erkin qədirlinin sözləri

"anlamaq"la "anlayışla yanaşmaq" arasında fərqi bilmək (duymaq) gərəkdir. fərq böyük deyil, amma önəmlidir. bu fərqi görməmək ünsiyyətin qurulmasına mane ola bilir. məişətdən tutmuş siyasətə qədər belədir. örnəyi, rusiya'nın nədən ermənistan'da qoşun saxladığını anlayırıq, amma buna anlayışla yanaşa bilmirik (yanaşmamalıyıq da). aramızda olan müzakirələrdə (mübahisələrdə) də bu fərqi bilmək (duymaq) önəmlidir. anlayışla yanaşacağımızdan qorxduğumuza görə, qarşımızdakıları çox zaman anlaya bilmirik (anlamaq istəmirik). anlayışla yanaşmaqdan fərqli olaraq, anlamaqla üzərimizə heç bir öhdəlik götürmürük. odur ki, rahat olaq və bir-birimizi anlamağa çalışaq. bununla həm də qavramların və anlamların oturuşmasına birlikdə nail ola bilərik.

26 sentyabr 2016 referendum

gedib iştirak hüququmdan yararlandığım, öz mövqeyimi ortaya qoyduğum bir kompaniyadır. passiv vətəndaşlarımızın sayəsində, lehinə və əleyhinə səs verdiyim nəticələrin ləğv olunacağını bildiyim halda bunu elədim. * dörd səhvin bir düzü apardığı test məntiqini xatırlayın mən öz borcumdan çıxdım. ailəmi də səsverməyə yönəltdim. mənimlə eyni məhəllədə yaşayıb, seçki məntəqəsinə getmək imkanı olduğu halda, bunu eləməməklə- əgər təsiri olacaqsa - gələcəyimizi risk və zərbə altında qoyan bütün vətəndaşlarımıza haqqımı halal eləmirəm.

(baxma: ilahi sənin qarşında hamımız günahkarıq)
(baxma: seçki saxtakarlarına lənət olsun)

azsaylı etnosların dilini öyrənmək

birinci qarabağ savaşında kəşfiyyat və rabitəçilərimizin erməni, rus agentlərdən gizlənmək üçün ratsiyada danışarkən talış dilindən istifadə elədiklərini xatırlayaraq lazımlı olduğunu düşündüyüm başlıqdır

toy mafiyası

tanım: bəzi şadlıq sarayların özbaşınalığına verilmiş addır. əslində onlar mafiya filan deyil, olsa olsa moşennik demək olar

aşağıdakı iqtibasla sözlərimin məğzini açıqlayıram;

bu gün dostlardan bəziləri zəng edib soruşurlar ki, niyə toy müğənnilərinin ölkədən çıxarılması məsələsini qaldırmısınız? müğənnilərin içində bir çoxları bundan narahat olublar. demək ki, bu ölkədə nəyinsə ciddi qəbul edilməsini istəyirsənsə, o zaman zarafatla söyləmən lazım. necə ki, ötən gün bir status yazmışdım ki, toy müğənnilərini vergi borcuna görə ölkədə saxlamaq deyil, ölkədən çıxarmaq yerində olardı ki, bu toylar məsələsini soyuqqanlı müzakirə edə bilək. bilərəkdən də mətnin adını "yarı zarafat, yarı ciddi" qoydum ki, anlasınlar ki, zarafat hissəsi müğənnilərin ölkədən çıxarılması ilə bağlıdır, ciddi hissəsi isə soyğunçu toyların həyatımıza təsirini müzakirəyə çıxarmaqla bağlıdır. demək ki, bu ölkədə müğənnilərin bir qismi də sadə bir mətni oxuyub, nəyin ciddi, nəyin zarafat olmasını anlamaq iqtidarında deyil. bizim kiminsə çörəkpulu ilə işimiz yoxdur, şadlıq evləri də, musiqi qrupları da, ayrı-ayrı texniki fəaliyyətlər də iş yerləridir və hər kəs tələbata görə çalışır. söhbət bu cür toy adətinin insanlarımız üçün artıq zülm vasitəsinə çevrilməsindən gedir. təsəvvür edin ki, 500 nəfərlik yeməyin, içməyin pulunu verirsən, toy tamamlanandan sonra ortada qalan heç nəyi götürmək ixtiyarın olmur. dünyanın hansı yerində belə bir anormallıq ola bilər? bəlkə mən toydan qalan yemək içməyi yetim evinə, ahıllar evinə göndərmək istəyirəm, öz ödədiyim pula bunları niyə götürə bilməyim? həmin salatlar, çərəzlər, içkilər sabahkı günün toy qonaqlarına ötürülür. bir saat keçməmiş kondisionerləri söndürüb, ürəyi dözməyənlərin çıxıb erkən getməsini təmin edirlər. qəsdən musiqi səsini elə qulaqbatırıcı edirlər ki, masada kimsə başqası ilə söhbət edə bilmir və qışqırmaqdan boğazı tutulur. qulluq edənlərə yetərli pul ödənmədiyinə görüb buraxırlar qonaqların üzərinə. ardınca da yığılan pulların ən azı 60 faizi şadlıq evlərinə qalır. harınlıq, şöhrətpərəstlik tərəfləri başqa, lüzumsuz yerə 10-15 müğənniyə külli miqdarda pul ödəyərək imkanlarını nümayiş etdirənlər dünən də, bu gün də olacaq. sözün kəsəsi budur ki, toy mafiyası diri sahiblərini, çadır mafiyası da ölü sahiblərini soyur. ona görə də azərbaycan əhalisinin xeyli hissəsi məhərrəm ayının gəlişinə bu soyğunçu toylardan xilas olma məqamı kimi baxır. ancaq yeni qurulan ailənin təməli bu cür sıxıntılarla atılırsa, sonrakı ailə münasibətlərinə də təsir göstərir. insanlara daha sadə alternativlər imkanı yaradılmalıdır ki, arzulayanlar və imkanı aşağı olanlar heç olmazsa az məsrəflərlə övladlarının xoşbəxtliyə qovuşmasına nail olsunlar. (c) fazil mustafa

thomas de waal

Thomas de Waal: Azərbaycanda təlatüm qaçılmaz ola bilər

Thomas de Waal yazır ki, Azərbaycan iqtisadiyyatını çiçəkləndirən, dövlətçiliyini möhkəmləndirən və beynəlxalq imicini yüksəldən neft bumu…başa çatıb.

Politolqun fikrincə, hazırda hakimiyyəti düşündürən sual siyasi liberallaşdırma aparmadan iqtisadi liberallaşdırmanın mümkün olub-olmayacağıdır, çünki hakimiyyət siyasi dəyişikliyi istəmir.
De Waal bu qənaətə gəlir ki, əgər Azərbaycan elitası özündə rəhmdillik tapıb hakimiyyətdə olanlarla hakimiyyət altında olanlar arasında böyük uçurumun üstündən körpü ata bilməsə, siyasi təlatümlə üzləşəcəyi demək olar qaçılmazdır.
Politoloq yazır ki, Azərbaycan SSRi-nin dağıldığı 1991-ci ildən bəri heç vaxt bu qədər avtoritar olmayıb.
De Waal qeyd edir ki, ilham Əliyevin üçüncü prezidentliyi ilə, əslində ölkənin Mərkəzi Asiyanın siyasi modelinə keçməsi başlanıb və sentyabrın 26-da keçirləcək referendum onun hakimiyyətini demək olar, sonsuz edəcək.

link