phaedrus

284 0 0 0

7. nəsil koder

entry: 284

Palma de Mallorca, Spain AI

6 post son 1 ildə

Son 1 il 2026 2025 2024 2023 2022 2021 2020 2019 2018

çox

0 gün

ardıcıl post

rekord: 4 gün

gecə quşu

Çırak

Səviyyə 3

114 / 300 XP

35.5K

təxmini söz yazıb

0.5 kitaba bərabər

Statistika

Nailiyyətlər 10 / 18

İlk Addımlar

Yazıçı

Əjdaha Balası

Əjdaha

Tanınmış

Vikipedist

Oxunan

Bestseller

Veteran

Əbədi

Qələm Ustası

Əjdaha Kralı

Karma Yığıcı

Məşhur

Bilik Xəzinəsi

Milyonçu

Həftəlik Seri

Abidə

blokdan çıxar başlıqlarını gizlət postları gizlət

mən sadəcə çaşan yazarları yerində otuzduran bir vətəndaşam-*

həyat fəlsəfəsi edilə bil

sözlükdə nik dəyişmək

yaxşı insan olmaq

soz6 wiki engine

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı music

+40 əjdaha

Çalıkuşu by Esin Engin.

Kitabı oxuyanda və bu əsəri öyrənəndə 9-da oxuyurdum. Hey gidi günlər-*

27 əjdaha! 12.06.2021 11:42, phaedrus

#329588 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

peysər

+50 əjdaha

Diqqət: yazıda seksizm, mizoginiya, homofobiya, transfobiya, irqçilik, toksik kişilik/maskulinlik , söyüş elementləri var.

Facebookda heyvan haqları ilə bağlı bir qrupda bir oğlanın "Çox şükür bu gün də qızım ac qaldı)" başlıqlı video paylaşdığını gördüm. Videoda oğlan əlindəki ət ilə itini oynadır və heç cür əti ona vermirdi. Təbii ki, belə bir videonu tamaşa etmək məni hədsiz əsəbiləşdirdi, "triggered" etdi və kinayə ilə belə bir şərh yazdım: "...çox şükür bu gün də bir g*****q gördük:D" (eynən bu senzura ilə). Qəhrəmanımız əsəbiləşər və mənə şəxsidən "gijdıllaq, səni sikir paylaşmağım?" yazar. Əlbəttə, mən bu dialoqa girməyi mənasız gördüyümdən mesajı bağladım, çünki zatən ürəyi istəsə şərhimə arzu etdiyi cavabı yazar. Cavab gecikmədi: "mənim gijdıllaq sənin də peysər olduğunu hamı bildi)". Ona şəxsidə yazmamağımı bu cür şərh etdi; demək, müəyyən alt-mədəniyyətlərdə bir fərdin xoşuna gəlməyəcəyi bir söz demək və buna görə də onunla mübahisəyə girməyi rədd etmək, hesab vermək ehtiyacı görməmək onda sizi "peysər" elan edə biləcək bir emosional reaksiya yaradır ki, bu reaksiya ondakı alçaldılma cəhdindən sonra sayılmamaq, qarşılıq görməməkdən doğan stressi azaldır. Ən azından sosial mediada belədir.

Bəs nədir bu "peysər"? Bəlkə də bir sözlük yazarının bu dərəcə "səviyyəsiz", "qeyri-sivil" bir söyüşü analiz etməsi mənasız gəlir, lakin Azərbaycan mədəniyyətində hökmən müəyyən tezliklə eşitdiyiniz bu sözün xüsusi önəmə sahib olduğunu və təhlil edilməli olduğunu düşünürəm. Səbəb, mənə görə bu ifadənin digər söyüşlərdən müəyyən qədər fərqlənməsidir. Söz farscadan gəlir, kobudca boynun arxa hissəsi deməkdir. Söyüş kimi mənşəyini dəqiq müəyyən etmək, həqiqətən, çətindir. Zira uşaqlığımın müəyyən dövründən etibarən eşitdiyim bu sözün tarixi inkişafı üzərinə düşünmə ehtiyacı heç vaxt duymamışam və, təəssüf ki, söyüş ciddi şəkildə heç bir mənbədə dokumentləşdirilməyib. Yəqin ki, bu söyüşü işlədən insanlar tarixi dokumentləşdirməyə önəm verən zümrə deyil və ya araşdırma aparmağı sevənlər bu sözü qeyd etməyi çox yersiz görüblər.

Nəyə görə "peysər"? Sözsüz ki, bunu ilk söyüş kimi ixtira edənlərdən soruşmaq lazımdır. Yenə də, mənim şəxsi interpretasiyamı soruşsanız, belə deyərdim; Patriarx, kişilərin sosial güc sahibi olduğu cəmiyyətlərdə (mis: Azərbaycan) kişi rolundan gözlənən əsas xüsusiyyətlərdən biri özünü və başqalarını nisbətən daha çox qoruya bilməkdir. Kişi bədəninə arxadan baxdıqda isə, adətən qolları çıxmaq şərti ilə tək açıq bədən hissəsi boynun arxasıdır. Nəyə görə bədənin arxası? Çünki arxamızı görə bilmədiyimiz üçün nisbətən zəif hissəmizdir və qorumaq üçün daha çox diqqət edilməlidir, bu da öz yerində onu daha dəyərli edir (bax: göt) . Buna görə də, boynunun arxasını qoruya bilməyən kişi, özünü qoruya bilməyən kişidir, özünü qoruya bilməyən kişi də patriarx cəmiyyətlərdə kişi deyildir. Bəlkə də, bu səbəbdəndir ki, boynunun arxasından vurulmaq nisbətən daha təhqiredici görünür, çünki, bəlkə də, bu sizin "kişi olmadığınız" mənasına da yozula bilər. Əlbəttə, hal-hazırda tamamilə bu sözü işlədənlərin gözündən və ənənəvi kişi rolu prizmasından baxmağa çalışıram bu abzasda, yoxsa bütün bu izahlar özümə də çox primtiv gəlir.

"Peysər" ifadəsinin funksiyası nələrdir? Bəsit, sizi içində olduğunuz qrup/cəmiyyətdən sosial çıxdaş etmək, statusunuzu silmək, tək buraxmaq, sosial həyatınıza zərbə endirmək. Şübhəsiz, bir insanın öz cəmiyyəti ilə bəşəri əlaqələrini kəsmək onu depressiyaya sala, emosional əzab çəkdirə və ən sərt halda ölümə tərk edə bilər. Əlbəttə, burada məqsəd qəsdli öldürmək deyil, ən yaxşı halda cəzalandırmaq, ən pis halda isə qərəzli şəkildə qarşıdakını aşağılamaqla özünü üstə çıxarmaq olur çox vaxt. Bəs "peysər" ifadəsini işlətmək ədalətli bir cəzalandırmadırmı? Qətiyyən, yox. Səbəb, şüurlu, sonda fayda gətirmək üçün planlanmış yox, çox vaxt tamamilə instinktiv, emosional bir reaksiya olmağıdır. Nəticəsi qeyri-müəyyən olmaqla birlikdə işlədilən şəxsdə travmatik təcrüblələrə yol açmaq da ola bilir. Misal, oğlanlar adətən "peysər" elan etdikləri digər qrup fərdini təzədən qrupa çox hallarda almırlar. Bundan əlavə, "peysər" ifadəsi bir qrup oğlanı qrupdaxili yazılmayan qanunlara tabe olmağa məcbur edən bir stiqmadır. Yəni dürüst şəkildə, bu vulqar ifadə qrup dinamikasında xüsusi rol oynayır. Nümunələri qrupdan-qrupa dəyişə bilir təbii ki, lakin adətən çox bilinən sosial normalar olur; məsələn, qrupdan kiminsə sənə işi düşdüsə, yardım etmək, davada qrup üzvünü müdafiə etməkdən imtina etməmək, satqınlık etməmək, qrup üzvü bir oğlanın ailəsindən bir qız fərdlə, sevgilisi və hətta köhnə sevgilisi ilə romantik əlaqələr qurmamaq və s. ilk baxışdan fəlakət dərəcəsində pis səslənmir bu kriteriyalar, fəqət bəzi ekstremist oğlan qrupları var ki, bu qayda-qanunlarda çox sərtdirlər və adətən məqsəd qrup harmoniyası yox manipulasiya olur. Misal üçün, belə qruplarda sizə lazım olan bir resursu, bu sonuncu siqaret də ola bilər, pul da ola bilər və s. verməkdən imtina edirsinizsə yenə "peysər" ola bilərsiniz. iş artıq elə bir həddə çata bilir ki, bir oğlan cəmiyyətdə öz dəyərlərinə görə yox, "peysər" stiqmasına "layiq olmamaq" üçün hərəkət edir.

Əlbəttə, "peysər" stiqmasının oblastı bəzən qrup xaricinə də çıxa bilir. Heç tanımadığınız biri haqda "qaqa o, peysərdi, filan şeyi edib" kimi bir beyinyumaya məruz qaldığınızda avtomatik şəkildə o oğlana qarşı hörmət göstərməmək, özünü üstün hiss etmək üçün təzyiq etmək ehtiyacı hiss edə bilərsiniz. Qısaca, bullying.

Kimlər necə "peysər" olur? iki şəkildə bu mümkündür: iradi və qeyri-iradi. Yuxarıda sadaladığım normaları pozmusunuzsa, güman ki, ehtimal böyükdür, bu adətən iradidir. Qeyri-iradi səbəblər, qismən iradənizdən asılı ola biləcək, lakin çox zaman idarə edə bilməyəcəyiniz faktorlardır.

Azərbaycan mentalitetində:
-erməni "peysərdir". Bunun alternativi yoxdur. Ən qeyri-realist halda bir erməni Azərbaycan tərəfinə keçsə belə, eyni şeydir, çünki nəticədə cəmiyyətin gözündə öz millətini satmışdır. Ailəsində erməni qohumu olmuş və bunu açıqlayan fərdlər də risk qrupundan çöldə deyillər.
-LGBTQ fərdləri çox vaxt "peysərdir". Bəsit şəkildə, bu cəmiyyət gey bir kişini kişi olaraq görmür, yəqin ki, bu yetərincə açıqlayıcıdır. Həmçinin, anal münasibətdə olmuş bir kişi yuxarıda açıqladığım kimi arxasını "qoruya bilməmişdir" və bu səbəbdən kişi olaraq görülmür. Gey/biseksual kişilər əslində görünəndən daha çoxdur Azərbaycanda, lakin əksəriyyəti "peysər"/ "petux" olaraq görünməmək üçün gizli/ikili həyat yaşayırlar. Gecələr kişilərlə, trans qadınlarla yatıb, gündüzlər onları lənətləyirlər, "Lut" tayfasından sitatlar gətirirlər.
-Oğlanın ailəsindən bir qız/qadın evlilikdən kənar başqa bir kişi ilə cinsi əlaqəyə girirsə, o "peysərdir". Yenə, səbəb aydındır; Qadın zatən kişiyə bağlı bir mülk kimi görünür, qadın özünə varlıq deyildir, kişinin bir xüsusiyyətidir, namusudur, qeyrətidir və onu qoruya bilməmək nisbətən özünü qoruya bilməməyə çıxır və kişilik "itir". Bir Azərbaycanlı oğlan/kişi üçün yuxarıdakılara nisbətən daha çox yaşanan ssenaridir bu və çox da əzablıdır. Haqlı olduğu mövzularda belə bu üzünə vurulub səssizləşdirilə bilinir. Bu mənada feminizmin kişi cinsinə ən böyük xidməti qadını kişinin bir xüsusu olmaqdan çıxarıb, onu azad edib kişini də bu idarə olunması çətin məsuliyyətdən xilas etmək olar, böyük ehtimalla.
-islamdan kənar bir dini inanclı bir şəxs, çox hallarda olmasa da "peysər çıxarıla" bilər. Ateistlər misal üçün, allahın varlığını qəbul etməyənlər, tanrıtanımazlar bundan xüsusilə cüzi əziyyət çəkə bilərlər. Düzünü desəm, çox az qarşılaşmışam bununla, lakin örnəkləri vardır. Müsəlman olduğunu idda edən birinin də "peysər" ritorikasından istifadə etməsi paradoksunu da gün işığına çıxara biləcək bir situasiyadır.

"Peysərlik mədəniyyəti" sosial şəbəkələrdə isə bir qədər dar funksionallıq daşıyır və çox vaxt xofdan ibarət olur, lakin yetərincə əsəbedicidir. Misal olaraq, bir istifadəçi bir status paylaşır, bir mövqe qoyur ortaya və siz onu komment yazaraq tənqid edirsiniz. Əgər bəxtiniz gətirməyibsə, bu istifadəçi sizin tənqidinizi tənqid olaraq yox onu nüfuzdan salmaq üçün bir hücum olaraq görəcək və inboxunuza mesaj gəlməsi an məsələsi ola bilər. Başıma gəlib, sərt tənqidim ucbatından heç söyüş söymədiyim halda, nəinki "peysər", hətta "qəhbə", "şərəfsiz" və s. kimi görəndə şok olduğum təhqirlərə məruz qalmışam. Və ən sonunda onun heç bir təhqirinə təhqirlə cavab vermədiyim üçün "səndə qeyrət olsa, bunlara cavab verərdin" deyib, orada məni "peysər çıxardı". Şok olmuşdum, səviyyənin bu qədər düşəcəyini gözləmirdim, özü də mənə bunları yazan ada tələbəsi - dünyagörüşlü, xaricidilli, savadlı tələbə arxetipi idi. Yəni buradakı "peysər" sözünün işlənmə səbəbi gördüyüm qədəri ilə onun söyüşlərini özümə aid etmədiyim üçün onda yaranan stressi azaltmaq idi. Əgər mən onun söyüşlərinə cavab vermirəmsə, "səviyyə məsələsi"nə görə, yox "peysər" olduğum üçün, yəni kişi olmadığım üçün ona cavab vermə bacarığında, iqtidarında olmadığım üçün idi, onun fikrincə. O, özünü belə rahatladırdı.

Digər bir ünsür bloklamaqdır. Əgər tənqidin qarşılığında inboxunuza gələn söyüşləri görməmək üçün heç dialoqa girməyib yazanı bloklayırsınızsa, bu normal insanın edəcəyi bir şeydir. Buna baxmayaraq, bloklamaq onu daha da qıcıq edəcəkdir və o, yenə saymamazlıqdan yaranan əlavə əsəb və stressi mülayimləşdirmək üçün sizi qorxaq və dolayı olaraq "peysər" elan edəcəkdir və bunu da tənqidinizin altına şərh olaraq yazmaqdan çəkinməyəcəkdir. Əgər blok edirsinizsə, deməli, qorxursunuz, yazdığınız şeylərin nəticəsi ilə üzləşməkdən qorxursunuzsa, özünüzü necə qoruya bilərsiniz və necə kişi olar? - Blok olunanın məntiqi tamamilə budur, sizi özündən aşağıya bu cür salmağa çalışır və rahatlayır. Əlbəttə, durduq yerdə siz təhqiramiz komment yazırsınızsa və sizə mesaj gəldikdə bloka atırsınızsa, bu anti-sosial hərəkətdir. Halbuki bunun qarşılığında da "peysər" ritorikasına girməyi lazımsız hesab edirəm, çünki zatən əssasız yerə təhqir yazan insan sizdən bir şey aparmış olmur.

Sosial mediada "peysərlik mədəniyyəti" çox vaxt xofdan ibarət olur. Verilən nömrələrə heç zəng getməz, dava edənlər real həyatda heç görüşməzlər. Məqsəd, sadəcə digər istifadəçilər sözün altında qalmadığınızı görsün. Bu cür yolla da əsl həyatda davaya gedənlər də şəxsən məndə primitiv insan təəsüratı oyadır.

"peysər" savadsızlığın, dar dünya görüşünün, kompleksliliyin, ikililiyin, nifrətin, fanatizmin, birinin digərini əzməsinin dilidir, daha doğrusu onların nümunələrindən biridir. Bu sadəcə əsbiləşəndə söyülən bir söyüş deyil, bu yeniyetmə, gənc oğlanlar arasında bir kulturadır, qaydalar sisteminin qeyri-rəsmi adıdır. Nifrət təməlli olmağı bir tərəfə, hər sistem kimi korrupsiyaya meyillidir; yəni digərini əzərək, sosial statusunu zədələyərək güc əldə etmək üçün istifadə olunur. Zənnimcə, kişilərin bədbəxtliyi budur, öz cinsinin qurduğu qanunları özlərini tikan üzərində yaşamağa məcbur edir və kişilər arasında belə siniflər yaradır. Müasir sivilizasiyalarda bu cür siniflərə ehtiyac vardırmı, əsas sual budur.

Patriarxiyanın dekonstruksiyasından "peysərlik kulturası"na qayıtsaq, gənclər arasında Azərbaycan mədəniyyətini ucuzlaşdıran, fanatikləşdirən problemlərdən biri olduğunu yəqin edirəm. Mübarizə də həmişə olduğu kimi kritik yanaşma, sorğulama və sonunda açıq şəkildə qrup-daxilində buna etiraz etmək kimi mövqelər olar, güman ki. Onun xaricində, dünyagörüşünü artırmağa çalışan və öz inkişafın üzərində işləyən fərdlərin işlətməkdən çəkindiyi arqodur.

40 əjdaha! 26.09.2020 05:16, phaedrus

#305109 şikayət

həyat fəlsəfəsi edilə biləcək ən gözəl cümlə

+30 əjdaha

(baxma: Ceci n'est pas une pipe)
Tariçxəsinə, adına-filan girmədən direkt aşağıdakı rəsm əsərini təqdim edəcəm:

Bir pipo şəklinin altına fransızca "bu bir pipo deyil" yazılıb. Niyə? Sənıtkar burda nə demək istəyib? Sırf sürrealist olsun deyə və ya tərs köşə yaradaraq rəsmə tamaşa edəndə qıcıq hissi yaratmaq? Əslində, heç biri. Rəssamın yazdığı cümlə tam olaraq gerçəkliyin, bir faktın altını cızır; bu bir pipo deyil. Bu sadəcə bir pipo rəsmidir. Piponu təmsil edən bir imajdır eləcə, onun özü deyildir.

Psixoloq Susan David emotional agility * emosional çeviklik kitabında bu rəsmi nümunə göstərərək deyir; düşüncələr və emosiyalar reallığı təsvir etməyə çalışan imajlardır, fakt deyildirlər. Hansısa neqativ düşüncə və ya duyğu içimdən keçirsə, bu sadəcə hazırda elə bir düşüncə və ya duyğu yaşadığımı göstərir, həqiqətin elə olduğunu yox. Məsələn, "imtahandan kəsiləcəm" - bu düşüncədir, fakt yox. Sevdiyim birinə əsəbiləşirəmsə, bu bir duyğudur, mənim həmin insanı sevmədiyim anlamına gəlmir. Düşüncələr və duyğular fərdi əmələ gətirən şeylər yox, onun sahib olduğu, üzərində kontrol sahibi ola bildiyi fenomenlərdir. Hər şeydən öncə, onlar obyektiv faktlar yox, sadəcə imajdır. Qərar verərkən onlara istinad edib-etməmək bizdən asılıdır.

22 əjdaha! 30.04.2023 17:22, phaedrus

#371455 şikayət

identity disturbance

+36 əjdaha

Şəxsin sabit mənlik/kimlik hissinin * sense of self olmaması durumu. Borderline şəxsiyyət pozuntusunun (bax: bpd) diaqnostik kriteriyalarından biridir.

Fərdin kimliyini təşkil edən dəyərlərin, inancların, düşüncələrin, görünüş tərzinin, dost çevrəsinin və bağlantılarının və s. konkret, sabit olamaması, tez-tez dəyişməsi ilə özünü büruzə verir. Identity disturbance yaşayan insanda gələcəyə yönəlik sabit hədəflərin yoxluğu, başqa insanların hədəflərindən təsirlənmək, başqalarının kimliklərini mənimsəmək, tez -tez görünüşünü, geyim tərzini, işini dəyişmək kimi vəziyyətlər müşahidə oluna bilir.

Bpd-nin təyinedici simptomlardan biri də tərkedilmə təşvişidir (baxma: abandonment anxiety) və bunun identity disturbance ilə bir şəkildə əlaqəsi var. Məsələn, tərk edilmə təşvişi yaşayan bir insan, bir qrup və ya kimsə tərəfindən tərk edilməmək üçün (bu tərk edilmə hissi müəyyən hallarda əsassız ola bilir) öz inanclarını, düşüncələrini, dəyər yarğılarını, çox fikirləşmədən həmin qrup və ya şəxsinkilərlə eyniləşdirə bilir.

Qeyd: identity disturbance yaşamaq təkbaşına bpd göstəricisi deyil. Həmçinin zaman-zaman yaşanılan insanın özündən əmin olmama hissi birbaşa identity disturbance halı deyil. Bunun üçün şəxs həmin isi uzun müddət pattern şəklində yaşamağı lazımdır.

29 əjdaha! 04.12.2022 16:47, phaedrus

#363626 şikayət

dasein

+29 əjdaha

An etibarilə modluqdan təqaüdə çıxan yazar. Sözlüyə ayırdım vaxtın böyük hissəsini texniki dəstəyə və codingə həsr etmək istəyirəm. Zira coder team ilə sözlüyün arxitekturasında köklü dəyişikliklər etmək planlarımız var və bütün enerji, vaxtımı bu planlara kanalizasiya etməyi düşünürəm. Daxili işlərlə bağlı olmasa da, texniki dəstək üçün həmişə özəldən yaza və ya sözlüyün tech support kanalına müraciət edə bilərsiniz -*
t.me/soz6_technical

24 əjdaha! 10.05.2023 22:49, phaedrus

#372195 şikayət

sözaltı music

+29 əjdaha

Chopin op. 69 no. 2 waltz in b minor tam versiya.

Ortalarda xətalı notlar ola bilər-*

24 əjdaha! 28.02.2021 21:15, phaedrus

#321100 şikayət

danışır kimya

+26 əjdaha

Xarici kimya səhifələrini axtartmayacaq keyfiyyətdə olan azərbaycan dilində kimya ilə bağlı paylaşımlar edən Instagram səhifəsi, maarifləndirmə məqsədi ilə ilə yaradılmış təşəbbüs. Səhifədə gündəlik həyatda qarşılaşdığımız hadisələrin arxasındakı kimyəvi səbəblər maraqlı postlarla izah edilir. Həmin postlardan biri:

Kimya sevənlərin mütləq izləməli olduğu səhifə. danishirkimya link

24 əjdaha! 12.03.2023 18:56, phaedrus

#368604 şikayət

sözaltı music

+29 əjdaha

Waltz op. 69 No. 2 introsunu məşq elədim.

25 əjdaha! 17.01.2021 20:53, phaedrus

#317578 şikayət

bədii ədəbiyyat oxuyan bikar insan

+24 əjdaha

Yenə insanların həyatını necə yaşamalı olduğunu üstüörtülü diktə etməyə çalışan zehniyyətin müdafiə edəcəyi tezis: "bədii ədəbiyyat oxuyan bikardır, vaxtını boşa xərcləyir". Bu mövzunun bu şəkildə müdafiəsi mənə həmişə bir qrup insanı aşağı görərək üstün mənlik hissi axtarışında olmağın nəticəsi kimi görünür. Məncə, bunun kimi " essentialist" baxış bucaqları köhnəlib yerini daha dəqiq, qeyri-doqmatik olanlara vermiş olmalı idi.

Bədii ədəbiyyat mən də oxumuram, ən son hansı bədii kitabı əlimə aldığım yadımda deyil. Həmişə elmi mətnlərə üstünlük vermişəm. Demək istədiyim bədii ədəbiyyat oxuyucusu olaraq burada apologiya etməyə çalışmadığımdır. Sadəcə bədii kitab oxuyanları bikar adlandırmaq, vaxt itirdiklərini iddia etmək kimi düşüncələrim olmayıb. insanların sahib olduğu bu düşüncələr həssas aparılmış bir araşdırmanın nəticəsindən çox, biased mövqelərinin yansımasıdır, başqalarını özündən fərqləndirərək özünə bir " self-concept" yaratma girişimidir. Gün ərzində hər kəs cəmiyyət üçün totalda faydasız amma özü üçün rekreativ bir və ya bir neçə fəaliyyət içərisində olur; film izləyir, seriala baxır, rəsm çəkir, musiqi ilə məşğul olur və s. indi müzakirə etmək olar ki, bu fəaliyyətlərin hansısa ucu cəmiyyətə xeyir verir filan. Bu məntiqi bədii ədəbiyyata da şamil etmək olar. Amma gerçək budur ki, həmin fəaliyyətlərin çoxu dünya üçün pozitiv bir fərq yaratmır və yaratmaq məcburiyyətində də deyil. Misal üçün mən vaxt olduqca musiqi nəzəriyyəsi ilə maraqlanıram, pianoda praktika edirəm, amma bundan böyük ölçüdə ancaq mən yararlanıram, başqa heç kəs. Başlıqdakı məntiqlə bu da vaxt itkisidir, musiqi nəzəriyyəsi dünyanı bədii ədəbiyyatdan daha artıq şəkildə izah etmir. Ümumiləşdirməni sona qədər apardıqda isə bizim üçün hardasa bütün rekreativ fəaliyyətlər vaxt itkisidir, bunu etdiyimiz halda daha ali bir məqsədə özümüzü kökləmədiyimiz üçün kimsə bizə vaxtımızı itirdiyimizi diktə edir, necə yaşamalı olduğumuzu ima edir. Bunu edən kəs gərək heç olmasa bütün fəaliyyətlərində cəmiyyətə bir faydası olsun. Özü üçün faydası olub dünyagörüşü artırsa da, yenə də digərlərindən bir fərqi yoxdur, yarğılayacaq moral highgrounda da sahib deyil.

16 əjdaha! 23.07.2021 11:44, phaedrus

#332654 şikayət

sözaltı music

+27 əjdaha

Summertime sadness elə-belə cover:

Tutqun havalarda ifa etməyi sevdiklərimdən-*

20 əjdaha! 15.10.2022 22:22, phaedrus

#361061 şikayət

ingilis dilindəki qəliblər

+28 əjdaha

(baxma: odds are stacked against me):
"Bəxt üzümə gülmür", "Şans məndən yana deyil". Ex: Odds are stacked against Karen,
She keeps failing her entrance exams.

(baxma: turn the cat in the pan):
Hər hansı bir fikir irəli sürdükdən sonra, müəyyən səbəbdən ötürü onun əksini müdafiə etməyə çalışmaq. Ex: When Karen saw no one agreed with what she said, she immediately started to turn the cat in the pan. (baxma: çevir kazı yanmasın)

(baxma: It's not a walk in the park):
Hansısa fəaliyyətin asan, stressiz başa gələ bilməyəcəyin ifadə edir. Ex: Playing the violin is not a walk in the park, you must have the commitment.

(baxma: wild card):
Davranışları qabaqcadan təxmin edilməsi çətin olan insanlara deyilir. Ex: Karen is such a wild card, we cannot turst her on this topic.

(baxma: to hold the aces):
Məğlub edilməsi çətin olan, qazanma şansı yüksək, başqa insanlar və hadisələr üzərində güc sahibi olan kimsəyə deyilir. Ex: As a professional athlete, Karen holds the aces in this competition.

(baxma: once in a blue moon):
Çox nadir hallarda yerinə yetirilən fəaliyyətləri təsvir edir. Ex: It's impossible to see Karen drunk, she drinks once in a blue moon.

(baxma: to have the nerve to do smth):
Haqsız olduğu halda etməməli olduğu bir hərəkəti icra edənlərə deyilir. Ex: Even though Karen was not prepared for the exam, she had the nerve to blame the professor for getting an F.
(baxma: hem suçlu hem güçlü)

(baxma: to have a thick skin):
Tənqidlərə və neqativ şərhlərə qarşı laqeyd olmaq. Ex: Karen has a thick skin, no one can upset her easily. (baxma: dərisi qalın olmaq).

(baxma: to call someone's bluff):
Blöfə və ya şantaja məruz qalınarkən, geri çəkilməmək, əksinə qarşı tərəfin yalan dediyini düşünərək edəcəyi şeydən qorxmadığını göstərmək. Ex: Emily blackmailed Karen about exposing her embarrassing photos. Karen called her bluff in no time, and then it was found out there were no such photos.

20 əjdaha! 27.03.2020 10:57, phaedrus

#293271 şikayət

yazarların həyatdan çıxardığı dərslər

+21 əjdaha

"X çətinliyini həll edib yola versəm, sonunda arzu etdiyim kənarda qalan y hədəflərimə fokuslana bilərəm" mindsetinin aldadıcı və israfçı olması. X çətinliyi həyatınızda həmişə olacaq və yola verməyə çalışa-çalışa görəcəksiz ki, artıq y fəaliyyətlərini etməyə vaxt ya imkan qalmamışdır. Tələbə nümunəsi verim sizə uzağa getmədən: bu stressli semestri yola verim, gələn semestrdən özümə vaxt ayıracam, idman edəcəm falan. Xeyr, gələn semestr da eyni şey olacaq. 4 il sonra da özünü stresslə burn out eləmişliyinlə qalmış olacaqsan. Sad-*

17 əjdaha! 16.12.2024 18:48, phaedrus

#389127 şikayət

sözaltı music

+19 əjdaha

"Healing incantation" tangled filmindən. Pianoda:

17 əjdaha! 09.10.2021 16:14, phaedrus

#337841 şikayət

sözaltı music

+23 əjdaha

gnossienne no. 1 by Erik Satie . Tam tutqun havada dinləməlik...

19 əjdaha! 13.10.2022 16:28, phaedrus

#360937 şikayət

yazarlara cringe yaşadan şeylər

+22 əjdaha

Sözlükdə haqqında araşdırılmamış başlıqda, natamam, yavan, sadəcə yazanın öz görüşünü qısa və dayaz şəkildə ifadə edən entrylər görəndə cringe oluram. Görən kimi umbay * derek vermirəm və ya yazara qarşı qərəz toplamıram. Sadəcə cringe oluram. içimdən "ıxxx, bunu necə yaza bilərsən axı" demək gəlir.

Məsələn, yazarın sırf özü haqda informasiya verən entrylər (başlıq yazarlar haqda deyilsə, keçərlidir). Atıram, Jennifer Lawrence başlığına "mən bu aktrisanı çox sevirəm, filmlərinə baxmışam" və s. yazmaqla yetinən entrylər. Görən kimi içimdəki "Okay? Who cares?" deyən səsə mane ola bilmirəm. Əlbəttə, Yazarların entrydə özləri haqda yazmaları normaldır, amma o entrydə ancaq özünü maraqlandıran informasiya varsa, bu kimin nəyinə lazımdır? Ya da götürür bir entrydə bir-iki cümlə "mən filan şeyi belə edirəm, elə edirəm". Bizə nə səndən? Nəticədə anonim platformada yazırsan, bəlkə də, heç doğrunu danışmırsan. Bu kimi maraqlandırar?

Başqa bir misal; geniş bir anlayışı götürüb heç araşdırmadan haqqında sırf öz təfəkkürünü max 4-5 cümlə yazmaq. Məsələn, "qızlar elə olur, oğlanlar belə olur". O boyda sosial qrupları sən 4-5 cümlədə mi çözdün? Bunlar fakt olsa, əlbəttə, deyiləcək bir şey olmaz. Fakt üçün bir cümlə belə kifayətdi. Lakin yazanın heç kəsin razılaşmayacağı, relate etməyəcəyi 4-5 cümlə sırf şəxsi qənaətindən törəmiş dayaz təspitlərini görəndə "off" dedirir insana.

Təbii ki, bunları yazmasınlar demirəm, kim nə istəyər sözlük qaydaları daxilində yaza bilər. Fəqət görəndə dəhşət cringe hissi yaradır və məncə bu cür hiss etməkdə də tək deyiləm.

18 əjdaha! 30.10.2022 21:09, phaedrus

#361874 şikayət

narsisistik şəxsiyyət pozuntusu

+19 əjdaha

Bir cluster b şəxsiyyət pozuntusu. Bu qrupa daxil olan şəxsiyyət pozuntuları "dramatik" və həddən artıq emosional reaksiyaları ilə bilinirlər (hərçənd ironiyaya bax ki, narsissistik münasibətdə olduğunuz biri adətən sizi dramatik olmaqla ittiham edər lol). Borderline şəxsiyyət pozuntusu, histrionik şəxsiyyət pozuntusu və anti-sosial şəxsiyyət pozuntusu spektrumu ilə eyni kateqoriyada yerləşir.

Npd müzakirə olunarkən çox vaxt digər insanlara verilən ziyanları ələ alınar ki, doğrudur, narcissistic abuse, yəni narc fərdin qarşıdakına tətbiq etdiyi psixoloji istismar (manipulyasiya/gaslighting yolu ilə) yüksək travmatik potensiala malikdir, insanın yaşama həvəsini yox etməyə müqtədirdir. Buralar aydındır yəni. Bunlarə keçib digər tərəfdən də baxsaq narc bir fərdin psixologiyası olduqca maraqlıdır.

Npd sahibi olmaq bir illüziyanı yaşamaqdır. Sözügedən illüziya özünün çox önəmli, digərləri tərəfindən qeyd-şərtsiz yüksək qiymətləndirilməyə, üstün görülməyə layiq olmaqdır. Bir narc üçün bu illüziya yekun reallıqdır, başqa bir reallıq variantı mümkün deyildir, sanki məntiqli deyildir. Düzgünü, məntiqli olan bu illüziyadır, obyektiv gerçəklik yox, narc düşüncəyə görə. Bu səbəbdən npd egosyntonic pozuntu hesab edilir, yəni şəxsiyyət pozuntusunun yaratdığı saxta reallıq fərdin dəyər yarğıları, düşüncə tərzi və qavrayışı ilə tam üst-üstə düşür, sonda da illüziya həqiqətdən seçilə bilinməz hala gəlir.

Əlbəttə, narc illüziyanı izləmənin ağır fəsadları olur. Şəxsin özü eçün belə; məsələn, bunlardan biri narcissistic crisis-dir. Bu böhran narc fərdin həqiqətə təmas etdiyi, özünün düşündüyü qədər önəmli/üstün görülmədiyini anlıq müşahidə etdiyi an yaranır. Bu zaman güclü emosional ağrı təzahür edir, fərd əsəb, ağlamaq, ajitasiya, depressiya, dissosiyasiya kimi simptomlar göstərir. Misal üçün, narc sevgilinizə empatiya azlığını dəlillərlə üzünə vurduğunuzda ağlayırsa, qurban mentalitetinə girirsə, sizinlə ünsiyyəti kəsmək və s. istəyirsə, bu deməkdir ki, həmin an həqiqətlə anlıq təmas baş verib və o, narcissistic crisis-ə girib. Əslində, ağlamağının səbəbi aktiv şəkildə sizi manipulyasiya edib fikrinizi dəyişmək yox, həqiqətin onun sistemini alt-üst etməsi və bununla başa çıxa bilməməsidir, çünki bunu bacaracaq olğun mexanizmlərə sahib deyil. Manipulyasiya isə bunun nəticəsidir; O, ağlayır, siz özünüzü pis hiss edirsiniz, üzr istəyirsiniz, nəticəsində o öz illüziyasına qayıdır, çünki məsuliyyəti siz götürdüz, o bəraət aldı. Müqabilində amma siz psixoloji istismara məruz qaldınız.və bu daim təkrarlanacaqdır.

illüziya və həqiqət arasında baş verən ahəngsizlik narc şəxsin həyat keyfiyyətini aşağı salır. Bu, xüsusilə, npd sahibi olduğunu bilən insanlar üçün çox çətindir. Çünki duyğularının illüziyadan qaynaqlandığını bilirlər, amma mane ola bilmirlər. Nəticədə, depressiyaya düşə bilirlər. Narcissistic insanlar sırf özünü bəyənən digərlərini istismar edib özü suçluluq duymayan insanlardan ibarət deyil. Bir sıra narc öz şəxsiyyət pozuntusu səbəbilə əzab çəkir, kimlik və özündən nifrət problemləri yaşayır. Bəziləri rəsmi diaqnoz aldıqdan sonra həyatının bir yalandan ibarət olduğu hissini yaşayır.

Ümumiyyətlə, mənə görə, özünü birmənalı üstün görən grandiose narcissistlər xaricində yerdə qalanlar daxildən özlərini sevə bilmir. Bəlkə də, özünü sevməyin nə demək olduğunu anlamırlar belə. Daxili validation / təsdiqlənmə mexanizmləri sanki yox kimidir. Ancaq xarici təsdiqlənmə ilə yetinə bilirlər. Çünki bir çoxu uşaq ikən sevilməyib, xor görülüb, emosional istismar olunub, sonunda özlərini istismardan qorumaq üçün beyinləri qeyd-şərtsiz üstün olduqları bir illüziya yaradıb, bir qorunma mexanizmi kimi. Lakin, təəssüf ki, bu mexanizm yetkinlikdə açılmalı olduqları real dünya üçün adaptiv deyil.

Npd üzrə ixtisaslaşmış Dr Ramani-nin dediyinə görə, genetik faktorları bir kənara qoyduqda, npd-nin yaranmasınl tətikləyən əsas faktorlar uşaq ikən həddən artıq və ya lazımi qədərdən çox az şımartılmadır. Bir öncəki paraqrafda yazdığım ikinci faktora uyğun gəlir.

Narc insanların özlərini özlərindən dinləmək üçün aşağıdakı mənbələri qeyd edə bilərəm:

Reddit: r/npd
Instagram: @psychopaticnarc, @racingthoughtsiri, @mentalhealness.

Qeyd 1: Bu məlumatlar öz araşdırmalarım və subyektiv fikirlərim əsasında yazılıb. Tibbi və ya elmi istinad kimi qəbul edilməsi iddiam yoxdur.

Qeyd 2: Bir çox yerdə npd insanların adından danışmışam, bəlkə, özləri razılaşmaya bilərlər, ki normaldır. Entry-ni yazarkən npd sahibi olsn bir çox insanın öz təsvirlərinə istinad etmişəm.

Bir zamanlar narc olduğundan şübhələndiyim münasibətim olan insana demək istəyirəm... It was you.

15 əjdaha! 24.01.2023 14:00, phaedrus

#366325 şikayət

pis davrandıqca daha çox sevən qız

+18 əjdaha

belə bir davranışın qızlara spesifik olduğunu deyə bilmərəm, amma bəlkə də, ona haqsızlıq yaşadan, pis rəftar edən, bir sözlə, ona ziyan verən insanın qarşısında duyduğu gücsüzlük hissindən narahat olan, bu səbəbdən münasibəti tərk etmək yerinə, ziyan görməmişdən əvvəlki gücü əldə etmək üçün qalmağı seçən qızdır. Yəni sırf əzab çəkməyi xoşlayır və ya özünə hörməti yoxdur deyə qalır demək olmaz, bəlkə də, münasibətdəki güc balansını yenidən nizamlamağı ümidlədiyi üçün qalmağı seçir. Halbuki, çətin də olsa, məncə, ən yaxşı addım münasibətdən çəkilməkdir.

Oğlanlarda da yaşanan bir durumdur, zənnimcə.
(baxma: üz vermədikcə dirəşən oğlan)

18 əjdaha! 18.09.2021 12:58, phaedrus

#336714 şikayət

stresslaxing

+17 əjdaha

Stressi azaltmaq üçün istirahət edərkən stressin daha da artması. stressing və relaxing sözlərinin birləşməsindən yaranan termin. Səbəblərindən biri istirahət edərkən stressin qaynağını aradan qaldırmaq üçün heç nə etməməyin gətirdiyi məsuliyyət hissidir.

Misal üçün, ertəsi günə imtahanınız var deyə stresslisiniz və özünüzü sakitləşdirmək üçün 1 saat uzanıb istirahət etməyi qərara alırsınız. Fəqət həmin 1 saat ərzində dərs oxumadığınız üçün vaxt itirirmiş kimi hiss edib stressinizi artırırsınız. Nəticədə düşünülənin əksinə istirahət mənfi təsir yaradır.

Bu elə təəssürat yaratmamalıdır ki, stressli olan şəxs, ümumiyyətlə, istirahət etməməlidir. Sadəcə istirahət zamanı stresslaxing yaşayırsa, özünü sakitləşdirməyi bir şəkildə öyrənməlidir * which i can't .

13 əjdaha! 29.12.2022 19:36, phaedrus

#364745 şikayət

hüseynbala mirələmov

+16 əjdaha

Videodakı qadının üzündəki bəlirli-bəlirsiz gülümsəmə səbəbilə "qadının özü narazı deyildi" qəbilindən arqumentlərin səslənməsinə səbəb olub. Bir gülümsəmə üzərindən əxlaqi hökmlərə varmaq tələskənlikdir. Nəticədə həmin qadın taciz olunduğunu təkzib edən bəyanat paylaşmayıb, sadəcə üzündə bir neçə anlıq gülümsəmə peyda olub.

Qadının razılığının olub-olmadığı, bu iki insanın potensial məşuqəlik münasibəti haqda bir şey deyə bilmərəm. Ola bilsin, taciz də deyil. Nəticədə razılıq olan yerdə taciz olmur. iki ssenari üzərindən getmək olar:

I
Qadın narazı deyil. Bu, yalnız o halda ola bilər ki, Mirələmov ilə qadının daha əvvələ dayanan münasibəti olmuş olsun. Sözügedən münasibətin necə başlamasını nəzərə almasaq, yayılan səhnədəki hadisə taciz deyil. Sadəcə iş yerində baş verməsi, mənə qalsa, mübahisəlidir. Professional deyil. Bunu çıxmaq şərti ilə razılıq varsa, deyiləcək başqa bir şey yoxdur və bunun üzərinə əxlaq fəlsəfəsi çürütmək mənasızdır. Kim nəyi öz marağı ilə edirsə, özü bilər.

II
Qadın narazıdır, sadəcə güc dinamikası səbəbi ilə müqavimət göstərə bilmir. Sözsüz ki, Mirələmov daha yüksək statusa malikdir, yüksək statuslu insanları günahlandırmaq isə asan deyil. Çəkiliş olmadığı halda, ümumiyyətlə, qadının Mirələmov haqda iddiasının çox nəzərə alınacağını sanmıram. insanlar adətən güclünün tərəfində olmağı seçir. Gülümsəmənin səbəbi isə bu güc dinamikasından xəbəri olan qadının məsələnin ciddiyətini inkar edib, hadisəni məzəyə vurması ola bilər. Bu şəkildə yüksək statuslu birinə müqavimət göstərmək məcburiyyətində qalmır, hadisədən təsirlənmiş olur yenə də, sadəcə inkarda qalmağı seçir. Əlbəttə, bu, doğrusu belə olmalıdır demək deyil.

Hansının doğru olduğunu bilmirəm. Görüntü isə heç estetik deyil.

edit: Professional deyil, əlbəttə. Amma sadəcə professionallıqdan söhbət getmir, ümumiyyətlə, həmin mühitdə olamamalı davranışdır.

silinmiş entry.

16 əjdaha! 22.04.2021 01:00, phaedrus

#325151 şikayət

əjdaha sayının entry sayına nisbəti

+16 əjdaha

yazarın reytinq xalının (indiyəcən aldığı bütün əjdaha + maraqlı - umbay saylarının cəbri cəmi) sözlükdə yazdığı entry sayına nisbəti. Bir baxıma yazarın bir entry-si başına düşən əjdaha sayını xarakterizə edən kəmiyyət. Orta reytinq də demək olar, bəlkə. Tamamilə bikarlıqdan sözlükdə gəzərkən ağlıma gələn riyazi konsept. Formal tərifini aşağıdakı kimi vermək olar:

μ - orta reytinq
r - reytinq xalı
n - entry sayı

Məsələn, məndə reytinq 1202, entry sayı 231-dir, beləliklə, mənim üçün μ = 5.20 olur.

Bu kəmiyyətin mənası nədir? formuladan göründüyü kimi, reytinq xalı (r) sabit olduqda, orta reytinq və entry sayı arasında tərs mütənasiblik əlaqəsi var. Yəni yazar az entry ilə çox reytinq xalı toplayırsa, bu kəmiyyət də onun üçün böyük olur, bir baxıma az yazmağına baxmayaraq çox əjdaha yığmış yazar olur. Qısaca, təbiri caizsə, az deyib, öz deməyin göstəricisi kimi çıxış edir.

Bu kəmiyyəti kontrollu şəkildə dəyişmək olar? Əgər yazar yeni yazacağı (növbəti) entrysində alacağı əjdaha sayını düz/yüksək dəqiqliklə təxmin edə bilərsə, orta reytinqini sabit saxlaya və ya artıra bilər (azalda da bilər, umbay almağı hədəfləyərək). Lakin təxmini növbəti entry üçün əjdaha sayını hesablamağın konkret bir yolu yoxdur, yazarın intuisiyası və statistika məsələsidir. Baxmayaraq, yazar minimum almalı olduğu əjdaha sayını dəqiqliklə hesablaya bilər (orta reytinqini sabit saxlamaq və ya artırmaq üçün növbəti entry üçün lazım olan minimum əjdaha sayı). Necə? Yenə formulaya istinad etsək, görərik ki, orta reytinq sabit olduqda, reytinq xalı (r) və entry sayı (n) arasında düz mütənasiblik əlaqəsi var; n neçə dəfə artırsa, r də həmin dəfə artmalıdır. Yazar sadəcə yazacağı 1 entry üçün hesablama aparırsa n-i 1 ədəd, r-i isə x qədər artırırıq:

Buradan x-i tapsaq:

Misal üçün məndə yuxarıda hesabladığım kimi μ = 5.20, n = 231, r = 1202-dir. Əgər istəyirəmsə 5.20 məndə sabit qalsın növbəti entry üçün x = 4.4 əjdaha almalıyam. Amma 4.4 əjdaha almaq mümkün olmadığı üçün 5 götürürəm. Burada ceiling funksiyası istifadə edilir; yəni kəsri olan ədədə yuxarı tərəfdən ən yaxın tam ədədi verən funksiya. Bunu sonuncu formulaya da əlavə etsək, tam formula belə olur:

Formulanı ümumiləşdirək, deyək ki növbəti bir yox bir neçə entry üçün hesablamaq istəyirəm. O zaman +1 yerinə + y yazaraq y dəyişənini əlavə edə bilərik. Bu zaman formula belə olur:

Məsələn 10 entry yazacamsa, μ = 5.20, n = 231, r = 1202 və y = 10 olur. Hesabladıqda x = 52 əjdaha almalıyam ki, orta reytin qiymətim 5.20-də sabit qalsın. Hansı entry-ə nə qədər əjdaha gəlməsi önəmli deyil, cəmi 52 etməlidir sadəcə. 52-dən çox alsam, sabit yox 5.20-dən yuxarı olacaq.

Bir də işin əsli, kəsr cavabı tama çevirdiyimiz üçün arada itən kəsr hissəni nəzərə almırıq, halbuki, o da artıma gedir. Yəni tam sabit saxlamaq çox çətindir. Minimum əjdaha sayını yığdıqda belə çox zaman cüzi artım olur, sabit qalmır.

Belə bir şey.

QEYD: bunu əjdaha üçün entry yazmağı dəstəkləməyə yazmıram, sadəcə riyazi bir maraqdır.

13 əjdaha! 10.01.2022 21:47, phaedrus

#343162 şikayət

travma

+17 əjdaha

Yaşandığı anda qavranıla bilinməyən, insanı bəzən saatlarla boş-boş, lakin diqqətli şəkildə divara, tavana baxmağa sövq edən yaşantıdır. Travma ilə bağlı qəribə tərəf onun asan-asan anlaşıla bilinən bir şey olmamasıdır. Levinas demişdi, deyəsən, "travma insanı dünyada ikən dünyasız buraxar." Haqqında danışmaq yaşayan insan üçün çətindir. ilk zamanlar inkar mexanizmi işə salınar, amma ağırlığı və lənəti zaman keçdikcə formalaşar, həll edilmədiyi müddətcə insanda yük olaraq qalar, bərabərində gətirdiyi daim təkərrür edən düşüncələrlə həyatdan zövq almağa imkan verməz. Ağırdırsa, təsiri şüurlu şəkildə üstündə işləmədən zamanla keçməz.

Yəni ən azından bəzi tip psixoloji travmalar bu hissi bəxş edir.

15 əjdaha! 18.07.2022 03:47, phaedrus

#354430 şikayət

ok boomer

+17 əjdaha

bu sifarişi verən: albert einstein
Açıqfikirli olmayan yaşlı fərdləri yola vermək və düşüncələrinin önəmli olmadığına işarə etmək üçün işlədilən ifadə. Hərfi mənada, ifadənin hədəfi baby boomer generasiyasıdır.

4 Noyabr 2019 tarixində Yeni Zelandiya "the Green Party" parlament üzvü Aotearoa Chlöe Swarbrick tərəfindən işlədilməsi də məşhur caselərdən biridir:

(youtube:

)

My generation and the generations after me do not have that luxury. In the year 2050 I will be 56 years old, yet right now, the average age of this 52nd Parliament is 49 years old.
[inaudible] – That's impossible.
- Okay, boomer.

Daha ətraflı: link link

13 əjdaha! 19.12.2019 17:13, phaedrus

#291528 şikayət

sözaltı günlük

+16 əjdaha

Əziz günlük,

"Alınsa, xoşbəxt olacam, həyatım yoluna düşəcək" dediyim şeylər alındıqda xoşbəxt olmadım, həyatım da yoluna düşmədi. Demək ki, o deyilmiş. Emosiyalarını dəqiq şəkildə öngörmək çox da mümkün olmur. Bu olsa, sevinəcəm deyirsən, amma olanda sevinmirsən. Təkrarlı şəkildə silver bullet syndromea düşürəm. Hansısa yeni x şey olduqda həyatının, dəyişəcəyini ya da ən azından xroniki can sıxıntının sonlanacağını düşünürsən, amma bu işlər elə olmur kimi bir şey. Görünür, can sıxıntısının gələcəkdə hansısa hadisə
və ya nailiyyət nəticəsində yoxa çıxacağı gözləntisi artıq mənasızlığını sübut edib. Deyəsən, elə bu sıxıntını qəbul edib, onun içərisində var olmağı davam etdirməliyəm.

13 əjdaha! 16.06.2022 21:15, phaedrus

#351758 şikayət

nazirlər kabineti yanında operativ qərargah

+16 əjdaha

Həmin adlı instagram səhifəsində "Feminizm öldürür" adlı post paylaşılan qurum:

"son intiharlar, xüsusən Sevil Atakişiyevanın ölüm faktı bizə bunu göstərdi ki, Feminizm olduqca təhlükəli bir cərəyandır və övladlarımızı uçuruma aparır. Feminizm qadınlara saxta azadlıq konsepsiyası (nə istəsən et,hara istəsən get, ailə dəyəri heçdir və.s.) təqdim edərək onları bu saxta konsepsiyanın köləsinə çevirir. Bunun köləsi olan insanlar isə, mümkünsüz olduğunu gördükdə intihara üz tuturlar. insanlara bu saxta konsepsiyanın zərərlərini aşılayıb, bunun azadlıq olmadığını, əksinə azğınlıq olduğunu təqdim etmək vətəndaş kimi hamımızın borcudur."

Gördüyünüz kimi yoldan keçən hər hansı birinin asanca qura biləcəyi qeyri-aydın, mübahisəli arqumentdir. Yazarları postu siyasət barədə yanlış informasiya yayma səbəbilə raport etməyə dəvət edirəm. It is inappropriate -> False Information -> Politics

https://www.instagram.com/p/CLmcNTclXef/?utm_source=ig_web_copy_link

Edit: post silindi

Edit: post bərpa edildi və daha sonra yenə silindi

16 əjdaha! 22.02.2021 22:51, phaedrus

#320568 şikayət

umbay edilən sözlük yazarları

+14 əjdaha

"sözaltı yazar" nikli sözlük yazarı (keçmiş az1918turan) xəbərdarlıqlara baxmayaraq plagiat/copy-paste entry yazmağa davam etdiyi üçün umbay edilmişdir.

Edit: "herakl" nikli yazar da eyni səbəbdən umbay edilmişdir.

13 əjdaha! 04.04.2023 02:17, phaedrus

#369840 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3409

blokdan çıxar - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416

phaedrus

son bəyənilənlər:

oxuyucuların bəyəndikləri:

phaedrus

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: