az bilinən etik normalar

biri ilə yol gedərkən yol ayrıcına az qalanda çox uzun çəkə biləcək söhbət üçün mövzu açmamaq.
bir nəfər var idi, işdən evə gedəndə adətən onun maşını ilə gedib bizə ayrılan yolda da düşürdüm. bir-iki dəqiqə sonra düşməli olduğum halda (özü də bunu bilirdi) başlayırdı uzun bir söhbətə. danışır danışır danışır, həmin nöqtəyə çatırıq, maşını saxlayır və yenə danışmağa davam edir. mən də hörmətsizlik olmasın deyə yarıda kəsə bilmirəm. ancaq qısa-qısa "hə", "düzdü", "elədi" filan kimi sözlərlə keçişdirməyə çalışıram və ən uyğun olan bir anda sağollaşıb ordan "qaçıram". bunu dəfələrlə gördüyüm üçün artıq elə bir strategiya izləyirdim ki, söhbət həmin nöqtəyə çatana qədər yekunlaşsın və yeni bir mövzu da açılmasın

wp

(bax: wordpress)

command line

ingiliscə əmr sətri deməkdir. əməliyyat sistemlərinin olmazsa olmaz funksionallığıdır. etmək istədiyiniz əməliyyatları əmr mətnləri şəklində yazıb icra etməyə imkan verir. qrafik interfeys olmadığı vaxtlarda bütün əməliyyatlar command line ilə aparılırdı. amma son istifadəçi (end user) nöqteyi-nəzərdən bu əmrləri yadda saxlamaq, hər xırda iş üçün əmr yazıb icra etmək yorucu, sıxıcı və biraz da irəli getsək, nisbətən professionallıq tələb etdiyindən kütləvi istifadəsinə rast gələ bilmərik. administrativ səviyyədə isə əmrlərlə işləmək qrafik mühitdə işləməkdən daha sərfəlidir, çünki daha sürətli işləyir və əməliyyatın gedişatı və nəticəsi haqqında daha detallı informasiya almaq mümkündür. qrafik interfeysdə isə xüsusi olaraq nəzərə alınmayıbsa, prosesi izləmək hər dəfə mümkün olmur. digər tərəfdən xüsusi əməliyyatlar var ki, ya qrafik interfeysdə icrası (hələ) nəzərə alınmayıb, ya da administrativ icazəsi təmin edilməyib. bu zaman mütləq command line istifadə etmək zərurəti yaranır. yəni qısaca, hər istifadəçi bir gün command line'la tanışacaq.
sifarişi verən: timidus

öyrənildiyində təəccübləndirən məlumatlar

Dəqiq tarixini mən də bilmirəm, amma hardasa 80'ci illərə qədər bir çox musiqi 432 hz üzərindən köklənmiş alətlərlə çalınıb yazılırdı. Ona görə də köhnə vaxtlarda yazılmış mahnılara qulaq asıb 440 hz ilə köklənmiş alətdə çalmaq istədikdə çox cüzi ton fərqi hiss olunur. Elə bilirsən ki, alət kökdən düşüb. Yəni kökdən düşmüş də ola bilər, o ayrı, amma kökdə olduğundan əmin olsan belə, bu fərq hiss olunacaq. Məsələ budur ki, əvvəllər birinci oktavanın lya notu (a4) 432 hz tezliyə bərabər götürülürdü. Amma sonradan 440 hz'ə keçib niyəsə. Amma bu da universal standart deyil. Bəzi orkestrlər 441, 442, 443 hz kimi fərqli tezlikləri əsas götürür.
Bəziləri isə 432 hz tezliyin guya insan bədənində daha yaxşı təsiri olduğunu iddia edir və 440'a dəyişməyin səbəbini də bəzi gizli qüvvələrin (mason, illuminati filan) insanları musiqi ilə öz təsiri altına almaq planı kimi qələmə verir. Təbii ki digər konspirasiyalar bunların da heç bir əsası yoxdur.

dədə qorqud

---------- spoiler -----------
-
-
-
-
-
-
-
-
-
-
-
-
-
-
-
-
-
-
-
-
Boyların adlandırılması çox uğursuz olan dastan. Hadisənin necə bitəcəyini hələ adını oxuyanda bilirsən. Belə də adlandırma olar?
(baxma: basatın təpəgözü öldürdüyü boy)
(baxma: salur qazanın evinin yağmalanması boyu)
(baxma: iç oğuza daş oğuzun dönük çıxması və beyrəyin öldüyü boy)
(baxma: salur qazanın dustaq olduğu və oğlu uruzun onu xilas etdiyi boy)
---------- spoiler -----------

black rose immortal

morningrise albomundan əfsanəvi adlandırla biləcək 20 dəqiqəlik bir opeth şahəsəri. deyilənə görə heç bir konsertdə filan canlı çalmayıblarmış. ta ki keçən ilin noyabrına qədər. mən də bir neçə gün əvvəl gördüm bunu və həm təəccüb, həm sevinclə baxdım. çünki mənə də çox maraqlı idi bu mahnının canlı ifası. sonra da dedim ki, bunlar çala bilirsə, mən niyə çalmayım. və burdan dinləyə biləcəyiniz şəkildə bir şey elədim: #372358

buyurun qrup performansını da burdan izləyin

(youtube: )