reboot

bir oyun və ya filmin, adının saxlanılaraq yenidən başlamasına verilən ad. burada ssenari 0-dan dəyişdirilir və ortaya çıxan oyunun, silsilənin əvvəlki oyunları ilə heç bir əlaqəsi olmur. məsələn, 2019 istehsalı call of duty: modern warfare, 2013 istehsalı tomb raider, 2008 istehsalı prince of persia buna nümunədir.
80-ci illərin məşhur horror filmlərindən olan nightmare on elm street də yeni ssenari, rejissor və aktyor heyəti ilə 2010-cu ildə reboot edilib. ancaq orijinal film qədər yaxşı alınmayıb.

megadeth

dave mustaine-in metallica-dan qovulması və intiqam hissi ilə musiqi tarixinin ən böyük və sonsuz rəqabətlərindən birinə start verməsi nəticəsində ortaya çıxmış uber qrup. hər nə qədər “metallica”-ı daha çox xoşlasam da, “megadeth”-in drum və gitarada daha üstün olduğunu və daha qazagətirici rifflər yazdığını düşünürəm. 3 nöqtədən sonra ardı gələn albom adları da bu qrupla bağlı ən sevdiyim detallardandır.
keçmişdən bu günə “megadeth” diskoqrafiyası:
killing is my business... and business is good! - 1985
peace sells... but who’s buying? - 1986
so far, so good... so what! - 1988
rust in peace - 1990
countdown to extinction - 1992
youthanasia - 1994
cryptic writings - 1997
risk - 1999
the world needs a hero - 2001
the system has failed - 2004
united abominations - 2007
endgame - 2009
thirteen - 2011
super collider - 2013
dystopia - 2016
the sick, the dying... and the dead! - 2022

fgm-148 javelin

1996-cı ildə istehsalına və istifadəsinə başlanmış amerika istehsalı tank əleyhinə roket kompleksi. xüsusi nişangaha sahibdir və nişan alınarkən hədəfə kilidlənir. atəş açıldıqdan sonra mərmi əvvəlcə havaya qalxır və texnikanı ən zəif yeri olan gövdədən vurur. 1 mərmisinin qiyməti 100 min dollara yaxındır. mərmisi bahalı olduğu üçün də yalnız kritik nöqtələrdə istifadə olunur.
2003 iraq işğalında amerikan ordusu bu silahla çox sayda iraq tankını məhv edib. bundan başqa suriya vətəndaş müharibəsi və 2022 rusiyanın ukraynanı işğalı dövründə də aktiv istifadə olunub.

remake

bir oyunun 0-dan yenilənmiş halına verilən ad. remake, həm qrafikası, həm də gameplay-i günümüz üçün çox köhnəlmiş olan oyunlara tətbiq edilir. burada həm qrafika və səs effektləri yaxşılaşdırılır, həm də yorucu gameplay elementləri silinərək başdan düzəldilir. ilk versiyada olmayan elementlər əlavə olunur. hekayədə də müəyyən dəyişikliklər edilə bilir. ümumilikdə, oyun, günümüzdə rahat oynanıla biləcək hala gətirilir.
film dünyasında da remake var. məsələn, 1984 istehsalı the karate kid filmi, 2010-cu ildə remake edilib.

remaster

bir oyunun makyaj edilməsinə verilən ad. çox vaxt remake ilə qarışdırılır, amma eyni şey deyil. remaster, günümüzdə də rahat oynanıla bilən, amma vizual olaraq çox köhnə görünən oyunlara tətbiq olunur. burada oyunun qrafikası müasirləşdirilir, səs effektləri yaxşılaşdırılır, işıq, tekstura və personajların üz modelləri daha yaxşı hala gətirilir ( gta definitive edition sayılmır lol). oyunun gameplay və hekayəsində isə heç bir dəyişiklik olmur.
musiqidə də remaster var. bəzən sənətçilər köhnə albomlarının sound-da müəyyən dəyişikliklər edərək yenidən yayımlayırlar.

nothing else matters metallicaçısı

(baxma: du hast rammsteincısı)
(baxma: hail and kill manowarcısı)
(baxma: back in black ac/dcçisi)
(baxma: numb linkin parkcısı)
(baxma: californication rhcpcisi)
(baxma: rude boy rihannacısı)
(baxma: flying whales gojiracısı)
(baxma: baby justin biebercisi)
(baxma: another brick in the wall pink floydcusu)
(baxma: yesterday the beatlescısı)
(baxma: without me eminemcisi)
(baxma: fark var cezacısı)
(baxma: in da club 50 centcisi)
(baxma: x gon give it to ya dmxcisi)
(baxma: primo victoria sabatoncusu)
(baxma: fear of the dark iron maidencisi)
(baxma: painkiller judas priestcisi)
(baxma: paranoid black sabbathcısı)
(baxma: ad günü miri yusifçisi)
(baxma: caddelerde rüzgar nilüfercisi)
(baxma: dream on aerosmithcisi)
(baxma: send me an angel scorpionscısı)

fim-92 stinger

amerika istehsalı hava əleyhinə roket kompleksi. 70-ci illərdə dizayn edilib və 80-ci illərdə istifadəsinə başlanılıb. roket 10,1 kq, silah isə ümumilikdə 15,2 kq ağırlığındadır. məsafəsi 1-4,8 km-dir. rəsmi lisenziya əsasında türkiyə və almaniya tərəfindən də istehsal edilməkdədir.
ilk dəfə sovet-əfqan müharibəsində, eləcə də körfəz müharibəsi, 2022 rusiyanın ukraynanı işğalı və daha bir çox müharibədə istifadə edilib.

latın amerikalıların yaşlılara olan hörməti

narkotik, qumar, kartel və s kimi hər cür zibil işlər çıxaran latın amerikalılar üçün, mövzu yaşlılar olduqda axan suların durması paradoksudur. yaşlılara hörmətsizlik edilməsinə pis baxılır və cəzalandırılır. bunu breaking bad və better call saul-da da aydın görmək olar. tuco salamanca, iflic olmuş əmisi hector salamancaya hər cür diqqət göstərir. bcs-da da “abuela”sına (nənə) hörmətsizlik edən əkiz skater qardaşları ayaqlarını qıraraq cəzalandırır.

castellano

ispan dilinin ispaniya dialektinin bir digər adı. başlıca xüsusiyyətlərindən biri “c” və “z” hərflərinin pəltək “s” şəklində oxunmasıdır ( latın amerika dialektlərində bu yoxdur). çoxlu şəxsə xitab etmək üçün isə vosotros əvəzliyi işlənir (digərlərində ustedes). ispaniya kral akademiyası isə məqalə və danışıqda daha çox “español” sözünün işlənməsinə təşviq edir.
qeyd: meksika dialekti>castellano.

a tout le monde

bu mahnının adı və fransızca nəqarəti əslində ingiliscə düşünülmüşdü. amma daha sonra bir nəfər nəqarətin fransızca daha yaxşı ola biləcəyini deyir və bu ideya dave mustaine-in xoşuna gəlir. nəqarəti yaxşı ifa etmək üçün kiçik bir fransız dili dərsi də alır. tərcüməsi isə belədir:
a tout le monde - bütün dünyaya
a tous mes amis - bütün dostlarıma
je vous aime - hamınızı sevirəm
je dois partir - ancaq getməliyəm
these are the last words i’ll ever speak - bunlar son sözlərimdir
them set me free - sonra məni azad edəcəklər.