mcdonaldlaşma

1993-cü ildə George Ritzer tərəfindən yaradılan termin. Cəmiyyətin xarakterinin mcdonalds restoranlarının işləmə mexanizminə uyğun olaraq dəyişməsini ifadə edir. Yuxarıdakı entrydə də yazıldığı kimi, fast food restoranları əsasən (italic: səmərəlilik)* efficiency , asan hesablanma* calculability , (italic: proqnozlaşdırma)* predictability və kontrol* control xüsusiyyətləri ilə xarakterizə olunur. Belə bir model isə rahatlıq və əlçatanlıq baxımından başqa kommersiya və sosial sahələrə asan tətbiq oluna bilir. Və beləliklə mcdonalds modeli praktik olaraq cəmiyyətin bütün aspektlərinə təsir göstərir.

Religion de l humanite

auguste comte tərəfindən yaradılan "insanlığın dini" kimi tərcümə olunan təlim. xristianlıq və digər dinləri modern dünya üçün vaxtı keçmiş hesab edən comte eyni zamanda insanların tamamilə dinsiz və materialist şəkildə cəmiyyət formalşdıra bilməyəcəyini düşünürdü. buna görə də "pozitivist toplum" üçün bu təlimi dinə alternativ bir vasitə kimi irəli sürdü. bu "din"-in böyük liderlərin, mütəfəkkirlərin və sənətkarların adını alan və xronoloji ardıcıllıqla düzəldilmiş "pozitivist təqvim"-i də var idi. məsələn insanlar şekspir günündə toplanıb onun əsərlərini oxuyacaq və onun həyatı haqqında danışılacaqdı. həmçinin müntəzəm maarifləndirici və elmi seminarlar təşkil ediləcəkdi və s. bu ideologiya bir çox tənqidlə üzləşib böyük bir uğursuzluğa məruz qaldı. amma günümüzdə fransa və braziliyada hələ də pozitivist məbədlər qalmaqdadır.

british shorthair

ənənəvi ingilis ev pişiyinin cins versiyasıdır. ən ağıllı, ən canayaxın və * cute ovçu pişiklərdir.

British Shorthair-in mənşəyi eramızın birinci əsrinə təsadüf edildiyi güman olunur və bu, onu dünyanın ən qədim pişik cinslərindən biri halına gətirir. Bu pişikləri ilk dəfə düşərgələri ilan, siçan və böcəklərdən uzaq tutmaq üçün saxlayan Romalılar sahiblənmişdir.

daha sonra yerli Avropa vəhşi pişik populyasiyasına qarışmışdır. Əsrlər boyu təbii olaraq təcrid olunmuş nəsillər, doğma adalarındakı şərtlərə daha yaxşı tab gətirmək üçün qısa, lakin çox qalın tüklü böyük, möhkəm pişiklər halına gəldilər. Rəssamların təsvirlərinə əsasən demək olar ki, modern british shorthair-lər məhz bu cinsin nümayəndələridir.

Tipin ən yaxşı nümunələrinin seçmə üsulu ilə yetişdirilməsi isə on doqquzuncu əsrdə "ingilis mavisi"* British blue və ya "ingilis tipi"* english type adlanan qeyri-adi mavi-boz variantının inkişaf etdirilməsi ilə başladı.

British Shorthair nisbətən güclü görünüşlü, böyük bir pişikdir. yuvarlaq pəncələri, qalın ayaqları və orta uzunluqda bir quyruğu var. Baş nisbətən böyük və yuvarlaqdır. balaca ağız, geniş yanaqlar və adətən mis narıncı göz rənginə görə seçilir. amma tüklərinin rənginə uyğun olaraq göz rəngi də dəyişə bilər.

british shorthair-in xarakteristik əlamətlərindən biri də onun tükləridir. çox sıx və qısa tüklərinin altında ikinci bir tük təbəqəsi yoxdur. buna görə də sığallayan zaman yumşaq və qabarıq yox, nisbətən cod hiss etdirrir və pişik hərəkət etdiyi zaman tüklərinin bəzi xətlərdə ayrıldığını görmək olur.

ən məşhur british blue olmasına baxmayaraq bu cinsin qara, ağ, gümüşü, qızılı, narıncı və başqa rənglərdə nümayəndələri var.

onlar asan yola gedən və ağırtəbiətlidir, bir çox başqa pişik cinsləri kimi aktiv və oynaq deyil. şirin xasiyyətli və sahiblərinə sadiqdirlər. Digər ev heyvanları və uşaqların ətrafında təhlükəsizdir. çünki ətraf təsirlərə qarşı kifayət qədər tolerantdırlar, lakin bir qayda olaraq ələ götürülməyi və ya qucaqda harasa aparılmağı sevmirlər. öz istədikləri zaman sığallanmağı isə çox sevirlər. amma buna baxmayaraq çox mehribandırlar və insanların ətrafında olmağa çalışırlar.

ingiltərə cins komitəsi* The UK breed committee , British Shorthair-i uzun ömürlü, 14-20 il ömür sürən bir pişik hesab edir. ingiltərədəki veterinar klinikalarının məlumatlarına əsasən ortalama 11.8 il ömrə sahibdirlər.

Hipertrofik kardiomiopatiya (HCM) bu cinsə xarakteristik olan əsas patologiyalardan biridir. Danimarkada 329 pişikdən çox yayılmış bir tədqiqat göstərir ki, erkəklərin 20,4%-i və dişilərin 2,1%-də HCM var.

cinsin əsas xəstəlikləri Kardiyomiyopatiya və Polikistik böyrək xəstəliyi-dir. Bununla birlikdə, pəhrizlərinə diqqət yetirilmədiyi təqdirdə obezliyə meylli ola bilrlər.

qurban verərdim

“Ötən günlərimi qaytaraydılar, gələn günlərimi qurban verərdim” misraları ilə azərbaycan dilində olan ən ikonik mahnılardan biri. akif islamzadənin ifasında məşhurlaşan Mahnının musiqisi elza ibrahimova, sözləri isə rəfiq zəkaya aiddir.

Mahnı sovet dövründə bir müddət qadağalara məruz qalmışdı. Bəzilərinə görə bu qadağaların səbəbi, mahnının o zamanlar burjua musiqisi hesab olunan tanqo ritmi əsasında bəstələnməsi idi. Digərləri isə bunu, mahnı sözlərinin siyasiləşdirilməsi ilə əlaqələndirir. Ötən günlər Azərbaycan xalq cümhuriyyətini, gələn günlər isə ssri və kommunizm rejimini ifadə edirmiş.

Çox güman ki, “qurban verərdim” siyasi məqsədlə yazılmamışdı. Amma bu sözlər və bu musiqinin vəhdətinə sadəcə sevgi mahnısı demək həqiqətən də haqsızlıq olardı.