aidolma ehtiyacı

Sağçı-solçu, siyasi partiya yaxud ideologiya, şəhərli, kəndli, varlı, kasıb, yerli, xarici, müsəlman, qeyri-müsəlman və s. kimi hansısa qrupa mənsub olmaq, yaxud olmamaq. Uşaqlıqdan bəri mən filanşeyçiyəm, mən bəhmanşeyçiyəm tipi müzakirə və hətta mübahisələr mənə məntiqsiz, ara-sıra isə gülməli gəlib. Keçən dəfə bir tanışımla aramda keçən dialoq;

- Bu Levent Kırca da həmişə yerində toxunub ölkədəki problemlərə, müxtəlif rejimlərdə çoxunun deməyə cəsarəti olmayan şeyləri efirdə səsləndirib.
bəs sən liberalist deyildin? Bildiyim qədərilə komunizmi sevmirsən.
- bunlar doğruları göstərən bir insanı sevməyə və hörmət etməyə mane deyil, reallığı dəyişmir.

Burdan da gördüyümüz kimi insanlar bir qrupa aiddirsə, digər bir qrup ilə tamamilə əlaqəyə girməkdən çəkindirirlər özlərini, bu yerində və yersiz olsa belə. Misalçün mənə Adolf Hitler kimi bir faşistin də səsləndirdiyi bəzi fikirlər, hədəfə doğru planları və addımları da daim ləzzət eliyib. Buna çox misal gətirmək olar. Hə bir də insanlarda ikili münasibətlər üzrə birinə aidolma ehtiyacı var ki, bu tamamilə başqa mövzu və başqa entry məsələsidi.

yazarların 17 yaşlarındakı hallarına deyəcəkləri

O siqareti 8-9 il çəkib, bir neçə xəstəliklə boğuşduqdan sonra atmalı olacaqsan. Onsuz o zibili çəkməklə cool olmursan, heç kim bombadı demir, desə də lazım deyil buna görə deyəcəklərsə, yerdə qalan 7-8 ayı daha yaxşı oxu bir az da, 70 bal artıq yığsan bəlkə poxdan yox ən azından təzəkdən bir yerə qəbul olarsan (hərçənd attestat balım yuxarı idi deyə pulsuza düşmədim. Lol). Belə baxanda deyəsi çox da bir şey yoxdu. Proqramist olmaq istəyirdim, kompyüter ala bilmədim heç allahdansa, imtahanları teldən oxuyurdum kor gözümlə. Üzgüçülüyə getmək istədim, həftəni 30 manatla idarə edirdim deyə pul çatdıra bilmədim heç nəyə. Tez üstünə düşüb psixoloji yardım ala bilmədim, indiki qədər də qapalı, asosial olmazdım bəlkə. Bir sözlə 17 yaşımdaki mənə deyə bilsəm deyərdim ki öz əlində olmayan və dəyişdirə bilməyəcəyin şeyləri özüvə bu qədər dərd eləmə. O da 26 yaşındaki mənə qayıdıb 'dur sikdir burdan gijdıllax, özün nə qədər əməl edirsən buna?!' - deyərdi yəqin ki.

Edit: imla, inşa, yoxlama yazı işi.

25 avqust 2021 azərbaycan əsgərinin ağdərədə həbs olunması

Qələbə-qələbə!, qarabağ alındı! - deyən qoyunların gözünə soxulmalı olan hadisədir. Onsuz ermənilər tərəfindən Artsax adlandırılan əsl Dağlıq Qarabağ ərazisindən savayı digər rayonları sülhlə də qaytarmağa razı idilər. Bu şou hamının bildiyi kimi paşinyanı sıxışdırmaq üçün idi sadəcə. Qarbaağdan aldığımız təkcə Hadrut adlı balaca qəsəbə və Şuşa şəhərinin mərkəzi oldu nəticədə. Olan yenə orda dünyasını dəyişən əsgərlərə və ailələrinə oldu. Bunu duyğu sömürüsü etməkçün yazmıram. Sadəcə olaraq bizim xalqın düşünməkdən necə də aciz olduğunu gözlər önünə sərir ilk gecədən küçələrdə Qarabağ deyə qışqırmaları da, ərazisində qondarma tanınmayan terror dövləti qurub əsgərini qanunsuz həbs edərək, əsassız məhkəmə quraraq yarğılamaları da. Hanı Xankəndi, Xocalı, Xocavənd, Ağdərə, Laçın? Noldu azəryan? Almışdıq bəs? (Bu qıjı temadan da zəhləm gedir) Nəyi aldığımız məlum məsələdi.

murat soner

töre, nomıs, intikhom üçləməsini çox gözəl ələ alan film/serial şərhçisi. Eyni zamanda uzun illərdir mediada işlədiyi üçün ara-sıra yazar, ssenarist, xəbər redaktoru kimi də işləyib. Son aylarda yay seriallarına çəkdiyi videolarla serialları və ssensristləri tənqidlə, izləyiciləri də gülməkdən yıxıb-sürüyüb. Ara yerdə həmin babmbılı ssenarilərə çəkilən aktyorlara və sponsorlara da söz soxmaqdan geri qalmır. Ən çox xoşagələn tərəfi də tənqidi yerində və cəmiyyətə lazımlı şəkildə istifadə etməsidi. Müqayisələrində sözügedən film, serial və hadisələrin cəmiyyətdə, əsas da gənclərdə necə izlər qoyduğunu ələ alır və vacib mövzulara çox gözəl toxunur. Sırf tənqid etmək, örsələmək və aşağılamaqçün danışmır, yeri gəldikdə müsbət yapımlara pozitiv rəylər verir və alqışlayır. Son həftələr məni də əsəb edən 'bir holding, ceo, ailəsi, bahalı evlərindəki xidmətçiləri, sonradan həyatlarına daxil olan kimlərinsə iştırakı ilə cərəyan edən eşq həyatları və xəyanət' - tipi mövzulara çox gözəl keçirməkdədi. Onsuz məlum məsələdi ki tv uzun illərdi insanlardı manipulyasiya etməkçün istifadə olunur. Türkiyədə də azca orijinallıqdan kənara (yaxşı mənada) meylli yeni nəsli bu eşq, xəyanət, holding üçbucağı ilə zəhərləyir və digər bir qisim olan konservativ, qeyri-qlamur və orijinal təbəqəninsə tarixi və mafiatik janrlı kinolarla beynini doldurur, saxta milliyyətçilik yeridirlər. Bütün bunlara yerində və doğru reaksiya göstərən insan sayının mediada bir əlin barmağını keçmədiyi günlərdə, murat soner səhradaki su damlası kimidi. Məncə qədri bilinməli insanlardandı.

aydemir akbaş

25 fevral 1936 doğumlu Türkiyəli teatr sənətçisi, aktyor, rejissor, ssenarist və yazar. Günümüzdə Kolpaçino adlı komediya filmindəki Sabri abi obrazı ilə tanınsa da, daha çox vaxtikən Yeşilçamda rol aldığı və öz çəkdiyi filmlərlə məhşurlaşıb. Daha çox səy, boşboğaz, dəli-dolu, sərsəri obrazları canlandırıb. Mənim ilk izlədiyim və çox sevdiyim filmi olan baş rol oynadığı gazino bülbülü filmidir. Filmlərində adətən özüylə yanaşı məhşur aktyorları görə bilirik.

(baxma: astronot fehmi)
(baxma: öttür kuşu ömer)
(baxma: süper selami)

hipertiroidi

(baxma: hipertireoz)

Boynun qabaq hissəsində, udlağın üzərində yerləşən kəpənəyə oxşayan tiroid vəzinin (baxma: qalxanvari vəzi) normadan artıq çox hormon ifraz etməsi nəticəsində yaranır. Müxtəlif səbəblərdən yarana bilən endokrinoloji haldır. TSH, T3 və T4 hormon analizləri ilə təyin olunur. Əlamətləri arasında halsızlıq, yorğunluq, əsəbilik, yuxusuzluq, döyüntü, tərləmə, istilənmə və soyuğa davamsızlıq ola bilir. Yod mübadiləsinin pozulması, hipofiz vəzinin şişləri, pankreas şişləri, adrenal səbəblər və digər bir sıra meyarlardan yarana bilir. Eyni zamanda tsh və t3-ün norma daxilində olmağına baxmayaraq,, t4- hormonunun yüksəkıiyi ilə dünən diaqnozunu aldığım tibbi pozuntu. Savadlı endokrinoloq bilən yaşıllandırsın.

daha çox pul qazanmaq üçün mənəviyyatsızlaşan qızlar

Qeydiyyat, qarşılama, satış, əsas da gördüyüm qədərilə pərakəndə satış sahəsində işləyən bəzi qızlardı. Hərçənd bunun qadını, kişisi yoxdu. Ancaq təəssüf ki heç yaraşmadığı halda qadınlar daha çox edir bunu. Soruşsan da rəqabət mühitindən, iş şəraitinə qədər çəkərlər bəlkə ki bəs tələb belədi. Elanlarda dəxli oldu-olmadı qanuna zidd olsa da cinsiytətçilik edib qadın tələb etmələri boşuna deyil. Bu tip insanlar adətən maaş faiz sisfemli iş(!)lərdə qarşımıza çıxırlar. Bunu edən qadınlar sırf qadındır və görünüşə görə edə bildiklərinin yaxşı fərqindədilər və özlərinin vitrin manikeni yerinə qoyulmasını qəbul edirlər. Bir növ bədənlərini pula satırlar.

necə yəni millət acdı hamının özü boyda qarnı var

Ac deyilik, açıqda deyilik. Yeməyə yeməyimiz, içməyə suyumuz var kimi ifadələrlə həyatı bir qarın çörəkdə görən və bundan artığını təsəvvür edə bilməyən vizyonsuz bir xalq olduğumuz göz önündədir. Artıq çəkininsə problemi sağlam qaidalana bilməməkdən əlavə içdiyimiz suyun tərkibinin kifayət qədər bəsləyici olmamasıyla yanaşı toksiki mənşəli maddələr ehtiva etməsidir. Bunlar da uzun dövrdə orqanizmə ziyan vurur və hamımız da yaxşı bilirik ki tiroid (məsələn adicə yoda bağlı), böyrək (qara çayın çox istifadəsi, suyun tərkibindəki adicə xlor), qaraciyər (şəkər, un məmulatı və mənşəyi bilinməyən yağların istifadəsi) kimi orqanlara külli miqdarda ziyan vurur. Onsuz anatomiyada az-çox anlayışı olan biri yaxşı bilir ki insan bədəni mürəkkəb kimyəvi laboratoriyadı və daim kökəlməyə müsaitdi və hətta can atır deyərdim. Bir də bunun üstünə insanların bu barədə savadının olmamağı, necə gəldi və nə gəldi yeyib-içməkləri (kasıb olmayanlar da həmçinin), hərıkətsiz həyat tərzi (adicə yarım saat çıxıb gəzək deyəndə ağız-burun əyən insanlar var dörd-bir yanımızda) gətirib piylənməyə çıxarır. Bir də qarın fiqura simvolu sayılır. Kişinin qarnı olar kimi ifadələr var. Gijdıllaxlığı görürsən sən canı? Niyə bu gündə olduğumuzu çox diskussiya eləməyə nə ehtiyac var? Bu arada başlıqdan çox uzaqlaşmamış onu da deyim ki, hərənin özü boyda qarnı var deyən adam, türkiyədə hərənin cibində neçə minlik telefon deyən adamla eyni ağıldadı. Mənim qarnım falan yoxdu, vəzyyətim poxdu amma. Mən kimi n qədər burda. Həmçinin bu insanlar azərbaycanı bakıdan, bakını da gənclik-28-tarqovıdan və ordaki dolu kafelərdən ibarət sanırlar. Getsin sikdirsin dediyim balıq.

darıxmaq

Mən də ən yaxın dostumçün darıxıram. 5 gün sonra 1 il olacaq ki qara torpaq altında yatır. Ancaq nə çarə ki nə qədər darıxıb pis olsam da onu qaytarmağın bir yolu yoxdu və adətim olmasa da ümid edirəm ki etdiyi seçimlə orda, hardasa bir yerlərdə xoşbəxtdir. Həmçinin mənə xəyanət etmiş olsa da köhnə sevgilimçün də bəzən darıxıram, ən azından hər yatmağa cəhd edəndə. Nə qədər ki özünə, mənə və bir sıra insana olmazın pisliyini etmiş olsa da, onunçün darıxdığımı gizlətməyəcəm. Dəfələrlə peşman olduğunu bildirsə də, cəhd eləsə də bilirəm ki artıq hər şeyçün çox gecdi və mənası yoxdu. Darıxmaqdan başqa nə sənin, nə də mənim əlimdən bir şey gəlmir artıq.