Buradan uzaq olduğum müddətdə şəxsi inkişafımda uzun yollar qət etdiyimi fərq etmişəm. Özümü bir qaranquş qədər azad, bir çinar ağacı qədər müdrik hiss edirəm. Amma ağaclar ayaqda ölər, bunu da bilirəm. Burada random yabancılarla danışıb, yeri gəldikdə polemikaya girib, yeri gəldikdə müzakirə etməyin şəxsi inkişafa çox fa faydalı olmadığını hiss edirəm artıq. Lakin bunları yenə də edərəm, çünki ürəyim elə istəyir və sözlüyü sevirəm.
Şebnem Ferahın artık kısa cümleler kuruyorum dediyi nöqtədəyəm sanki. Paraqraflarla yazıb özümü ifadə etmək və ya bir şeyin müzakirəsini aparmaq mənasız gəlir artıq. Ola bilsin mən bunları yenə də edim, özümlə tutarsız olum, fəqət tutarsız olmağım özümü sevməyə əngəl deyil ki. Seviyorum, sevmiyoruuuum.
Adətən cis-hetero insanların homofobiya ilə ittiham edildikdə qurduqları cümlə. "Homofob deyiləm, mənim gey dostlarım da var." Və yaxud açıqfikirli, tolerant və s. Olduğunu bildirmək üçün də sərf olunur. Halbuki belə cəhdlərə heç ehtiyac yoxdur, homofob və ya ümumiyyətlə anti-lgbt olmamaq üçün lgbt haqlarını müdafiə etmək və onların cəmiyyətdə bərabər olduqlarını qəbul etmək bəs edir. Gey dostlarının olması şəxsə homofobiyaya qarşı immunitet vermir. Heç gey olmağın özü də vermir. Gey olub homofob olmaq mümkündür və hətta yayğındır. Geyləri bərabər görməyən, haqlarını müdafiə etməyən hər kəs homofobdur. Gey dostu oldu-olmadı, Gey oldu-olmadı.
müasir cəmiyyətin və gender sisteminin heç kişilərin özünə də xidmət etmədiyini göstərən fakt. Ən azından cəmiyyətin imtiyazlı təbəqəsindən olmayanlara. Kişi belə olsanız, imtiyaz sahibi olmadıqda sistem tərəfindən əzilmə təcrübəniz olur.
Həmçinin bu nisbətin bu cür olması feminizmin problemi deyil. Həm mövcud gender sistemini dəstəkləyib, həm də intihar nisbətindən şikayətlənmək çox absurddur. Feminizm zatən mövcud gender sisteminin - patriarxiyanın əleyhinədir.
An etibarilə modluqdan təqaüdə çıxan yazar. Sözlüyə ayırdım vaxtın böyük hissəsini texniki dəstəyə və codingə həsr etmək istəyirəm. Zira coder team ilə sözlüyün arxitekturasında köklü dəyişikliklər etmək planlarımız var və bütün enerji, vaxtımı bu planlara kanalizasiya etməyi düşünürəm. Daxili işlərlə bağlı olmasa da, texniki dəstək üçün həmişə özəldən yaza və ya sözlüyün tech support kanalına müraciət edə bilərsiniz -* t.me/soz6_technical
(baxma: Ceci n'est pas une pipe)
Tariçxəsinə, adına-filan girmədən direkt aşağıdakı rəsm əsərini təqdim edəcəm:
Bir pipo şəklinin altına fransızca "bu bir pipo deyil" yazılıb. Niyə? Sənıtkar burda nə demək istəyib? Sırf sürrealist olsun deyə və ya tərs köşə yaradaraq rəsmə tamaşa edəndə qıcıq hissi yaratmaq? Əslində, heç biri. Rəssamın yazdığı cümlə tam olaraq gerçəkliyin, bir faktın altını cızır; bu bir pipo deyil. Bu sadəcə bir pipo rəsmidir. Piponu təmsil edən bir imajdır eləcə, onun özü deyildir.
Psixoloq Susan Davidemotional agility*
emosional çeviklik
kitabında bu rəsmi nümunə göstərərək deyir; düşüncələr və emosiyalar reallığı təsvir etməyə çalışan imajlardır, fakt deyildirlər. Hansısa neqativ düşüncə və ya duyğu içimdən keçirsə, bu sadəcə hazırda elə bir düşüncə və ya duyğu yaşadığımı göstərir, həqiqətin elə olduğunu yox. Məsələn, "imtahandan kəsiləcəm" - bu düşüncədir, fakt yox. Sevdiyim birinə əsəbiləşirəmsə, bu bir duyğudur, mənim həmin insanı sevmədiyim anlamına gəlmir. Düşüncələr və duyğular fərdi əmələ gətirən şeylər yox, onun sahib olduğu, üzərində kontrol sahibi ola bildiyi fenomenlərdir. Hər şeydən öncə, onlar obyektiv faktlar yox, sadəcə imajdır. Qərar verərkən onlara istinad edib-etməmək bizdən asılıdır.
Amerikalı rock goth müğənni. Tam janra baxmağa ərinirəm hal-hazırda. ilk dəfə qulaq asanda da belə yaradıcı, fərqli, estetik, emosional, damarı tutan mahnıların bəstəçisinin necə unudulub getmiş olduğunu anıaya bilməmişdim. Necə belə bir müğənni indi də relevant olmaz yəni? Bəlkə də, mahnıları böyük kütləyə xitab eəcək cinsdən deyil. Əslində, öz səylərinin də yetərsiz olması, düzgün qərarlar verməməsi underrated qalmağına səbəb olub. Ən azından apardığım 5 dəqiqəlik google araşdırması belə nəticəyə gəlməmə səbəb olur. Həmin araşdırmada həmçinin media personajının çox sevilmədiyini, təkəbbürlü, eqoist olduğunu da anladım.
Okay, bir şəxsiyyət olaraq çox da sevə biləcəyim bir tip deyil. Lakin musiqi və geyim tərzini çox sevirəm. Mahnıları çılğın, emosional və qeyri-stabil, üsyankar, insanın içindəki basdırılmış duyğuları üzə çıxaran vibe-lar verir.
Hətta bəzi insanlar ərgənsayağı hesab edir mahnılarını yeniyetmələrin bu cür qarışıq duyğular yaşadığını hesaba qataraq. Məncə isə bu çox öküzsayağı yanaşmadı. Əvvəla, ərgən deyilən insanların yaşadığı duyğusal çətinliklər olduqca real və onların həyatı üçün formalaşdırıcı təcrübələrdir. Bunu kiçik görüb, invalidate etmək də aşırı cahillik kimi gəlir mənə. ikinci olaraq, bunlar yetkin insanların da olduqca çox çətin duyğusal təcrübələri ola bilir ki, normaldır. Hələ mental xəstəliklərdən əziyyət çəkən insanları demirəm belə. Emilie Autumn özü də bipolar olduğunu deyib dəfələrlə. Belə caselərdə, mahnılarla duyğusal boşalım yaşamaq çox rahatladıcı və reflektiv olur.
Nəysə bir Emilie Autumdan haralara gəldik-* Əlavə olaraq, geyim tərzi - gothic, victorian, o rənglər çox cəlbedicidir. Mahnılarındakı harpsichord ilə çalınan hissələr isə ayrı bir orijinal.
Sevdiyim bir mahnısının sözləri: "Misery loves company,
Company loves more,
More loves everybody else,
But hell is others"
Müğənni burda "hell is others" deyərək sartre-a da bir göz qırpır.
(bax: cəhənnəm başqalarıdır)
la pianiste filminin sonunda professor kohut-ün yaşadığı daxili xaosa sinəsinə bıçaq zərbəsi endirərək cavab verdiyi səhnə. Səhnədə, ümumiyyətlə, prof. Kohut ətrafdan və insanlardan qopuq soyuü şəkildə təsvir olunur. içində isə tam əksinə hədsiz böyük bir savaş verdiyini oxumaq olur. Self-harm insanın emosiyaları ilə bacarmadığı, onlar tərəfindən zəbt olunduğu anlarda istifadə etdiyi ekstremum bir mexanizm ola bilir. Emosiyaları sağlam şəkildə çölə vura bilməmək və onlar üzərində kontrolu itirmək buna səbəb olur. Prof. Kohut-ün yaşadığı həyat isə onu belə patolojik mexanizmlər inkişaf etdirməyə məcbur buraxmışdır. Səhnəni izləyərkən istəmsizcə beynimdə Schubertin andante con motosu çalır
Məsləhət verməyi xoşlamıram, amma daha içimi töküm də. Həyatda, kariyerada filan irəli getmək üçün insanların nə dediyini-filan çox tınlamamaq lazımdır. Tınladınsa, o iş olmaz. Az qala hər kəs zatən psixoloji təbiəti etibarilə hadisələrə self-serving perspektivdən baxır. Bəs sən niyə öz məsələnə başqasına sərf edən perspektivdən baxmalısan ki, ona qulaq asıb? Əlbəttə, heç kəsi dinləməyin, ancaq burnunuzun dikinə gedin də deyilmir. Özünüzdən təcrübəli şəxslərdən məsləhət almayın, onlara qulaq asmayın demirəm, hobbi olaraq yenə asın. Amma hobbi olaraq-*
"sözaltı yazar" nikli sözlük yazarı (keçmiş az1918turan) xəbərdarlıqlara baxmayaraq plagiat/copy-paste entry yazmağa davam etdiyi üçün umbay edilmişdir.
Edit: "herakl" nikli yazar da eyni səbəbdən umbay edilmişdir.
2023-cü il Aprel ayının 1-dən 2-nə keçən gecə sözlükdə texniki çətinliklər səbəbilə baş verən yazar niklərinin qarışması hadisəsi. insident müəyyən tələblər üzrə gündəmə gələn sözlükdə nik dəyişmə funksionallığını implementasiya edərkən yaranmışdır.
Hazırda problem həll edilmiş və yazarların nikləri əvvəlki vəziyyətinə qaytarılmışdır. Təəssüf ki, bəzi istifadəçilərin niklərini qaytarmaq mümkün olmamışdır. Bəhsi keçən istifadəçilərin əksəriyyəti fevral-mart aylarında qeydiyyatdan keçmiş yazar və umbaylardan ibarətdir. Nikləri qaytarıla bilməyən istifadəçilərə avtomatik "soz6_user" niki verilmişdir.
Bütün bunlara baxmayaraq, xoşbəxtlikdən, entry-lərə və istifadəçilərə məxsus nik xaricindəki məlumatlara heç bir zərər gəlməmişdir. Həll yolu olaraq bunu təklif edirik; Əgər nikiniz qaytarıla bilinməyənlər arasındadırsa, yəni öz nikinizdən istifadə edərək giriş edə bilmirsinizsə, bizimlə əlaqəyə keçin. Biz sizin sorğunuzla sözlüyün bazasında olan sizə aid metadatanı qarşılaşdırıb nikinizi bərpa edəcik. Əlaqə üçün aşağıdakı teleqram hesabına yaza bilərsiniz: t.me/soz6_technical
Xarici kimya səhifələrini axtartmayacaq keyfiyyətdə olan azərbaycan dilində kimya ilə bağlı paylaşımlar edən Instagram səhifəsi, maarifləndirmə məqsədi ilə ilə yaradılmış təşəbbüs. Səhifədə gündəlik həyatda qarşılaşdığımız hadisələrin arxasındakı kimyəvi səbəblər maraqlı postlarla izah edilir. Həmin postlardan biri:
Kimya sevənlərin mütləq izləməli olduğu səhifə. danishirkimya
Mənə görə, bir insanın islam dininə inanması və özünü müsəlman adlandırması onu o cür qəbul etmək üçün yetərlidir. Quranı oxuyub-oxumaması isə öz problemidir.
Müsbət self-image*
şəxsin özünü görmə şəkli
yaratmaq və onu qoruyub saxlamaq üçün əksər insanların qeyri-ixtiyari icra etdiyi psixoloji mexanizm, pozitiv illüziya. Müsbət self-image, ümumiyyətlə, insanın özü ilə menasibətinin, özünü qavrama formasının müsbət olması onun üşün həyati önəm daşıyır. Özü ilə müsbət əlaqədə olan şəxslərin həyatda uğur qazanması və emosiyalarını idarə edə bilməsi daha rahat başa gəlir. Odur ki, özünü pozitiv qiymətləndirmə nə qədər subyektiv və qeyri-dəqiq olsa da, keyfiyyətli yaşam üçün önəmli bir komponentdir.
Zatən insan üçün səlt, obyektiv reallığın nə olduğunun sadəcə müəyyən qədər əhəmiyyəti olmalıdır. Hamımız həyatı 1-ci şəxs olaraq öz hissiyat üzvlərimiz və qavrayış qabiliyyətimiz ilə anlayırıq. Heç kəs obyektiv və empirik metodlar işə salaraq özünün kimə nəzərən hansı mövqedə olduğunu, nə qədər xüsusi olub-olmadığını hesablayaraq yaşamır. Həmçinin, mənə görə, belə bir fenomen də var ki, insanın reallığı dəqiq şəkildə ölçməyə yaxınlaşması onu həmin şəxs üçün sabitləşdirir, dəyişməsinin qarşını almağa başlayır, qəbullanmağa aparır. Digər tərəfdən, reallığı dəyişənlər çox vaxt öz həqiqətlərinə və qurğularına güvənərək onları xarici dünyaya qəbul etdirənlər olur. Yəni ki, özünüzü xüsusi hiss edin, özünüzə inanın. Amma ağlın sərhədləri daxilində; qanadlanıb uçacam deyərək insanların qanadlanıb uça bilməmə reallığını dəyişdirə bilmərsiniz, nə də olsa.
Hə bir də, özünü həddən artıq xüsusi hiss etmə narcissism əlamətidir. Bu grandiose narcissistlər üçün problem olmaya bilər, lakin ətraflarındakı insanlar üçün elədir.
)