Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
×
Yazı Saatları
Tip: gündüz yazarı
Pik saat: 16:00
Gecə (00-06):6 post
Səhər (06-12):14 post
Gündüz (12-18):35 post
Axşam (18-00):19 post
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
×
Səviyyə Sistemi
Səviyyə 1: Yeni
XP: 0 (karma əsasında)
Növbəti səviyyəyə: 100 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
×
Yazı Statistikası
Təxmini söz sayı: 7,196
Toplam simvol: 43,174
Orta entry uzunluğu: 583 simvol
Kitab ekvivalenti: ~0.1 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
15 iyul 2020 etibarilə məzmunu bilinməyən qələbə elan edən, səfərbərlik xidməti "ehtiyac yoxdur" deyəndən sonra, küçələrə çıxıb hərəkət tələb edən minlərlə vətəndaş da daxil xalqı "150 nəfər səfərbərlik xidmətində qeydiyyatdan keçib" deməklə aşağılayan, bunula da ermənilərin millətlə "300 spartalı yox, 150 abşeronlu" deyib taşak keçməsinə səbəb olan, yürüşlərin ona dəstək üçün keçirilməsini iddia edən, generalının dəfnində iştirak etməyən ali baş komandan. və paşinyan ölmüş mayorlarının dəfninə qatılıb - link - desən, yenə bu hərəkətlərinə haqq qazandırmağa çalışanların tapılacağı şəxs.
zibil atmağa çıxan birini polisin bölməyə aparmasına qarşı yasamalda bir bina sakinlərinin kreativ etirazı. bir neçə gün öncə metroda kimisə tutmağa çalışan iki polisi sərnişinlərin vaqondan çıxarmasını xatırladan hadisə.
Polis əməkdaşları xüsusi karantin rejimi qaydalarını pozan gənc oğlanı maşına oturtmaq istəyir. Paytaxt sakini polisə müqavimət göstərsə də, sonda bir neçə polis onu avtomobilə sala bilir.
Sakinlər iddia edir ki, vətəndaş zibil atmağa çıxarkən polislər onu saxlayıblar. Yaşayış binasının sakinləri isə etiraz əlaməti olaraq, əllərinə keçən tullantıları polis əməkdaşlarına və polis maşınına atıblar.
məsələnin böyük şəklinə baxanda hadisənin kontekstini belə görmək olur: axc irəvanı ermənilərə o şərtlə güzəştə getmişdi ki, ermənilər qarabağa iddia etməyəcəklər. buna baxmayaraq dağlıq qarabağ erməniləri axc hakimiyyətinə davamlı qarşı çıxır və vaxtaşırı çaxnaşmalar olurdu. ona görə də, belə bir hadisənin baş verməsi həm də axc-nin irəvanı vermə şərtini realizə etməsi ilə bağlı idi. sadəcə torpaq iddiasının nələrə yol açmasını göstərir. bu hələ 100 ildən çox davam edən qarşıdurmanın kiçik pikselidir.
axır sırf erməni tərəfdən də sülh çağırışı gördüm (deyəsən solçulardır, əvvəlkilər çoxmillətli bəyanatlar idi). bir müddət erməni solçularına etiraz da vardı ki, ermənistan necə demokratiyadır ki, azərbaycanda solçular səslənir, amma ermənistandan səs çıxmır. müqayisə və tarix üçün bəyanatları burada qoyaq qalsın.
o vaxtkı ermənistan prezidenti levon ter-petrosyanın "müharibə, yoxsa sülh? ciddi olmaq vaxtıdır" adlı 1997-ci ildə yayımlanmış yazısı (iki yazı olub səhv etmirəmsə). münaqişəni necəsə həll etməli olduqlarını yazırdı. heç olmasa əvvəlcə mərhələli qaytarmanı təklif edirdi. amma ermənistan siyasi "elita"sı dq-ya status verilmədən heç 7 rayonu da qaytarmağa yaxşı baxmırdı. həmin proseslərin davamında hətta ermənistan parlamentində yuxarı vəzifəli bir neçə şəxs güllələndi (bəlkə rusiyanın da əli var idi bu sui-qəsddə? bilmirik). ter-petrosyanın məqaləsi, azərbaycan dilinə tərcümə olunmuş: https://epiloq.az/biz-muharib%C9%99ni-deyil-doyusu-udmusuq-erm%C9%99nistan-prezidentinin-m%C9%99qal%C9%99si/
rus dilində: http://newsarmru.com/publ/stati/levon_ter_petrosjan_vojna_ili_mir_vremja_prizadumatsja/2-1-0-2
erməni solçularının yayımladığı "ortaq məxrəc: müharibə əleyhinə bəyanat", digərlərinə nisbətdə daha detallıdır. ermənilərin demək olar ki, həmişə gözardı etdiyi məsələni - qarabağdan azərbaycanlı köçkünlərin olmasını və onların da qarabağda yaşamalı olduğunu qeyd edirlər: />
problemi başlatdıqlarına görə ermənistan tərəfindən daha çox sülh çağırışının (öz xalqlarına müraciətlə gəlməli olduğunu düşünürəm. belə bəlkə yuxudan oyanarlar, paralel dünyalarından bizim reallığa da bir baxalar. nə qədər ki, xalqlarını müharibəyə səsləyəcəklər, o qədər itki olacaq. nasizmi, isteriyanı kənara qoyub bir az əziyyət çəkib düşünələr bəlkə ki, niyə bu başlarına gəlir, niyə bu qədər adam ölməlidir, dq-dakı ermənilərin sayı indi 100 mini keçmədiyi halda niyə 1 milyon azərbaycanlı köçkün kimi yaşamalıdır, niyə hamı ilə rahat yaşaya biləcəkləri halda qapalı sərhədlərlə düşmən kimi yaşamalıdırlar. belə axmaq faşistliklərinə görə nə qədər biz də itki verməli oluruq ki, həll edək məsələni. hamısına məcbur çəkdiyimiz əziyyətləri göstərəsən müharibədən sonra. nələri itirmişik onlara görə.
mənə görə konkret azadlıqdan məhrumetmə idi. insan kimi heç kəsin dəyərinin olmadığı, insana sürünün içində bir alət kimi baxılan yer. o qədər alçaldıldıqdan sonra sonrakı aylarda sərbəstlik olur bir az, amma istənilən halda heç kim o travmanı almamalıdır. guya bəzilərini ağıllandırmaq üçün mütləq lazımdır zad deyənlər var, amma buna görə də orta təhsilə nə qədər pullar gedir, insan alçaltmaqla problem həll edilməməlidir.
nə qədər xarici siyasət sistemində diplomatik işçi, səfir, konsul ola-ola bu sahədə təcrübəsi olmadan xarici işlər naziri təyin olunmuş şəxs. what could possibly go wrong...
7 iyun 2020 yasamal sakinlərinin zibil atmaqla polisə etirazından sonra vətəndaşın vergisiylə yaşayan polisin vətəndaşı təhqir etmək üçün istifadə etdiyi söz. vətəndaşın nə etməsindən asılı olmayaraq polis və ya başqa bir dövlət məmuru vətəndaşa qanunun imkan verdiyi həddə davranmalıdır. bəşəriyyətin minillərdən sonra gəldiyi əsas prinsip o olub ki, cəmiyyət konstitusiya ilə dövlət quracaq və dövlət də o konstitusiya icazə verən həddə qanunlar qəbul etməklə konstitusiya və qanunlara uyğun fəaliyyət göstərəcəkdir. əks halda isə həmin dövlət xalqın təsis etdiyi qurum olmaqdan çıxıb tiranlıq edən bir təşkilata çevrilir. azərbaycan konstitusiyasının birbaşa xalq tərəfindən tərtib edilməməsi yazdığım cəmiyyət-dövlət işləmə prinsipini inkar etmir.
növbəti möhtəşəm qərarla aylıq xaricdən fərdi mal gətirmə məhdudiyyəti 1500 dollardan 800 dollara, poçt/daşıma xidmətləri ilə gətirmə məhdudiyyəti 1000 dollardan 300 dollara endirilib. bu məbləğləri keçəndə gömrük rüsumları ödəyirsən. möhtac qalırsan ölkə daxilinə, amma ölkə daxilində də ya qiymət sərf eləmir, ya da istədiyin məhsul ümumiyyətlə yoxdur. başqa bir qanuni quldurluq nümunəsi. link
hadisələrin ardınca kollektiv təhlükəsizlik mt`nin iclası çağırılıb bu gün üçün. azərbaycanda da təhlükəsizlik şurasının iclası keçirlir. qıraqdan baxanda sadəcə oyuna oxşayır. hətta hər iki dövlətin rəsmilərinin qurduğu cümlələrdə belə eyniliklər var. başa düşülən odur ki, rusiya bölgədə hərbi gücünü artırmaq üçün bəhanə axtarır. ktmt üzvünün birbaşa sərhədinə təhlükə olduğu halda kağız üzərində hüququ var rusiyanın ki, canlı müdaxilə eləsin əraziyə.
müharibəyə yalnız onda dəyər ki, öz seçdiyimiz hakimiyyətimiz olsun. yoxsa ordu rəhbərliyində hamıya məlum rus adamları iştirak etdikcə məsələnin birbaşa həllinə inanmaq sadəlöhvlükdür. rusiyaya isə həmişə işə yarayır ki, həll olunmamış münaqişə ocaqları saxlasın. sadə.
yürüş sonlarına yaxın milli məclisə girilməsinə deyinənlər çoxdur, yaxşi başlayıb pis qurtardı filan. bu hələ yaxşı sonluqdur və konkret adresatı (burada prezident) olan kütləvi yürüşə yuxarıdan reaksiya olmadığı üçün daha pis bitə bilərdi. üç bənddə izah edim.
1. normal dövlət idarəçisi söhbəti tutardı. başa düşərdi ki, əksəriyyət qisas və hesabat istəyir. istəyir görsün ki, mənimlə eyni şeyi düşünür idarəçilər? bu qədər adam konret təşkilatçı olmadan yığılıbsa sonda sual edəcəklər ki, bu qədər yolu nəyə gəldik? nə edirik? nə edək ki bir mənası olsun bu etdiyimizin? cavab sadədir. camaatı sakitləşdirmək üçün sadəcə prezident, ya müdafiə naziri çıxıb açıqlama versəydi, olanlara görə cavab planları haqda məlumat versəydi camaat dağılışacaqdı sakitcə.
2. fəqət təbii olaraq, saxta əsasları olan sistemə belə məsələdə xalqın istəyi ilə oturub durmaq qarın ağrısı kimi gəlir. reaksiya olmadı. bir hərbi rütbəli nəsə danışmaq üçün gəldi - onun da heç səsini eşitdirmək üçün əməlli ləvazimatı yox idi.
3. qoz qoyulmadığını görən camaatın da səbri daşır, əsəblər gərilir. həmin anda elə təxribatçı olmayanın belə ağlından min şey keçə bilər. polisin əvvəl döydüyü birinin ağlından bir şey keçər, təyin olunmuş deputatından bezən birinin ağlından bir şey keçər, birinin də ağlından təsirsiz qalmış ali qanunverici orqanın binasına girib dağıtmaq istəyən də tapılar. birinin etdiyinin təkrarlayan da mütləq tapılacaq, beləcə fərdi addım kütləviləşir. elə "düz eləmədilər" deyilir ki, elə bil onillərdir aşağılanan, sərvəti sovrulan bu xalq deyil. istənilən halda təxribat olduğunu istisna etmirəm. nə yuxarılar üçün sərfəlidir, nə aşağılar.
yəni qısaca - hələ yaxşı bitdi, özəl obyektlərə zərər vurulmadı. idarəçilərin isə dərs çıxaracağına inanmıram. indi bunu edən camaat başqa vaxt daha cəsarətli davranacaq.
hazırkı prezident lukaşenkonun 18 iyun 2020-ci il etibarilə artıq 3 ən populyar namizədi həbs etdirdiyi belarus prezident seçkiləri. həbs olunmuşlar: viktor babariko (belqazprombankın rəhbəri, ardıyca bankdakı başqa müdürlər, əlaqəli-əlaqəsiz dost-tanışları da həbs olunub), valeri tsepkalo (keçmiş diplomat, belarus yüksək texnologiyalar parkının yardıcısı), serqey tixanovski (bloqqer, özü həbs olunandan sonra həyat yoldaşı siyasətçi olmasa da namizədliyini verib, camaat da etiraz kimi kütləvi ona imza verməyə gedib)
mənbə: belaruslu bir hüquqşünasın yazdıqları - link
2020-ci ilin büdcəsi son 5 ilin ən çox kəsirli büdcəsi olur - 3.3 milyard manat. neft fondundan köçürmə də son beş ilin rekordudur - 12.2 milyard. keçən ilin büdcəsi 2 milyard manat kəsirlə proqnazlaşdırılmışdı, neft fondundan köçürmə də 11.3 milyard idi. sonda xərcləri azaltmaqla kəsirin məbləğini də azaldırlar. bu il bu 3 milyardı necə əridəcəkləri maraqlıdır. istənilən halda bu rəqəmləri dövlətin cəmiyyətə buraxdığı pulun azalması kimi başa düşürəm. yəni sağlam biznes mühitini təmin etməməklə həm pul qazanmağı çətinləşdirir, həm də özü pul buraxıb bu boşluğu kompensasiya edə bilmir. bu da tədricən yoxsulluğu artırır, əhali kasıblaşır. bir tərəfdən də neft fondu əriyir. bundan nəsə gələcək üçün yaxşı bir öngörü çıxara bilmirəm. sıfırdan başlmaq lazım olacaq.
o dövrdə dövlət idarəçiliyində olmuş səriştəsizlərin hələ də idarəçilikdə olmasını xatırladan hadisə. indi də qarışıqlıq olsa, aşağı-yuxarı eynilə təkrarlana biləcək ssenaridir (kortəbiilik, dərəbəylik, böhran gedişatı və insanların təfəkkürü mənasında). son 30 ildə siyasi savadlılıq və mədəniyyət inanmıram ki, böyük ölçüdə dəyişib. düzgün seçkilər filan keçirilsəydi siyasi mədəniyyət də irəliyə doğru gedərdi. amma hələ də əksəriyyətdə dövlət hakimiyyətini ələ keçirmək hərisliyi, talamaq istəyi qalır. bəlkə də gərək eyni şeyləri yenə yaşayaq ki, nəticələri ağır da olsa, düzgün dövlət institutları ortaya çıxsın.
16 iyun 1963-cü ildə - 57 il əvvəl bu gün - kosmosa çıxmış ilk qadın. indi 83 yaşında olan və rusiya dövlət dumasının deputatı olan tereşkova putinin hakimiyyət müddətinin uzadılmasına imkan verən konstitusiya dəyişikliyini təklif etmək üçün bu ilin mart ayında "peşka" kimi istifadə də olunub. link
amea yanında dilçilik institutundan sonra indi azərbaycan dövlət tərcümə mərkəzi tərəfindən son versiyası tərtib olunmuş lüğət. mərkəzin rəhbəri əvvəlki nəşrləri tənqid edərək ön sözdə yazıb ki, əvvəlki versiyalarda əcaib sözlər yazılmaqla lüğət böyük/zəngin göstərilib:
Belə ki, əvvəlki lüğətlərdə yer almış minlərlə arxaikləşmiş, qeyri-işlək ərəb, fars sözlərinin bu nəşrlərdə də olduğu kimi saxlanıldığı, minlərlə sözün orfoqrafiya lüğəti formatına zidd olan ikili, bəzən üç variantda, yaxud tamamilə səhv yazılışda verildiyi, regional dialektlərə, loru ifadələrə gen-bol yer ayrıldığı, söz ehtiyatımızın mindən çox heç bir anlam kəsb etməyən çar-çar, car-cur, cur-cur, dız-dız, dın-dın, danq-danq, danq-dunq, vıj-vıj, vıj-qıj, zaranq-zaranq kimi səs təqlidi və onlara dair lüzumsuz törəmələrlə, eləcə də bir neçə sözdən düzəldilərək əcaib mənalar qazanmış ağızdandolma, cırtacırtetmə, cız-vızetmə, cövlanaçıxma, çəpikolma, dibdəndüşmə, dəyməağlarlıq, dır-dıretmə, ditetmə, dız-dızoynama, qalaq-qalaqoynama, əvəzedilməzsayılma, əzvayolma, fır-fırolma, gəzmələrdənolma, qəzetbasdırma, tartan-partanyazma, təyyarəçi-kişi, vəzifəgöstərmə, yumurtayadüşmə və s. bu kimi minlərlə söz quramalarıyla “zənginləşdirildiyi” araşdırma işlərinin ilkin mərhələlərindən müəyyən edildi.
harvard universiteti tibb məktəbinin son araşdırmasında artıq 2019-cu il avqust ayından etibarən yayılmağa başlandığı təxmin edilən virus. peyk şəkilləri ilə avqustdan wuhan xəstəxanaları ətrafında dayanmış maşınların artması və sakinlərin "öskürək" və "ishal" sözləri üzrə axtarışında yüksək artım müşahidə edilməklə bu nəticəyə gəlinib.
--sitat--
baxmayaraq ki, bu artımların birbaşa yeni virus səbəbindən olduğunu təsdiq edə bilmərik, sübutlarımız virusun huanan dəniz məhsulları bazarında təyin olunmasından əvvəl meydana çıxmasını göstərən digər son araşdırmaları dəstəkləyir.
--sitat-- link
əvvəllər tərəfdarı olduğum yanaşma. lakin sonradan belə hesab etməyə başladım ki, əgər mən yaxınlarımın, həmvətənlərimin sonradan daha rahat yaşamsına səbəb olacamsa, niyə də yox. dünyadakı 8 milyard fərddən sadəcə biriyəm sonda. buna görə də vətən üçün döyüşməkdə, fədəkarlıq etməkdə, ya da ölməkdə problem görmürəm. mənə görə olduğun yer üçün savaşmaq axmaqlıq yox, rasionallıqdır.
təbii ki, indiki xain hakimiyyətin belə çağırışı legitim deyil. onların oyunlarına alət olmaq istəmərəm. həm də onları rədd eləməyə qadir olmayacaq qədər acizəm. o qədər ağılsızdırlar ki, neft gəlirləri azaldıqca onları saxlayan pul gücündən də məhrum olacaqlar. artıq başlayıb bu proses əslində. bir neçə il vaxt alacaq amma. gözləyirik.
övladını bir yaşa gələndən sonra evləndirmə istəyi ilə sanki əvvəlcədən proqramlanmış valideynlərin növbəti qurbanı. belə təzyiq yəqin hamının üzərinə qoyulur bu ölkədə (nəinki bizim ölkədə). yola verməyə çalışın, onlar da npc kimi təkrar-təkrar eyni şeyi istəyəcəklər. evlənib uşaq əkməsəniz dünya dağılan deyil.
hər şey spontan baş verib. sərhəddə onsuz da delimitasiya olunmamış hissələr çoxdur. bunlardan biri də söhbətin başladığı qaradaş (bizim mətbuatda qaraqaya kimi də gedir - red.) yüksəkliyidir. bizimkilər bu boş yüksəkliyə yerləşmək istəyib, amma ermənilər qarşılıq verib, hətta yüksəkliyi ələ keçirib - bunu elan etməyiblər, sadəcə öz mənbələrindən belə bir məlumat var. ermənilər də berddən bu tərəfə jurnalist buraxmırlar.
olanlara müharibə demək ciddi olmazdı. bakı-moskva-yerevan üçbucağında da davamlı kommunikasiya mövcuddur və arxa fonda məxfi danışıqlar getməkdədir. qaradaş verilsə, biz tərəfdən atəş kəsiləcəyi məsələsi danışıq mövzularından biridir. həm də bu döyüşləri qələbə kimi göstərməyə əsas olacaq.
--spoiler--
indilərdə görünən odur ki, atəş kəsildi daha. ermənilər də hansısa yer tutduqları barədə rəsmi bəyanat vermədilər. link
16 iyun 2020-ci il prezidentin microsoft nümayəndələri ilə görüşündən sonra elan olunmuş layihə. bu vaxta qədər elan olunmuş yüksək texnologiyalar parkları, ələt azad iqtisadi zonası layihələri kimi bunun da növbəti fiasko olacağını təxmin edirəm. sırf xəbər olsun deyə bu söhbətləri ortaya atırlar elə bil. heç iki ildir startap şəhadətnaməsinin verilməsini, investisiya qanunvericiliyinin yenilənməsini təşkil edə bilmirlər, şirkət yaradandan sonra bürokratiya da nə qədər. ara yerdə microsoftla hanısa məmur babat milyonlar alar. link
bu sənədlərin əsasən qanunların tətbiqi ilə bağlı prezidentin qərarları üzrə istifadəsi bir az özünməxsus inkişaf edib. hansısa qanunun qəbul olunmasından sonra digər aktların yeni qanuna uyğunlaşdırılması haqqında prezidentin dövlət orqanlarına şablon bir neçə maddəlik tapşırıqları adətən sərəncam adlandırılır.
yuxarıdakılardan əlavə qanunlardakı "müvafiq icra hakimiyyəti orqanı"nı müəyyən etmək lazım olanda, qanun çərçivəsində dövlət orqanlarından qeyrilərinə də təsir edə biləcək müddəalar olduqda verilən qərar fərman adlandırılır. link
- desən, yenə bu hərəkətlərinə haqq qazandırmağa çalışanların tapılacağı şəxs.
gəlməli olduğunu düşünürəm. belə bəlkə yuxudan oyanarlar, paralel dünyalarından bizim reallığa da bir baxalar. nə qədər ki, xalqlarını müharibəyə səsləyəcəklər, o qədər itki olacaq. nasizmi, isteriyanı kənara qoyub bir az əziyyət çəkib düşünələr bəlkə ki, niyə bu başlarına gəlir, niyə bu qədər adam ölməlidir, dq-dakı ermənilərin sayı indi 100 mini keçmədiyi halda niyə 1 milyon azərbaycanlı köçkün kimi yaşamalıdır, niyə hamı ilə rahat yaşaya biləcəkləri halda qapalı sərhədlərlə düşmən kimi yaşamalıdırlar. belə axmaq faşistliklərinə görə nə qədər biz də itki verməli oluruq ki, həll edək məsələni. hamısına məcbur çəkdiyimiz əziyyətləri göstərəsən müharibədən sonra. nələri itirmişik onlara görə.
)