yaxşı insanların əsas xüsusiyyətləri

bizə uşaqlıqdan aşılanan bir psixologiya var. yaxşı insan olmaq. başımıza gələnlərdən dərs çıxarmaq, yaxşı birisi adını almaq. pisi görüb onu eləməmək, yaxşı əməllərlə yadda qalmaq. yaxşılıq eliyib yaxşılıq görmək. yaxşı bir insanın kriteriyalarını o qədər gözəl bilirik ki hər birimiz. kaş bilməsək. necə varıq, elə olsaq.

o yaxşı insan kriteriyalarındakı kiçik maddələr var. onlar bizi bir-birimizə salır. heç kim özünü üzr istəmək məcburiyyətində hiss eləmir. çünki haqlı və yaxşı əməl gördüyünə o qədər əmindi ki. thorun qardaşı lokini oynayan aktyor var e, adını quqldan axtarıb bilgi masturbasiyası eləməyə ehtiyac yoxdu, o adamın beynimə həkk olan bir sözü var. deyir ki, hər bir villain özü özlüyündə yaxşı biri olduğunu sanan, buna görə davranışlarına qərar verən şəxsdir. öz dünyasında öz əməllərini tərəzisinə qoyur və içindəki nəhəng boşluğa gözlərindən çıxan alovlu işıq yayılaraq hayqırır: necə bomba adamam ala mən!

həmişə yaxşı adam olmağa çalışmışam. öz yaxşım yox, başqalarının yaxşısı. insanları incitməməyə çalışan, bir sözünü iki etməyən, nə buyursalar edən, böyüklərə hörmət edən, mübahisədən qaçan, kiçik sürprizlərlə sevindirməyə çalışan, qürurunu xırda detallar uğrunda yerlərə atan, axırıncı pulunu dostuna xərcləyib mən ac deyiləm deyən yaxşı adam. başa düşərsiniz, bu tipləri. əzik olurlar, sevilmirlər, heç bir mühitdə uzun müddət qala bilmirlər, çünki həmişə birilərini pozitiv enerji ilə qidalandırır, ehtiyaclarını qarşılayıb yaxşı insan olmağa çalışırlar. ancaq öz yaxşın olmadığı müddətcə bu sənə xoşbəxtlik gətirməyəcək, bunu qavramaq lazımdı. nə yaşayırsan, necə və harda yaşayırsansa yaşa, öz yaxşın olmağa çalışasan gərək. yoxsa ömrün boyu pox-poxa qarışacaq. ən bəsit diləklərindən məhrum olacaqsan, çünki eyni zamanda qarşı tərəfin də istəkləri olacaq və sən insanlara dəyər vermək məcburiyyətini üstündən atmaq üçün ilk cəhdlərini eləməlisən. əgər sən də belə birisənsə, başa düş: dəyişməlisən.

ümumiyyətlə yaxşı və pis qavramları barədə o qədər çox şey deyilib ki, nə desən onların yanında çox yüngül qalacaq. sadəcə bir fikrimin xülasəsini daha, siz dəyərli insanlara nəql eləmək istəyirəm. ətrafınızdakı insanları istəyirsiz üzün, istəyirsiz ağladın, istəyirsiz qırın, istəyirsiz həyatın ən xoşbəxt insanı olmasını təmin edin, ancaq bir şeyi unutmayın. gərək ətrafınız olsun bütün bunlar üçün. yaxşı ya da pis. gərək bir nəfər belə insan olsun ki, o da sizə varlığınızı hiss elətdirsin. ən azından belə xırda mövzularda bu qədər çox fikirləşəcək qədər çox vaxtınız olmasın. olmasın.