"qadın doğulmaz, qadın olunar" şüarı ikinci cins(le deuxieme sexe) kitabının xülasəsidir. simone de beauvoir'a görə femininlik adı altında qadınlardan tələb olunan xüsusiyyətlər(bu ev qadınlığı ola bilər, evdə ailə qızı rolu ola bilər və s.) tamamilə kişilərin qurğuladıqları dünyanın dişi cinsin nümayəndələrinə öyrədilməsi və aşılanmasının nəticələridir. yəni qadınlıq doğuşdan müəyyən edilmiş bir tale deyil, bir qrup sosial-seksist qayda qanunların(kişi cinsi üstün tutacaq şəkildə) toplamının təzahürüdür. de beauvoir hegel'in "kölə və sahibkar" dialektikasından təsirlənərək, qadın və kişi rollarının da bu cür köləlik təməlli bir münasibətdən təməl aldığını sorğulayar. ikinci cins kitabında kişilərin "öz", "qüsursuz bir model" (default) kimi, qadınlarınsa "digər", "o birisi"(other) qəbul olunduğunu qeyd edər və buna qarşı çıxmaq lazım olduğunu da vurğulayar. de beauvoira görə qadınlara illər boyu subyekt yox, obyekt olaraq yanaşılmışdır. günümüz zaman və coğrafiyasında da bu tezisin doğru olduğu müşahidə edilməkdədir. namus, qeyrət kimi qavramlar qadınların üzərinə yüklənir və bu qavramlara əks hərəkətlərin cəzasını da qadınlar çəkir. məsələ burada odur ki, bu cür namus, qeyrət və s. qavramlar kişilərin hegemonluğunun qadınlara qəbul etdirilməsinin təzahürləridir.
