28 iyul 2021 türkiyədə meşə yanğınları

Amerikanın uşaqları* akp və pkk arasındakı ittifaqın nəticələri olan yanğınlardır. Dünəndən bugünə Atatürkü, fikirlərini, ideallarını daima pisləyən, amerikanın mandatlığını hər vəchlə müdafiə edən, abş-ın yaşıl qurşaq layihəsini canla-başla həyata keçirən Türkiyə rəhbərliyinin təklif olunan yardımları "dövlətimiz zəif deyil, yardıma ehtiyacımız yoxdur", "bizi əzmək üçün fürsət gözləyirlər" kimi bəyanatlarla rədd etmələri bir yana, əlimdə olsa bir əmrlə məhv edəcəyim axmaq mühafizəkar təbəqənin əldə olan təchizatı istifadə etməyən insanlara yenə necə də bəraət qazandırdığını görmək çox qıcıqlandırır. Göz görə-görə ölkəni satırlar, bütün sərvətlərini talayırlar, demoqrafiyasını dəyişdirməyə cəhd göstərirlər, şərqin zibil ölkələrindən bir yaraya məlhəm olmayan cihadçılarını doldururlar, təhsili, səhiyyəni, mədəniyyəti, inkişafın qarşısını kəsirlər, lakin "zülm görmüşük, bizi öldürürdülər, başımızı açdırırdılar" deyib kor zehin dəstək olurlar. Heyif ki, vaxtı zamanında sizin kökünüz kəsilməyib, heyif ki.

Neçə gündür özümü saxlayırdım ki, bezdim hər yerdə, hər xəbərdə ancaq bədbəxtlik, məzlumluq, axmaqlıq görməkdən, amma aşağıdakı flood son hədd oldu. izləyin, dinləyin, oxuyun. Ölkənin başındakıların əsil terrorçu olmalarına bir daha şahid olun:

.

2020 yay olimpiya oyunları

200 metr məsafəyə qaçış üzrə olimpiada vəsiqəsi qazanan Belarus atlet kristina timanovskaya dopinq testindən keçə bilməyən digər idmançıların yerinə xəbərsiz şəkildə 4x400 metr estafet qaçış üzrə yarışa daxil edildiyi və özünün bu məsafə üçün ixtisaslaşmadığını bildirərək sosial şəbəkə hesabından məşqçilərini tənqid etmiş, bundan sonra isə iştirak vəsiqəsi əlindən alınaraq Belarusa geri dönməyə məcbur edilmişdi. Beynəlxalq olimpiya komitəsi atletin hava limanından çıxarılaraq təhlükəsiz bir yerə aparıldığını, həmçinin Belarus olimpiya komitəsi barədə araşdırmalara başlanıldığını açıqladı. Belarus müxalifətinin lideri svetlana tixanovskaya dünən bununla bağlı tvit paylaşıb:

.

leobank

Azərbaycanda Ukrayna mənşəli fintech farm tərəfindən layihələndirilən neobank* filialsız bank sistemi ilə çalışacaq ilk bank. Firma sistemini mdb ölkələrinə satmağa qərar verib və ilk müştərisi Azərbaycandan unibank olub. Burada bir maraqlı məqam var ki, Ukraynanın neobank sistemi ilə çalışan ilk bankı monobank 2017-ci ildə qurulan fintech band şirkəti tərəfindən ərsəyə gəlib. Bu şirkətin qurucuları arasında olan ölkənin ən böyük bankı privatbankın keçmiş it-direktoru dmitriy dubilet 2019-cu ildə ukraynanın nazirlər kabinetinin sədri vəzifəsinə seçildiyi üçün şirkətdəki hissələrini təhvil verərək oradan ayrılıb, nazir postunu tərk etdikdən sonra isə privat24* privatbankın mobil tətbiqi -ün yaradıcısı oleksandr vityazla birgə fintech farm adlı yeni bir it şirkəti quraraq neobank sistemini digər ölkələrdəki banklara satmağa qərar verib . Xəbərdə də təqdim edildiyi kimi, bu səbəbdən leobankın monobankla sayt dizaynına qədər çox oxşarlığı var.
Neobank sistemi ilə filialsız bankçılıq həyata keçirildiyi üçün bu tipli layihə mütləq bir bankın lisenziyası ilə qurulur. Və ənənəvi bank xərclərindən uzaq olduğu üçün də mobil tətbiqetməyə çox böyük investisiya edilir, nəticədə mükəmməl onlayn bankinq xidməti təqdim edir. həmçinin digər banklara nəzərən bir çox fürsətlər mövcuddur: Məsələn, yerli banklarda 30-45 gün olan arası güzəşt müddəti (grace period) leoda 62 gündür, həmçinin kart hesablarına pulun köçürülməsi, kart balansının artırılması, ödənişlərin həyata keçirilməsi kimi əməliyyatlar tam ödənişsiz şəkildə həyata keçiriləcək, 20%-dək keşbek almaq imkanınız olacaq. Kartın digər bir üstünlüyü isə həm debit, həm də kredit kartı funksiyalarını daşımasıdır.
Artıq bir neçə gündür ki, leobankın rəsmi saytından kartın önsifarişi əlçatandır. Qeydiyyatdan keçməklə sentyabr ayında kartınızı əldə edə və leobankın tətbiqindən yararlana bilərsiniz.

azərbaycanda ikili diplom verən təhsil fürsətləri

UNEC-də bakalavr, magistratura və MBA üzrə ikili diplom proqramları mövcuddur:
bakalavr dərəcəsi üzrə:
Montpellier universitet* fransa , rus ali iqtisad məktəbi, icd beynəlxalq biznes məktəbi* Fransa , MOSKVA DÖVLƏT HUMANiTAR iQTiSAD UNiVERSiTETi
magistratura dərəcəsi üzrə:
Mikolas Romeris Universiteti* litva , Montpellier Universiteti
mba üzrə:
ubis universiteti* isveçrə , Linkoln Universiteti* ABŞ
Bir də unec-in nəznində udid* universitet daxili ikili diplom proqramı var ki, birinci kursu bitirdikdən sonra müəyyən tələbləri ödəməklə maliyyə, mühasibat, beynəlxalq ticarət və logistika, biznesin idarə edilməsi, menecment, marketinq, iqtisadiyyat və statistika ixtisaslarına yiyələnmək üçün dərslərə girə və bakalavr təhsilinizin sonunda həm öz ixtisasınız, həm də seçdiyiniz ixtisasın diplomunu ala bilərsiniz.
Ətraflı:
ikili diplom üçün
udid üçün
udid üçün

the great smog

1952-ci ilin 5-9 dekabr tarixləri arasında londonda gerçəkləşən və minlərlə insanın ölümünə səbəb olan faciənin adı. sənaye inqilabından sonra fabrikləşmə ilə kömürün istifadəsi həddən artıq çoxalınca şəhərin havası zamanla çirklənməyə başlamışdı. Məhz həmin ilin dekabr ayı sərt keçdiyi üçün qızdırılma məqsədilə kömürün istifadəsi daha da artdı və bu öz növbəsində 5 dekabr tarixindən bütün londonun üstünü örtən qalın duman təbəqəsinin yaranmasına səbəb oldu. Kömürdən ayrılan kükürdün şəhərə yayılması nəticəsində 12 minə yaxın insan həlak olmuşdur. Təbii ki, faciənin genişlənməsinə səbəb olan əsas faktor bu dumanın antisiklon şəraitində çökməsi idi ki, küləyin olmaması zəhərli hissəciklərin şəhərdən uzaqlaşmamasına yol açmışdı. Başqa faciələrə yol açmamaq üçün ingilis hökuməti 1956-cı ildə təmiz hava qanununu tərtib etdi. Qanuna görə, şəhər daxilində dumansız zonalar tərtib edilir, evlərdə və sənaye sobalarında kömürün istifadəsi qadağan olunur, əvəzində isə neft, qaz və elektriklə qızdırılmaya təşviq edilirdi. Bu qanun çevrəçilik adına bir dönüş nöqtəsi hesab olunur.
Bu arada, faciə the crown serialının winston churchill-in hakimiyyətindən bəhs edən birinci mövsümünün 4-cü epizodu olan act of god-da təsvir edilib.

pallone düzəlişi

ABŞ konqresinin nümayəndələr palatasının demokrat senatı frank pallone tərəfindən təklif edilən və bu gün say çoxluğu ilə qəbul edilən düzəliş . Bununla birlikdə artıq ABŞ Azərbaycana beynəlxalq hərbi təlim və maliyyələşdirmə proqramları çərçivəsində yardımı dayandıracaq, lakin bu razılaşmalar əsasında əldə edilən hərbi təchizata əngəl törətməyəcək.
Avtoritar rejimi bəhanə edib lobbiyə yaranmaq istəyən senatorun nitqi:

.

azərbaycanda karantin rejimi

2021-ci il 1 sentyabr tarixindən etibarən:

1. dövlət orqanlarının (qurumlarının) əməkdaşlarının,
habelə aşağıda qeyd olunan müəssisələrin işçilərinin (əmək və ya mülki müqavilələrlə işləməsindən asılı olmayaraq) azı 80 faizinin COVID-19-a qarşı birinci doza, 1 oktyabr tarixindən etibarən isə ikinci doza peyvənd olunması və ya COVID-19-a qarşı immunitet sertifikatının olması tələb edilir:
- mülkiyyət formasından asılı olmayaraq bütün tibb və əczaçılıq müəssisələri;
- mülkiyyət formasından asılı olmayaraq bütün elm və təhsil müəssisələri;
- Nazirlər Kabineti tərəfindən müəyyən edilən iş və xidmət sahələrində fəaliyyət göstərən müəssisələr;

2. ali və orta-ixtisas təhsili müəssisəsində təhsil alan yaşı 18-dən yuxarı olan bütün şəxslərin COVID-19 pasportunun olması tələb edilir;

3. yaşı 18-dən yuxarı olan şəxslər aşağıdakı yerlərdə qapalı məkanda göstərilən xidmətlərdən yalnız COVID-19 pasportu olduğu halda istifadə edə bilərlər:
- ictimai iaşə müəssisələrində;
- mehmanxanalarda;
- iri ticarət mərkəzlərində.

hacı allahşükür paşazadə

Ölkənin bir nömrəli iqtidar mediası report.az tərəfindən şəxsinə ya şeyx, getmək vaxtıdır! Adlı məqalənin ünvanlandığı, eks-şeyx olma günləri uzaqda olmayan adam.
(baxma: yolcudur abbas bağlasan durmaz)
mənbə
Mənbə2: socar-ın maliyyələşdirdiyi haber global telekanalında efirə gedən xəbər

(youtube: )

beevi

cənubi koreyada bee və vision sözlərindən ilhamlanan cho jae-weon adlı mühəndisin layihələndirdiyi unikal tualet. Belə ki, 2018-ci ildən seuldakı bir universitetə quraşdırılan unitaz vasitəsilə tələbələrin nəcisi yeraltında depolanır və buradan iki istiqamət üzrə - elektrik enerjisi almaq məqsədilə metan qazı və təbii gübrə əldə edilə bilən bir prosedurdan keçir. Tələbələr isə qarşılığında tualetdəki qr kod vasitəsilə koreya dilində "bal" mənasına gələn ggool adlı rəqəmsal pul əldə edirlər, hansı ki onlar ggoolu bufetdə, kitabxanada istifadə edə bilərlər.
Yəni ki, poxdan konfet düzəldirlər.
Mənbələr:
reuters
dw Türkçe

müəllimlərin işə qəbul imtahanı

Vakant yer azlığından müəllim namizədlərini necə dara salmaq olar deyə fikirləşənlər tərəfindən təşkil olunan imtahan, çarəsi 2 yoldan keçir:
1. Ya hər məhəlləyə azı bir məktəb açıb vakant yerləri artırmaqla sinifdə 15-20 şagirdlə keyfiyyətli dərs keçiriləcək;
2. Ya da əldəki müəllim namizədləri bazası tükənənə qədər universitetlərdə müəllimlik fakültələri tələbə qəbulunu dayandıracaq.
Hər il 3-4 min nəfərlik plana 30-40 min namizəd müraciət edəndə əlbəttə axmaq suallar salacaqlar. Bir də ki bu imtahanın təşkilini dövlət imtahan mərkəzinə həvalə etməlidirlər, təhsil naziri imtahan sonrası fəaliyyətə nəzarət etməlidir.