Son yazılanlar
Hazırki streak: 0 gün ardıcıl post yazılıb.
Rekord: 22 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: gecə quşu
Pik saat: 01:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 1: Yeni
XP: 73 (karma əsasında)
Növbəti səviyyəyə: 27 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 43,397
Toplam simvol: 260,381
Orta entry uzunluğu: 389 simvol
Kitab ekvivalenti: ~0.6 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
uşaqlıqda allah zənn etdiyi
ludwig wittgenstein
sürət hüseynov
Son 10-15 ilin ən yaxşı şairlərindən biri ikən özünü gözdən salan adam. Hər şey haqqında danışır. ədəbiyyatdan, tarixdən, fəlsəfədən, siyasətdən, sosiologiyadan, publisistikadan, hər şey haqqında niyə danışmaq məcburiyyəti hiss edirsən ki? Adam bir şeyin ustası olar, ondan danışar da.
Bütün dünyada 1966-cı ilin finalında verdiyi qərarla tanınan azərbaycanlı hakim. Hamı topun xətti keçib-keçmədiyini, Tofiq Bəhramovun bunu necə gördüyünü müzakirə etsə də, özünün yazdığı kitabda deyir ki, topun üst dirəyə yox, üst dirəyə bitişən tora dəydiyini gördüyü üçün qolu verib.
Universitetdə fəlsəfə müəllimimizin dərsə gəlmədiyi gün. Bəli, dünyanın sonu olduğunu düşündüyü üçün.
Səslərin hər zaman partiyalara verilmədiyi sistem. Açıq-siyahılı proporsional seçki sistemlərində partiya ilə bərabər partiyanın spesifik namizədinə də səs verirsən.
Sosial və etnik fərqliliklərin olduğu dövlətlərdə demokratik institutların formalaşması üçün istifadə edilən model. Bu modeldə fərqli qruplar hakimiyyət bölgüsündə hər biri müəyyən pay əldə edir və daha stabil, demokratik cəmiyyət qurulur. Əsas elementləri proporsional seçki sistemi, federalizm, koalisiyalı hökumətlərdir. Əksi olan sistem üçün isə (baxma: centripetalism)
Əslində Azərbaycanda olmayan sistem. Azərbaycanda seçki sistemi (milli məclisə) majoritar kimi yazılsa da konstitusiyada, seçki haqqında qanuna görə qalib gəlmək üçün səslərdən yarısını yığmağa ehtiyac yoxdur. Digərlərindən çox yığsan kifayət edir.
Dövlətə xəyanət maddəsi ilə həbs edilmiş aktivist, Karl universitetinin dokorantura tələbəsi. Sübutlar barəsində hələ heç bir məlumat ictimaiyyətlə paylaşılmayıb (güman ki, sübut zad da yoxdur, sadəcə siyasi sifarişdir). Bir insanı haqsız yerə həbs etmək, üstəlik dövlətə xəyanət maddəsi kimi ağır bir maddə ilə həbs etmək çox üzücüdür. Bir gəncin (fikirlərini bəyənərsiz ya bəyənməzsiz fərq etmir) ömrünün 15-20 ilini haqsız yerə həbsdə keçirməsi ağır dərddir. Ümid edək tez zamanda azadlığına qovuşar.
ispaniyada Bask dilinin qadağan olduğu 1960-cı illərdə bəstəkar Mikel Laboa üzərində Bask dilində şer yazılan bir salfet görür. Txoria Txori adlı ölən bir quş üçün yazılan bu şer Franko rejiminə səsssiz etirazın simbolu idi. Bu şerdən təsirlənən Laboa ona musiqi bəstələyir.
Şerin sözləri belədir:
Əgər sənin qanadlarını kəssəydim
Mənim olardın, yox olmazdın.
Amma o zaman da quş olmazdın,
Mən isə quşu sevirəm.
Atletik Bilbao azarkeşləri də qazandıqları kuboku məhz bu bəstə ilə qeyd edirlər.
)
Zərdab rayonunda mədəniyyət evinin qarşısında yerləşən Zərdabinin heykəli. Hələ də elə zənn edirəm açığı
Dünya tarixinin "Amelie"dən sonra ən yaxşı film musiqilərinə sahib olan film. Emin Sabitoğlu bu film üçün yazdığı musiqilərlə məncə özünü də aşa bilib.
13 il yaxından tanıdığım insanla təntənəsiz toy edərək daxil olmadığım kateqoriya.
Qalmasa gizlin sədəf qoynunda dəryanın gözü
iz sürərmi surətin seyrində mənanın gözü
Şəhri-zibadan susuz səhraya büllür yol çəkib
Görmək üçün haləti-Məcnunu Leylanın gözü
Cilveyi-nuri-cəmali-həqqi seyran etməyi
Yusifin hüsnündə məşq etmiş Züleyxanın gözü
Məryəmin rəhmində seyr etmiş Xudanın rəhmini
iltifati-həqqə şahiddir Məsihanın gözü
Daği-Sinadan dəxi ey dağlı sinəm dön geri
Səndə həqqin nuru yoxdur məndə Musanın gözü
izzətim,başim,gözüm olsun fəda eşqində,ey
Kainatın fəxri,ərşin tacı,dünyanın gözü
Yar açır gün çöhrəsindən hər gecə nur örtüyün
Heyrətindən bağlanır hər dəfə Pünhanın gözü
Şişirdildiyi qədər çətin olmayan yer. Dünyanın axırı deyil də, uzağı bir az yuxusuz qalırsan, bir az ac, arabir də bir az döyülə bilərsən. Görən də deyər 2-ci dünya müharibəsində filan olmusunuz.
29 Noyabr 2010 tarixində, Real Madridə qarşı futbol tarixinin olub-ola biləcək ən gözəl oynunu oynayan komanda. Hamının yadında hesab ilə qalsa da (5-0) oyunun özü hesabdan çox-çox rüsvayedici idi qarşı tərəf üçün. 10-15 dəqiqə sırf topu rəqibə verməmək üçün oynayırdı bəzən.
ilham Əliyevin demokratik seçki keçirə biləcəyinə ümid edən məsum (ya da axmaq) insanların hələ də var olduğunu göstərən seçki. Bir şeyi birdəfəlik qəbul etməliyik. ilham Əliyev heç vaxt 70 faizlə seçilməyəcək, bunu istəməyəcək. Çünki, o yaxşı başa düşür ki, 70 faiz qarşı tərəfdə ümid yaradır, gələn seçkilərdə müxalifət daha da özünə inamla qatıla bilər. Hökumət hər dəfə özünə 90 faizin üstündə səs yazır ki, belə bir ümid işartısı olmasın heç kimdə. Hətta qıraqdan baxan olmasa 100 faiz də yaza bilərlər. Ona görə də, ilham Əliyevin güclüdür deyə demokratik seçkilər keçirməsi indi də, gələcəkdə də sadəcə mənasız ümiddir. Belə şey olmayacaq.
Hər şeydə olduğu kimi məbləğin artmasına səbəb olacaq dəyişiklikdir. Bizim ətrafımız sadə, kasıb və orta yaşayan insanlarla dolu olduğu üçün elə bilirik daha heç kim yayına bilməyəcək. Bir nazirin, deputatın, yüksək vəzifəli şəxsin oğlu da gedəcək əsgər? Xeyr. Çünki, yeni qərar onların güc limitini aşmır hələ. Onlar üçün dəyişən bir şey yoxdur. Sadə insanlara gəlincə, bir-iki çağırış bəlkə belə ciddi nəzarət edəcəklər, sonra pul söhbəti başlayacaq yenə. Təbii ki, məbləğ daha yüksək olacaq.
(bax: matrilocal)
Evləndikdən sonra ərin arvadın evinə köçməsi ənənəsi, bir növ arvada getmək (baxma: Ərə getmək). Yəni evləndikdən sonra bəy gəlinin evinə yaşamağa gedir. Hətta 18-ci əsrə qədər bəzi yunan adalarında mövcudluğunu qoruyub bu ənənə. Güman ki, anaxaqanlığı dövründə daha geniş yayılıb. Azərbaycanda isə arvad ərin evinə getdiyi üçün patrilocal olur. Azərbaycan dilinə tərcüməsini tapa bilmədiyimə ingilis versiyasını yazdım.
Bosniya və Hersoqovinada vətəndaş müharibəsinə son qoyan, 1995-ci ildə imzalanan saziş. Maraqlısı odur ki, 2008-ci ildə Bosniya prezident administrasiyası açıqlama verib ki, sənədin orijinalı arxivdən yoxa çıxıb. Sonra kopyasını tapıb yerinə qoyublar. Bir də 1o ildən sonra, bir nəfər orijinal sənədi satmağa çalışarkən tapıblar.
Vergül - fransızcadan keçib. Fransızca vergül nazik budaq, çubuq deməkdir.
Son bəyənilənlər
