vahe avetyan

--spoiler--

Erməni yazıçı-dissident Ukrayna hava xətti reysi ilə geriyə göndərilib

Erməni yazıçı-dissident, hazırda isveçdə yaşayan Vahe Avetyan Bakıya buraxılmayıb. O, bir sutka Bakı aeroportunun neytral zonasında qaldıqdan sonra Ukrayna hava xətti reysi ilə geriyə uçub.

"Son iki gündə yanımda olanlara təşəkkür edirəm. iki gündə minlərlə məktub aldım. Sülhü dəstəkləyən bütün azərbaycanlılara və ermənilərə təşəkkür edirəm. Əgər hesab edirsiniz ki, bir nəfər tarixi sülhə tərəf az da olsa yönəldə bilər, onda tənbəllik etməyin, sadəcə "Facebook" istifadəçiləri olmayın. Sülh prosesinə özünüz az da olsa töhfə verin. Evlərimizdə sülh olsun!", - Avetyan oktyabrın 10-da Kiyev aeroportunda olarkən "Facebook" səhifəsində yazıb.

"Turan"-ın məlumatına görə, o, ötən gecə və gündüz Bakı hava limanında oturaraq aqibətinin necə olacağını gözləyib. Ancaq cavab almayıb, ona vizasının olmadığı bildirilib.

Vahe Avetyan oktyabrın 8-i gecəyarısına yaxın isveçdən Bakıya gəlib.

Öz "Facebook" səhifəsində yazdığına görə onu hec kəs dəvət etməyib, o özü sülh yaradıcısı kimi gəlib.

Avetyan Azərbaycanın ərazi bütövlüyünü tanıdığına görə Ermənistanda təqiblərə məruz qalıb.

O, Xocalı faciəsinə görə də başsağlıqları verib. Buna görə Ermənistanda onu "vətən xaini" elan ediblər.


--spoiler--

donald trump vs hillary clinton

2-ci debat başa çatıb. 3-cü və son debat isə oktyabrın 19-u keçiriləcək.
hillary clinton debatda 57% səslə qalib gəlib.

--spoiler--

Prezidentliyə namizədləri bir araya gətirən ikinci teledebat bir neçə saat əvvəl Vaşinqton Universitetində baş tutub. Demokrat Hilari Klintonun respublikaçı Donald Tramp ilə qarşılaşmasına bu dəfə iki moderator – Martha Raddatz (ABC News) və Anderson Kuper (CNN) ev sahibliyi ediblər.

Bu dəfəki debatın formatı fərqli olub. Aparıcılardan gələn suallar əvəzinə namizədlər studiyaya dəvət edilmiş adi vətəndaşların verdiyi sullara cavab verməli olublar. Bəzi suallar isə social şəbəkə istifadəçilərindən gəlib.

Demək olar ki, debat, vaxtından əvvəl başlayıb. Belə ki, iki gün əvvəl Trampın 2005-ci ildə televerilişlərin birində qadınların ünvanına işlətdiyi xoşagəlməz ifadələr mətbuata sızdırılıb. Bu səbəbdən hər iki partiya tərəfindən və social mediada kəskin tənqid edilən Tramp, cavabında diqqəti Klintonlar ailəsinin problemlərinə yönəltməyə çalışıb. Trampın debat qabağı matbuat konfransında Bill Klintonu müxtəlif vaxtlarda layiqsiz davranışda ittiham etmiş 4 qadın iştirak edib.

Təbii ki, hər iki həssas məsələ debat zamanı da qaldırılıb. Elə ilk sual hazırki seçkilərin xoşagəlməz atmosferi barədə olub. Tramp 2005-ci ildə dediklərinə görə peşmanlığını ifadə edib. Əslində qadınlara qarşı heç vaxt pis əmələ yol vermədiyini vurğulayan Tramp, bunu Bil Klintonon etdikləri ilə müqayisə etməyə çağırıb.

Klinton bu hadisənin yalnız son damla olduğunu və rəqibinin indiyə qədər qadınlar, meksikalılar, afro-amerikalılar, müsəlmanlar və hətta fiziki qüsuru olanlar haqqında ifadələrini onun prezidentliyə uyğun olmamasının sübutu kimi gördüyünü bildirib.

Tramp daha sonra rəqibinin seçkilər zamanı verdiyi sözləri heç vaxt tutmadığını və xüsusilə son “e-mail məsələsi”ndə etibarı itirdiyini deyərək, prezident seçiləcəyi təqdirdə Klintonun cinayət məsuliyyətinə cəlb ediləcəyini söz verib. Klinton isə FTB-nin bir ildən artiq davam etmiş təhqiqatının heç bir nəticə vermədiyini yada salıb.

Aktiv müzakirə obyektlərindən biri tibbi sığorta olub. Klintonun da dəstək verdiyi, prezident Obamanın sigorta islahatı çoxları üçün siğortanın qiymətinin qalxmasına səbəb olub. Trampın önə çəkdiyi bu məqamı Klinton da etiraf edib, lakin rəqibindən fərqli olaraq, müsbət tərəfləri də çox olan islahatı ləğv etməyi yox, nöqsanlarını aradan qaldırmağı məqsədyönlü hesab edib.

Aparıcı Donald Trampa verdiyi sualda müsəlmanların ölkəyə daxil olmasına qoyacağı qadağa barədə sözlərini şərh etməyi xahiş edib. Tramp, əvvəl dediklərinin əksinə olaraq bunun qadağa deyil, ciddi yoxlama olacağını bildirib. Suala mövqeyini bildirən Klinton bu cür ifadələrin müsəlman müttəfiqlərlə münasibətlərə pis təsir etdiyini və terrorçuların xeyrinə olduğunu deyib.

Rusiya ilə münasibətlərə debat zamanı bir neçə dəfə toxunulub. ilk olaraq, Hilari Klinton, Wikileaks tərəfindən yayılmış məlumatları şərh edib və bunda Rusiya izi olduğunu bildirib. Klintona görə, Putin, bu yolla ABŞ seçkilərinə təsir etməyə və Trampın qalib gəlməsinə çalışır. Daha sonra isə Alepponun bombalanmasına münasibətini ifadə edərkən, Rusiyanın və Assad rejiminin cinayətlərinin araşdırılmasın lazım bilib. Tramp da Rusiyaya qarşı kəskin mövqe lazım olduğunu desə də, həmçinin, iŞiD-lə mübarizədə əməkdaşlığı vacib hesab edib.

Tramp, nəhayət ki, vergilərdən yayınması sualına aydınlıq gətirib. O, qanuni əsasla bəzi vergiləri ödəmədiyini etiraf edib və qeyd edib ki, Klintonun seçki kampaniyasını maliyyələşdirən bir çox varlı adamlar da eyni güzəştlərdən istifədə edir.

Hər iki namizəd öz vergi siyasətlərinin orta təbəqənin xeyrinə quracaqlarını iddia edir. Enerji siyasətində Klinton alternativ energetikanın, Tramp isə daxili hasilatın artırılmasını lazım bilir.

Əvvəl olduğu kimi, xarici siyasətdə Klinton dövlət katibi kimi uğursuz fəaliyyətdə, Tramp isə heç bir konkret planının olmamasında ittiham edilib. Klinton ilk olaraq diqqəti Suriyada humanitar vəziyyətə, Tramp isə iŞiD-lə mübarizəyə yönəltməyi düşünür. Bununla belə, heç bir halda, regionda yeni ABŞ qoşunlarının yerləşdirilməsi müzakirə obyekti deyil. Maraqlıdır ki, Klinton Assada qarşı kürd qüvvələrini silahlandırmağı təklif edib və bunun hansı problemlər yaradacağını bildiyinə də işarə edib.

Ümumilikdə, bu debat, son günlərdə rəy sorğularında aşağı düşən Tramp üçün itirdiyini qaytarmaq, Klinton üçün isə mövqelərini bir az da möhkəmləndirmək imkanıdır. Hansı namizədin uğur qazandığı isə tezliklə rəy sorğularının nəticələrində özünü göstərməlidir.

--spoiler--

link

two steps from hell

motivasiya qazanmağa uyğun musiqilər hazırlamış qrup.

false king

(youtube: )

(youtube: )

(youtube: )

15 oktyabr 2008 azərbaycanda prezident seçkiləri

azərbaycan respublikası prezidenti postuna keçirilən VI rəsmi seçkilərdir.

seçkilərdə 7 namizəd iştirak etmişdi:

1. ilham əliyev - yeni azərbaycan partiyası
2. iqbal ağazadə - ümid partiyası
3. fazil mustafa - böyük quruluş partiyası
4. qüdrət həsənquliyev - bütöv azərbaycan xalq cəbhəsi partiyası
5. qulamhüseyn əlibəyli - müstəqil namizəd
6. fuad əliyev - azərbaycan liberal demokrat partiyası
7. hafiz hacıyev - müasir müsavat partiyası

seçkilərin nəticələri isə belə olmuşdur:

ilham əliyev
3,232,259 nəfər
87.34%

iqbal ağazadə
104,279 nəfər
2.82%

fazil mustafa
89,985 nəfər
2.43%

qüdrət həsənquliyev
83,037 nəfər
2.24%

qulamhüseyn əlibəyli
81,120 nəfər
2.19%

fuad əliyev
28,423 nəfər
0.77%

hafiz hacıyev
23,771 nəfər
0.64%

etibarsız bülletenlər
57,760
1.56%

iştirak edənlər:
3,700,634 nəfər
75.64%

nəticədə ilham əliyev səs çoxluğu ilə qalib gəlmişdir.

seçkilər üçün dövlət büdcəsindən 21,7 milyon manat ayrılıb. müsavat partiyası və azərbaycan xalq cəbhəsi partiyası seçkiləri boykot edib.

vahe avetyan

bu gün öz təşəbbüsü ilə bakıya gəlmiş erməni siyasi fəal.

--spoiler--

erməni siyasi fəal, hazırda isveçdə mühacirətdə yaşayan, hazırki ermənistan hakimiyyətinə müxalif olan vahe avetyan azərbaycana gəlib.

onu aeroportda dövlət təhlükəsizliyi xidmətinin nümayəndələri qarşılayıb. heydər əliyev adına beynəlxalq hava limanında saxlanan vahe avetyan "facebook" profilində hadisə ilə bağlı açıqlama verib:

"bu, sülhün başlanğıcıdır. bilet alıb bakıya gələn ilk erməniyəm. 25 ildir bu ölkəyə dəvətsiz, hökumətin razılığı olmadan bir erməni də girə bilməyib. mən öz istəyimlə gəlmişəm. qonaq gəlmişəm. tarixi dəyişirik. bu gün sülhün başlanğıc günüdür".

dtx nümayəndələrinə səfərin səbəbini izah edən vahe avetyan geri göndəriləcəyini güman edir. vahe avetyan dtx əməkdaşlarının onu kofe ve tosta qonaq etdiyini də yazıb:

"oturub söhbət edirik, deyib gülürük. əla uşaqlardır".

--spoiler--