depresiyaya girmək istəyənlərə məsləhətlər

Düşün ki, Ermənistan sənin torpaqlarında gəzir kef çəkir. Hansı ki, xəritədə hələ də bizim imiş kimi göstərilir. Artıq Məşhur Qarabağ atlarımız onlarindir. Milli yeməklərimizi öz adlarına çıxırlar. Hər zaman hər yerdə erməni soyqırımı deyib car çəkirlər, və onlara inanılır.
Düşün ki, hər gün yediyin pendir, şor palma yağıdır (ivanovka xüsusilə),
Palma yağı xərçəngə ilə yanaşı bir ton xəstəliklərə səbəb olur.
Düşün ki, Azərbaycan ən bahalı balıq Kürüsünü dünyaya satır, dünyanın balıq kürüsü ehtiyacını Azərbaycan ödəyir amma sən marketlərdəki girdirmə rənglənmiş rus ikrasından başqa bir şey görmürsən.
Düşün ki, düz dənizin yanında yaşayırsan amma dəniz balığı dünya qiymətinədir, ondansa ət almaq sərf edir.
Düşün ki, bir gün öləcəksən və 3 ay sonra heç kəsin yadına belə düşməyəcəksən necə ki, başqa ölənlər də bizim yadımıza düşmür. Düşün ki, sən öləcəksən amma camaat sənin yasinda yeyib-içib kef çəkəcək.
Düşün ki, hər gün içdiyimiz, bədənimizin böyük bir hissəsini təşkil edən hər gün istifadə etdiyimiz su xlorludur. ( Hətta bəzi insanlarda bu xlorlu sularla baş yumaq saçın tökülməsinə səbəb olur, bu səbəbdən marketdən fikirlənmiş su alırlar, mənim özümdə suyu qaynadıb sonra istifadə edirəm saç yumaq üçün) .
Düşün ki, ana atanda bir gün sənin kimi cavan idi. Sabah nənə baban kimi qoca olacaqlar. Və səndə qocalacaqsan, öləcəksən, oxuduqların, uğruna əsəb çəkdiyin şeylərin ,məndə yoxdur deyib kədərləndiyin şeylərin heç birinin heç bir mənası qalmayacaq. Halbuki indi onları əldə etmək üçün, bir şeyləri başa salmaq üçün nə qədər əziyyət çəkirsən.

hamster

Balalayanda azı 7-8 olmaqla (adətən əgər ilk dəfə balalayırsa) 15ə qədər balalaya bilən heyvan. Və ana baxa biləcəyi qədərini saxlayır qalanlarını yeyir. Bizimkinin 14 balası olmuşdu, 4ünü yedi getdi, heç nə qalmadı. Hə hətta hamilə hamsterin yanına erkək hamster gəlsə onu da yeyirlər. Ona görə aldıqda hamilə sıramasınlar deyə diqqət etmək lazımdır. Və dişi hamilə qaldıqdan bir müddət sonra yəni artıq hiss olunduqdakı bu hamilədir, erkək ilə dişini ayırmaq lazımdır, bizimki qəfəsindən çıxıb, dişi olan qəfəsin üstünə çıxmışdı, dişi bir cırmaq atıb yazığın ağzını cırmışdı. Nə isə
Demək olar hər şeyi yeyir bu hamsterlər (xamyaklar) toyuq ətindən, pendirə, pendirdən buğdaya, buğdadan xiyara bir sözlə bəzi istisnalar xaric hər şeyi üyüdə bilən gəmirici heyvan. Nə versən də ağızlarına doldururlar qısaca maraqlı,şipşirin heyvanlardır.

and içmək

Allaha and içmək. Bir şeyi doğru dediyinə, bir şeyin həqiqətən baş vermiş olduğuna, bir şeyi edəcəyinə və s kimi bağlı verdiyin sözlərin möhkəmlənməsidir.
And içmək yolları- And olsun Allah/ Allaha and olsun, Allahhaqqı, Vallah, billah və s deyərək mümkündür.
Allaha and içmək dediyin bir sözün doğru olduğuna və ya bir şeyi edəcəyinə Allahı şahid göstərməkdir.
Islam dinində and yalnız Allaha verilməlidir, uşaqların canına, atanın canına və s kimi andlar günahdır.
Hal-hazırda məişət həyatında and içməyi heç kəs ciddiyə almır. Çünkü məsələn satıcılar bir malın təmiz olduğuna milyonlarla and verirlər lakin mal girdirmə çıxır, belə hallar çox təkrarlanır və insanlarda "anddırda içir" "yalançıdır" deyə anlayış yaranır təbii olaraq.
Məsəl üçün illər əvvəl mən məktəbdə oxuyanda, uşaqlar yalandan and içməyə qorxurdular, əgər birimiz and içiriksə deməli doğru deyirdik. 2 nəfər arasında mübahisə çıxdıqda yalan danışan and içməyə qorxurdu, doğru söyləyən and içirdi Və beləliklə söhbət bağlanırdı. ( 2 sinif dəyişmişəm hər ikisində də bu qayda keçərli olub, başqa sinifləri bilmirəm) amma indi yalandan Allaha and içmək bir yana, yalandan Allaha and içərək şər atanlar belə var və çoxalıblar. Ciddi məsələlər zamanı, şər böhtan zamanı, az-çox Allaha inamı olan insanlara " əgər yalan deyirəmsə Allahın lənəti üzərimə olsun de" dedikdə bunu deyə bilmədiklərinin şahidi olmuşam.
Islamda yalandan Allaha and içmək günahdır, əgər bir kəs andını pozarsa,
O zaman kəffarə verməlidir.
And kəffarəsi üçün, zəkat alması caiz olan 1) 10 insana bütün bədənini örtəcək qədər paltar ( yəni həm şalvar həm köynək, həm yəni bütöv dəst)
2) və ya 10 aç fəqir insana 1 gün 2 dəfədən yemək vermək
3) və ya 10 kasıba bir fitrə miqdarı un, buğda, bulğur və s vermək.
4) və ya dərman, başmaq, ayaqqabı, ət, qızıl da vermək olar. Insanın ehtiyacına baxıb verilə bilər.
5) bunlara imkanı çatmayan şəxs isə 3 gün fasiləsiz oruc tutmalıdır.
Bu qaydalara əməl olunduqda yalandan and içmək çox çətindir, belə qanunlara əməl edən dövlət yoxdur deyə, bir çox insan ürəkli ürəkli and içib, sonra andını pozur amma və andı pozduqda kəffarəno verməmək də insanın boynuna günahdır.

yazarların ən pis pərt olduğu an

Bizim bir qonşumuz var, yaşlı xaladır. Heç vaxt qapı döymür. Əgər qapı içəridən qıfıllanmayıbsa bir başa evin ortasına qədər girir. Bizdə zal otaqdaydıq, mən,qardaşım,anam, bacım.oturmuşduq, qardaşımda bağıra- bağıra, emosional emosional nəsə danışırdı, birdən səs eşitdik.Bu oğlana dedim ki, sus bir görüm. Amma onunda öz səsi öz beyninə düşüb. Məndə əsəbi, o an müdhiş bir bağırtı qopardım KƏəəəəs Səəəsiniiiiiiiiiiiiii deyə, anamda refleks mənə qoşuldu, qardaşım səsini kəsəndən sonra, anam kolidora çıxdı, məndə başımı çıxardım baxdım, gördüm arvad ağappaq ağarıb)) qalıb elə kolidorun ortasında. Mən də sakit,tərbiyəli qızam. O an pərt oldum yəni. Evin içi xaric heç kəs mənim o möhtəşəm qışqırtımı eşitməmişdi)) Obrazıma xələl gəldi sözün qısası.

gecə yata bilməmək

Gecə yata bilməmək yəni yuxusuzluq, insanların 50%ində rastlanılan bir problemdir. Hər 10 insandan 1i isə xroniki yuxusuzluqdan şikayət edir .Qadınlarda kişilərə nisbətən 2 qat daha çoxdur bu problem. Yuxusuzluğa yaşlı insanlar gənc insanlarla müqayisədə daha çox məruz qalırlar.
Gecə yata bilməmək problemi əgər 1 aydan çoxdur davam edirsə onda həkimə müraciət etmək lazımdır.
Yuxusuzluq stress/əsəbilik səbəbli də qaynaqlana bilir.
Şəxsən mən Lavanda/ Melisa otlarını dəmləyib içirəm. Lavanda depresiyaya, stresə, əsəbiliyə yaxşı təsir göstərir.Bu otlar sakitləşdirici kimi bir şeydir. Həmçinin eqzema xəstəliyi üçün də faydalıdır.
Melisa otu isə Stressə, xroniki yuxusuzluğa çox faydalıdır. Həmçinin bu otun başqa beyin xəstəliklərinə də xeyiri var. Yaddaşa müsbət təsir göstərir . Əsəbləri sakitləşdirir.
Məsəl üçün "Novarest" məşhur sakitləşdirici dərmanlardan biridir, şəxsən mənə həkimim bu dərmanı çox yazıb. Tərkibi: Melisa otu, biraz vitamin B 6 (metobalizmada normal enerjinin bərpa olunmasına, qırmızı qanın yaranmasına, əzginlik və yorğunluğun azalmasına faydası var) , biraz maqnezium və Yemişan (ürək-damar və sinir sistemi üçün faydalıdır, sinirləri sakitləşdirir, məsələn həyacan keçirən insana da verilir, ürək döyünmə problemi olan insana da, təbii və faydalıdır).
Bu elədə ciddi bir dərman deyil, amma bir paçkası 17 manatdır. Əgər sizə gündə 2 dəfə qəbul etməyi yazsa, o zaman azı bir ay istifadə edə bilmək üçün, 2 paçka sizə lazımdır. Yəni 34 manat. Əvvəlcə təbii otları yoxlamağı məsləhət görürəm. Çünkü nə qədər təbii tərkibli olsa da dərman dərmandır. Və heç biri problemi kökündən həll etmir. 4 il nevropatoliq yanına gedib-gəlmiş biri kimi deyə bilərəm ki, bir neçə ay sakitləşdirir sonra yenə köhnə hamam köhnə tas. Əgər təbii müalicə sizə effekt verəcəksə onda dəyməz dərman içməyə də, dərmana pul tökməyə də.

məsləhətli dram filmləri

1)Kaplan avcısı ( koreya filmidir, çox ağlamışdım baxanda)
2)Busana doğru yolculuk. Bunun deyəsən Azərbaycan dublajı da var idi. Pusana səyahət idi adı deyəsən. (Dramatik zombi filmi)
3) Beyaz intikam təsirli filmdir(white vengeance), Çinin tarixi filmidir.
Hadisələri hadisələri başa düşmək üçün diqqətlə izləmək və ya 2 dəfə baxmaq lazım gəlir amma elə qəşəng çəkilib ki, bu bir problem olmur. (Janr olaraq: döyüş, müharibə, tarix, drama, tarixi roman, sevgidir)
4) Köpək filmi (bu film bir zamanlar qadağan olunmuşdu. Yutubda adı üçün, qadağan olunmuş Azərbaycan filmi. Köpək yazılıb. Məncə bu film bizim bugünümüzü tənqidi şəkildə göstərir.
4) Çizgili pijamalı Çoçuk. ( Almanların Yəhudilərə olan düşmənliyindən bəhs edən filmdir. Və 2 düşmən uşağın dostluğunu göstərir. Bu əsərin kitabı da var, kitabdakı sonluq ilə filmdəki sonluq biraz fərqlidir. Lakin mənə görə filmdəki sonluq daha mənalı və ağlabatan idi.
5) Efsane doğuyor. ( The legend is born) Və ipman 2

bədəndə su balansının azalması

Bədəndə su balansının azalmasının səbəbləri aşağıdakılardır:
1) qarın pozulması-qusma (mədə-bağırsaq problemi)
2) su içməmək
3) həddən artıq tərləmə (isti hava və s səbəbi ilə)
4) həddən artıq fiziki yük və ya tərlədən idman
5) gün və ya isti vurması.
6) tez-tez ayaqyoluna getmək.
7) həddən artıq çox spirtli içki (səhər durduqda baş ağrısı bu susuzluğun səbəbidir.
8) yanıqlar.
Bədəndə su balansının azalması 4 cür olur
1) yüngül 5-6% (1-2 lt)
2) orta 6-10% (2-4 lt)
3) ağır 10% (4 lt+)
4) kəskin 10 lt Sudan daha çox. (Həyat riski)
Bədəndə qan 3 cür ola bilir.
1) izotonik ( qanın düz tərkibi normal olur)
2) hipertonik (qanda duz konsentrasiyasının çoxalması)
3)hipotonik (qanda duz tərkibinin azalması)
Bədəndə susuzluq yüngül olduqda simptomlar:
1.Ilk vaxtlar, ağızda quruluq və tüpürcəyin yapışqan olması.
*Qeyd: Bədəndən 20-25% suyun getməsi ölümcüldür.
2. Ayaqyoluna az-az getmək və az sidik ifrazat etmək, sidiyin rənginin tünd və kəskin iyə malik olması.
3. Zəiflik
4. Apatiya
5. Qıcıqlanmaq
6. Bədən temperaturunun artması.
7. Ürək bulanması
5. Qusma
6. Qarın ağrısı.
+( Yüngüldən ağıra qədərki simptomlar
1. Möhkəm susuzluq
2. Hərəkətlərdə yavaşlama.
3. Iştah azalması.
4. Dərinin qızarması.
5. Yuxulu olmaq.
6. Gözaltı qaralması
7. nəbzin tez vurması.
8. bədən temperaturunun artması
9. Ürək bulanması
10. Qusma
11. Mədə-bağırsaq pozulması
12. Baş hərlənməsi
13. Boğulma
14. Ayaqlarda sanki iynə sancırmış kimi hiss etmək
15. Qanın azalması və qatılaşması
16. Tüpürcəyin olmaması
17. Gözlərin quruluğu
18. Göynəmə, dəri rənginin dəyişməsi.
19. Danışığın başa düşülməməsi
20. Hərəkət qabiliyyətinin itməsi, sayaqlama
21. Əzələnin qıcolması
22. Dilin şişməsi
23 udquna bilməmək
24. Eşitmə və görmə qabiliyyətinin pisləşməsi
25. Bədənin soyuması.
)( Bunların müalicəsi
Bədənin su balansını bərpa etməklə mümkündür .
Əgər xəstənin vəziyyəti ağırdırsa, mütləq xəstəxana şəraitində müalicə olunmalıdır.
Əgər bu simptomlar varsa, o zaman təcili yardım çağırılmalıdır.
Orta və ağır susuzluğun müalicəsi Venadaxili mayelərin yeridilməsindən və sitasionar müalicədən ibarətdir. Yüngül və orta formanın müalicəsi isə yavaş-yavaş itirilmiş mayenin və qanın bərpa etməkdir.
Əgər xəstədəki əlamətlər ağır deyilsə o zaman ev şəraitində müalicəyə icazə verilir. .bu zaman xəstəyə
1)tam sakitçilik lazımdır.
2) xəstə mümkün qədər havası sərin və təmiz olan düz yerdə uzanmalıdır.
3) xəstəyə içmək üçün çoxlu maye verilməlidir.
A) adi su
B) karbohidrat, eloktrolit,natrikali tərkibli içkilər (mineral sular)
C) dondurulmuş meyvə şirələri
D) qlükoza tərkibli içkilər .
Xəstə bunları yavaş-yavaş və az-az içməlidir. Bunun üçün şirə (sok) içmək üçün istifadə olunan çuburlardan istifadə olunmalıdır.
Eyni zamanda reqidron, qastrolit, orasan kimi dərmanlar da tətbiq olunmalıdır.
Ev şəraitində bu dərman tərkibli içki də düzəltmək olar:
1 çay qaşığı şəkər
1 stəkan portağal şirəsi
1 çay qaşığının ¾ hissəsi qədər duzu qarışdırıb, gündə 3 dəfə az-az içmək.
Əgər isti vurub bədən su itiribsə, o zaman əvvəlcə bədən temperaturu salınmalıdır.
1) sərin yer. kondisioner və ya vertiliyator olan bir yer.
2) bədənə soyuq suya batırılmış dəsmalı qoymaq (bütün bədən nahiyələrinə qoyula bilər)
3) əgər adam ayaq üstə dura bilirsə onda sərin duş almaq. Lakin diqqət etmək lazımdır ki, bədən temperaturu həddən artıq çox düşməsin. Yoxsa xəstənin qan damarları daralacaq və bu başqa xəstəliklərə yol açacaq.
Diqqət: əgər bu su azlığı südəmər uşaqda, 10 yaşından aşağı olan uşaqlarda və ya yaşlı insanda meydana gəlibsə o zaman mütləq həkimə müraciət olunmalıdır.

lətifə

Günlərin birində Bakıdan Şəkiyə qastrola, "Leyli və Məcnun" operası gəlir. Onlar 6-7 gün Şəkidə olub, tamaşanı oynamalı idilər. Bir gün aktyorlardan biri, Leylinin atası naxoşlayır. Düşürlər əl-ayağa, bəs onun yerinə kimi qoysunlar, münasib bir adam tapılmır. Naəlac qalıb məsləhət alırlar ki, onun yerini ancaq Şəkili Abdulcabbar tuta bilər. Sən demə Abdulcabbar da yaxşıca vuranmış. Onunla razılaşırlar ki, Leylinin atasını oynasın. Pulu-pul, gündəlik də 1 şüşə araq. Abdulcabbar bir-iki gün yaxşıca rol oynayır. 3üncü gün ona araq vermirlər. Oda başlayır müdiriyyəti hədələməyə ki, görün sabah sizin başunuza nə oyun açacam!
Teatrın müdiri çox narahat olur, elə o gecəsi 2 şüşə araq alıb, üz tutur Abdulcabbargilə. Biraz vurandan sonra müdir ondan soruşur:
- Mən ölüm, düzünü de, o arağa görə bizdən nə hayıf çıxacaqdın?
- heç nə. deyə Abdulcabbar cavab verir:
- Məcnunun atası gələn kimi Leylini verciydim getsin!

lətifə

Tahirdən soruşurlar:
Maraqlıdır, bütün heyvanların balası anasının dalınca, yalnız eşşəyin balası anasından qabaqda gedir, nəəcəb görəsən? Tahir cavab verir ki, anasında nə qanacax var ki, hələ bir balası qoduxda da olsun
Bir dükançı həmişə piti bişirib, yeməyini dükanda yeyərmiş. Bir gün bu, piti yeyəndə dükana bir neçə tanış adam gəlir. Dükançı ağızucu onları da dəvət eləyir. Müştərilər süfrə qırağında əyləşib başlayırlar yeməyə.
Pitinin suyunu yeyib qurtaran kimi dükançı:
-Bu da dədəmə qalsın. – deyib pitinin ətini götürür.
Bir gün tahirdən soruşurlar :
-kök qadınlara nətər baxırsan?
Tahir düşünmədən cavab verir:
-nəyi pisdir ki, qışda istiliyinə söz yox, yayda kölgəliyinə.