sentyabr günləri

1918-ci il sentyabr ayında 10,000 və bəzi mənbələrə görə 30,000 erməninin öldürülməsi ilə nəticələnən hadisələrdir.
aprel ayından bakı *bolşevik* *stepan şaumyan*ın idarəsi altında idi. şəhərin müdafiəsini *daşnaksütyun* militantları təşkil edirdi ancaq *qafqaz islam ordusu*nun qarşısını ala bilməyəcəyini başa düşən daşnaklar ingilis ordusunu rəsmi olaraq bakıya dəvət edir. moskvanın göstərişi ilə bu dəvətə qarşı çıxan şaumyan *menşeviklər* və digər daşnaklar tərəfindən idarədən uzaqlaşdırılır və 44 gün ömrü olacaq *sentrokaspi diktaturası* yaradılır. diktatura general-mayor *Lionel C. Dunsterville*-in ordusunu qəbul edir. ancaq sentyabrın ortalarında 14 minlik qafqaz islam ordusu artıq bakıya yaxınlaşanda general 1000 nəfərlik ordusu ilə heç bir şey edə bilməyəcəyini başa düşüb sentyabrın 14-ü şəhəri osmanlılara təslim edir. növbəti gün şəhərdə talanlar və qırğınlar başlayır. rəsmi məlumatlara görə 8988, qeyri rəsmi məlumatlara görə isə 10,000-30,000 arası erməni qətlə yetirilir.
sentyabr hadisələrinin *mart hadisələri*nə cavab olaraq baş verdiyi düşünülür.

şamxor hadisəsi

1918-ci il, yanvar ayında şəmkirdə baş vermiş hadisədir. *böyük oktyabr inqilabı*ndan sonra rusiyaya qayıtmaq üçün *Zaqafqaziya Demokratik Federativ Respublikası* ərazisindən keçən rus ordusu yaşayış yerlərini talan edərək irəliləyirdi. bunun qarşısını almaq üçün *qafqaz cəbhəsi*ndən geri qayıdan rus ordusunun qatarını şəmkirdə *müsavat*çılar və *tatar süvari alayı* saxlayıb silahları təslim etməyi tələb edir. ruslar imtina etdiyi üçün atışma başlayır və döyüş azərbaycanlıların qələbəsi ilə başa çatır. fərqli mənbələrdə itki sayı 1000-5000 arası göstərilir.
(bax: mart hadisələri)

kamil palançı vs yarımçıq papaqçı

kamil palançının qazandığı versusdur.

belə bir şey var, internet erasında məlumat bolluğu hər şeyi bilmək istəməyə gətirib çıxarır. hər kəs yaxşı film izləmək və tənqid/təhlil edə bilmək, yaxşı musiqi zövqünə sahib olmaq, çaxır növlərini tanımaq, tarix/siyasət bilmək, politoloq olmaq, iqtisadçı olmaq, eqzistensialist * adfgdbb olmaq, ən yaxşı şairləri tanımaq, ən yaxşı fotonu çəkmək və.s istəyir. tindən çıxıb sənə fəlsəfə xırdalayan, baxdığı ən gözəl filmin "*satantango*" * ironikdir ki, filmin başlığını mən açmışam sözlükdə olduğunu iddia edən, axşamlar mozart dinləmədən yata bilməyən və hətta dinləsə belə yatmayıb səhər 5-də gün doğumunu çəkməyə gedən adamların əlindən bilmirsən hara qaçasan.

sübut edəcək çox şeyimiz var. xüsusilə də böyüklərin hər şeyi bildiyi, kiçiklərin başını aşağı salıb sakit olmalı olduğu bir cəmiyyətdə; bu aydındır. ancaq vaxt keçdikcə görürsən ki, dəyər yaradan şeylər bunlar deyil. düzü mən keyfiyyətdən yox, kəmiyyətdən danışmaq istəyirəm. "çox da ki yuxarıda sadaladığım şeylərin hamsını bilirsən, pul qazana bilmədikdən sonra apar hamsını tulla" söhbəti etməyəcəm. o da haqlı söhbətdir amma başqa mövzunun söhbətidir.

hear me out.

insanın potensialı limitlidir. "insan beyni sərhədsizdir, istədiyi qədər məlumatı qəbul edə bilər" söhbəti bizim başa düşdüyümüz kimi deyil. həcm olaraq çox böyük məlumatı qəbul edə bilərsən ancaq bu məlumat eynicinsli olmalıdır. fiziksənsə məsəlçün, fizika ilə bağlı limitsiz məlumat qəbul edə bilərsən. çox yaxşı kimyaçı ola bilərsən, şahmat ustası ola bilərsən ancaq bu qədərdir. hər şeyçi olmaq istəsən sadəcə yarımçıq palançı olursan. "hər şeydən məlumatlı", "intellektual" yerinə "beyni zibilliyə dönmüş adam" olursan. bəlkə məlumatın bu qədər əlçatan olmadığı bir dövrdə doğrudan da intellektual ola bilərdin, çünki beyninin potensialını zorlamayacaq qədər məlumat ala bilərdin uzağı. bu da orta-statistik bir adamın aldığından daha çox olduğu üçün səni intellektual edərdi. ancaq 21-ci əsrdə hər şeyi bilməyə çalışmaq insanı sadəcə informasiya zibilliyinə çevirir.

müxtəlif, bir-birindən əlaqəsiz maraqlı məlumatlar ala biləcəyiniz saytlardan, platformalardan uzaqlaşın. sosial şəbəkələrdə izlədiyiniz hesabları maraq dairənizdə olan şeylərlə limitləyin. marağınız nəyədirsə, cool olmasa belə onun arxasınca düşün. özünüzü daha uğurlu hiss edəcəksiniz çünki əldə edilməsi daha real olan şeylərin dalınca düşəcəksiniz. lokallaşın, punktuallaşın, ixtisaslaşın. hərşeyçi olmaq bir sikimə yaramır, 1 şeyçi, lap özünü cırsa 2-3 şeyçi olun.
gazoz olmayın, əfsanə olun.
mahnı motivasiya üçündür: samael - as the sun

(youtube: )

vidadi muradov

Keçən il ismayıllıda tikdiyimiz xalça fabrikinin sifarişcisi. Bizim şirkət ümumi 18 obyekt tikmişdi azərxalça üçün. Avqustda bina tamamilə bitdi və fəaliyyətə başladı ancaq xırda işləri qalmışdı deyə mən 1 ay əlavə qalmalı oldum. Bekarçılığın uclarında yaşayırdım o günlərdə.
06.09.2019

Elə o vaxtlar "2 milyon yeyib" söhbəti gedirdi. Sonra dedilər bəs dövlət bütün tikililəri müsadirə edib təzədən satacaq özəl sahibkarlara. Mən sentyabrın 13ü çıxdım işdən və artıq o vaxt eşidirdim ki, bizim şirkətin də pulunu verməyib və ixtisarlar olacaq şirkətdə və.s
indi adını görəndə nostalgiya yaşadım. Dəhşət söyüşcül adam idi. Bizim içcilər arasında mühəndisləri (baxma: prorab) balta/lapatka ilə qovalamağı ilə məşhur idi -* Az oturub hinduşka kababı yeməmişik şotuna -*

ama

(baxma: ask me anything)
*reddit*in internetə qazandırdığı anlayışlardan biri. adətən məşhurlar, elm adamları, ümumiyyətlə, hər hansı spesifik sahədə təcrübəsi olan adamlar gəlib "salam, mən filankəsəm və filan sahədə ixtisaslaşmışam. nə istəyirsinizsə soruşa bilərsiniz" kimi bir başlıq açır, başlıqda iddia elədiyi adam olduğu barədə nəsə sübut göstərir və davamında istifadəçilər suallarını verirlər.

redditdən sonra konsept kənara da daşdı. ekşi filan da eliyir belə ama-lər.