11 ay içkinin dibini görüb ramazanda içməyən tiplər

azərbaycanlıların özlərini müsəlman hiss etdirdikləri davranıış. bu nəinki orucluqda hətta məhərrəmlikdə də baş verir. əslində bu millətin islamdan nə qədər uzaq düşdüyünü vəya islamla heç bir əlaqəsi olmadığını göstərir. nəbadə məni dinin hər bir əmrini yerinə yetirən kimi başa düşəsiz. elə deyil. mən özüm də fərqindəyəm ki, içki içməyimlə, namaz qılmamağımla (hətta qılıb buraxmağıla) nə qədər günah işləmişəm. bəlkə də bu günahın nə olduğunu dərk etməyəcək qədər cahiləm. amma heç vaxt belə debillik eləməmişəm ki, bəs orucluqda və ya məhərrəmlikdə içmirəm. içməyin günah olduğunu bilən adam üçün orucluq və ya məhərrəmliyin gəlib-gəlməməyinin isti-soyuğu olmamalıdı. amma görürsən də bir çox debilləri ki, "yox, içmirəm orucluqda. günahdı". ay təkhüceyrəli varlıq, allah haçandan orucluqda içməyin günah dərəcəsini artırıb xəbərimiz yoxdu? bu millətə savad lazımdı birinci,vallah.
p.s. hə bir də başlığı "(baxma: 11 ay içkinin küpünə girib orucluqda içməyən tiplər)" kimi düzəltsələr adminlər sevinərəm -*

oliqarxiya

rusiyada yaranan bir sistem. belə ki, "perestroyka" dövründə mixail qorbaçov sovet əmlakını özəlləşdirməyə çıxarmış və xarici ticarət markalarının ölkəyə idxal olunmasını asanlaşdırmışdı. dolayı yolla bu da cavan biznesmenlərin ortaya çıxması idi ki, bunun da nəticəsini bugünkü dünyada görürü. roman abramoviç, vladimir qusiniski, oleq deripaska, mixail proxorov, vladimir potanin ən məşhurlarına misal olaraq çəkilə bilər.

burak yılmaz

qalatasaray azarkeşi olsam da heç cür qəbul eləmədiyim oyunçu. hücumçusansa birinci, ayağında top tutmağı bacarmalısan. bu adamda hələ ki, belə bir şey görülməyib. bəzi hücumçular var ki, qol duyumları ilə önə çıxır. məsələn mario jardel, filippo inzaghi. amma bu adam gəlib çıxıb 28 yaşına hələ də təzə-təzə öyrənir belə şeyləri, pas gələndə harda durmaq lazımdı. bunun hələ ki, tək fəndi selçuk inanın uzun ara ötürmələrinə qaçmağıdır. hələ ki, hər şey yaxşı gedir olmağına. çempionlar liqasında bombardirlik zad. amma işlər biraz tərs gedəndə; məsələn ehtimal olunan qalatasaray-bavariya qarşılaşmasında; burak qardaş tank kimi alman müdafiəsinə işlədə bilməyəcək bu fəndləri. fatih terimin johan elmander yerinə buraka üstünlük verməsi səhv addımdı fikrimcə.

ata

övladın arxasında dağ kimi dayanan varlıq və o övlada görə dünyanın ən güclü insanı. ata hər kəsdən güclüdü. bütün kişilərdən. yadıma gəlir uşaq vaxtı van damın, rembonun filmlərinin ölkədə təzə-təzə vaxtları idi. filmlərinin video-kassetlərini prokata alıb sharp markalı "pristavka"mızda baxardıq. bu amerikan gədələrinin filmlərdəki oyunbazlıqlarına baxıb atamıza belə sual verərdik:
-ata, sən rembonu döyərsən?
+hə, oğlum, döyərəm

bu cavabı alan kimi üzümüzdə sevincli bir gülüş görünərdi və dünyanın ən xoşbəxt adamları olardıq. sonra vaxt keçir böyüyürsən, ata ilə söhbətin çəp gəldiyi dövrlər başlayır. bəzən rəqib kimi görürsən ailədə. hətta düşünürsən ki, kaş uşaqlıqdakı nəvazişli atam olardı indi. amma dərk edirsən ki, zaman dəyişir, ata dəyişir bəs dəyişməyən tək sən qalmısa ay, xiyar insan? və sonda deyim ki, ata olduqdan sonra ancaq başa düşmək olar ki, ata nə deməkdi.

azərbaycanlıların seks sözünü deməyə utanması

çox qəribə tendensiyadır cəmiyyətimizdə.bəlkə də ən böyük səbəbi şərq və müsəlman toplumu olmağımızdan irəli gəlir. belə ki, "dərviş parisi partladır" filmində hatəmxan ağanın qardaşı oğluna firənglərlə azərbaycanlıların fərqlərini başa salanda belə bir fərq dediyi də ortaya çıxır: "onlarda hər şey aşkarda baş verir, bizdə isə gizli". ona görə də məncə bizim toplumda belə şeylər həmişə gizlin qalıb. bu yüz illərdir var və belə də davam edir. əlbəttə ki, söhbət tək seksdən getmir. bir çox məsələdə gizlin işlərimiz var. amma əsas mövzumuz bizim sekslə olan problemimizdir. məsələnin mahiyyətinə enəndə görəcəyik ki, seksin əslində fiziki bir anlayış olduğunu qəbul etməkdədir bizim problemimiz. biz onu daima xəlvəti bir hadisə kimi qəbul etdiyimizdən adını deməyə belə utanırıq vəya sakitcə pıçıldayırıq. bura kimi yazdıqlarımdan ictimai sektordakı debillərin "azad seks", "kimlə gəldi sevişin" şüarlarını əldə bayraq etdiyimi düşünməyin. söhbət ailə həyatı qurmuş cütlüklər və ya heç bir partnyoru olmayanlar haqqındadı əsas da. utanırlar, sıxılırlar o seks sözünü işlətməyə. qınaqların gələcəyini düşünürlər. ağızdan çıxsa çox ədəbsiz bir söz işlədəcəklərini sanırlar. halbuki, bu ölkədə ağızlarda gəzən o qədər utanılası sözlər var ki. inanıram ki, haçansa maariflənmiş bir cəmiyyətimiz olacaq və belə səthi məsələləri aşa biləcəyik.

p.s. məsələnin həlli üçün zarafatyana bir çarə də deyim. əgər siz də utanırsızsa, əvvəlcə tək bir otaqda seks sözünü 50 dəfə bərkdən təkrarlayın. yavaş-yavaş hiss edəcəksiz ki, sərbəstləşirsiz. sonra içində seks sözü də keçən söhbətlər (erotik söhbətlər vəya virtual seks demirəm) edin tanışlarınızla. heç, utanmayın. bir-iki, sonradan yavaş-yavaş sərbəst hiss eləyəcəksiz özünüzü bu mövzuda.

cv

bir hadisə yadıma düşdü bununla bağlı. azərbaycanın futbol üzrə milli çempionatı uzun fasilədən sonra təzədən start götürmüşdü. legionerlərin də ölkəyə idxal olunduğu dövrlər idi təbii ki. qara oyunçu almaq da dəbdə idi. yəqin ki, "qaralar yaxşı qaçır" fəlsəfəsini qəbul edərək bu yola çıxmışdılar klub idarəçiləri. bakı futbol klubu bir oyunçu almışdı. bəlkə də heç futbolçu deyildi, afrikanın hansısa səhra ölkəsində poçtalyon idi. nə isə, yəqin soxuşdurmuşdular da bizimkilərə. hə, bu qarabalanı alıb mətbuat konfransına çıxmışdı bakı fk'nın vitse prezidenti. oyunçunu təriflədi, hapa gopa basdı. aldı əlinə masadakı kağızı və belə dedi:
+hörmətli mətbuat nümayəndələri, oyunçumuz çox yaxşı idmançıdır. artıq özünü bir neçə klubda göstərib. adı da curriculum vitaedir... -biraz pauza. kimsə dedi ki, yerindən
-filankəs müəllim, o tərcümeyi haldıye, oyunçunun adı aşağıda yazılıb.
+ ahaa, üzr istəyirəm oyunçunun adı ...(yəqin ki, afrikalıların adlarında olan k, w, n, t, sh kimi hərflərin çoxluğunu görüb oxumaqdan vaz keçdi)

inflyasiya

azərbaycan tərəflərə qəti gəlməyən şey, zad, nə bilim nə. bu zad cahanaşümül padşahımız ilham xan tərəfindən qurulan iəims (inflyasiya əleyhinə iqtisadi müdafiə sistemi) tərəfindən qətiyyətlə dəf edilir. xarici ünsürlərdən asılı olan inflyasiya bu qalxanabənzər sistem vasitəsilə qəti şəkildə içəri buraxılmır. daxili ünsürlərin törədə biləcəyi inflyasiya da sistemli surətdə mayenin tubulent axışı kimi borular (bəlkə də btc) vasitəsilə ölkədə uzaqlaşdırılır. əlqərəz erdoğan demişkən "ekonomik kriz bizdən teğet geçti".və ya bəlkə də biz onunla ayrı-ayrı koordinatlard yerləşmişik.