tinnitus

49 0 0 0

4. nəsil yazar

Entry: 49

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

xalqın intihar həddinə gəlməsi

+25 əjdaha

olumsuz şeylər paylaşıb kefinizi pozmaq istəmirəm amma acı gerçəkdən də boyun qaçıra bilmərik. bu gün bir atanın sözləri ürək dağlayan tərzdən oldu. "oğlum mənnən suxarik istədi amma almağa pulum yox idi". pulunun olmaması heç, bir atanın bu duruma ağlamasını hansı ürək qaldırar axı. intihar həqiqətən mürəkkəb mövzudu. yəni bir insana niyə intihar etdi nəyə xeyri oldu kimisinnən münasibət bəsləməyin. o an nələr keçib ağlınnan bir özü biləbilər. ani duyğu dəyişimi insana hər şeyi elətdirər. ailəm universitetimi bitirim deyə hər ay xərcliyimi və də kommunal xərclərimi göndərir. sonra özləri qalırlar 5 qəpiksiz. universitetə əsla gələcəkdə işə girməkçün bir yol olaraq baxmadım. daha çox özünü gəlişdirmə, inkişaf etmə kimi yanaşdım amma indiki şərtlərdə bu ikinci plana düşür. mənim tələbə vaxtı sorumluluqlarım az kimi görsənə bilər, kirayəni ödəyənməsəm zad kimisinnən fikirə getmərəm ama o ki, "pulu göndərdim oğlum" mesajını alanda necə qruza düşürəm başa sala bilmərəm. öz adımnan yazsamda gənəl olaraq danışıram, sizlər də bu hissi yaşayırsınız əlbət. daha fərqli ola bilməzdi mi? hakimiyyət bu xalqa daha fərqli bir olanaqlar yaşada bilməzdi mi? atam qardaşıma ev tikirdi, özü işləmir, ancaq qardaşımın evi üçün əlləşirdi o da məlum vəziyyətdən sonra tikinti yarımçıq qalıb. yayda da nişan eləməlidi. birdən atam da oğluma bir evi tikib bitirəmmədim nişan edə bilmədim düşüncəsinnən canına qıymaq isdəsə? mən bu duruma görə kimi suçlayacam? bu gün bir nəfər cibində borclarının yazılı olduğu kağızla birlikdə intihar edib. iki nəfər özünü binadan atmağa, bir nəfər də özünü yandırmağa təşəbbüs edib. insanın çarəsiz qalması qədər pis bir şey yoxdu, universiteti buraxım desəm qəbul etməzlər, qürurlarına yedirtməzlər, bitirim desəm, artıq o fikir oturub ki bilinçaltıma, bitirsəm nolacaq, heçnəyə görə ümidi qalmayan bir toplum olmuşuq. bir körpənin yaşaması üçün birinin onu qidalandırması lazımdı, xalqın da xoşbəxt yaşaması üçün hakimiyyət dəstək olmalıdı. xalq olaraq rifah halımızın yüksəlməsi üçün küllərimizdən təkrar doğmalıyıq, gəmi gedib də hələ yolda batıb da. qaçıb minməyə çalışsaq nə yazar. yenə də üzərimizə düşəni etməyə çalışsaq, 5:0 geridə olan klubun məğlub olacağını bildiyi halda hücum etməsi kimi, həyatımızı əvvəlki axarda davam etdirməyə çalışsaq, sevdikllərimizə onları daim sevdiyimizi hiss etdirsək, maddi yönnən çökən bu insanları mənəvi olaraq dirçəldə bilərik ən azından. humanizm sizin ürəyinizdə var, nə qədər bir adam inkar etsə də, onun da ürəyinin sızladığı məqamlar əlbət olur. yaşayın, gülün və sevin, bütün olumsuzluqlara rəğmən

22 əjdaha! 14.01.2016 05:37, tinnitus

#194341 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ailədən uzaqda keçən gənclik illəri

+18 əjdaha

həyatının ən çətin, sıxıntılı illəri. bir cücəni anasınnan ayırıb çöllüyə atmaq kimi. insanın yanında, çevrəsində dayağı olmadıqda, həyatın çilələrinə qarşı tək başına ayaqda durmaqla yükümlü olur. kirayə tutulan bir ev, qaz, su, işıq, internet hamsı sənin məsuliyyətində, halbuki, ailənlə olsan, hamsı ailə rəsinin öhdəsində, sən sıxıntısızsan, axşam dostlardan sağollaşdığında evdə səni gözləyən ailən, iştahını qabardacaq bi süfrə var. ama o ailəsinnən uzaqda böyüyür, ailənin şəxsi heyyətini təkcə skype'da görür, hamısı cam in qarşısına toplanar, bəlli etməzlər hər şeyin yaxşı olduğunu söylərlər, sən də etməzsən, olmadığı halda pulun var mı sualına "var" , narahat olmuyun cavabını verərsən ama ailən bunu yeməz. sabahsı atan kartına pul vurduğunu sənə sms yazar, telində kontur olmadığından cibin dolu olsun atam cavabını yazammazsan. bir gün xəstələnərsən bunu ailənə bəlli etməzsən, onlar da olası bəd bir hadisəni səndən gizlədərlər, ortada belə iki şaxəli prosedur baş verər. xoş günlər sənsiz qeyd edilər, sən isə tanışlarının sənə atdığı o günün şəkillərinə baxıb buruq sevinc keçirərsən. bu yolu o özü seçib, ailədən uzaqda olmağı, öz ayaqları üstündə dayanmağı, hər sorunla hər sıxıntıyla özü baş etməyi məhz özü seçib, içində qəribə bir hiss daim onun başını xarab edər, dostları ailəsinin yanında, sıfır sıxıntı, ən azından xəstələnəndə başının üstündə duracaq ailən var, sən isə ailədən uzaq, giderin çox, gəlirin az. sənə qolu vurmaqçün assist edəcək heç kim yoxdu, o epizodu özün yaratmalı və sonda qolu aktivinə yazdırmalısan.

17 əjdaha! 16.12.2015 05:03, tinnitus

#190476 şikayət

avstriyanın fc karabakh klubunu qarabağ fk zənn edib fbda bəyənənlər

+15 əjdaha

soruşanda da palit eləməsin deyə avstriya'nın klubudu da əlbəttə tanıyıram diyən tayfa. hər şeyi anlıyaram, isim bənzərliyindən dolayı bəyənib keçərsən, "vielen danke für alles" adlı stata "haydi qarabağ, udmadan dönmə anderlext'i" rəyi nə idi day əmoğlu, hələ "bir millet iki devlet" rəyi yazan türk qərdeşimiz və ona reply verən soydaşlarımız. hələ səhifəni qarabağ fk'nın avstriya da yox ha, almaniya'dakı rəsmi səhifəsi deyə zənn edənlərlə bir fincan çay içməyə dəyər. səhifə təxminən 5.700 bəyənisi varsa 4.500-ü bizimkilərdi. əyər sakit uşaqlar olsaq fc karabakh bu günlərdə, "aserbaidschan danke dass sie bei uns" adlı təşəkkür mesajı yayınlayar və rəylərdə "1/16 haqqın idi qarabağ" yazılarını görəbilərik. make a difference guys

15 əjdaha! 17.12.2015 09:07, tinnitus

#190596 şikayət

tinnitus

+12 əjdaha

çox oğraş bir xəstəlik. loru dildə "qulaq ciyiltisi". 2 ilə yaxındı əziyyət çəkdiyim bir şey. adi bir qulaq çınlamasından ötə, səsi o dərəcə gur çıxır ki, ətrafındakıların da o səsi eşidəcəyi hissinə qapılırsan. tibbdə müalicəsi hələ də tam tapılmayan xəstəlik türü. bəsit bi qulaq kiri səbəb olabiləcəyi kimi, beyin tümörünün belə xəbərçisi olabilirmiş bu illət. bu günlərdə getdiyim qulaq burun boğaz həkimi ilə, məhlədə söhbət etdiyim dayı arasındakı dialoq fərqini özünüz tapın. dayı mənə bu səsin qulaqdan deyil başdan da gələbiləcəyini deyib mütləq həkimə görünməm gərəktiyini dedi. o bir ehtimal sundu, nə də olsa uzman deyil. həkim canı yanmış, qulaq kirini təmizlədikdən sonra, təxminən yarım dəqiqə fikrə getdi, dedim həkim, bu ciyilti başdan gələbilər mi, "ə, həə, niyə də yox, başının içindən də gələbilər" dedi. istədiyim cavab gəlir sözü idi, "gələbilər"-i o dayı da demişdi onsuz da. bu diplomu vasmoydan mı aldın bə adam. hər dəfə yubaddı, kiri təmizlədi get 15 günə keçməsə gəl dedi, keçmədi gəldim, dərman yazdı get 1 ay iç, keçməsə gəl dedi. 3, 4 gün qalıb, gedəcəm görüm bu səfər nə yazacaq, adam özünə qulaq burun boğaz uzmanı deyir ama gözü sekreterinin ayaqlarındadı, "ayaq, burun, boğaz" uzmanı olması lazım imiş. qulaq ilə zərrə ilişkisi yoxdu tibb məzunumuzun

12 əjdaha! 17.12.2015 05:48, tinnitus

#190587 şikayət

ən poxdan hiss

+9 əjdaha

hərbi xidmətə yollanarkən qatarın pəncərəsindən səni yola salanlara baxaraq keçirdiyin o tarifedilməz iyrənc hisslər..

5 əjdaha! 12.11.2019 11:43, tinnitus

#291119 şikayət

illər sonra köhnə sinif yoldaşını görmək

+8 əjdaha

qırılsaydı uzaqlaşardım kimisinnən düşüncələrə qapılmağına səbəb olan şey. memory'lər səhifələnər, çox belə anılarınız varsa bi yerlərdə oturub çay içməyə qədər yolu var. belə tiplər gənəldə 7-ci sinifdə fidanuslara aşiq olar, ikisi də eyni qıza könül verər, ama sonda avuçlarını qarşılıqlı yalamaqları ilə sonlanar. son olaraq, "qaqam hələ burdasan da xəbərləşərik" ilə sağollaşılıb, bir daha bir-birlərinin rastına çıxmazlar.

7 əjdaha! 16.12.2015 02:53, tinnitus

#190472 şikayət

xəyalları gerçəkləşdirmək

+7 əjdaha

sözlük yazarlarının, oxuyucuların gənəldə tələbə və gənc olduqlarını düşünsək, xəyallarınızı yaşayabilərsiniz. insanlar daim qorxu içində böyüyər, bir şeylər etmək, bir şeylər üçün çabalamaq istəyərkən, bunu bacarabilməmək qorxusu onları ya xəyallarından döndürər ya da zamansız olaraq bunu ərtələyərlər. niyə? kim olduğun, nəyə qadir olduğun sənə bu qədər mi qaranlıqdı? adətən, özümüz olmaqdan çox başqalarına bənzəmək, bir şey xəyal etdiyimizdə özümüzün yox başqalarının uğurlarını özümüzdə olmasını istəmək, özümüzü gəliştirməkdən çox başqalarına göstərmək kimi bizi geri atacaq şeylərlə məşğul olduğumuzdan, kim olduğumuzu unuduruq. bacarabilməməkdən qorxmayın, addımı atdığınızda yolunuza çıxacaq əngəllərə ilişməyin. yaxşı bir futbolçu qol vurmaqçün qarşısındakı əngəl olan rəqib müdafiyəçiləri ilk öncə yolundan dəfetməlidir, sonra o qolu vurar və komandasını önə keçirər. o bunu hər dəfə edəbilməz, əlbət rəqib bir çox epizodda ondan topu almağı bacaracaq, o zaman o futbolçu qol vurmaq ümidini itirəcək?-yox, siz ayağa qalxdığınızda, xəyallarınızı gerçəkləşdirməkçün çabaladığınızda həyat da sizə qarşı, xəyallarınıza qarşı vuruşacaq. acı çəkəcəksiniz, uğursuz olacaqsınız, ama əlehinizə olan hər vəziyyəti belə lehinizə çevirəcək iradəniz var sizin, hər acıdan bir dərs çıxaracaqsınız. kim olduğunuzu əsla unutmayacaqsınız. insan doğular, böyüyər, evlənər, gözəl ailə sahibi olar, ölər. ölənə yaxın üzərinə düşənləri etdiklərini düşünüb vicdanını rahatladar, rəhmətlik graham da eyni düşüncədə olsaydı şam işığında yoldaşıyla gözəl ailə tablosu oluşdurardı da o zaman. sual verəbilərsiz, o graham'dı mən mənəm, yəni işığı tapmağa, atomu parçalamağa yarıyan insan beyni, niyə xəyallarınızı yaşamanıza yardımçı olabilməsin. həyat sizə qarşı bu yolda acılar verəbilər, çox sevdiyiniz birisini sizdən alabilər, məşhur bir qədim misalda deyildiyi kimi, tragediyalar ağırdı, ama bir əlində acı gətirdiyi kimi, digər əlində də şans gətirər, ama acı qisminə o qədər odaqlanarıq ki, o şans zamanla əlimizdən uçar gedər. yəni ən olumsuz vəziyyəti belə lehinizə çevirəbiləcək bir beyinə, iradəyə sahibsiniz, acı sizin xəyallarınızı əlinizdən almağa çalışdığında, bir dəfə də məğlub olan o olsun, yolundan dönən o olsun. tələbəsənsə, niyə qrupun ən çox bal yığan tələbəsi sən olmayasan, imtahanlardan 90+ toplayanlar, özəl gənclərdi axı, onlar seçilmiş insanlardı, sənə 60 bal bəs edir məzun olmağın üçün. əslində özəl olan sənsən, ama onlar kimi bunun fərqinə varmağa biraz gecikmisən. universitetinizi qürurlandırabilərsiniz, ailənizi qürurlandırabilərsiniz, universiteti ilk 3-də bitirənlərdən biri də siz olabilərsiniz. insan həqiqətən mübarizə aparanda, çalışanda və bunun fərqinə vardığında, bəhrəsini gördüyündə, gələcək uğurlarını necə həvəslə həyata keçirəcəyini xəyal edəndə necə qürurlandıqlarını bir an xəyal edin. sadəcə tələbə yox, iş həyatınızda, ailə həyatınızda, hansı mövqedə olursanız olun, daim özünüzü digər insanlardan ayırın, özəl biri olaraq davranın, siz başqalarını özəl gördüyünüzdə başqaları da sizi elə görsün. bunu çevrənizdəkilərin sizdəki dəyişikliklərin fərqinə varsınlar diyə etmiyin, özünüz bunun fərqinə varın diyə edin. bəlkə dünyanı gözəlləşdirə bilməyəcəksiniz, bəlkə addım atdığınız andan etibarən həyat sizə daim şərait sağlamaya bilər, ama ən azından yuvarlanan qaya kimi yaşamaqdan yaxşı bir şey etdiyinizin fərqində olacaqsınız. gənəl olaraq bir şeyi pislədiklərində 80%-dən danışırlarsa, siz o 20%-in içində olacaqsınız. birini sevmək üçün ilk özünüzdən başlayın. bir şeydən gəliriniz olduğunda, xərcləriniz nə qədər olur olsun gəlirinizlə mütənasib olmaz, gəliriniz hər ay düzənli sizə ulaşar və artar, xəyallarınızı gerçəkləşdirmək və yaşamaq üçün bir şeylər etdiyinizdə də, yolunuza çıxan əngəllər uğurlarınızla mütənasib olmaz və onu üstələyə bilməz. əngəl daim var, ama sənə əngəl olabilməz. sən özəlsən, fərqinə varman üçün bir şeylər et artıq.

7 əjdaha! 20.12.2015 07:43, tinnitus

#190961 şikayət

milli komandanın seçmə mərhələ matçlarını 4 gözlə gözləmək

+7 əjdaha

qabaqları, ilk 3 oyuna 7 xalla başlayacaqsınız desələrdi, gülüb domino çırpmağa davam edərdik. hal-hazırda isə vəziyyət bizi #wc18 üçün olumlu xəyallar qurmağa vadar edir. 3 matç, 7 xal, 3 clean sheet. bəli, "ən yaxşı ikincilər" sırasındayıq və bu vəziyyət də bizi dünya çempionatı qruplarıçün play-off matçına dəvətnamə oluşduracaq. uçuq bi xəyal deyil, almaniya'nın gerisində qalacağımız gerçəyi dəqiqdi, aşırı xəyal artıq ütopyaya aparıb çıxarar bizi. şimali irlandiya matçı, dönüm nöqtəsi nitəliyi daşıyır. 0-0 hesabı belə, aradaki 3 xal fərqi qorumağa bəs edir. millimizdə əksik yönlər aşırı çoxdu, amma ruhunu ortaya qoymaq amili var, bəli, ruhunla mübarizə aparmaq. hal-hazırda qarabağ'ın hər il avropa liqasında qruplara qalması bizə artıq adi gəlir, bu bizi artıq çempionlar liqası qruplarına doğru xəyal oluşdurmağa aparır. o da olacaq. millimiz ana başlıq olduğu üçün, onun üsdündə duraq, yunanıstan'ın avropa çempionatını qazanması hər kəsə sıxıcı gəlmişdi ama indiki vəziyyətdə yunanıstan millisindən söz açılanda ağıla sıxıcı oyun stili yox, qazandıqları o titul gəlir. bizim oyun tərzimiz də gözəl oyuna yox, nəticəyə görə xarakterika daşıyır amma indiki vəziyyətdə rifah olaraq çökmüş bu cəmiyyəti sevindirəcək tək amil millimizin bu axarda son 7 oyunu davam etdirməsi olacaq. şəxsən çox inanıram, "why not" deyimi burda yerinə düşür. uğurlar #azərbaycan !

7 əjdaha! 09.11.2016 05:05, tinnitus

#236560 şikayət

intihar səbəbləri

+6 əjdaha

ani duyğu dəyişimindən dolayı çarəsiz qalmaq. özünü boşluqda hiss etmək, hər kəsdən ümidini kəsmək, heç bir şeydən həzz almamaq, yalnız hiss etmək, sevdiylərini itirmək, xəyalını qurduğun bir şeyə nayil ola bilməmək.

6 əjdaha! 05.01.2016 06:43, tinnitus

#192941 şikayət

justin bieber

+6 əjdaha

what you say, ha? what you say? adlı ifadəsiylə jurnalistə atarlanan ərgənimiz

6 əjdaha! 14.12.2015 21:46, tinnitus

#190364 şikayət

azərbaycanda yeni sözlük təklifi

+5 əjdaha

deyir ölkəmizdə eynicinslilərin evliliklərinin təsdiqlənməsinə necə baxırsınız, adama diyərlər ilk öncə əks cinslərin ilişkiləri normal olsun, ailələrinə rahatlıqla mən birini sevirəm diyəbilsin, hə sonra birinci nikaha da normal baxarıq. sözümün canı, eləməsinlər, tutmaz yəni. umut işığı yok lan

5 əjdaha! 11.01.2016 03:26, tinnitus

#193982 şikayət

tanrıya veriləcək tək sual

+5 əjdaha

kişilərə "huri" vədi verərək cənnəti onlar üçün arzuolunan etdinsə, qadınlara "qapan" əmri verərək niyə onları "iki yaşam" içərisində də qısıtladın?

4 əjdaha! 22.09.2016 22:38, tinnitus

#231048 şikayət

1 il öncəki və 2 il sonrakı azərbaycan

+5 əjdaha

yaxşıya ümid etsək də alınacağını elə də zənn etmədiyimiz ölkənin gələcəyi. keçən ilin fevral ayına kimi bizim də azərbaycanla bağlı hər yerdə qürurla danışa biləcəyimiz bir təqdirəlayiq yönü var idi, manatımız. manatımızın zirvədə olduğu vaxtlarda, euro'yla başabaş getdiyi vaxtlarda, ən azından 2 manatla şəhərə çıxa bilirdik. hər şey ucuz, maaş az idi ama dalımızı manat faktoru ilə qurtara bilirdik. onsuz da ölkədə əhalinin xoşbəxtlik rifahı düşük idi ama ən azından manatın dollar qarşısında hegemoniyası əlimizdən tuturdu. bir türk, "1 manat kaç lira" sualını verəndə adam belə qürurla "2.7 tl" cavabını verəbilirdi ən azından. indiyə baxaq, gündəm bəllidi. 50% devalvasiyanın altından çıxabiləcək nə iqtidarımız nə də xalqımız var. ölkədə yaxşıya ümid edə biləcəyimiz heç bir işıq yoxdu, varsa da söndürüblər görə bilmirik. cavan insanlarıq e, bu yaşlarda bu qədər sıxıntıları, gələcəyini, ailəsini düşünməkdən xəstəlik tapacıq. əslində hər bir orta statistik azərbaycan insanı bir kronik depressiya xəstəsidi. optimistəm deyə keçinən biri ölkənin vəziyyətini görsə pessimist olar. "idiocracy" filminə baxsanız, amerikanın gələcəkdə idarəçiliyinin nə hala gələcəyini gülünc obrazlarla göstərmişdilər. baxın , hal-hazırda o vəziyyətdəyik.
insanlar bir-birinə qarşı çox duyarsız olub. kimin sifətinə baxırsan xəzərdə gəmisi batıb sanki. həyqi də batıb, bu xalqı bu günə gətirənlər utansın.
türkiyə də 2001-ci illərdə məlum devalvasiya öncəsində xalqın bütün akademik borclarını sıfırlatdı, yəni bir növ şaxtalı qarlı qış öncəsi əynini geyindirdi xalqın, bizi isə çılpaq şəkildə atdılar boranın ortasına. hələ də biri çıxıb (sağolsun elgiz məllimnən başqa) xalqa devalvasiya haqqında, manatın durumu haqqında məlumat verməyib. aztv, berlində 3 nəfəri qətlə yetirən cinayətkardan reportaj verir hələ. siz hələ də necə olur o tv'lərə baxırsız anlamıram. yəni niyə bu xalqın vəziyyəti məmurların bu qədər umrunda olmasın axı. vəziyyət həqqi pisdi, devalvasiyadan sonra görərik ki maaşlar artar. bizdə azaltmağı keçdim, işdən çıxardırlar. bizim ölkəni indi başqa ölkələrlə müqayisə etməyəcəm çox dəxlisiz qiyaslama olacaq , biz həqqi millətinə qoz qoymayan bir idarəçiliyə tabeyik. zamanında heydər əliyev qəşəng demişdi, "azərbaycan xalqı dözümlü xalqdır". rəhmətlik vaxt təkcə siyasəti yox, xalqımızın durumunu da görə biləcək bir öngörən gözə sahib idi. ruhu şad olsun.
2,3 il sonra, ölkədə prezident seçkiləri olacaq. ölkə liderinin, üst-üstə 4-cü dəfə seçilməmə şansını göz önündə bulunduracaq bi ağlı var. o çox ağıllıdı. ən azından olaya "idiocracy" gözünnən baxsaq, "o bir not sure obrazıdır". əkinləri su ilə sulamaq lazım olduğunu bilir ama bizim not sure'miz öz obrazında əkinlərə su tökmək yerinə işəyir. hə, 2 il sonra olası bir prezident dəyişimində ortaya sual çıxır ki, ölkənin və manatın dalını qurtara biləcək nə buraxdılar köhnə iqtidar arxalarında. bu, biraz da, klubu 16-cı yerə gerilədib qovulan məşqçinin yerinə gələn məşqçidən mövsüm sonunda liderliyi ələ keçirməyi arzulamağa bənzəyir. o bunun mümkünsüz olduğunu bilir ama azarkeşləri ümidləndirmək üçün mübarizə aparacıq lider olmaqçün statını dəfələrlə vurğulayır.
təki yenə də, bu qədər olumsuz şərtlər altında belə, yaxşıya ümid edək. lənət olsun, təki 2016 sıxıntılı keçsin ama sonra düzəlsin. bu ölkə gələcəyə hansı bir yatırım edib görən, bizlərə nə vəd edib. danışdıqca danışılası mövzudu, bu ölkədə bizlərin bir tək azad düşüncə haqqımız varsa, heç olmasa o haqqınızdan istifadə edin, gerçəkləri dilə gətirməkdən və haqqınız olanı tələb etməkdən qorxmayın.

5 əjdaha! 23.12.2015 02:31, tinnitus

#191273 şikayət

yata bilməmək

+4 əjdaha

bir tələbə olaraq dərsə səhərləri gedəbilməməyimin tək səbəbi.
maraqlısı odur ki, günortalar da yatabilmirəm. anladım, anormalam, bari anormal davran günorta yat, yox, yuxu gəlməz ki gəlməz. yataqda sağa sola dönərək yorulacağını zənnedib yuxuya gedəcəyini düşünərsən ama nafilə. hələ sevdiyiniz biri(ləri)si varsa yuxunuzu gətirməyən başqa bi amil. cümə günləri səhər 9-da başlayan dərsimə bi dəfə belə semestr ərzində gedə bilməməmin tək səbəbidi yuxum, sorumlusu mən deyiləmm. hələ bi də tinnitus xəstəsinizsə, yuxunuzun arxasınnan bi vedrə su tökə bilərsiniz.
qulaqlarınızda hard rock açıq sahə konserti hissetməniz kimi

4 əjdaha! 10.12.2015 07:20, tinnitus

#189903 şikayət

mədəni oğlan

+5 əjdaha

hər birimiz özlüyümüzdə və də başqalarının gözündə və düşüncəsində yaxşı, pis biri olaraq tanınırıq. yəni sən etdiyin bəzi səhvlərinə görə pis olursansa, deməli yaxşısan. ətrafımızdakılar da bizi çox vaxt olduğumuz kimi yox, istədiyləri kimi görərlər. sən bir şey edərsən, kimisinə xoş, kimisinə pis gələr. səni bir hərəkətinlə xarakterikanı müəyyən edəbilmə gücləri var axı. sənin düşüncələrin, başqalarına qarşı baxış açın, duyğuların boş arkadaş, qaralıyıb uje o səni, pissən. oğlan olmaq rahat böyüdülmək deməkdi. cem yılmaz'ın qəşəy skeci var bu haqda. oğlan uşaqlarının lüt şəkili çəkilər uşaqlıqda, bəlli yaşa qədər evdə tumansız gəzər məsələn. uşaqlıqdan gələn bu rahatlıq bizi etməməmiz gərəkən şeyləri düşünmədən etməmizə səbəb olabilir gəncliyimizdə. qız uşaqlarının üsdündə əsir daha çox valideynlər. mədəni oğlan terimini yüz yerə yoza bilərsiniz, yuxarıda dediyim kimi. müxtəlif dost çevrələrimdə, müxtəlif gündəmlər olur. mən də bundan yola çıxaraq bəzi dostlarımı mədəni deyə ayrı bir qutuya qoya bilərəm(nəsli tükənməkdə olan heyvanların qorunması kimi). belə oğlanlar ətrafındakı qızların diqqətini çəkəcək heçnə etməzlər, onun götünə baxmazlar, seçənək qarşısında qaldığında beyinləriylə düşünməyi seçərlər. belə həmcinslərimin gənəldə sevgililəri olur və o qızları seçilmişlər listinə əlavə etmək olar. azərbaycana hər qayıtdığımda mənə ünvanlanan ilk sual bu olur, "qaqa orda qızın var?" ne ara evlendim aq. biri də sevdiyin var deyə soruşmaz. bu entry başlığını öz üzərimə qəti çəkməyə çalışmıram, sadəcə həmcinslərimin o qismini təqdir etməyə çalışıram. o qisim azlıq təşkil edər, az olan diqqət çəkər, diqqət çəkən artıq çelişkisinə görə tənqid ya təqdir edilər. mədəni olmağı bir yana qoysaq, azərbaycanda həqiqətən yüksək düşünürlü kreativ gənclərimiz çoxdu. dediyim kimi, bu uşaqların tək bi ani hərəkəti başqası tərəfinnən elə yozulacaq ki, yazığın iq'sı , savadı, düşünürlüyü qaldı o qismi vərəqləməz, fürsət axtarar sənin bi pis hərəkətini görüb orda burda danlamaqçün. təbii, sən belələrinin sənin haqqinda belə nə düşündüyünü umursamayacaq qədər fərqlisən. bu təkəbbürlülükdü mü, yoxsa fərqlilik, gözünnən baxaraq alqıla. elə şəxsləri ciddiyə almağa dəyər mi la?

5 əjdaha! 16.01.2016 12:21, tinnitus

#194557 şikayət

xədicə ismayılova

+3 əjdaha

məmurların gizli və çirkli əməllərini gün üzünə çıxardığıçün həbs edilən araştırmacı jurnalist.
"ayıb olan sadə xalqın puluna öz övladlarını varlandırmaqdır. qoy onlar özləri xəcalət çəksinlər"

3 əjdaha! 14.12.2015 06:43, tinnitus

#190318 şikayət

kainatın oyanış anı

+2 əjdaha

içəri heç işıq keçirməyən qaranlıq bir otaqda oyanmış olsanız saatın neçə olduğunu anlayabilməzsiniz. siz yatarkən beyniniz zaman alqılamasını dayandırdığı üçün oyandığınızda mütləq saata baxmağınız gərəkir. bizim üçün yeni gün oyandığımız anda başlayır. zamanın başlanğıc nöqtəsini bəlirləmək istəyiriksə təbii ki öncə kainatın oyanışına, "böyük partlama" ya geri qayıtmağımız lazımdı. çünki kainat bu möhtəşəm partlama ilə ortaya çıxdı. fizikaçılar bu mövzuda bir fikir birliyinə varabilməsə də, kainat-zaman qavramının partlama öncəsində var olmadığı fikri qəbul edilir. kainatın və zamanın başlanğıcını böyük partlama olaraq işarə edirik amma kosmosun oyanış anı gecikməli yaşanmış olabilər. abş clarkson universiteti fizikaçısı lawrence schulman kainatın keçmişində zamanın olmadığını düşünür. schulman, gördüyümüz hər şeyin əslində keçmişə dair olduğunu qeyd edir. misal, günəşdə çox böyük partlama gerçəkləşsə bunun görüntüsünün bizə gəlib çatma müddəti aramızdakı məsafəyi qət edən fotonlarla bəlirlənirdi. işığın parçaları neytral sürətdə ilərlədikləri üçün 149 milyon 600 min kilometrlik yolu qət etmələri təxminən 8 dəqiqə çəkir. buna görə günəşdəki partlamayı 8 dəqiqə gecikməynən görəbilirik. biz bu səhnəyə şahid olarkən o çoxdan partlamış olacaq. eyni hal böyük partlama üçün də geçərlidi. üstəlik kainatın ilk anları yüklü parçacıqlardan meydana gələn yoğun və isti bir plazma buluduna bənzəyirdi. fotonlar bu vəziyyətdə sərbəstcə hərəkət edəbilmir, uzaq nöqtələrə qədər çatabilmirdi. davam edən 380 min il beləcə keçdi. sonra elektron və protonlar bir araya gəlib atomları var etməyə başladı və beləcə fotonlar sərbəstcə hərəkət edəbildi. bu, kainatın tarixində bir dönüm nöqtəsi idi. bundan qabaq fotonlar sərbəst hərəkət edəbilmədiyi üçün dəyişimləri ölçmənin bir yolu tapılabilmirdi. bu doğruluqdan yola çıxan lawrence schulman, zamanın böyük partlama sırasında deyil, 380 min il sonra gerçəkləşən böyük dəyişimlə başlamış olabiləcəyinə inanır.

2 əjdaha! 23.09.2016 11:32, tinnitus

#231108 şikayət

universitet profundan inanılmaz imtahan sualı

+2 əjdaha

(youtube:

)

silinmiş entry.

2 əjdaha! 16.12.2015 06:09, tinnitus

#190481 şikayət

john terry

+2 əjdaha

"26" rəqəmini eşidəndə və ya görəndə ağlımıza gələn bir əfsanə. gəmisini əsla tərk etməyən kapitan. tərəfli, tərəfsiz hər kəsin sevgisini , hörmətini qazanmış futbolçu, tipik ingilis. ingiltərə premier liqasının ən məhsuldar müdafiyəçisi. o neçə məşqçilər, neçə oyunçular gördü, yola saldı, amma özü əsla başqa macəra arayışında olmadı. futbol tarixi daha bir gözəl futbolçunu itirmək üzrədir. böyük ehtimal bu mövsüm sonu chelsea onunla yeni müqavilə yeniləməyəcək və terry peşəkar kariyerasına son verəcək. çempionlar liqasında 2008'dəki şanssızlığı, 2012'dəki cəzası, 2012'nin yayındakı avropa superkubokundakı zədəsi, 2013'dəki avropa liqası finalında isə heyyətə alınmaması səbəbindən dolayı avropaya aid bir titulu başı üzərinə qaldıra bilməyən adam.

2 əjdaha! 18.12.2015 15:23, tinnitus

#190741 şikayət

2016-ya girmək üçün normal bir səbəb

+1 əjdaha

semestr imtahanlarında tarix yerinə 15 yox 16 yazmaq

1 əjdaha! 14.12.2015 18:46, tinnitus

#190349 şikayət

bıçaq götə dayanmadan işi bitirməmək

+1 əjdaha

qarabağ son iki oyuna ən yaxın izləyicisi paok'un 3 xal önündə ikinci sırada idi. bu senaryo keçən il də təkrarlanmışdı. bakıya gəzməyə gələn inter'i oyun boyu üstün olub matçı lehinə çevirə bilməmək, ki, inter o gün bizə 3 xal verməyə and içmişdi. şansı fürsətə çevirəbilməmişdik. bu gün isə, liberec'ə 4 xal vermək, yolun sonunu görməmizə səbəb olabilər. başlamışıq fiorentina'nı daşqalaq etməyə. niyə? paok'dan 6 xal aldıq diyə mi? toplam 4 xalı olan liberec'ə də xalların hamsını sən payladın da. 6 xal aldığın klubun fiorentina qarşısında şansının olmadığını düşünüb son sıradaki rəqiblə matça rahat çıxsan, o klub gəlib ehtimalları alt-üst edər bu cür. qarabağın düşündüyü bu idi, fiorentina nə olsa paok'u məğlub edər, son tur əşi 1 xal alarıq onlardan, onsuz birinci'liyi qarantiləyəcəklər. yox qadası, riyaziyyat dərsliyi deyil bu ehtimal nəzəriyyəsi çürüdəsən. indi son tur alarsan fiorentina'dan 3 xalı, götə dayanmış olan bıçağı çevirib yunanlara soxmaqçün. gerçək budur ki, fiorentina, həmvətənləri inter kimi bakı'ya gəzməyə gəlməyəcək, qarabağ. bol şans.

1 əjdaha! 26.11.2016 14:46, tinnitus

#238312 şikayət

erməniyə ərə gedən azərbaycanlı qız

+2 əjdaha

evlilikleri hojdir ama bizəna dedirdən bir olay. hər kəs azad, hər kəs müstəqil, toplum baskısı görmədən istədiyi şeyi istədiyi yerdə edəbilməlidir. erməniylə evlənib, belə lap əcəb edib. biz toplum olaraq tam formalaşmamışıq, nəyi tənqid nəyi təqdir edəcəyimizi tam bilmirik, keçənlərdə qaradərili bir gənclə evlənən azərbaycanlı qız xəbərini gördüm, çox da xoşbəxt görsənirdilər, ama alicənab gənclərimizin gözünə ilk olaraq xoşbəxt tablo yox, məlum tablo dəyirdi. əslində cool adam umursamaz, yəni mən inanmıram o xanım məsələn seçimində peşman olsun və də toplum baskısından bunalsın. erməni gənclə də evlənən xanıma xoşbaxt illər arzulayırıq. insanların seçimlərinə bu qədər burnumuzu soxmayaq. bunu edibsə, əlbət səbəbi, bir bildiyi var. hər halda casus olaraq aralarına sızmaqçün kıymaz şu nikahı, yapar mı dersiniz?

2 əjdaha! 15.12.2015 19:47, tinnitus

#190438 şikayət

azərbaycanda oxuyan xarici tələbələr

+3 əjdaha

google'a azərbaycan deyə search etdiklərində tanıtım videolarında, qafqaz'da oxumaq istəyən gəncə xırdalan'ın palçığlı küçələrini nümayiş etdirmədikləriçün, hamsı ümidli gəlir. gəliş o gəliş, şəhərin vəziyyətindən daha çox cəmiyyətin hərəkətləri canlarını sıxır. metroda qaradərili birini gördüklərinə dərhal onu baxışlarla diqqət mərkəzinə alırlar. baxışlar olumlu olsa nəysə.. sözümün canı, kasıb ölkələrdən, 3-cü dərəcəli ölkələrdən bura oxumağa gələnləri anlıyaram. zatən xaricdə oxumaq istəyən biri, öz ölkəsinin ən az 2 qat üsdündə səviyyədə olan bir ölkəni tərcih edər də. 1-ci dərəcəli ölkələrdən gələnlər var lan, mazoşistdilər bunlar diyəsən uçurumun dibini görərək xoşbəxt olurlar. ama maraqlı olardı, isveç'dən gəlmiş bir tələbə tətil üçün ölkəsinə qayıtdığında, harda oxuyursan sualına "azərbaycan" diyə cavab verdiyində, isveçlilərin sifətində oluşan bilinməzcilik cizgiləri

3 əjdaha! 25.11.2016 13:40, tinnitus

#238206 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

tinnitus

son bəyənilənlər:

oxuyucuların bəyəndikləri: