fantamaz

21 0 0 0

4. nəsil yazar

Entry: 21

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

səfərbərlik olsa müharibəyə gedəcək yazarlar

+60 əjdaha

Birincisi, müharibəni qaçınılmaz hala gətirən siyasətçinin götünə qoyum. ikincisi, müharibə temasından istifadə edib hər dəfə qarabağ istəyən xalqla mırtlaşan siyasətçinin götünə qoyum. Hamının kefi dombalıb müharibə istəyir. Sizin üçün qarabağ və ya qələbə ölən və ya öləcək yaxınlarınızdan daha üstün sayıla bilər, amma mənim üçün elə deyil. indi kayfınız zordu, hər gün filan yer alınıb deyiləndə boşalırsız, amma bilmirəm qarşılığında nələrin getdiyini düşünürsünüzmü. Sənə düşmən kəsilmiş dövlətlə mübarizənin tək müharibə yolu ilə edilməsi qərarını verəni görmürsüz, sizi sikəni görmürsüz. Çünki, bir neçə ərazi alınıb və bu sizin üçün ölkə daxilində elədikləri qəhbəlikləri belə unutdura bilər. Ümid edirəm, o alınacaq ərazilərdə ilham sizə xoşbəxtlik bəxş edəcək. Hə, indi siz mənə desəz ki, hal-hazırkı vəziyyətdə daha olan olub, iş işdən keçib, bunları yazmağın məntiqsizdi. Bu da düzdü. Amma belə olmamalıydı, qarabağ məsələsi bu millətin prioritet məsələsi olmamalıydı. Hə, bir də. Sanki, qarabağ tamamilə alındıqdan sonra konflikt başa çatacaq kimi düşünməyin.

silinmiş entry.

48 əjdaha! 28.09.2020 13:00, fantamaz

#305240 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

pablo diablo

+29 əjdaha

#311338
Nifrətinə haqq qazandırmaq üçün götündən insan xarakteri uyduran yazar. Hardadı belə tiplər? Bir misal çək görüm. Kimdi axı gəncədəki hadisələrə "qozuma deyil" deyib, eyni zamanda ermənilərə bir şey olanda yanıb-yaxılan azərbaycanlı?

Yazar sırf marjinal görünmək üçün fərqli fikir səsləndirən insanlara etirazını bildirmək üçün mübaliğə etmir. yazarın problemi marjinallıq ilə deyil. yazar dini inancına görə ona hörmət etməyən, içindəki vətənpərvərlik hislərinə görə özünə yuxarıdan aşağı baxdığını düşündüyü insanlara əsəbidir və hamısını marjinallıq damı altına salıb birlikdə sikmək istəyir. amma yazarımızın içindəki kin, aqressiya o qədər şişib ki, bu tip insanların mənfi xüsusiyyətlərini də əlindən gəldiyincə şişirir ki, tərəzi balanslaşsın.

beynimdə öz ətrafından kənar bildiyi hər insana yuxarıdan aşağı baxan insan canlanır. eyni onlar qədər dünyagörüşü qıt, onlar qədər sevmədiyi insanın mənfi xüsusiyyətini şişirdərək itin götünə soxan insan obrazı.

Əlavə olaraq, bunu da qeyd edim: sən çox unikal bir insansan. sən sözlükdə gördüyüm ən marjinal yazarsan.

silinmiş entry.

20 əjdaha! 27.11.2020 01:23, fantamaz

#311637 şikayət

humanizmi götündən anlamaq

+22 əjdaha

deməli belə sevgili sözlük əhli,bu son müharibə olaylarından sonra bir çox səyfələrdə humanist və vətənpərvərlər arasında cırışma oldu.əslində cırışma deməy olmazdı,həmişəki kimi vətənpərvər gədələr humanist insanları təhqir etməklə məşğul idilər.özümə qalanda isə düzünü desəm vətərpərvərlər məni sikməsin deyə sözlükdən başqa heç yerdə öz fikirlərimi ifadə eləməmişəm.sözlüyü sevmə səbəblərindən biridi ehehe.gəldik bu humanizmi götündən anlamaq məsələsinə,bir çoxları ermənilərin kəsdiyi başları(sanki özləri heç etməmiş kimi) paylaşıblarki bəs hardadı bu humanizmdən dəm vuranlar?ay qardaş,ay bacı humanist biri olmaq,ermənini haqlı saymaq demək deyil,bizim istədiyimiz bir qarış torpağa görə və ya rəngli əskilərə görə insanların ölməməsidi,bu müharibə məsələsində heç bir ölkəyə haqq vermirəm,allah ikivizidə öldürsün sənidə,hitleridə.belədəki soxdum liboy dövlətə,fuck system,yenə əsəbləşdim əhh

silinmiş entry.

19 əjdaha! 08.04.2016 23:38, fantamaz

#209645 şikayət

sevil atakişiyeva

+24 əjdaha

atası konservativ bir insandır. həm də özü döyülə, söyülə böyüyüb deyə qızına da bunu tətbiq etməkdə bir anormallıq görmür. qızı isə tamam fərqli dəyərlərin daşıyıcısıdır. nəticədə də belə bir insanla yaşamağa dözə bilməyib. mənim atam da belə bir insandı. amma mən oğlan uşağı olmuşam deyə işin içindən çıxa bilmişəm. o isə qızdı, məndən daha artıq sıxıblar və daha az şansları olub. amma atasının göz yaşlarında qeyri-səmimi heç nə görmürəm. yəqin ki, sevil də mental bir çöküşdə olub, yorulub. görünür ki, vəziyyətdən çıxmaq üçün planı da olub, amma yorğunluğu icazə verməyib ki, plana uyğun hərəkət etsin. atasının niyyəti, yəqin ki, qızını bilərəkdən canından bezdirmək olmayıb. mən belə düşünürəm. atasının empatiya qabiliyyəti olmayıb. etdiyinin kimisə canından bezdirə biləcəyini başa düşməyib. bu insanlara empatiya öyrədilməlidi, güzəştə getmək öyrədilməlidi. atasının həbsinin cəmiyyətə nəsə qazandıracağını düşünmürəm. amma bir halda ki, zorakılıq etmisən, həbs də olunmalısan. qanunlar belədi. hər kəs layiq olduğunu götürüb. sevil özünü belə bir həyat yaşamağa layiq görmədi, necə ki, atası sevil kimi qızı olmasını özünə layiq bilmirdi. atası sevili dəyişmək istədi, alınmadı. alınmayanda da məcbur etdi. məcbur edəndə də bütünlüklə itirdi.

silinmiş entry.

23 əjdaha! 21.02.2021 23:26, fantamaz

#320506 şikayət

sözaltı etiraf

+17 əjdaha

heç kimi sikimə almadan özümü olduğum kimi qəbul etməyim başqalarının gözündən özümə baxanda məni qorxudur. başqalarının gözündən baxanda çox rahat və arsız olduğumu fərq edirəm. dibinə kimi poxa batmışkən hələ də rahatlığını itirməmiş arsız dostumu xatırladır bu mənə. necə də qorxurdum ona baxanda.

bəzən yaxınlarımın ölümünü təsəvvür edirəm. kövrəlirəm bir neçə dəqiqəlik, amma bir müddət sonra necə rahat və arsızca yoluma davam etdiyimi görürəm. və bu məni qram da təəccübləndirmir, mən onsuz da arsız və rahat idim.

eynilə dostum qədər kimsəsiz, amma bir o qədər də arsız və rahat olacağımı təxmin edirəm. getdikcə itirdiyim dostuma bənzəməkdən qorxuram.

silinmiş entry.

14 əjdaha! 26.04.2021 00:58, fantamaz

#325575 şikayət

qarabağ müharibəsi istəyən insan

+17 əjdaha

sülh istəyirik deyən insanların şərəfsiz olduğunu düşünüb,özünü o an qəhərəman sanan,feysdə səyfələrə mənidə müharibəyə aparın deyib,əslində müharibə nədi bilməyən,paintdə bayrağ şəkli çəkib,paylaşıb bəyənməyən bizdən deyil deyən manitor şiri

silinmiş entry.

16 əjdaha! 04.04.2016 23:48, fantamaz

#208657 şikayət

sədaqət

+16 əjdaha

oscar wildeın " dorian grayin portreti" adlı əsərində qeyri-adi və maraqlı fikirləri ilə seçilən lord henry wotton sədaqət haqqında bunları deyir:

“insanlar sədaqət dalınca çox qaçırlar! Amma hətta sevgidə də sədaqət sırf fizioloji məsələdir, bizim iradəmizdən asılı deyil. Gənclər sədaqətli olmaq istəyirlər, amma belə deyillər. Qocalar isə xəyanət etmək istəyirlər, amma əllərindən gəlmir.”

“Həyatlarında yalnız bir dəfə sevənlər dayaz insanlardır. Onların sədaqət və bağlılıq adlandırdıqları şeyə, mən vərdişin süstlüyü, ya da təxəyyülün yoxluğu deyirəm. Zehni, intellektual həyatda ardıcıllıq, durğunluq nədirsə, emosional həyatda da sədaqət odur - yəni, uğursuzluğun, fərasətsizliyin etirafıdır. Sədaqət! Bir gün bu hissin təhlili ilə məşğul olacağam. Bu hissdə xüsusiyyətçi hərisliyi var. Başqalarının götürəcəyindən qorxmasaq, küçəyə atacağımız çox şeylər var.”

14 əjdaha! 17.04.2021 19:27, fantamaz

#324789 şikayət

homo sum humani nihil a me alienum puto

+17 əjdaha

"mən insanam, insana xas olan şeyləri özümə yad hiss etmirəm" mənasına gələn latınca cümlə. bu cümləyə ilk dəfə yazıçı publius terentius aferin heauton timorumenos adlı əsərində rast gəlinir.
--spoiler--

əlavə olaraq, fyodor mixayloviç dostoyevskinin cinayət və cəza adlı əsərində arkadi ivanoviç svidriqaylov əsərin baş qəhrəmanı rodion romanoviç raskolnikovun bacısına tamah salması ilə bağlı bu cümləni istifadə edirdi: "bir özünüz təsəvvür edin ki, mən də axı insanam, et nihil humanum... bir sözlə, mənim də tamahım düşə bilər, mən də sevə bilirəm". yazıçı dostoyevskinin "et nihil humanum" ifadəsini istifadə etməkdə məqsədi, yəqin ki, svidriqaylovun etdiyi şeylərin özünə qəribə gəlmədiyini, bunların svidriqaylov üçün çox normal, insana xas olan şeylər olduğunu çatdırmaq idi.

--spoiler--

silinmiş entry.

12 əjdaha! 14.02.2021 00:50, fantamaz

#319931 şikayət

unudulmaz aforizmlər

+15 əjdaha

andrey platonovun qayıdış adlı hekayəsində belə bir cümlə var: “sevgi yoxluq və kədərdən meydana gəlir”. Öz həyatımda apardığım müşahidələr bu aforizmi təsdiqləyir. Nə zaman ki, bir insan kədərlidi və mən onun yanındayam, onda özümü önəmli hiss edirəm. Nə zaman ki, mən kədərliyəm və kimsə məni anladığını nümayiş etdirməyə çalışır, onda yenidən özümü önəmli hiss edirəm. Burdan da həmin insana qarşı sevgi yaranır, çünki həmin insan məni önəmli hiss etdirə bilib. Yoxluq isə çox geniş bir anlayışdır. Bu istənilən şey ola bilər: pulun yoxluğu, yaşamaq üçün mənanın yoxluğu, ehtiyac duyduğun insanların yoxluğu. Amma fərq etmir, bunların hamısının nəticəsi kədərdir. Yoxluq və kədər - bunlar həmişə birlikdədir. Təbrik edirəm, andrey. əsərini 1 il əvvəl oxumuşam. Amma apardığın gözəl müşahidə səni unutdurmayıb.

10 əjdaha! 05.01.2021 13:19, fantamaz

#316002 şikayət

prezervativ alarkən utanmaq

+17 əjdaha

(baxma: balaca kişiyə kastyum lazımdı)

silinmiş entry.

17 əjdaha! 11.09.2016 16:04, fantamaz

#229158 şikayət

qasim

+15 əjdaha

(youtube:

)

silinmiş entry.

13 əjdaha! 01.11.2018 23:54, fantamaz

#279184 şikayət

atalar və oğullar

+13 əjdaha

öz heçliyini anlayıb, amma qəbullanmaq üçün başını aldatmağı bacarmayan bazarovun arkadiylə belə bir dialoqunun mövcud olduğu əsər:
- bilirsənmi mən nə düşünürəm?
- bilmirəm, nə düşünürsən ki?
- onu düşünürəm ki, ata-anam dünyada xoş yaşayırlar. atam altmış yaşında əlləşir-vuruşur, "palliativ" dərmanlardan danışır, adamları müalicə edir, kəndlilərə alicənablıq göstərir, bir sözlə, kef çəkir. anam üçün də yaxşı keçir: onun başı cürbəcür xırda-xuruş işlərə və o şeyə - bu şeyə vaysınmağa o qədər qarışır ki, günün haradan gəlib, haradan getdiyindən xəbəri olmur. Mən isə...
- bəs sənə nə olub ki?
- amma mən fikirləşirəm ki, budur, burada, tayanın dibində uzanmışam... mənim tutduğum bu ensizcə yer mənim mövcud olmadığım, mənə heç bir dəxli olmayan, qalan məkan və sahələrə nisbətən o qədər cüzidir ki... və mənim yaşaya bilməyəcəyim müddət mövcud olmadığım və mövcud olmayacağım əbədiyyətə nisbətən o qədər az və əhəmiyyətsizdir ki... lakin bu atomda, bu riyazi nöqtədə qan dövran edir, beyin işləyir, nə isə istəyir... bu nə axmaq işdir? bu nə mənasız şeydir?
- icazə ver, sənə söyləyim ki, sənin dediklərin, ümumiyyətlə, bütün insanlara aiddir...
- sən haqlısan, - deyə Bazarov davam etdi, - mən demək istəyirəm ki, bax, onların, yəni mənim ata-anamın başı qarışıqdır və öz heçlikləri barədə narahat olmurlar, bu, onların könlünü bulandırmır... amma mən... yalnız darıxır və qəzəblənirəm.

10 əjdaha! 13.03.2021 15:05, fantamaz

#322050 şikayət

qadağan olunması istənilən şeylər

+14 əjdaha

millətin onun bunun işinə burun soxması

silinmiş entry.

13 əjdaha! 28.06.2016 20:32, fantamaz

#219498 şikayət

əsgərlik

+13 əjdaha

Diqqət! Oxuyacağınız mətndə fyodor mixayloviç dostoyevskinin ölü evdən qeydlər əsərindən çoxlu sayda qeydlər var. Qısacası, spoiler.

Entry dostoyevskinin həbsxana həyatı ilə sözlük yazarının əsgərlik həyatı arasındakı əlaqələri ehtiva edir.

“Bizim həbsxana qalanın kənarında, qala divarının böyründə yerləşirdi. Hərdən hasarın deşiyindən Allahın dünyasına baxırsan: nəsə görə biləcəksənmi? Gördüyün yalnız göyün bir qırağı, bir də hündür, cəngəllik basmış torpaq sədd olurdu. Səddin arxasında və qabağında isə gecə-gündüz qarovulçular gəzişir və elə buradaca fikirləşirsən ki, illər ötəcək, sən isə elə beləcə gedib hasarın deşiyindən baxacaqsan və elə həmin o səddi, eynilə həmin o qarovulçuları və göyün həmin o kiçicik qırağını görəcəksən, amma bu, həbsxananın üzərindəki səma deyil, başqa, uzaq, azad bir səma olacaq.” (əsgərlikdə bəzən divarın o tayına əziyyətlə (halbuki, asanlıqla baxa biləcəyin çox yer var.) baxaraq o taya keçmək istəyini hiss edirsən. Ləzzət edir bəzən.)

“qapıların arxasında işıqlı, azad bir dünya vardı və orada insanlar hamı kimi yaşayırdılar. Amma hasarın bu üzündə o işıqlı dünyanı real olmayan bir nağıl kimi təsəvvür edirdilər.” (əsgərlər də elə təsəvvür edir ki, buradan çöldə hamı, əslində, kef edir. Hətta ən pis vəziyyətdə olan insan belə. Onlar azaddır və həyat onlar üçün yalnız və yalnız gözəldir.)
“Burda xüsusi, artıq heç nəyə bənzəməyən bir dünya vardı; buranın özünün xüsusi qanunları, öz geyimi, öz adət-ənənələri və bu diri ikən ölü evin heç yerdə olmayan bir həyatı və xüsusi insanları vardı.” (bu haqda entry boyunca ümumi məlumat veriləcək.)

“Hasardan içəri girən kimi bir neçə bina görəcəksiniz. Böyük həyətin hər iki tərəfi ilə tirlərdən tikilmiş iki uzun, birmərtəbəli evlər uzanıb gedir. Bu kazarmalardır. Həyətin ortası boşdur və hamar, kifayət qədər böyük bir meydandan ibarətdir. Burada məhbuslar düzülür – səhər, günorta və axşam; bəzənsə qarovulçuların şübhələnməsindən və onların tez-tez saymaq bacarığından asılı olaraq hətta gündə bir neçə dəfə adbaad yoxlama keçirilir.” (hərbi ilə aşağı-yuxarı eyni şeydir. Buna bənzəyir.)

“Bir nəfər sürgün vardı, boş vaxtlarda onun sevimli məşğuliyyəti tirləri saymaq idi. Onların sayı min beş yüz idi və hər biri onun hesabında və nəzarətində idi. Tirin hər biri onun üçün bir günü ifadə edirdi; hər gün tirlərdən birini ayırırdı və beləliklə, qalanların sayına əsasən həbsxanada qalacağı günləri əyani şəkildə görə bilirdi. Altıbucağın tərəflərindən birini sayıb qurtaranda buna çox sevinirdi. O hələ illərlə gözləməli oldu; amma həbsxanada səbirli olmağı öyrənməkçün vaxt var idi.” (əsgərlər arasında da müxtəlif üsullarla qalan günü saymaq məşhurdur. Kimisi imkan tapan kimi ağaca, divara, dəmirə və s. yazır, kimisi qalan günün faizini hesablayır, kimisi də mənim kimi kubu tamamlamaq üçün nöqtələrini birləşdirəcək xətləri çəkir. -*)

“Ümumiyyətlə, təkəbbür, zahiri görkəm birinci yerdəydi. Əksəriyyəti pozğunlaşmış və son dərəcə əclaflaşmışdı.” (mən də əsgərlikdə sonradan pozğunlaşmış və əclaflaşmışdım.)
“Şayiə və qeybətlərin arası kəsilmirdi: bu, cəhənnəm idi, zülmət idi. Amma həbsxananın daxili nizamnamələrinin və qəbul olunmuş adət-ənənələrinin əleyhinə getməyə heç kəs cəsarət etmirdi, hamı tabe olurdu. Kəskin şəkildə başqalarından seçilən, çətinliklə, zorla tabe etdirilən, amma yenə də tabe olan xarakterlər də olurdu. Həbsxanaya artıq lap həddini aşmış, azadlıqda ikən əndazədən çıxmış adamlar da gəlib düşürdülər ki, onlar öz cinayətlərini sanki bilərəkdən deyil, bilmədən, sayaqlama içində və dumanlı etmişdilər; əsasən son dərəcə qıcıqlandırılmış təkəbbürdən etmişdilər. Amma bizdə onları elə o saatdaca yerlərində otuzdururdular - baxmayaraq ki, onlardan bəziləri həbsxanaya gələnə qədər bütöv bir kəndin, ya da şəhərin dəhşətinə çevrilmişdilər. Təzə gələn ətrafa nəzər salaraq tezliklə başa düşürdü ki, bura başqa yerdir, burada heç kəsi təəccübləndirə bilməz, ona görə sakitcə mütiləşir və ümumi qayda-qanuna tabe olurdu. Zahirən ümumi qayda-qanun hansısa xüsusi, şəxsi ləyaqətdən yaranırdı ki, bu da həbsxananın hər bir sakininə nüfuz edirdi.” (hərbidə də eynilə əsgərlər arasında yaradılmış xüsusi qayda-qanun var idi. Bu qayda-qanun hər yeni gələn əsgərə köhnə əsgərlər tərəfindən yavaş-yavaş izah edilirdi. Qayda-qanuna uymayanların axırı isə yaxşı olmurdu. Şəxsi Ləyaqət prinsipləri üzərində qurulmuş bu qayda-qanunlara uymayanlar kollektiv tərəfindən şəxsi ləyaqətdən məhrum edilirdi.)
“Onların hamısı söyüş söyməkdə necə də mahir idilər! Onlar incə bədii şəkildə söyüş söyürdülər. Söyüş onlarda elm səviyyəsinə qalxmışdı; təhqiredici sözlər vasitəsilə deyil, təhqiredici məna, ruh, ideya vasitəsilə üstün gəlmək istəyirdilər - bu isə daha incə, daha zəhərli söyüşdür . Ardı-arası kəsilməyən dava-dalaşlar onların arasında bu elmi daha da inkişaf etdirmişdi. Bütün bu xalq qırmanc altında işləyirdi, deməli, əvvəllər onlar boş-bikar xalq idi, deməli, bu xalq pozulmuşdu: əgər pozulmuş olmasa da, katorqada pozulurdu. Heç kəs bura öz xoşuna toplaşmamışdı; onların hamısı bir - birinə yad idilər.” (şəxsi ləyaqət ustalıqla alçaldılırdı. Dəyərli bildiyin yerlərdən vurulurdun.)
“Bəzisi əsgər uşağıdır, digəri çərkəzdir, üçüncüsü təfriqəçilərdəndir, dördüncüsü pravoslav kəndlidir, ailəsini, əziz uşaqlarını vətəndə qoyub gəlib, beşincisi cuhuddur, altıncısı qaraçıdır, yeddincisi heç bilinmir kimdir və bunların hamısı da necə olursa-olsun, bir yerdə yola getməlidilər, bir-birilə dil tapmalıdılar, bir qabdan yeməlidilər, bir taxtın üstündə yatmalıdılar. Bir də ki, sərbəstlik nə gəzir - artıq tikəni yalnız oğrunca yemək olar, hər bir quruşu çəkmənin içində gizlətmək lazımdır... Hamısı birdir, elə həbsxanadır ki həbsxana! Qeyri-ixtiyari olaraq gic olursan.” (oğurluq məsələsi əsgərlikdə də aktualdır. Pulunuzu gizlədin, ehtiyatı əldən verməyin. Artıq tikəni, nəinki artıq tikəni, aldığın hər bir şeyi öz əsgər yoldaşlarınla bölməlisən. Bizdə belə yazılmamış qanun var idi.)

“işə nifrətlə baxırdılar. Özünün bütün ağlı, bütün məqsədi ilə sadiq olduğu işi olmadan insan həbsxanada yaşaya bilməz. Bir də ki, bütün bu inkişaf etmiş, həvəslə yaşamış və yaşamaq istəyən, zorla bir yerə toplanmış, zorla cəmiyyətdən və normal həyatdan ayrı salınmış bu xalq normal və düzgün şəkildə, öz iradəsi və istəyilə bu həyata necə alışa bilərdi? Təkcə bikarçılıqdan məhbusda elə cinayətkar xüsusiyyətlər inkişaf edərdi ki, onlar onun əvvəllər heç təsəvvürünə belə gəlməzdi. Normal insan zəhmətsiz və qanunsuz yaşaya bilmir, pozğunlaşır, vəhşi heyvana çevrilir. Ona görə də həbsxanada təbii tələbin və hansısa özünüqoruma instinktinin nəticəsində hər bir kəsin öz sənəti və məşğuliyyəti vardı.” (hərbidə də eyni teorem var: bikar əsgər cinayətkardır. Həbsxanadan fərqli olaraq, özünə məşğuliyyət tapacaq qədər bikar qalmazsan hərbidə, sənə məşğuliyyət tapacaqlar onsuz da. Mən almanca öyrənirdim bəzən dəftərə yazdığım cümlələr əsasında.)
“Məhbuslardan çoxu həbsxanaya gələndə heç nə bacarmırdı, yavaş-yavaş öyrənir və azadlığa yaxşı usta kimi çıxırdı.” (mən də əsgərlikdə tikiş tikməyi öyrəndim. Əvvəl bacarmırdım.)

cəzalar haqqında.

“yalnız xeyli vaxt keçəndən sonra anladım ki, bu işin ağırlığı və katorqalığı heç də onun çətinliyində və fasiləsizliyində deyildir, ondadır ki, bu iş məcburidir, qırmanc altında görülən işdir. Mujik azadlıqda, olsun ki, daha çox işləyir, bəzən, xüsusən yayda hətta gecələr də işləyir, amma özü üçün işləyir, dərk edilmiş məqsədlə işləyir və onunçün iş olduqca yüngül görünür, nəinki katorqaçıya məcburi və onunçün tamamilə faydasız iş. Bir dəfə ağlıma gəldi ki, əgər adamı tamamilə əzmək, məhv etmək, ona ən dəhşətli cəza vermək istəsələr, onda işə tamamilə lazımsızlıq və mənasızlıq səciyyəsi vermək kifayətdir ki, ən dəhşətli qatil belə ondan lərzəyə gəlsin və qorxsun. Əgər indiki katorqa işi, katorqaçı üçün maraqsız və cansıxıcı da olsa, yenə də öz-özlüyündə, bir iş kimi məntiqlidir: məhbus kərpic kəsir, yer qazır, suvaq vurur, tikir; bu işdə məna və məqsəd var. Katorqa işçisi bəzən bu işə hətta məftun olur, onu daha məharətlə, müvəffəqiyyətlə, daha yaxşı yerinə yetirmək istəyir. Amma, məsələn, onu məcbur eləsələr ki, suyu bir çəlləkdən o birinə, o birindən də birinciyə boşaltsın, qumu əzsin, bir yığın torpağı bir yerdən başqa yerə və oradan da geriyə daşısın, - elə bilirəm ki, bir neçə gündən sonra məhbus boğulardı, ya da min dənə cinayət törədərdi ki, qoy elə ölsün, amma bu cür alçaldılmaya, xəcalətə və əzab-əziyyətə son qoysun. Amma bir halda ki, hər məcburi işdə qismən də olsa bu cür işgəncə, mənasızlıq, alçaltma və biabırçılıq vardır, ona görə də katorqa işi bütün azad işdən daha əzablıdır.” (əsgərlikdə sənin üçün məna daşımayan məcburi bir çox işlərlə sınağa çəkilirsən. Bir dəfə yadımdadır, göydən lapa-lapa qar yağa-yağa səhər 8-dən günorta 2-yə kimi qar kürümüşdük. Dəhşət soyuq idi, qarını kürümüş olduğun yer 10 dəqiqə sonra əvvəlki kimi ağappaq olurdu. Yeməyə gedəndə dönüb arxamıza baxdıq ki, elə bil heç bir iş görməmişik, hər yer ağappaqdır. Niyə qar kəsdikdən sonra bu işi görmədiyimizi deyib vurnuxurduq, amma dayanmırdıq, işləyirdik. Çox Dayanmaq olmazdı. Yoldaşlarına xəyanət idi, onlar artıq sənsiz işləməli olurdular, onları yarı yolda qoymuş sayılırdın. Hərbi daim belə idarə olunur. Sən daim yoldaşlarını düşünürsən. Etdiyin hər səhvin cəzası yoldaşlarına kəsiləcək. Sən turnik edə bilmirsən? Onda yoldaşların sən turnik vurana kimi jim vəziyyətində əlləri əsə-əsə gözləyəcəklər. Hərbidə stress və əsəb gərginliyi, əsasən, bundan qaynaqlanır. Bu bir idarəetmə taktikasıdır. dedovşina da belə yaranır. Yaxşı əsgər pis əsgərə görə cəzalanır. Və yaxşı əsgər də öz növbəsində pis əsgərə kazarmanı dar edir ki, sənə görə biz niyə əziyyət çəkməliyik?!)
“Hövsələsiz, qəzəbli halda, hətta bəzən gecələr də həbsxanaya soxulurdu və görsəydi ki, məhbus sol böyrü, ya da arxası üstə yatır, onu elə həmin səhər cəzalandırırdı: “Yəni mən əmr etdiyim kimi, sağ böyrü üstə yat!”” (hərbidə də bəzən bu tip şeylər üstündə sənə görə digərlərinə əziyyət verə bilirlər. Ona görə də sorğulama, nə əmr edilirsə, onu da icra et. Vəzifə borcunu unutma! Komandirlərin əmr və sərəncamlarını dəqiq, tez və sözsüz yerinə yetirmək. Şüurlu xidmət budur. Səbirli olun.)
“heç bir cəza tədbiri insanı canlı meyitə çevirə bilməz: o, özünün duyğuları ilə, intiqam və həyat həsrətilə, onları həyata keçirmək ehtirası və tələbi ilə birlikdə qalır.”
(Bütün bunlara görə hərbidə çöldəki həyat barəsində çox qayğı çəkirsiniz. Həyat həsrəti güclü bir həddə gəlir. Hər şey yaxşı olsun istəyirsiniz, burdan çöldə hər şey yaxşı olsun. Hər şey qoyub getdiyin kimi yaxşı qalsın. Emosional olursan beləcə.)
“Yadımdadır, bir dəfə axşamtərəfi əvvəllər varlı bir Sibir mujiki olmuş məhbusu darvazanın ağzına çağırdılar. Bundan yarım il əvvəl xəbər gəlmişdi ki, onun keçmiş arvadı ərə gedib və o bundan möhkəm kədərlənmişdi. indi arvadın özü həbsxanaya gəlib, onu çağırıb sədəqə verdi. Onlar iki dəqiqəyədək söhbət etdilər, hər ikisi göz yaşı axıtdı və əbədi olaraq ayrıldılar. Kazarmaya qayıdanda onun sifətini gördüm...” (mən bu yazılanları çox yaxşı başa düşürəm. əsgərlik mənə bu yazılanları daha yaxşı başa düşməyi öyrətdi.)

öyrəşmək.

“Bir şeyi deyim: mənəvi məhrumiyyət bütün fiziki əzabların hamısından daha ağırdır. Katorqaya düşən rəiyyət gəlib öz cəmiyyətinin, hətta ola bilsin ki, daha inkişaf etmiş bir cəmiyyətin içinə düşür. Əlbəttə, o çox şeyləri itirib - vətənini, ailəsini hər şeyi, amma onun mühiti eynilə qalır. Qanuna görə rəiyyətlə eyni cəzaya məhkum olunan savadlı adam rǝiyyətlə müqayisədə daha çox şey itirir. O, özündəki bütün tələbləri, vərdişləri boğmalıdır; onunçün kifayət etməyən bir mühitə adlamalı, başqa bir havayla nəfəs almalıdır... O, sudan çıxarılıb qumun üstünə atılmış balıqdır və əsasən hamı üçün eyni olan cəza onunçün on qat əzablı olur. Bu həqiqətdir - hətta söhbət təkcə qurban verməli olduğun vərdişlərdən getsə belə.”
“bəli, insanın canı bərkdir! insan hər şeyə alışmağı bacaran bir məxluqdur və düşünürəm ki, bu, onun ən yaxşı tərifidir.” (dosto əmi aydın şəkildə deyib. Mən bu əsəri oxuyanda 5-6 ayın əsgəri idim. Və tək istədiyim dostonun dediyi bu öyrəşmə periodunun gəlib çatması idi. Ağır idi onda mənə. Heç zaman belə olmayacam dediyim adamlara az da olsa bənzəyəndə artıq o perioda çatmışdım. Bir əsgər yoldaşımın da dediyi kimi: bura sənin qanına işləyəcək, sən də eynisi olacaqsan.)

son olaraq.

“Həbsxanaya necə daxil olduğum yadımdadır. Bu, dekabr axşamçağı idi. Artıq qaranlıq düşmüşdü; camaat işdən qayıdırdı; yoxlamaya hazırlaşırdılar. Bığlı unter-zabit, nəhayət, bu qəribə evin qapılarını mənim üzümə açdı; burada o qədər yaşamalı, elə həyəcanlı günlər keçirməli idim ki, bunları, həqiqətən də, yaşamadan və öz üzərimdə hiss etmədən onların barəsində təxmini də olsa təsəvvürə malik ola bilməzdim. Məsələn, heç cür təsəvvürümə gətirə bilməzdim ki, burda dəhşətli və əzablı nə var: axı , mən bütün bu onillik katorqa həyatımda bir dəfə də olsun, bir dəqiqə belə tək qalmayacağam? işdə daim mühafizə dəstəsinin nəzarəti altında, evdə iki yüz yoldaşımla birlikdə olacağam və bir dəfə də olsun tək qalmayacağam! Bununla belə buna mən hələ alışmalı idim.” (əsgərlik bir təcrübədir. Ancaq yaşayaraq başa düşə biləcəyin bir təcrübə. Bu entrini Oxuyaraq qismən başa düşə bilərsən.)

ölü evdən qeydlər mənim əsgərlik həyatım boyu bitirdiyim yegənə əsərdir. Tək bitirdiyim kitab və gözündən vurmuşam. Mən şanslı insanam.

9 əjdaha! 10.07.2022 05:41, fantamaz

#353859 şikayət

sosial fobiya

+13 əjdaha

mağazada satıcı sizə atanda dönüb heç nə deyə bilməməkdi

silinmiş entry.

10 əjdaha! 05.10.2016 22:13, fantamaz

#232999 şikayət

dilənçi

+14 əjdaha

dilənçilik etmək istəyən balaca nelli öz ideyasını belə müdafiə edir:
"dilənmək ayıb deyil: dilənəndə mən bir adamdan pul istəmirəm, hamıdan istəyirəm, hamı bir adam deyil; bir adamdan dilənmək ayıbdır, hamıdan dilənmək ayıb deyil, - bir dilənçi arvad bunu mənə dedi."

Nelli burada hər hansı konkret bir şəxsə möhtac olmağın pula möhtac olmaqdan mənəvi cəhətdən daha əzab verici olduğunu dilə gətirmək istəyir.

(bax: fyodor mixayloviç dostoyevski)
(bax: alçaldılmış və təhqir edilmiş insanlar)

11 əjdaha! 04.09.2022 16:19, fantamaz

#358679 şikayət

mirzə fətəli axundov

+13 əjdaha

həyatı çox qarma-qarışıq olan bir insan olub. atası mirzə məhəmmədtağı kişi təbriz vilayətinin xamnə qəsəbəsindən olub, xamnədə kəndxuda olub, sonra vəzifəsindən azad eliyiblər. bu da sonradan çörək pulu qazanmaq üçün araz qırağı kəndlərdə başlayıb xırdavat satmağa, xırdavat sata-sata gəlib çıxıb şəkiyə. şəkidə axund ələsgər adlı adamla tanış olub, sonra onun qardaşı qızı nanə xanımla evlənib. 1812-ci ildə onların eşqinin meyvəsi olan fətəli dünyaya gəlib. 1814-cü ilə qədər şəkidə yaşayıblar, sonra köçüblər xamnəyə. sən demə, məhəmmədtağının bundan qabaq da arvadı olub, o da xamnədə yaşıyıbmış. nanə xanım xamnəyə gələndən sonra, bunun birinci arvadı ilə nanə xanım arasında ixtilaflar olub, tez-tez dava eliyirmişlər. nəysə ki, nanə xanım 4 il dözüb, sonra fətəli ilə birlikdə veş-vüşünü yığıb gedib qaracadağa axund ələsgərin yanına. axund ələsgər də bunları himayə eliyib, 7 yaşından 13 yaşına kimi fətəli qaracadağda qalıb. axund ələsgər fətəlinin ruhani olmağını istiyib, ərəb, fars dillərini, quran oxumağı zadı öyrədib fətəliyə. fətəli sərbəst yazmağı, oxumağı bilən savadlı gənc olduğu üçün ona mirzə fətəli deməyə başlıyıblar. daha sonra axund ələsgər həcc ziyarətinə gedəndə mirzə fətəlini gəncəyə gətirir, orada molla hüseyn pişnamazzadəyə tapşırır ki, fətəliyə dini elmlərdən dərs desin. mirzə fətəli gəncədə olanda məşhur şair, xəttat mirzə şəfi vazeh lə tanış olur. deyilənə görə, fətəlini ruhanilik fikrindən mirzə şəfi vazeh daşınıdırır. fətəliyə ruhaniliyin iç üzlərini açır, fətəli də o vaxtdan sonra ruhaniliyə nifrət eliyir. fətəlinin öz ailə həyatına gəldikdə isə o, axund ələsgərin qızı tubu xanımla ailə həyatı qurub. yəni, dolayısı yolla fətəliylə tubu xanım arasında qohumluq əlaqələri olub. buna görə də, tubu xanımla fətəlinin dünyaya gətirdiyi 13 uşaqdan 10-u kiçik yaşlarında, 1-i isə gənclik yaşında dünyasını dəyişmişdir, qalan 2 uşaq haqqında isə məlumatım yoxdur. qayınatası axund ələsgər öldükdən sonra isə o, axund ələsgərin ailəsini himayə eliyib. necə ki, bundan əvvəl axund ələsgər fətəlini himayə eliyib saxlamışdı. əsərlərinə qaldıqda isə həmişə haqqı, ədaləti müdafiə eliyib əsərlərində, çox vaxt da haqqın, ədalətin qələbəsiylə başa çatıb. yəni ki, candı.

11 əjdaha! 26.04.2017 11:45, fantamaz

#251703 şikayət

yaltaqlıq

+12 əjdaha

fyodor mixayloviç dostoyevskinin cinayət və cəza adlı əsərində arkadi ivanoviç svidriqaylov rodion romanoviç raskolnikovla söhbəti zamanı yaltaqlıq haqqında bu sözləri deyir: qadın qəlbini ələ almaq üçün işlədilən ən böyük və ən sarsılmaz vasitə yaltaqlıqdır. Bu elə bir vasitədir ki, onu işlədənin hədəfi boşa çıxmaz, özü də istisnasız olaraq hamıya təsir edər. Dünyada doğruluqdan çətin, yaltaqlıqdan asan şey yoxdur. Əgər doğruluqda zərrə qədər yalan olsa, o saat nəzərə çarpır, sonra da biabırçılıq olur; lakin yaltaqlığın lap hamısı yalan da olsa, yenə də adamın xoşuna gəlir, onu məmnuniyyətlə qəbul edirlər.

11 əjdaha! 17.02.2021 14:14, fantamaz

#320125 şikayət

aygun_news

+10 əjdaha

https://www.7news.az/az/pervinin-salvari-eynine-bos-oldu-foto/
Növbəti entrysi üçün ilham alacağı bir link buraxıram bura.

silinmiş entry.

8 əjdaha! 19.08.2020 01:10, fantamaz

#303119 şikayət

universitetə qəbul olanlara məsləhətlər

+10 əjdaha

Azərbaycanda oxuyacaqsızsa, gözləntilərinizi minimuma endirin. Sahib Olmaq istədiyiniz peşənin sirlərini universitetdə öyrənəcəyinizi düşünməyin, peşənizlə bağlı internshiplər tapın - bunu xüsusi vurğulayıram. tədris dili ingiliscə olan yerlərə üstünlük verin (ingilis diliniz zəif belə olsa problem deyil, sonradan düzələcək o işlər). Əlavə dillər öyrənməyə çalışın. Həmişə universitetdən əlavə nələrsə etməyə çalışın, məsələn, accountingə marağınız varsa, acca sertifikatı almağa çalışın. Alınırsa, azərbaycandan gedin, başqa ölkədə bu dediklərimi etməyə çalışın. Universitet dövrü ərzində bu yazdıqlarımın heç birini etməmişəm (əlavə dil öyrənmək xaric - sırf bu faktor kifayət edir ki, məndə özgüvən formalaşsın). Niyəsi hər nə olsa da, nəticə budur ki, etməmişəm. Yazdıqlarım sadəcə istiqamət verici, səthi bilgilərdi. Bu entry ilə kifayətlənməyin, ağlınıza batan bir şey oldusa, haqqında daha dərin araşdırma edin. Beyninizdə sual işarəsi yaranarsa, sual verməkdən utanıb çəkinməyin. Mən bu xüsusiyyətimə görə hələ də uduzmaqdayam. Hər şey yaxşı olmayacaq, burası dəqiqdi. Uğurlar.

silinmiş entry.

8 əjdaha! 04.09.2020 18:21, fantamaz

#303900 şikayət

odi

+10 əjdaha

#231525 özümü burdakı qızın yerinə qoydum, gözlərim doldu və yəqin uzun müddət yadımnan çıxmaz. qadın olmaq çox çətindi, xüsusilədə azərbaycanda. kaş ki, belə olmasaydı deyə bilirəm ancaq, çünki o qızın yaşadıqlarını düşünmək belə insanı sıxır

silinmiş entry.

9 əjdaha! 28.09.2016 02:25, fantamaz

#231763 şikayət

adolf hitleri sevənlər

+11 əjdaha

dünya üçün bəzi xidmətləri olub, amma 6 milyon insanın ölümünə səbəb olan biri bu xidmətləri soxsun götünə. hitleri sevənlərin çoxu onu dünya üçün gördüyü bəzi xeyirli işlərə görə yox, məhz öz idealı uğrunda bu qədər insanı qurban verməsinə görə sevir. özünüzü və ya yaxınlarınızı o 6 milyonun içində düşünün, sabah hansısa bir götverən öz idealı uğrunda sizin üçün ən dəyərli şey olan canınızı və yaxınlarınızı sizdən alacaq. günahsız yerə ölənlərin halına acımaqdansa, böyük qürur hissi ilə "hitler ölməsəydi gör nələr eliyərdi" deyənlər var aq. hamısı bu hollywood kinolarının poxlarıdı

silinmiş entry.

10 əjdaha! 07.02.2017 16:39, fantamaz

#245421 şikayət

bədii ədəbiyyat oxuyan bikar insan

+9 əjdaha

bədii ədəbiyyatı mənə böyük bir fayda verəcəyini düşünərək oxumamışam. Sadəcə maraqlı gəlmişdi, oxudum və oxumaq xoşuma gəldi. Bu bədii ədəbiyyat oxuyan bikar insan olmaq üçün kifayət bir səbəbdir.

2-ci məsələ: oxuduqlarımı başqalarıyla bölüşmək və onların diqqətini qazanmaq xoşuma gəldi. Bu da motivasiya verdi mənə.

3-cü məsələ: sevdiyiniz insanlar sizə bədii kitab hədiyyə edəndə əlavə bir motivasiyanız olur. Təkcə özüm üçün deyil, sevdiyim insan üçün də oxuyuram sanki. Bu səbəbdir.

4-cü məsələ: həyatın reallıqları haqqında düşünmək səni sıxanda başqalarının hekayələrinin içindəki təsvirlər və insanlarla tanış olmaq, olduğun dünyadan uzaqlaşıb yalnız kimlərinsə təsəvvüründəki dünyaya qonaq olmaq bəzən çox xoşdur.

silinmiş entry.

8 əjdaha! 22.07.2021 00:34, fantamaz

#332536 şikayət

öldürən yaxçı oğlan sözləri

+11 əjdaha

canavar heyvanların kralı olmasada, şir kimi sirkdə klonluq eləmir!1!

silinmiş entry.

11 əjdaha! 13.09.2016 18:08, fantamaz

#229547 şikayət

vicdan

+11 əjdaha

fyodor mixayloviç dostoyevskinin "karamazov qardaşları" əsərində ivan alyoşa ilə dialoqunda şeytanın ona bunları dediyini iddia edirdi: “vicdan! Vicdan nədir? Onu mən özüm düzəldirəm. Niyə mən əzab çəkirəm? Çünki vərdiş etmişəm. Bəşəriyyətin yeddi min il ərzində qazandığı vərdişlərə əsasən. Bunu tərgitsək, tanrı olacağıq”.

oscar wildeın " dorian grayin portreti" əsərində isə lord henry wotton basil hallwarda deyirdi:
“vicdan və qorxaqlıq, mahiyyətcə eyni şeylərdir, bezil. Vicdan - firmanın ticari adı kimi bir şeydir. Vəssalam.”

7 əjdaha! 01.11.2020 20:03, fantamaz

#308849 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

fantamaz

son bəyənilənlər:

oxuyucuların bəyəndikləri: