yengə

hər bir adət ənənənin yaranma səbəbi var. yengə deyilən şeyin də əlbəttə. məsələn 100 il, 150 il qabaq evlənən gənclər(ki, o vaxt 14-15 yaşında evlənirdi qızlar) sənin mənim kimi, gündə porno saytlara baxıb nəyi necə eləmək lazım olduğunu bilmirdilər. şübhəsiz həmin vaxt bir məsləhət verən, yol göstərən lazım olurdu ki, ilk cinsi əlaqəni təmin edə bilsinlər. yəqin ki, yengə deyilən şəxsin yaranmasının səbəbi də məhz bu olub. ancaq indi vəziyyət başqa cürdü. istənilən gənc həyatında ən az bir dəfə də olsa sex, porno səhnəsini izləyib və internetdən, ordan-burdan nəyi necə eləmək lazım olduğunu bilir. ona görə indi artıq heç bir işə yaramayan şəxsdir. amma tarixi baxımdan lazımsız olmadığını düşünürəm.

silahla şəkil çəkdirmək

çox da qeyri-adi olmayan haldır.hamı əsgərlikdən xatirə kimi istəyir ki,silahla şəkili olsun. o ki qaldı #253701 saylı entrydəki həbs məsələsinə, çox da inandırıcı gəlmir(bəlkə də özü şahid olub,onu deyə bilmərəm).çünki mənim əsgərlikdən tanıdığım uşaqların əksəriyyətinin profilində silahla şəkilləri var. əgər silahın nömrəsi düşərsə(ki,bu nömrədən dünyada bir dənə olur.hər avtomatın nömrəsi unikaldır) onda cinayət işi düşə bilər. çünki hərbi sirri yaymış olursan. yoxsa belə hamı bilir ki, azərbaycan ordusunda kalaşnikov avtomatları işlədilir. televizorda da əlli dəfə göstərirlər gündə.

həsən ruhani

iranın yenidən seçilmiş köhnə prezidenti. fəaliyyəti dövründə ən böyük uğuru heç şübhəsiz qərb ilə(abş) münasibətlərin yumşaldılması olmuşdu. bu da ona olan dəstəyin əsas səbəbidir məncə. tələbələr,gənclər və digər mötədil qanaddan səs almasını bununla əlaqələndirmək olar. bu qruplar qərbə ən çox inteqrasiyanı dəstəkləyən qruplardır. digər tərəfdən kimin barmağının kimin harasına getdiyinin bəlli olmadığı yaxın şərqdə əsas iranın əsas mənafelərini üzərindən güzəştə getmədiyi üçün bir qisim radikallardan da səs aldığı ehtimal daxilindədir. nə qədər mötədil,reformist olsa da bəşər əsəd dəstəyi, suriyada hər hansı qərbyönümlü qüvvələrin hakimiyyətdə olmağına qarşı çıxma iranın illər boyunca apardığı strategiyanın bir parçasıdır. yəni ruhaninin bunu dəyişməsi çox qəliz məsələdir. amma ən azından yeni bir şansın verilməsi yaxşı oldu məncə. rəfsəncaninin eliyə bilmədiyi islahatları bəlkə qarşıdakı illərdə edə bilər.

sözaltı etiraf

uzun illərdən sonra bu gün utancaq olmağım səbəbilə özümə nifrət etdim, sözlük. insan bu qədər çəkingən, bu qədər utancaq, bu qədər özünə qapalı ola bilməz. ən kiçik səhvi belə eləməkdən qorxuram. sanki kimsə yanımda durub bir-bir sayır ki, bu səhvi elədin. hahahahaha. utanım yerinə zad. marşrutda arxadan gəlirəm qabağa düşməyə. qabağımda bir dənə xanım dayanıb. bəlkə bir on beş saniyə o tərəfə çəkildim, bu tərəfə çəkildim ki, görə mənim yolumu kəsdiyimi və yol verə. halbuki sadəcə demək lazımdı ki, xanım yol verin düşüm. onu belə deməyəcək qədər qapalı, çəkingən, utancaq olmaq nə deməkdi axı, ay oğraş. elə bil ki, kimnənsə nəsə istəyəndə qızılım töküləcək. qürurmu deyim, qapalılıqmı deyim. adın da tapa bilmirəm xasiyyətimin. lənətə gəlsin.

9 may qələbə günü

qələbə günüdür. yox bilmirəm 41 milyon insan ölüb, stalin də hitlerin tayıdı zad. bunların heç biri var olan həqiqəti dəyişmir. kişilər ölümün içindən keçib qalib gəliblər. fransa hitlerə qarşı demək olar ki, heç nə eləmədi. gələn kimi dövləti verdilər almanlara. amma sovet ordusu son ana qədər vuruşdu. durub deyə bilərsən ki, fransızlar daha qazanclı çıxdılar. düzdü. amma həqiqət yenə də dəyişmir. qələbə qələbədi. bir-iki dənə gənc liberalın özünü fərqli göstərməyi yersizdir. ən azından həm ölən, həm də yaşayan müharibə veteranlarına qarşı hörmətsizlikdi. mənim babam 1925-ci il təvəllüd ola-ola müharibə başlayanda cəbhəyə aparıblar. 17 yaşındaye, a kişi, 17 yaşında. dindirsən tarqovuda qlamur-qlamur fırlanan qaqaşlar heç əsgərlik nədir bilməyiblər. amma babam kimi yüzlərnən, minlərnən gənc ölümün gözünün içindən keçib gəliblər. indi durub desəm ki, düz eləməyiblər, gərək vuruşmayaydılar onlara hörmətsizlik olar ya yox? əlbəttə ki, olar. liberal olacam deyə hər şeyə bir pox qoymağa ehtiyac yoxdu.sən tarixin 70 illik bir astanasından hadisələrə baxıb obyektiv olmağa çalışa bilərsən. amma müharibə vaxtı elə şeylər girmir. müharibədə iştirak edənlər sənin kimi fikirləşmirdilər. bəlkə də heç almaniya haradı, niyə vuruşuruq kimi suallara da cavab tapa bilməzdilər. amma gerçək budur ki, kişilər döyüşüblər. qarşılarında baş əyib, əllərindən və gözlərindən öpmək lazımdı.

amor fati

nitşe fəlsəfəsində "amor fati" deyilən bir şey var. mənası təxminən həyatı sevmək, öz taleni, qədərini sevməkdir. yəni, həyatın, taleyin bütün çətinliklərinə baxmayaraq onu sevməkdir. bunu qədərə iman, taleyinə boyun əymək kimi başa düşmək olmaz. nitşeyə görə insan həyatda qarşısına çıxan maneələri iradəsi ilə dəf eləməlidir. ancaq, həmin maneələri bir dəfəlik silməməlidir. məsələn, hər səhər marşurutda basabas olursa əlinə al böyük bir dəmiri, qovla camaatı çıxar çölə. amma, niyə avtobusda bu qədər çox insan var, niyə belə olmamalıdı zad kimi axmaq-axmaq suallar vermə. bir insandan güclü olmaq istəyirsənsə get öldür onu, amma təbiətin verdiyi güclü-zəif münasibətlərini dəyişdirməyə çalışma. qısacası tənqid eləmə. inkar elə. tənqid bir şeyin var olma müddətini uzadır. qısası, həyatda qarşına çıxan maneələri sevməlisən. xristianlıq ona görə pisdi ki, həyatı olduğu kimi olmasına icazə vermir. halbuki sən həyatı olduğu kimi sevməlisən.bütün maneələri, çətinlikləri, əzabları və bütün bunlara qarşı apardığın mübarizə ilə birlikdə sevməlisən.