Olriccc

50 0 0 0

9. nəsil yazar

entry: 50

(Youtube: LYtiDCXLAcQ )

3 post son 1 ildə

Son 1 il 2026 2025 2024 2023 2022 2021 2020

çox

0 gün

ardıcıl post

rekord: 3 gün

erkən quş

Yeni

Səviyyə 1

0 / 100 XP

7.2K

təxmini söz yazıb

0.1 kitaba bərabər

Statistika

#sözaltı artist

Nailiyyətlər 9 / 17

İlk Addımlar

Əjdaha Balası

Əjdaha

Tanınmış

Vikipedist

Oxunan

Bestseller

Veteran

Əbədi

Yazıçı

Əjdaha Kralı

Karma Yığıcı

Məşhur

Bilik Xəzinəsi

Milyonçu

Həftəlik Seri

Abidə

blok başlıqlarını gizlət postları gizlət

estetikasına görə ən yaxş

sarı

pierre mignard

əfsanəvi albom qapaqları

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı music

+66 əjdaha

Comptine d'un Autre été: L'Après-Midi (Amelie soundtrack )

51 əjdaha! 31.03.2021 21:00, Olriccc

#323249 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

insan nə ilə yaşayır

+45 əjdaha

Entry başlığın aid olduğu kitab barədə deyil. Ancaq hazır yeri gəlmişkən bölüşmək istədim.

“Adam bir ilin hesabını aparırdı, halbuki axşam olmadan öləcəyini bilmirdi.
insanda nə olduğunu öyrənmişdim. Artıq insana nə verilmədiyini də bilirdim. insana nəyə ehtiyacı olduğunu bilmə bacarığı verilməmişdi”

Keçən ay çimərlikdə olarkən kitabı oxumağa başlamışdım. Yuxarıdakı sətirləri də xətlədim oxuyarkən. Elə hekayənin sonlarına doğru idi, bitirdim. Hələ ki təsirində olduğumdan düşüncələr aləminə dalmışdım.
Sadəcə bir neçə dəqiqə sonra xilasedicilər anamı tutub yanıma gətirdilər. Boğulmaq üzrə imiş dənizdə, mən də xəbərsiz oturmuşam kənarda.
Ağlayırdı, özünü itirmişdi tamamilə. Belə anlarda soyuqqanlı oluram nədənsə, sadəcə anamı sakitləşdirməyə fokuslanmışdım. Həyəcanlanmadım, ağlamadım, düzünü desəm həmin anlarda pis belə olmadım.
Sanatoriyada olduğumuzdan elə orada kiçik klinika kimi bir yer də var idi. Ora apardılar anamı, bir neçə saat sonra çıxardıq. O içəridə olarkən, bir yandan yanında olmamağın, bununla bərabər nədənini anlamadığım soyuqqanlılığımın verdiyi vicdan əzabı, digər yandan yuxarıdakı sətirlər ağlımda dolaşırdı.

Oradan çıxdıqdan sonra anamla söhbət edib vəziyyəti yumşaltmağa çalışırdım guya. “ölümün nə vaxt gələcəyini bilmək olmurmuş” deyib dalırdı elə.
Hər halda, bu bilinməzliyin dəyəri ən çox ölümlə üz üzə gələndə daha çox anlaşılır deyərək anamı rahatlatmağa çalışırdım ki, “artıq sən bunu yaşamış biri olaraq həyatının hər gününə necə bərk yapışmalı olduğunu bilirsən” deyirdim.
Düzünü desəm, öz dediklərimin boş olduğunu bunları deyərkən də bilirdim, indi də bilirəm. Yuxarıda da qeyd etdiyim kimi insan nəyə ehtiyacı olduğunu bilmədən yaşayıb hər zaman, və bu belə də davam edəcək. Ölümün hər an gələ biləcəyini bilsək belə, onun yaxın, yoxsa uzaq olduğunu düşünmədən ehtiyaclarımızın, daha doğrusu, ehtiyac sandığımız şeylərin ardınca baxırıq, gözləyirik. Əlbəttə, Bəzən belə hadisələr qısa müddətli də olsa yaşamın dəyərini xatırlamağımıza səbəb olur, ancaq bir müddət sonra özümüzü yenidən sonu bilinməyən mübarizələrin ortasında tapırıq.
Yaşadığım hadisə ilə həmin hekayəni oxumağımın eyni zamanda gerçəkləşməsi həyatın qəribə təsadüflərindən biri idimi, deyildimi bilmirəm. Əslinə qalsa, Təsadüf varmı, yoxdurmu heç onu da bilmirəm. Lakin bu hər nə idisə, nə həmin hekayəni, nə də həmin günkü bir birinə qarışmış düşüncələrimi unutmamağıma vəsilə oldu.

34 əjdaha! 20.09.2021 18:51, Olriccc

#336882 şikayət

estetikasına görə ən yaxşı filmlər

+32 əjdaha

Əgər film estetikasından bəhs edilirsə, mənə görə, Wes anderson ilk başda adı gəlməli olan rejissorlardandır. Film səhnələrində bir birindən qüsursuz “tablolar” yatır sanki. xüsusilə də simmetriya obsessiyası olanlar üçün ayrıca bir həzz verəcəkdir. Ən bəyənilən rəng ahənginə sahib filmləri moonrise kingdom və the grand budapest hoteldir.

Moonrise kingdom filmində başlıca olaraq sarı rəng işlənmişdir. Kirli sarı tonlarının hakimliyi hadisələrin əsasında duran uşaqlıq sevgisinin yaratdığı nostaljik havanı tamamilə əks etdirməyi bacarmışdır. Filmin digər əsas rəng paletinə qəhvəyi, kirli narıncı və yaşıl tonları aiddir.

The grand budapest hotel isə tamamilə fərqli bir estetikaya sahibdir. Filmdə hadisələr 4 fərqli zaman eşiyində baş verir və hər birinə uyğun rəng harmoniyasından istfadə edilmişdir. Filmin başlanğıcında (1-ci zaman bölgüsündə) çəhrayı, bənövşəyi, qırmızı rənglərindən istifadə olunmuşdur. Bütün bu rəngləri bir arada düşünmək belə insanı yorduğu halda , izləyərkən heç də elə olmadığını görürük. Simmetrik səhnələrinin yoğunluğu ilə seçilir.

Rəng paletinin analizi üçün belə bir video da var :

(youtube:

)

27 əjdaha! 23.08.2021 19:51, Olriccc

#334683 şikayət

yazarların tanrıya demək istədikləri

+29 əjdaha

Bu rübailər:

Bulaqlardan şərab axacaq deyirsən,
cənnət meyxanəmidir?
Hər möminə iki huri deyirsən,
cənnət kərxanəmidir?

Məni belə yaradan kimdir?sən
Nə deyəcəyimi də yazmısan öncədən
Demək günah işlədən də sənsən mənə
O zaman nədir o cənnət cəhənnəm?

Kim sənin “tabu”nu tapdamadı ki söylə?
Günahsız bir ömrün nə dadı qalar söylə
Elədiyim pislikləri pisliklə ödəsən əgər
Səninlə mənim armada nə fərq olar söylə?

~ö.xəyyam

20 əjdaha! 21.11.2020 21:27, Olriccc

#311126 şikayət

davamlı dava edən ailədə böyümək

+29 əjdaha

Bir çoxu bunun səbəbini bir birini sevmədən, tanımadan, məsləhət üzərinə qurulmuş ailələrdə görür. Əlbəttə ki, doğrudur bu da. Ancaq hər zaman bir birini sevməklə də məsələ həll olunmur. bəzən elə olur sevmədən evlənir kimsə ancaq oxşar şeylər istəyirlər deyə daha xoşbəxt olurlar, bəzən əksi olur.
Anam və atam sevərək evləniblər, uzun müddət də sevgili də olublar. Bəs o qədər vaxta bir birlərinin qüsurunu görmürmüşlər? Görürmüşlər ,əlbəttə, ancaq sevginin gözü kor olur misalı. Evləndikdən sonra, artıq sevgi bağlılıqla əvəz olunandan sonra, birlikdə yaşananlar fikir ayrılıqlarını bariz şəkildə önə sərdikdə, münaqişələr qopmağa başlayıb. Və bu uzun müddət də davam etdi. Arada çox şey yaşandı.
Düşünürəm, uşaq olanda hər zaman bir tərəfi günahlandırardım. Ancaq indi görürəm ki, hər iki tərəf özünə görə haqlıdır. Ayrılıqda baxanda da hər ikisi də yaxşı insandır. Ən azından müsbət keyfiyyətləri üstünlük təşkil edir.

Azərbaycanda iki gəncin ailə qurması üçün biçilmiş o standartlar da hər ikisində olub deyə heç kəs onların birlikdəliyinə qarşı çıxmayıb. Bir birlərini də seviblər, tanıyıblar, bax elə burada deyərlər nəyiniz çatmır axı?

Mən deyim, həyata ortaq baxış. Həyat yoldaşı seçəndə bəlkə də ilk baxılmalı olan budur. Həyata eyni yerdən baxmaq lazımdır. həyata qarşı olan ümidlər bənzər olmalıdır. Uyğun olmalıdır. Bir addımlayacağınız yolda biriniz sağa digəriniz sola dönmək istəyəndə belə mübarizələr çıxır ortaya. Bu zaman da ya ayrı yollardan getməli olursan, ya da bir tərəf gözünü yumub digərinin əlindən tutub gedir. Ancaq xoşbəxt olmur. Öz istədiyi yolla gedən də xoşbəxt olmur.

Düzü bu mövzuda yazmaq da, düşünmək də, xatırlamaq da yorur. Sadəcə Bu və oxşar başlıqdakı entrylərə baxanda çoxu sevgisizliklə bağlamışdı deyə öz müşahidələrimi bölüşmək istədim.

23 əjdaha! 20.02.2021 16:50, Olriccc

#320356 şikayət

atama məktub

+22 əjdaha

Franz Kafkanın 1919-cu ildə atasına yazdığı məktub. Məktubu anasına vermişdir ki, atasına o versin. Ancaq anası məktubu geri qaytarmışdır və məktub atasına çatmamışdır. kafka məktubda atasının “tərbiyə” üsulundan, özünün də dediyi kimi “xırda” görünən şeylərin onda buraxdığı psixoloji sarsıntılardan bəhs edir:

“xahiş edirəm, məni düzgün başa düş, ata, bəlkə də bunların hamısı adi xırdalıqlar idi, ancaq mənə ona görə təsir edirdilər ki, sən- böyüklər böyüyü hesab elədiyim insan- mənim boynuma qoyduğun ayələrə heç özün əməl etmirdin…”

Baxmayaraq ki, kafka məktubu öz atasına ünvanlayaraq yazıb, atası tərəfindən əskikliyi olan hər kəs özünü, atasını, özlərinin münasibətini tapacaqdır o sətirlərdə.

17 əjdaha! 13.08.2021 14:34, Olriccc

#334078 şikayət

unudulmaz kitab cümlələri

+26 əjdaha

Tolstoy'un dirilmə əsərindən:
"Adətən belə güman edirlər ki, oğru, qatil, casus, fahişə öz peşələrinin pisliyini bilib, ondan utanmalıdırlar. Amma tamamilə tərsinə olur. Talenin və öz günah və səhvləri ucbatından məlum vəziyyətə düşmüş insanlar, nə qədər yanlış da olsa, ümumiyyətlə, həyat haqqında özlərinə elə bir təsəvvür yaradırlar ki, öz vəziyyətləri onlara yaxşı və hörmətə layiq görünür. Belə bir təsəvvürü davam etdirmək üçün isə insanlar instinktiv olaraq, elə insanlar mühitində dolanırlar ki, orada onların həyat və öz mövqeləri haqqındakı təsəvvürləri qəbul edilmiş olsun. Söhbət öz zirəklikləri ilə öyünən oğrulardan, öz əxlaqsızlıqları ilə öyünən fahişələrdən, öz amansızlıqları ilə öyünən qatillərdən getdikdə, bu bizi təəccübləndirir. Ancaq bu bizi yalnız ona görə təəccübləndirir ki, biz bu mühitdən kənardayıq, amma öz var-dövlətləri - yəni soyğunçuluqları ilə öyünən varlılar, öz qələbələri- yəni qatillikləri ilə lovğalanan sərkərdələr, öz qüdrətləri - yəni zorakılıqları ilə fəxr edən hökmranlar aləmində də vəziyyət eyni deyilmi?"

20 əjdaha! 31.08.2021 19:26, Olriccc

#335244 şikayət

zerkalo

+19 əjdaha

Andrey tarkovskinin ərsəyə gətirdiyi və haqqında “anam üçündür” dediyi film.

Filmin ən çox diqqətimi çəkən hissəsi məhz anası və həyat yoldaşını eyni aktrisanın canlandırmasıdır. Onsuz da filmdə açıq şəkildə bu iki qadının bənzər taleləri bölüşdükləri göz önündədir. Məncə, rejissor eyni aktrisanı seçməklə həm bunu, həm də gələcəkdə etdiyimiz hər bir seçimdə keçmişin özümüzün də fərqinə varmadan şüuraltımıza yeritdiyi izlərin əks olunduğunu vurğulayır.

--spoiler--

Əsas qəhrəmanımız anasına qarşı günahkarlıq, əzab duyur. illər sonra isə ona bənzəyən başqa bir qadınla həyat qurur və yenidən eyni əzab və günahkarlıq duyğusuyla üzləşir.

--spoiler--

Nə ediriksə edək, keçmiş ətəklərimizlə birlikdə ardımızca gəlir hər zaman.

15 əjdaha! 02.07.2021 13:24, Olriccc

#331205 şikayət

pierre mignard

+18 əjdaha

Dini və mifik əsərləri ilə bilinən 17-ci əsr fransız rəssamı. ən tanınmş əsərlərindən biri də Time clipping Cupid’s wings -dir. “zamanın sevgini öldürməsi, zamanla sevginin ölməsi” fikrini aşılayan əsərdə zaman tanrısı xronos sevgi tanrısı kupid ’in qanadlarını kəsir.

15 əjdaha! 20.01.2021 22:16, Olriccc

#317908 şikayət

sözlük yazarlarının niklərinin hekayəsi

+17 əjdaha

Oğuz atayın Tutunamayanlar romanındakı baş obraz turqut özben yaratdığı xəyali şəxsiyyəti olric olaraq adlandırmışdı.
romanın yarısından sonra ortaya çıxan bu obraz baş verən hadisələrin turquta təsiri ilə durmadan öz özünə danışmağa başlamasından yaranır. Elə kitabın başlanğıcı da belədir “o vaxtlar hələ olric yox idi; o vaxtlar turqutun başı bu qədər qarışıq deyildi”
O turuqutun qarmaşıq fikirlərinin, düşüncələrinin təzahürü, görə bilmədiyi və ya görmək istəmədiklərini önünə sərən mənliyi, bildikləri və ya bilmədiklərini bölüşdüyü biri olur.

-Mən hələ don kişotu da oxumamışam, olric. Özümdən utanıram. Heç nə bilmirəm, Olric.
-Olsun,əfəndimiz, siz onu içinizdə yaşadırsız, onu oxuyanlardan daha yaxşı bilirsiniz...
-bu böyük bir aldanış deyilmi, olric? Həmişə özüm üçün axtarıb tapdığım bir bəhanə deyilmi?

Bu və bənzər dialoqlarda öz özümə danışarkən bir yandan lənət oxuyub, digər yandan təskinlik axtaran qarışıq fikirlərimi əks etdirir sanki. Xülasə, olric turqut üçün nə idisə, sözlük də müəyyən qədər oxşar rolu yerinə yetirdiyindən bu adı turqutdan oğurlamış oldum. Affola turqut’cum

nick’i niyə olric yox da, olriccc deyə qeyd etməyimə gəlsək, nədənsə qeydiyyatdan keçdikdə ad çox qısa gəlmişdi.

13 əjdaha! 29.01.2021 10:26, Olriccc

#318668 şikayət

anathema

+15 əjdaha

Qədim yunan dilindəki "lənətlənmiş, şərə həsr olunmuş kimsə" mənasını verən antithenai sözündən törəmiş latın sözüdür. “Qəbul olunmayan, qovulmuş adam” mənasını verir.

Həmçinin parçalarıyla da insanı "lənətləyən" Proqressiv rock qrupunun adıdır. Dinlənilən hər hansısa parçasında qrup adının əks etdirdiklərini hiss edirsiniz. Ya da elə hiss edirsiniz deyə dinləyirsiniz -*

(youtube:

)

13 əjdaha! 13.05.2021 22:26, Olriccc

#327516 şikayət

solfecio

+15 əjdaha

bu sifarişi verən: naümid
Musiqini eşitmə və duyma qabiliyyətini inkişaf etdirmək eləcə də not oxumaq təcrübəsini artırmaq məqsədi daşıyan tədris fənnidir. Bundan başqa ifaçılıq təcrübəsi üçün də hazırlıq funksiyası daşıyır.

11 əjdaha! 08.01.2021 21:40, Olriccc

#316410 şikayət

anatolian rock revival project

+13 əjdaha

ARRP-Türk Anadolu rock,pop və jazz musiqisini tarixin tozları arasından alaraq günümüzdə dijital platformaya gətirib çıxaran layihədir.2014 cü ildə Gökhan Yücel tərəfindən yaradılmış bu layihə 1968-80 ci illər arasında çıxmış musiqi əfsanələrini illustrasiyalardan istifadə edərək Youtube üzərində bizlərə unudulmaz həzz yaşadır.Kanallarında musiqi,illusturasiya və paylaşılan hər musiqi haqqında verilən ingilis və türkcə məlumatlarla Türk musiqisini dünyaya tanıdır.
Düşünürəm ki,Azərbaycanın retro musiqiləri üçün də eynilə belə bir layihənin yaradılması və musiqi tariximizin möhtəşəmliyinin daha da tanınması,sevilməsi və yaşadılması zəruridir.
Aşağıda kanallarından bəyəndiyim bir neçə parçanı qeyd etmişəm.Eyni zamanda ilk paylaşdığım Erkin Korayın “Bir eylül akşamı” parçası The Rolling Stones qrupunun məşhur parçalarından olan “Paint it Black”in ilham qaynağıdır.

(youtube:

)

(youtube:

)

(youtube:

)

(youtube:

)

(youtube:

)

8 əjdaha! 23.10.2020 15:06, Olriccc

#307091 şikayət

zamanla dəyişmək

+14 əjdaha

“Hər bir insan içində bütün insan xüsususiyyətlərinin təməlini saxlayar və zamanı gəldikdə hər birini göstərər.”~(Tolstoy-Dirilmə )
Həyat ziddiyətlərlə doludur. insan elə anlarla üzləşə bilər ki, o an heç olmadığı biri kimi davranar. Bəzi insanlar necə rahatlıq tapdığını görmüş olar və yenidən eyni və ya bənzər halla üzləşdikdə həmin ankı vəziyyətini xatırlayaraq o halını göstərməkdən çəkinməz. Artıq bu davranış şəkli onun üçün vərdiş halını alar. Bəziləri isə bunu görməz, eyni özündən çıxmışlığı davam etdirməz.
Yalana, xəyanətə, acımasızlığa alışmış biri kiməsə bilmədən və ya bilərəkdən göstərdiyi mərhəmətin ürəyinə necə su sərpdiyini görüb içini yanıdıran pislik alovunu sakitləşdirmək üçün hər dəfə eyni yola əl ataraq onu söndürə bilər, bir başqası isə kiçicik damcıların alova təsir etmədiyini görüb həmişəki yolu ilə davam etməyi seçər;mutiliyə, susmağa alışmış biri səbr kasasının doluduğu bir an, içində toplanmış olan qəzəbi bir səfər boşaltmaqla özünü necə düzgün ifadə etdiyini gördükdə qarşısına çıxacaq haqsızlıqlara qarşı güc tapar və yenidən eynisini etməkdən çəkinməz, başqa biri isə yenə eyni cəsarəti göstərə bilməyib əvvəlki kimi yaşamağa davam edə bilər.
Nümunə olaraq göstərdiyim 2 ci tipə aid olanların davranışlarının dəyişməməsi onların dəyişmədiyi mənasına gəlməz. Dəyişim yalnızca davranış şəkli deyildir, dəyişim dirilmədir. Dəyişim insanın özünü kəşf etməsidir. Və bunu sadəcə zamanla, yaşananlarla anlamaq mümkündür.

7 əjdaha! 24.11.2020 21:01, Olriccc

#311392 şikayət

yaş artdıqca daha yaxşı dərk edilən şeylər

+13 əjdaha

Dünyada “sizi başa düşürəm” gözlərinin saxtaları törəmişdi ; gerçəyi saxtadan ayırmaq çətin idi. “Sizi başa düşürəm, danışmağınıza gərək yoxdur” ya da “Siz onlara baxmayın-yalnız gözlərimə baxın” baxışlarının çoxu, əslində “Bu günü keçirmək üçün birinə ehtiyacım var” qəlibindən ibarət idi.

Telefonun notelarında haradan götürərək yazdığımı xatırlamadığım cümlələrlə üz üzə qaldım, düşündüm; son keçən günləri, ayları, illəri . Başa düşüldüyüm "gözləri" xatırladım. Saylarının azaldığını və daha da azalacağını hiss edərək çarəsizcə yenidən və yenidən oxudum.

11 əjdaha! 13.06.2024 23:27, Olriccc

#385222 şikayət

antinatalist

+13 əjdaha

Antinatalizm çoxalmağın yanlış seçim olduğunu söyləyən istiqamətdir. Çoxalmağa tamamilə qarşı deyiləm. ancaq düşünürəm ki, bir şeyi bacarmaq onu mütləq yerinə yetirməli olduğumuz mənasına gəlmir. həyatı sorğulayıb dünyaya niyə gəlirik deyə sual verdikdə hər nə qədər cavablandırmaqda çətinlik çəksək də, içimizdə həyata tutunmaq üçün yetişdirdiyimiz arzuların, xəyalların, öhdəliklərin olduğunun fərqinə varırıq. həyatımız boyu da bunlara nail olmaq uğurunda çalışırıq. uşaq dünyaya gətirmək özününkilərdən vaz keçib onunkulara yönəlməkdir. Bir çoxaları bunu eqoistlik hesab edə bilər. Ancaq bu zaman artıq çiyinlərində bir yox iki , bəlkə də, daha çox insanın məsuliyyəti qalır. Məsuliyyət dedikdə Söhbət həm maddi təminatdan, həm də mənəvi yetişdirmədən gedir. Əgər bacaracaqsansa buyur, yox öhdəsindən gələ bilməyəcəyini bildiyin halda analıq/atalıq instinktinə məğlub olaraq bütün işi nə həyata, nə də yaşamağa qarşı heç bir təcrübəsi olmayan bir canlıya buraxmaq canilikdən başqa bir şey deyil. Bilirəm, tək başına bir çox uğura imza atmış, öz özünü yetişdirmiş şəxslər azlıq təşkil etsə də,mövcuddur. ancaq bu işi şansa buraxmaqdır,əksəriyyətin dünyaya bir parazit kimi gəldiyini, hətta bəzən bunların öhdəsindən gələ bilməyib canlarına qəsd etdiklərini inkar edə bilmərik. bununla bərabər uğurlu olmaq hər şey demək deyil. Ailə sevgisi, qayğısı görmədən yetişən insanların nə olursa, olsun həmişə əskik bir yanları olur və bunu haçansa mütləq şəkildə birüzə verir.
Ona görə düşünürəm ki, nəinki dünyaya, hər şey bir kənara elə fərdin öz özünə faydalı olmayacaq şəkildə yetişməsindənsə, heç olmamağı ən düzgün seçimdir.

12 əjdaha! 15.12.2020 10:30, Olriccc

#313574 şikayət

hardal

+12 əjdaha

1976-cı ildə yaradılaraq layiq olduğu dəyəri görməmiş progressive türk rock qrupu. Anatolian rock revival project tərəfindən nasıl ne zaman albomlarının ən dəyərli parçalarının günümüzə daşındığı qrupdur ki, sayələrində mən də tanıdım.

(youtube:

)

(youtube:

)

(youtube:

)

Digər albomlarına yeniden doğuş və nereden nereye aiddir.

8 əjdaha! 09.01.2021 23:21, Olriccc

#316552 şikayət

space rock

+13 əjdaha

Mənim üçün tam mənası ilə pink floydun a saucerful of secretsidir space rock janrı.
Bir dəfə qulaqlıqla yatdığm zamanlar idi hələ, gecə parçanın tam 1:20-1:22 saniyələri arası ayılmışdım, həqiqətən özümü “boşluqda” gəzirmişəm ( və ya uçurmuşam?) kimi hiss etdirmişdi sonuna qədər. Daha sonra dəfələrlə dinləsəmdə eyni hissi yaşamamışam heç birində. Yuxulu ikən ayrı bir təsir göstərirmiş, deməli.
Eyni olmasa da, ən yaxın oxşar təsir bağışlayanlardan:
Eloy inside -

(youtube:

)

11 əjdaha! 10.11.2021 22:02, Olriccc

#339618 şikayət

epistolyar roman

+10 əjdaha

hekayəsi məktublar, gündəlikdən qeydlər, qəzet parçaları vasitəsilə əks olunmuş roman növüdür. Əsasən, məktublar şəklində olur. Məktublar fərdi fikirlərin, hislərin təzahürüdür. məhz məktublaşma şəklində olan Epistolyar romanlarda söhbət gedən hekayəyə fərqli yanaşmalar müşahidə olunduğu üçün həqiqiliyin qavranılması asandlaşır.

6 əjdaha! 14.01.2021 15:13, Olriccc

#317146 şikayət

4 33

+11 əjdaha

Bəstəkar john cage tərəfindən bəstələnən parça. ilk dəfə 1952- ci ildə David tudor tərəfindən səsləndirilmişdir. Yoxsa səsnləndirilməmişdir mi desək? Rahatlıqla belə deyə bilərik. Çünki 4 dəqiqə 33 saniyədən ibarət parçada heç bir musiqi notundan istifadə olunmur.
Bu parçanın çıxışını xəyalımızda canlandıraq; tudor çıxır səhnəyə və oturur pianonun qarşısına, pianonun qapağını bağlayır. 30 saniyə sonra açır və yenidən bağlayır. Növbəti 2 dəqiqə 23 saniyəlik və 1 dəqiqə 40 saniyəlik aralıq daxilində də eynisi təkrar edir. Ancaq heç bir nota toxunmur. bununla belə zal səssiz qalmır. Bəziləri buradan çıxıb gedir, bir qismi pıçıltı ilə danışaraq burada nə baş verdiyini anlmağa çalışır. Və 4 dəqiqə 33 saniyə tamamlandıqdan sonra tedor ayağa qalxır və baş əyir. Beləliklə parça bitmiş olur. “Səssizliyi” dinləyənlər onu alqışlayır. Ancaq belə bir sual doğur:

Bu səssizliyi musiqi adlandırmaq olarmı?

Ənənəvi instrumental musiqini dinləməyə hamı can atır. Burada isə iş onu dinləyənlərə qalır. Cage’ə görə hər bir səs musiqidir. Əlbəttə ki, Onu duya bilənə.
Elə parçanın əsas məqsədi də budur “insanlar öz musiqilərini duysunlar”

(youtube:

)

Metal səssizlik -*

(youtube:

)

8 əjdaha! 29.01.2021 23:57, Olriccc

#318766 şikayət

yoxsul insanlar

+9 əjdaha

Yoxsulluğu, səfaləti bütün acımasızlığı ilə təsvir edən, məcburiyətin insanı nələrə vadar edə biləcəyini ən təmiz halıyla çatdıran ustad Dostoyevskinin hələ 24 yaşında ikən yazdığı ilk romanı belə adlanır. Alışılandan fərqli olaraq bu roman iki nəfərin-Makar Devuşkin və onun himayəsində olan gənc qız Varvaranın məktublaşmalarından ibarətdir. Dostostoyevski bitirər bitirməz bu romanı öncə Nikolay Nekrasova göndərir. Böyük bir bəyəni qazanan roman tez bir zamanda çap olunur və Dostoyevskini tanıdır.
əsas qəhrəmanlar həmişə olduğu kimi alt təbəqənin üzvüdürlər. onlar kasıbdırlar, onlar səfildirlər, onlar cəmiyyətin tapdalamaqdan, əzməkdən çəkinmədiyi fərdləridirlər. Ancaq əllərinə gələn ən kiçik gəliri belə bir-biri ilə paylaşmaqdan, bir birlərinin dərdinə əncam qılmaqdan çəkinmirlər. Maddi yoxsul olan bu insanların qəlblərinin nə qədər zəngin olduğunu buradan görə bilərik. Lakin həyat öz amansızlığını heç vaxt əsirgəmədiyi müddətcə yetişdirdiyi insanların verdikləri dəyərlər də dəyişir. Yoxusulluq insanların gözündə artıq ara,bağışlanmaz günaha, digər insani dəyərlər isə heçə çevrilmişdir. Həyatın amansızlığı demişkən, onu belə edən elə insanlar özləri deyilmi?!

8 əjdaha! 29.11.2020 17:45, Olriccc

#311913 şikayət

yazarların hazırda düşündükləri

+9 əjdaha

"Məsumiuyət muzeyi"də keçən bu sətirlər:
Əslində kimsə onu yaşayarkən həyatının ən xoşbəxt anını yaşadığını bilməz. Bəzi insanlar bəzi coşqulu anlarında həyatlarının qızıl anını indi yaşadıqları səmimiyyətlə və tez-tez düşünə və söyləyə bilərlər bəlkə, amma yenə də ruhlarının bir yanıyla bu andan da gözəlini, daha da xoşbəxt olanını irəlidə yaşayacaqlarına inanarlar. Çünki, xüsusilə də gəncliyində heç kimsə bundan sonra hər şeyin daha da pis olacağını düşünərək həyatını davam etdirə bilməyəcəyi kimi, insan da həyatının ən xoşbəxt anını yaşadığını düşünə biləcək qədər xoşbəxtdirsə, gələcəyin də gözəl olacağını düşünəcək qədər nikbin olur.
Keçən dəfələrdə terapiyada olarkən psixoloq ən xoşbəxt anımı bölüşməyimi istədi, o gündən bəri düşünürəm. Ya yaşamışam amma "hələ qabaqdadır" deyərək fərqinə varmamışam, ya da həqiqətən də "hələ qabaqdadır".

7 əjdaha! 16.08.2024 13:55, Olriccc

#387166 şikayət

unudulmaz film səhnələri

+8 əjdaha

Contact filmi, ayna səhnəsi.

(youtube:

)

Səhnənin çəkilişi ilə bağlı belə bir video da var.

(youtube:

)

6 əjdaha! 30.06.2021 20:06, Olriccc

#331067 şikayət

uşaqlığı xatırladan şeylər

+7 əjdaha

“Lənkaran iyi” adlandırdığım rütubət və limonun bir-birinə qarışmış qoxusu.

6 əjdaha! 05.12.2020 00:45, Olriccc

#312559 şikayət

masumiyet müzesi

+5 əjdaha

ilk eşqimi yaşadığım vaxtlarda oxuduğum, oxuxuqca hisslərimi özümü tapdığım o kitab. Serialı çıxan kimi izlədim, məni hisslərimi ən yoğun yaşadığım zamanlara götürdü. Kemal.. səni anlayıram canım, eşqin yaşatdığı acıdan zövq almaq; sanki öz yaramızı sığallayırmışıq kimi hiss etmək. Birinə bağlanmaq, onu mənimsəmək, hər şeyini içində hiss etmək…mənə görə bu eşqin ən təbii halıdır. Həqiqətən də, eşqin ən gözəl halı onun çətinliyi, mümkünsüzlüyü, əlçatmazlığındadır. Qısacıq yaşanıb fərqində olmadığın xoşbəxtliklərdə, gözlərini yumduğunda qucaq qucağa uzanmağın verdiyi hüzurda, bədənini isidən nəfəsdə, içinə çəkdikdə ciyərini tamamilə dolduran qoxuda.
Eşq davamı olmayan, amma yaddaşda yaşayan həmin anlardır. Əsl eşq obsessiya yaradan, səni ona bağlayandır deyəsən. Hər anı, hər əşyanı, hər toxunuşu xatirəyə çevirmək. Yəqin ki, insan ən çox itirəcəyini bildiyi şeyi bu qədər möhkəm mənimsəyər.
Böyüdükcə obsessiyamın fərqinə varıram, bu obsessiya “yaşanmışlıq” hissinə duyduğum bağlılıqdı. Məncə eşq sahib olmaq yox, xatırlamaq, yaşamış olmaq, içində yaşatmaqdır.

5 əjdaha! 16.02.2026 21:29, Olriccc

#396851 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3409

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416

Olriccc

son bəyənilənlər:

oxuyucuların bəyəndikləri:

Olriccc

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: