yəni, bertrand hər şeyi çox düzgün yazmısan, həmçinin mən də səninlə həmfikirəm. amma və lakin, qaydalara əsasən yazar umbaylana və bu hal təkrar edilərsə, daha uzun müddətə umbaylana bilər. belə yazılıb yəni. ki, bu hallar 3-cü dəfə təkrarlanarsa, xəbərdarlıq verilmədən uzaqlaşdırılmasına qərar verilir. mənim bildiyim qədərilə, pufpuf indiyə qədər heç vaxt umbay-xəbərdarlıq edilməyib.
bu məsləhətxana floodundan sonra yazarın üstdə dediyim kimi, umbay olunması məqsədəuyğun idi, lakin moderatorluq heç nə etmədi. bundan əlavə təbii ki, onunla birgə digər yazar da var idi, ona da bir tədbir görülmədi. altı-üstü bir dəfə 5 günlük mü(nə?) umbay edildi, o da 1-dən çox hesab açdığı üçün. ki, məsələ də o deyil.
bu nüansları göz önünə qoysaq, yazarın sözlükdən qovulmasından söhbət gedə bilməz. sözlüyə girəndə bütün qaydaları oxumadığınızı fərz edərək, postlara bu gün bir yazar bütün qaydaları atmışdı, amma görünən odur ki, heç özü də tam oxumayıb. onu da qınamaq olmur, belə də nə edəsən? götürüb qeydiyyatdan sonra qaydalarla bağlı test formu açasan? lol, güldürməyin adamı. qaydalardan sitat gətirəcəksinizsə, yuxarıda yazdıqlarımı yaxşı oxuyub, sonra qaydalara bir daha göz gəzdirin.
gələk, bu hadisəni "yazarın qovulması həddi"nə çatdırmağa çalışan yazarlara. mənim gördüyüm qədərilə (daha doğrusu yaşamışlığım da olub 2 dəfə) özləri bir neçə dəfə umbay edilib-qovulduqları və bunu haqsız yerə saydıqları üçün, pufpuf nickli yazara da eynisini istəyirlər. burda demək istəyirəm ki, mən də varam. iki dəfə umbay edilmiş olsam da, bunun birinin haqsız yerə olduğu doğrudur. lakin sırf mənə(sənə) edilib deyə və sözlükdə (bilinən) qız yazarlara olan ayrı-seçkiliyi bəhanə edərək bu yazarı da qovdurmağa çalışmaq özü elə bu ədalətsizliyə haqq qazandırmaqdır. yazar onsuz da umbay edilib hal-hazırda. profilini deaktiv etdiyi üçün görünmür, lakin mən gördüm.
bir digər məsələ də, son vaxtlar üst-üstə verilən partizan vəzifələri də bu qəbildən yazarların diş qıcamasına daha çox şərait yaratmışdır. ki, bunlar pufpufun layiq olmadığını düşünən yazarlara şamil edilir. məsələ daha zor, daha bomba entrilər yazmaq deyil. əlaqələrinin olmasıdır. nə dəyişir? əslində heç bir şey, amma belədir də nağarasan.
pufpufun etdikləri doğru deyildi və buna görə də umbay edilib onsuz da. özü də deaktiv edib gedib, amma hələ də arxasınca hamı atıb-tutulur.
mənim özüm də onun haqqında (dünən silmiş olduğum) bir uzun tənqidi entri yazmış olsam da,(sildiyim üçün referans verə bilmirəm) bu ona hər-hansı haqsızlıq edilməsinə göz yumacağım anlamına gəlmir. həmçinin digər yazarlara da.
heç kimlə mübarizə apara bilmərik, amma ən azından nəsə yaza bilərik, çünki bu saytda hər kəs yazaraq var olur, elə deyil mi?
1. postlardan anladığım qədərilə, uzun müddətdir fake olmaqla ittiham olunan sözlük yazarı. sizi məyus edərək bildirim ki, fake olmayan yazardır. boşdur teoriyalarınız.
fake sayılmasına "səbəb" nə imiş? umbay takılır, fav seçir, amma entry yazmır. vay amk. düşünmədiz ki, bəlkə vaxtı yoxdur yazmağa? sadəcə oxucu yox, umbay kimi hərlənmək istəyir.
gərəksiz söyləntilər səbəbilə yazarın qəlbini sındırmaq ehtimalını da gözə alın bir.
xülasə: kiminsə fake hesabı olmayan 10-cu nəsil yazar. ədəbiyyata dair entryləri gözəldir, klaviaturana qüvvət.
10. Dözmədiyimiz hər fikiri ətrafımızdan uzaqlaşdıraq? Tutaq ki,uzaqlaşdırdıq onlar yoxmu olacaq? Boş şeydir. Yazarın etdiyi kiməsə görə xoş olmaya bilər,amma buna görə onun kəlləsini gilyotinə aparmaq nə dərəcədə doğrudur? Yaxud məsləhətxanadakı yazı nə dərəcədə doğrudur? Bir insanın etdiyi şeylər qanunlara zidd deyilsə,məncə bu o şəxsin şəxsi işidir. istəyər gülər,istəyər qoz qoymaz,istəyər çox təsirlənər. Sırf buna görə,onun sözlükdən uzaqlaşdırılması məncə doğru yanaşma deyil.
13. Elə bir tanıdığım var ki, onun adı Pufpuf. Xoşbəxtlikdən, onun adı onun həyatındakı enerji və pozitivliyi əks etdirir - o, sanki sübhənli gündoğumu, növbəti macəra üçün ruhunuza isti bir enerji şövələyən bir köpək.
Pufpuf, orijinal adını "Puf" sayəsində qazanmışdır, çünki bir çox insanı güldürmək üçün "puf" düyməsinə toxunur. O, həyatda daim əyləncəli bir tərəf axtarır, çünki onunla bir otağda olarkən, sizin gülüşünüzü çox tezliklə eşitmək üçün vaxt gözləyin.
O, öz pozitivliyini və istedadını başqaları ilə bölüşməkdən çox həzz alır. Buna görə o, hər bir söhbəti sizi daha da mürəkkəb fikirlərə və düşüncələrə çəkən bir bulmacaya çevirir. Bu, onun "ağıllı" tərəfidir - Pufpuf hər zaman sizi öyrədə biləcək bir şeylə gəlir. Həyatı, sanki o bir jazz improvizasiyasıdır - həmişə yeni, həmişə maraqlı və həmişə sizi təəccübləndirən bir şeydir.
Pufpuf, başqalarının hisslərini anlamaqda mükəmməldir, onu görüşə gələn insanlar həmişə özünü evdə hiss edirlər. O, həyatın yorğunluqlarından qurtulmaq üçün istirahət otağıdır, sizinlə gülmək, yuxarıya qalxmaq və növbəti macəraya hazırlaşmaq üçün.
Bu sevimli pozitiv enerji topu Pufpuf, həyatın rəngarəngliyini sevən və hər kəsin üzünə təbəssüm salan biridir. O, hər birimizdə olan möhtəşəmlərin kilidini açmaq üçün gülə-gülə gedir. Bəli, Pufpuf dünyamızı daha gözəl, daha ehtiraslı və əlbəttə ki, daha eğlenceli bir yerə çevirir. Bir gün Pufpuf ilə tanış olacağınıza əmin ola bilərsiniz, çünki onun kimi bir nəfəs almaq, həyatın bütün nüanslarını dərk etməyi öyrənir.
göz ata bilərsiniz. 
)