azərbaycan və gürcüstan arasında iki sərhəd-keçid məntəqəsi (bundan sonra, sk/m) var. azərbaycanda bunlar qazax və balakən rayonlarındadır. deməli, tez-tez eşidirik ki, gürcüstana maşınla keçən vətəndaşlarımız gedəndə də, qayıdanda da saatlarla növbədə dururlar. problem isə demək olar, həmişə azərbaycan tərəfinin olur. balakəndəkindən xəbərim yoxdur, ancaq qazaxdakında olan bilər ki, həmin ərazi yayda da, qışda da dözülməz olur. mən keçən ay qazaxda yerləşən "sınıq körpü" sk/m-i ilə bağlı öz təcrübəmi qeyd etmək istəyirəm. gürcüstana gedəndə hamı kimi gözlədim, lazımsız prosedurlardan keçdim. batumidən qayıtmamışdan bir gün qabaq facebook-da gördüm ki, saatlarla növbədə qalıb istidən qayğanaq olan vətəndaşlarımız olub. hətta yazanlar vardı ki, bəzi şərəfsizlər əvvəldən gəlib növbə tutub, sonra öz yerlərini imkanlılara satıb, onları qabağa buraxırlar. deməli, sk/m-də "bug" kimi bir şey var, əslində. əgər azərbaycana qayıdanda istidə saatlarla gözləyib maşının içində qayğanaq olmaq istəmirsinizsə, s/m-ni qazax istiqamətindən keçmək üçün ən uyğun vaxt gecə saat 4-dən sonradır. hər iki ölkənin sk/m-i bom-boş olur. növbəsiz, uzağı 10-15 dəq ərzində hər iki sərhədi avtomobilinizlə keçirsiniz. gecə sürmək təhlükəlidir deyirsinizsə, tbilisidə bir gecəlik ev kirayələyib, dincəlib gecə rahat yola çıxa bilərsiniz. tbilisidən sk/m-ə cəmi 45-50 dəqiqəyə çatmaq olur. mənə görə, növbədə saatlarla pərişan halda gözləməkdənsə, gecə ilə maşın sürmək qat-qat yaxşıdır.
düzəliş: #223978 -də qeyd edildiyi kimi, 2 yox, 3 sk/m var. ağstafa rayonu, sadıxlı kəndindəki sk/m.
