zəhlə tökən səslər

xorultu səsi, üstəlik qrip adamın xorultusu. ildə ayda bir dəfə qulaqcıqsız yola çıxdım. yol bitməz oldu.işgəncə çəkdim rəsmən. arxamda oturan adam fırtafırt ömrümü yedi. həyatdan soyudum. burun imkan vermirsə ağızla nəfəs alsana ay insafsız.

işıq sönməsi

uşaq vaxtı sevmədiyim hadisə olsa da indi işıq sönməsi huzur verir. işıq yanana qədər qaranlıq otaqda səssizlikdən zövq alıram. sönmüş işığın yanması da ayrı bir xoşbəxtlik mənbəyidir. eyni vaxtda elektriklə işləyən bütün əşyalar siqnal verən kimi ani olaraq adamın içindən də sevinc pıtırcıqlanır.

asosial olma səbəbləri

yorğunluq, bezginlik, tənbəllik. bu 3 bir-birindən doğan cəhət 1 insanda cəmləşirsə, məsələ asosiallıqdan yox olma təhlükəsinə qədər gedə bilər. bir gün ətrafına baxıb dost-tanış sayının azaldığını görərsən. ünsiyyət qurmaq çətin, yorucu olar. sırf danışmağa həvəs olmadığından evdə tək olsan belə qapıya, ev telefonuna gələn zənglərə cavab verməzsən. bir zamanlar gündəlik həyatının bir hissəsi olan adamları görməzdən gəlmək səyləridi asosiallıq. bilərəkdən yalnızlığa sürüklənməkdi.

güldürən dialoqlar

stəkanları yuyandan sonra mamaya deyirəm :
-mama, istədim sən qoyduğun qabı da yuyum, amma çox yağlı idi yuyası olmadım.
-cəhd eləməyin, ürəyindən keçirməyin belə böyük şeydi.
canım yaa. nə mal olduğumu bilir. -*

təqaüd

səhər işə getməyə hazırlaşanda atamın otağına girdim. bir də görürəm yerinin içində yorğana bürünüb elə şirin-şirin televizora baxır ki, məktəb tətillərində səhər tezdən cizgi filmlərinə baxmağım yadıma düşdü. dedim vay be insan təqaüdə çıxanda da oxşar rahatlığı tapa bilərmiş. -*

dilənçi

bu gün səhərin gözü açılmamış kimsə qapını əl çəkmədən döyürdü. söyə-söyə açdım gördüm dilənçi. dilənçilərin qapıya gələn versiyaları da lap zəhlətökən olur. iş-işdən keçdiyinə görə cibimi qurdalıyıb 20 qəpik verdim qaşqabaqla. qapını örtəndən sonra gördüm axırıncı qəpiyim imiş. mənim də boşuna pulum çıxanda canım çıxır.işə neçə astanovka piyada gedirəm ki, avtobusa pulum çıxmasın. bumeranq effektidirmi hər nədirsə neçə gündür quruyan işimdən 1 az pul gəldi. bəlkə də heç dəxli yoxdu.

osseointeqrasiya

osseointeqrasiyanın uğurlu alınması üçün bəzi faktorlar nəzərə alınmalıdır.bunlara endogen, ekzogen faktorlar, yaş, ümumi sağlamlıq, infeksiya, sümüyün keyfiyyəti və miqdarı daxildir. osteoparoz, raxit kimi sümük xəstəlikləri osseointeqrasiyanın zəifləməsinə səbəb olur. diabetli xəstələrdə yara gec sağaldığına görə infeksiya riski var.böyrək xəstəlikləri zamanı kalsium itirildiyinə görə də osseointeqrasiya zəifləyir. siqaretin tərkibində olan nikotin sümüyün keyfiyyətinə təsir edir və rezorbsiyaya səbəb olur.tərkibində kalsium və fosfor olan qidalar qəbul olunması prosesin sürətlənməsinə kömək edir.

üst qonşudaki dava

üst yox yan qonşularımız var. vahabilərdir. 10 ildən çoxdur 1 binada yaşayırıq hələ evlərində neçə nəfər var dəqiq bilmirəm. pəncərələrini içəridən mıxlıyıblar deyəsən, heç açıq görməmişəm. nəysə ki hər gün otağımda pulsuz konsertə qulaq asmaq məcburiyyətindəyəm. çöldə qara çadranın altından ancaq gözlərini gördüyüm xalanın canında nələr var imiş. son günlərdə də qızlarını kimləsə məcbur evləndirirlər deyəsən. ailə faciəsi, melodram, gerilim.imdb 7.7/10. qonşu sarıdan da heç bəxtim gətirmədi.

insanın içindəki dərin boşluq

təkcə adamın içində qalsa bu qədər əzab verməzdi bəlkə də. içdə qalmaqla kifayətlənmir, adamı bütünlüklə əhatə edir. bir saat mal-mal ekrana baxıb, nə biçim şey olduğu haqda heç nə yaza bilməməkdir bu boşluq. bu qədər vaxtdan sonra gəlib yazdığım şeyə bax, sözlük.

21-ci əsrin standart yaşam tərzi

pulun tanrı olduğu bir yaşam tərzidi. lənətə gəlmiş pulun.

robin williams

uşaq vaxtı ən sevdiyim filmi missis doubtfire idi. hər rastıma çıxanda eyni həvəslə baxırdım, indi də görəndə nostalji oluram. köhnə evimiz, köhnə televizorumuz yadıma düşür. adamın üzündən mehribanlıq yağır .nə vaxtsa görsəm qucaqlamaq istədiyim aktyordu. -*

ferzan özpetek

(baxma: allacciate le cinture) filmindən tanıdığım rejissor. (baxma: məsləhət ediləsi filmlər)
#125617

güldürən dialoqlar

1 tanış qız var mesaj yazıb guya:
-tenzey, 2 il əvvəl paylaşdığın filan şəkilləri si*ə bilərsən?
-yox, bilmərəm. mümkün deyil. * :d
"k"- dan, "l" -dan ehtiyyatlı olun, arxadaşlar.

verilməsi istənilməyən adamı əsəbiləşdirən suallar

universiteti bitirəndən sonra acı bağırsaq kimi uzanan işləməklə bağlı suallardı. ilahi bu bir ildə bu sualdan necə də iyrənmişəm. düz-əməlli bir işim olmadığından hər dəfə vəziyyəti açıqlamaq məcburiyyətində qalıram. keçmiş tanışları görəndə rahatlığım pozulur. bu zillət bitsəydi. fak de sistım.

yazarların icad etdiyi yeməklər

zeytun yağında bişmiş qiymənin üstünə acı və şirin bibəri doğruyub tökürsüz, sonra da göbələyi, pomidoru nazik- nazik doğruyursuz. pomidorun suyu çəkilib qatılaşanda da holland pendirini sürtgəcdən keçirin. elə bil ki pizzanın xəmirinin üstündəkilərdi təkcə, pizzanın bir üst modeli də demək olar. * :d mən bunu bişirib yeyəndə özümü xoşbəxt hiss edirəm. siz də edin. -*