4 iyul 2021 xəzər dənizində partlayış

Bir saat qabaq başlayan və deyilənə görə, hələ də davam edən partlayış .
SOCAR-ın ictimaiyyətlə əlaqələr şöbəsinin müdiri ibrahim Əhmədov statusunun ilk halında partlayışın palçıq vulkanı ola biləcəyi ehtimalını bildirsə də, sonradan düzəliş edərək həmin hissəni sildi:

.

sertab erener

Türk estradasından ən çox bəyəndiyim ifaçılardan biridir. Demək olar ki, bütün ifalarını dinləmişəm və indiyədək bəyənmədiyim musiqisi olmayıb. Sezen aksu yetirməsi olduğu hər halından bilinir.

(youtube: )

(youtube: )

(youtube: )

oxlokratiya

Nadan və cahil insanların beyinlərində yalnız nəsil artımı məsələsi olduğundan bu gün əksər toplumlarda aydınların sayı bu insanların sayından azdır və azalmağa davam edir. Qara camaata hökmranlıq etmək qatbaqat asan olduğundan dövlətlərin ən ali məqsədlərindən biri özlərinə lazımlı olan az bir qism şəxsi qabağa çəkib yerdə qalanını isə yozlaşmış çoxluğa çevirməkdir. Ha təhsillə, ha rüşvətlə, ha başqa yolla.

Qeyd: Bu entry nəsimi, nizami və Xətai rayon komissarlıqlarının xaricə getmək istəyən gəncləri əngəlləmə istəklərinə görə yazılmışdır.

2021-ci il azərbaycan iqtisadi böhranı

Hiss etməsək də, əslində adını qoya bilmədiyimiz bir böhran var, rəsmi inflyasiyanın çox üstündə təqdim edilən qiymətlər, üst-üstə gələn qiymət artımları, işsizlik və s. Kimi ənənəvi problemlər daha dərindən hiss olunur. Səbəbi ikinci Qarabağ müharibəsi kimi görünsə də, mən bunla razı deyiləm. Hökumət azından 2019-dan, hətta bəlkə Nikol paşinyan növbədənkənar seçiləndən sonra azadetmə planını cızmışdı, bu zaman mütləqdir ki, müharibə vaxtı və post-müharibə dövründə ola biləcək iqtisadi çətinlik nəzərə alınıb. Yuxarının işini asanlaşdıran amil "müharibədən çıxmışıq, hər şəraitə dözümlü olmalıyıq" və "pandemiya iqtisadiyyata pis təsir etdi, bu da düzələcək" kimi arqumentlərin topluma qəbul etdirilməsidir. Sözsüz ki, büdcədə bu ikisinin təsiri var, amma azı 2006-dan bu yana gələn milyardların aqibətini fikirləşəndə haqq verməyə vicdanın əl vermir. Verməsi də etik olmazdı onsuz.
Devalvasiya proqnozunu isə real hesab etmirəm, 2019-da mərkəzi bankın Rotşildlərlə imzalan əməkdaşlıq müqaviləsinin devalvasiya təhlükəsinin aradan qaldırılmasında önəmli rolu olacağını güman edirəm. Bankların beynəlxalq reytinqində əksərən stabil/pozitiv dəyərləndirilməsi üfüqdə bank böhranının görünmədiyini göstərir.
Hökumətin böyük ehtimalla yaxın zamanlarda atacağı addımlardan biri universitetlərin maliyyələşdirilməsinin önünün kəsilməsi, o cümlədən digər sahələrdə liberallaşma (əsasən, dövlət mülklərinin satışa çıxarılması ilə) prosesinin aparılması olacaq. təhsil tələbə krediti fondunun ərsəyə gəlməsində də dövlət yardımının kəsilməsi ilə artacaq illik ödənişlərin 4 illiyinə də olsa, tələbənin boynundan götürmək olduğunu düşünürəm. Di gəl onu necə qaytaracaqlar, ya da belə deyim, necə alacaqlar, onu bir allah bilir -*
Yəni, iqtisadi olaraq ictimaiyyətə bilindirilməsə də, babat islahatın aparılacağını güman etmək istəyirəm. Qərbin cənubi qafqaza, həmçinin Azərbaycana marağının artması sözsüz ki, müəyyən dəyişikliklərin başlanğıcı olacaqdır.

enron qalmaqalı

enron scandal Yeni yüzilliyin ilk böyük miqyaslı qalmaqallarından biri, hətta ən böyüyüdür. 1985-ci ildə amerika birləşmiş ştatlarında əsası qoyulan şirkət qısa müddətdə ölkənin ən böyük 7-ci şirkətinə çevrilmiş, 90-cı illərdə bir neçə dəfə abş-ın ən innovativ şirkəti seçilmişdi.
Enronun uğurunun sirri təbii qaz paylanmasında yeni sxemlə işləməsi idi. Enronun qurulmasına qədərki dövrdə ABŞ-da hər ştatının özünəməxsus qazpaylayıcı şirkəti var idi və onlar yalnız aid olduqları ştatların əhalisinə qaz verə bilirdilər. Şirkətin qurucusu kenneth layin dövrün ABŞ prezidenti george walker bush* başqa deyimlə, bala buş ilə arasındakı yaxşı əlaqələrdən istifadə edir və hər ştatın öz paylayıcısına məhkum olmasına qərar verən qanunu dəyişdirir. Bununla birlikdə, enron artıq ştatlararası qaz paylanmasında aktiv rolda çıxış edir, beləcə nüfuzu qalxırdı. Şirkət artıq ucuza aldığı qazı istədiyi qiymətə satır, bundan bir xeyli gəlir götürürdü. Bu yolu o elektrik, internet paylanmasında, sığorta işlərində də istifadə edirdi.
Nüfuzun yüksəlməsi birjada öz əksini tapır və şirkətə məxsus qiymətli kağızların qiyməti artan qrafiklə dəyərlənirdi. Kenneth birja kağızlarının daha da dəyərləndirmək üçün hiyləyə əl atır, belə ki, başqa şirkətlərlə imzaladığı uzunmüddətli anlaşmaların nəticəsində qazanacağı mənfəəti hesabatda sanki imzalanan kimi qazandığını əks etdirir və bununla da şirkət öz həcmini süni şəkildə böyüdür, zərərlərini isə sanki digər kiçik şirkətlərinə etdiyi yatırım kimi təqdim edirdi. Bu hədəfdə enronun yanında onun auditliyini öhdəsinə götürən bir zamanların big five-dan biri arthur andersen firması var idi ki, firma ilbəil bu saxta hesabatlardan gələn gəlirini artırırdı, ona görə də enronun dərinləşən zərəri ört-basdır edilirdi.
Bu döngü 2001-ci ilə qədər davam edir, fəqət 5 mart tarixində amerikan jurnalist bethany mcleanin yazdığı is enron overpriced? Məqaləsi hiylənin üstünü açmağa vəsilə olur. Beləcə şirkət ətrafında söz-söhbətlər gəzməyə başladı, 22 oktyabr tarixində isə ABŞ qiyməti kağızlar və mübadilə komissiyasının şirkətdə apardığı araşdırma ilə həqiqət aşkara çıxdı: şirkətin 591 milyon dollar zərərinin, 628 milyon dollar isə borcunun olduğu müəyyənləşdi. Bu xəbərdən sonra birjada enronun dəyəri bir ay ərzində 90 dollardan 20-30 sentə gerilədi və şirkətin rəhbərlərinə qarşı istintaq başladıldı. Enronun qurucusu olan lay yekun qərar çıxmadan 2006-cı ilin iyulun 5-də vəfat etdi.
Spekulyasiya 85 min insanın işini itirməsinə, ABŞ iqtisadiyyatının 65 milyard dollar zərərə məruz qalmasına səbəb oldu. 2008 dünya iqtisadi böhranının başlanğıcı kimi bu qalmaqalı görənlərin sayı da kifayət qədərdir, çünki bu hadisədən sonra bazarlarda genişölçülü bir inamsızlıq formalaşmışdı.

juvenoia

latın dilindəki juvenil* Gənclik və yunan dilindəki paranoia* paranoya, narahatlıq sözlərinin birləşməsindən yaranmış termin yaşlı şəxslərin özündən sonra doğulan gənclərin (başqa deyimlə, yeni nəsilin) maraqları və fəaliyyətindən narazı qalmalarını, etdikləri hər işin yanlış olduğunu düşünmələrini və onları davamlı tənqid etmələrini ehtiva edir.

asan müraciət

asan xidmətin yeni yaradılan qoludur. Appstore və play marketdən tətbiqi yükləməklə gündəlik həyatda rastlaşdığınız kommunal, yol və nəqliyyat problemlərini göstərmək, infrastrukturun təmiri, təmizliyi və abadlaşdırılması üçün addımların atılması məqsədilə müvafiq qurumlara müraciət edə və məsələnin həlli prosedurunu izləyə bilərsiniz. ilk etapda Sumqayıt şəhər icra hakimiyyəti pilot layihə kimi seçilib, yəni siz əgər Sumqayıtda yaşayırsınızsa ya da şəhərə gəlmisinizsə, geolokasiya ilə qarşılaşdığınız problemi tətbiq vasitəsilə icraya yönəldə bilərsiniz.
Addımı bəyəndim, artıq bir neçə müraciət də daxil olub. Görək bunlar nə zaman həll olunacaq-*

hpv peyvəndi

human papillomavirusdan qorunmaq üçün xüsusən qadınların qəbul etməli olduğu peyvənd. Əsasən, cinsi yetkinliyə çatmayan 10-13 yaş arası qız və oğlanlara vurulması məsləhət görülür, amma cinsi əlaqədə olan ya da olmayan yetkin şəxslər də həkim məsləhəti ilə peyvəndi vurdura bilərlər.
Vurdurma qrafiki isə 10-13 yaş arasında 2 doza, 14-26 yaş arasında isə 3 dozadan olmaqla ümumi 5 dozadan ibarətdir. ilk doza verilən yaş aralığındakı istənilən bir dövrdə vurula bilər, ikinci doza isə ilk dozadan 6 ay sonra vurulmalıdır. ilk dozanı 14-26 yaş aralığında edənlər isə ikinci dozanı ilk dozadan 2 ay, üçüncünü isə 6 ay sonra etməlidirlər. Azərbaycanda 2019-cu ildən smear testi və hpv peyvəndi tətbiq edilir .

human papillomavirus

Digər entry-lər üçün (bax: insan papilloma virusu)

Cinsi yolla keçən viruslardan biridir. Ümumi 120 növü olan virusun təxminən 40 tipi cinsi yolla keçir. Virusun hər tipi təhlükəli deyil, immun sistemindən asılı olaraq bəziləri heç vaxt ortaya çıxmır. Amma geniş yayılan bir neçə tipi var ki, onlar mənfi nəticələrə yol açır (məsələn, qadınlarda hpv-nin 16-cı, 18-ci, 31-ci, 33-cü və 35-ci növləri uşaqlıq boynu xərçəngi riskini artırır). Hər iki cinsdə müşahidə oluna bilən virusun qadınlarda təhlükəsi daha çoxdur; bu virus ilk olaraq genital bölgədə ziyillər şəklində meydana çıxır. Simptomlarının müşahidə olunma müddəti virus bədənə girdikdən sonra 2 ay - 6 il arasında dəyişir. Müalicə olunmadığı təqdirdə təxminən 10-15 il ərzində vaginal xərçəngə, uşaqlıq boynu xərçənginə, ağız xərçənginə çevrilmə ehtimalı 100-200 dəfə artırır. Kişilər isə əsasən daşıyıcı olurlar, lakin onların da penis xərçənginə, anus xərçənginə tutulması ehtimal daxilindədir.

prezervativin digər cinsi yolla keçən xəstəliklərdən fərqli olaraq bu virusu qorumadığı düşünülsə də, yenə də istifadəsi virusun keçməsinin qarşısını ala bilər. Virusun bədənə daxil olması yalnız sekslə sərhədlənmir, ictimai tualetlərdən istifadə, alt paltarlarının uzunmüddətli istifadəsi, hətta dəsmal-qətfə kimi gündəlik istifadə etdiyimiz yer və əşyalardan da keçə bilər. Keçdikdən sonra qadınlar 30 yaşdan sonra uşaqlıq boynu yoxlanışı zamanı (smear test) virusun olub-olmadığını müəyyənləşdirə bilərlər, 30 yaşın altında olan qadınlarda və kişilərdə üçün təəssüf ki, hpv olub-olmadığını müəyyənləşdirən test yoxdur. Əlamətləri meydana gəldikdə müalicə olaraq ziyillər yandırılmalı və ya dondurulmalıdır. Bu yolla virusun bədəndən atılma prosesi gedəcək * amma bunu əminliklə demək olmaz, virus illər sonra yenidən biruzə verə bilər . Virusun özündən qorunmaq üçün isə erkən yaşlarda hpv peyvəndi vurdurmaq lazımdır. Lakin unutmamalıyıq, peyvənd bütün hpv tiplərinə qarşı effektli deyil.

kamala harris

Donald Trumpı iqtisadiyyatçı kimi sevirdim, amma siyasi olaraq uğursuz olduğu hər tərəfdən bəlli idi. Meksika ilə sərhədə divar hörmək kimi bir ideyası var idi məsələn, ya da müsəlman ölkələrinin vətəndaşlarına tətbiq etdiyi müəyyən çətinliklər və s. Bunu birbaşa etdiyi üçün siyasətdə daim təzyiq altında qalmışdı. Ona qarşı, joe biden administrasiyası seçki kampaniyası müddətində daim azlıqların səsini əldə etməyə çalışırdı, əldə etmişdi də. Fəqət kamala Harrisin bu mövqeyi siyasətin əslində necə aparılmalı olduğunun nümunəsidir.

.