kürk mantolu madonna

Sabahattin Alinin həyatının bir hissəsini təsvir edən əsər. Yazıçı Berlində oxuyarkən Fraulein Puder ilə həqiqətən tanış olur və sevir, dövlət təqaüdü bitdikdən sonra yazıçı ona Türkiyəyə gəlməyi təklif etsə də Puder imtina edir. Əsər noyabr 1940 və fevral 1941-ci ildə yazılıb. Puderin yəhudi əsilli olması onun lagerə əsir düşməsini təsdiqləyir. Əsərin sonu acı hekayə ilə bitsə də real həyatda sonluq daha acınacaqlıdır - Sabahattin Ali Mariaya nə olduğunu heç vaxt öyrənmir. Bəzi mənbələrdə onun Qara dəniz sahillərində Struma faciəsi (bax: struma gəmisi)

atalar və oğullar

Turgenevin məncə ən tanınmış əsərlərindən biridir. Qəribədir ki, əsər ata ilə oğul arasındakı münasibətdən danışsa da, məni daha çox Bazarov ilə Odintsova arasında baş verənlər maraqlandırdı. Odintsova cavan dul xanımdır, Bazarov isə xanımlara ikinci sort baxan ali təhsilli qaqaş, amma niyəsə Odintsovaya elə yanaşa bilmir. Odintsova da öz növbəsində Bazarova qarşı laqeyd olmur. Əsərdə iki rigid xarakterli qəhrəman arasında hisslərin bir-birini açıqlanması və "sabun operasını" çıxsaq, Bazarovun ölüm ayağında olması Odintsovanın mənə görə insafsız tərəfini üzə çıxarır. ilk növbədə Odintsovanın Arkadiyi də düşünməsi qəribə gəldi. Özünə qapanmış Bazarov kimi birinin ölərkən valideynlərini deyil məhz Odintsovanı görmək istəyi əslində oxucuya çox toxunur. Amma Odintsovanın soyuq laqeydliyi bütün romantikanın içinə zibil qoyur. Qadın qaqaşa bir söz belə demir, sadəcə çıxıb gedir. Qaqaş bütün əsər boyu ilk dəfə sevgi etirafı edir, qarşılığında isə cavab belə almır. Odintsova qaqaşın ölümündən 3 ay sonra varlı kişi ilə ailə qurur.
Məncə Bazarov sevgiyə inanmamağında haqlı idi, görünür ölüm qorxusu onu duyğulandırdı, heç olmasa yerindəcə keçindiyinə görə peşmanlıq çəkməyə imkanı olmadı.
Bu mətndə 6 dəfə Bazarov, 9 dəfə Odintsova adları işlənib, gender bərabərliyi pozulub. Amma nə edək, Azərbaycan dilində cinsiyyət göstərən şəxs əvəzlikləri yoxdur ki s/he ilə keçinim.

böyümək

Uşaqlıqda həddən çox arzuladığın, amma illər keçdikdən sonra bir p*x olmadığını anladığın o bioloji proses. Prefrontal korteksin inkişafının bitməsi ilə həyat al-əlvan görünmür, çox sərt hiss olunan çarəsiz biveclik formalaşır. Bir tərəfdən həyatda baş verən çətinliklərin artıq səni o qədər kədərləndirmədiyinə görə azca sevinirsən, digər tərəfdən rəngarəngliyin pozitiv və neqativ mənşəli (fərq etməz) emosiyalarda olduğunu başa düşürsən. Böyüdüyünü itirdiyin insanlar, artıq uşaq olmadığına görə "özünə və qarşındakına hörmət" əlaməti olaraq uzaqlaşdığın tanışlar, birlikdə oynadığınız oyunlarda tərk edilmiş akkauntlara filan baxıb keçmişi yada salıb qəm-qüssədə boğulursan.

yazılıb göndərilməyən mesajlar

Entryni template üzrə davam etdirəcəm.

Hey hey,

3 illik sükutun sonunda sənə yazdığım cavab məktubunu oxuyub oxumadığını ancaq təxmin edə bilərəm. Ya da heç onu da edə bilmərəm. iki variant var:
A) sükutuma inad oxuyub cavabsız qoydun;
B) yoldaşın görməsin deyə məktubu yazıb tələsik akkauntdan çıxdın.
Səbəb fərq etməz, hər iki halda cavabı ancaq sən mənə yazmaq istədiyin zamanda görəcəm. Son məktubu il yarım öncə yazdığını nəzərə alsaq 2028-də ya xan ölər, ya eşşək. Amma artıq məncə gecdir, həyatda növbəti, zənnimcə, səhv seçimini etdin. Uyğun müsabiqə olsaydı həyatda ən çox səhv və tələsik seçim etmək üzrə mükafat laureatı olardın. Yekun olaraq son məktubumda yazmaq istədiyim, amma yenicə ailə qurduğunu nəzərə alaraq həyatına qarışmağa mənəvi haqqımın olmadığını düşünərək boş buraxdığım cümləni original formada yazıram:

надо было отпустить мужа - к черту, вместе с его Питером - и уйти, не обернувшись ни разу

(Gərək ərini - öz Piteri ilə birlikdə - cəhənnəmə yola salıb, bir daha geri dönmədən gedərdin)

əsmər

Ənənəvi olaraq qadınlara ünvanlanan, daha çox buğdayı, tündbənizli və qaraşın insanları təsvir etmək üçün istifadə olunan söz. Ərəb mənşəlidir, fonetik uyğunlaşmaya uğrayaraq “asmar” deyil, “əsmər” şəklini alıb. Klassik ədəbiyyatda və mahnılarda çox rast gəlinən söz birləşmələri - “əsmər dilbər”, “əsmər yarım”. (bax: evlərinin önü yonca)

(youtube: )