aynaband

sirr qrupunun alt qrupu kimi yuxu qrupunun yaradıcısı və bas gitaristi ibrahim eminin təşəbbüsü ilə qrupun gitaristi elçin əhmədov tərəfindən 2018-ci ildə "aynaband" qrupu quruldu. qrup hal-hazırda elçin əhmədov (lead guitarist) , aslan nuri (vokalist, gitarist) , tərlan nuri (drummer) və eltən axundzadədən (bas gitarist) ibarətdir. ilk albom "ustad"ın dünən, 17 sentyabr 2021-də flora hostel-də kifayət qədər gözəl bir təqdimatı baş tutdu. albomun aranjemançısı fuad məmmədovdur. albom ibrahim eminə həsr olunub və 7 mahnıdan ibarətdir:
1. nağıl (04:30)
2. zaman (04:48)
3. ustad (03:10)
4. insan (03:37)
5. sağaldımı yarası (04:08)
6. dəli xəzər (04:48)
7. evolution (07:13)

limitli sayda olan albomun imzalanması və satışı elə girişi də limitli sayda olan təqdimatın keçirildiyi flora hostel-də, elə təqdimatdan sonra oldu. konsertə 1 saat qalmış artıq bütün yerlər dolu idi və çox dinləyici içəri girə bilmədi bu səbəbdən. albomların fiziki satışı da yalnız dünən oldu və beləliklə, albomun fiziki satışı ordaca bitdi. yəqin ki yaxın zamanda musiqi platformalarına yerləşdirərlər.
qrupun ilk klipinin də təqdimatı baş tutdu, belə ki klip "sağaldımı yarası" mahnısına çəkilib. çəkilişlər flora hostel-də olub və bu klip cəmi 2 gün ərzində hazırlanıb. 2 gün ərzində hazırlana biləcək ən yaxşı bir iş ərsəyə gətiriblər.
canlı performansa isə söz ola bilməzdi, həm bacarıqları, həm enerjiləri çox gözəl idi. mənim albomdan favori parçalarım "dəli xəzər" və "zaman" oldu ki, canlı performansını həqiqətən şaha qaldırdılar.
indiyə kimi bir çox saytlarda və proqramlarda müsahibələri var, linkini buraya yerləşdirəcəm. amma bunu bilirəm ki, dəstək olarsaq əgər, böyük işlər ərsəyə gətirəcək yaxşı və gələcək vəd edən bir qrupdur. dinləyin və dinlətdirin.
link 1
link 2
link 3

(youtube: )

əziz əzizov

suraxanı icra başçısı. şəhidin ad günündə üzərində şəhidin şəkli olan tort bişirtdirib, şəhid anasının qarşısına qoyub, əlinə də bıçağı verib ki, al üstündə oğlunun şəkli olan tortu kəs. bu qədərini də nə bilim... gözləmirdim desəm, olmayacaq, çünki bu vəzifəlilərin beyinsiz olduğuna o qədər əminəm ki. gözləyirdim desəm də olmayacaq, bunun ətrafında heçmi yol göstərəni olmayıb deyə düşünür adam. dəhşətli mənzərədir, həqiqətən. bu söz doğru imiş ki, bir məmurun övladı şəhid olmayana qədər müharibələr davam edəcək.

.

türkiyədə yanğının fonunda şəkil çəkdirən fhn işçiləri

çox pis görüntü olsa da, gülləboran altında siqaret çəkdiyi yerdə video çəkdirib, fona rus mahnıları qoyub, yenə müharibə gedən ərəfələrdə bu videonu tiktokda, instagramda paylaşan da həmin əsgərlərdi. ona görə məncə azərbaycanlılar üçün elə də qəribsənəcək bir durum deyil bu. canla - başla kömək etsələr də, özlərini mütləq nümayiş etməlidirlər. #333410 nömrəli entry-dəki linkdə bir azərbaycanlının yazdığı şərh çox yerinə düşüb : "siz bizim hatıra fetişimizi hafife almışsınız"

qeyd: bir daha xatırlatmaq istəyirəm, etik deyil, xoş qarşılamıram amma nə etmək olar?

pegasus

israil tərəfindən hazırlanan pegasus adlı casus proqramı iphone və android cihazlarına yoluxur və operatorlara mesajlar, fotoşəkillər, e-mail-lər çıxarmaq, zəngləri qeyd etmək və mikrofonu gizlicə aktivləşdirmək imkanı verir. bu proqramın satın alındığı bəzi avtoritar dövlətlər tərəfindən aktivistlər, jurnalistlər, siyasətçilər və iş adamları olmaqla çox sayda insanı izləmək üçün istifadə olunduğu bildirilir. əlbəttə ki , bir çoxunuzun təxmin elədiyi kimi belə bir proqrama milyonlar xərcləyib satın alan həmin "bəzi avtoritar dövlətlər" içərisində azərbaycan da sözsüz ki , var. bu proqram və dövlətlər barəsindəki xəbəri bazar günü "guardian" , "Washington post" kimi dünya miqyaslı qəzetlər dərc edib.
azərbaycanda da 1000 nəfərdən artıq şəxsin izlənildiyi bildirilir. deyilənə görə tam siyahı yayımlansa da, tez bir zamanda silinib. hal- hazırda sosial mediyada isə bəzi jurnalist və aktivistlərin adları var. onlar aşağıdakılardır:
xədicə ismayılova - jurnalist
sevinc vaqifqızı - jurnalist (meydan tv)
fatimə mövlamlı - aktivist , jurnalist
ilkin rüstəmzadə - aktivist (onun həyat yoldaşı da həmin siyahıdadır)
azadliq.info qəzetinin 9 jurnalisti
bahaddin həziyev - redaktor (bizim yol)
elxan şükürlü - baş redaktor (strateq.az)
avaz zeynallı - baş redaktor (xural)
anar orucov - kanal 13-ün təsisatçısı
əziz orucov - kanal 13-ün direktoru
rauf arifoğlu - baş redaktor (müsavat qəzeti)
mehman hüseynov - jurnalist , aktivist
bayram məmmədov - "heykəl məhbusu" , aktivist ( 4 may 2021-də istanbul , kadıköy-də öldürüldü) (atası da bu siyahıdadır)
qiyas ibrahimli - "heykəl məhbusu" , aktivist (anası da bu siyahıdadır)
2019-cu ildə jurnalistlərə və siyasi məhbuslara azadlıq şüarları ilə küçə yürüşlərinə qatılan 40-dan çox fəal da bu siyahıdadır.

bu gün başqa bir neçə ölkə ilə yanaşı türkiyə ilə bağlı da belə bir xəbər çıxacaq.

4 iyul 2021 xəzər dənizində partlayış

FHN, SOCAR mediada yayılan neft platformalarındakı partlayış xəbərlərini təkzib edib.

ASCO (Xəzər Dəniz Gəmiçilik) sosial şəbəkələrdə yayılan tankerin partlaması xəbərini təkzib edib.

qurumların əksəriyyəti məsələni vulkan püskürməsi ilə izah etsələr də, amea həmin ərazidə vulkan olmadığını vurğulayır. ümumiyyətlə hadisə baş verdiyi andan etibarən hələ də hadisənin dəqiq olaraq harada baş verdiyi rəsmilərə də məlum deyil.
bütün bunları oxuduqca adamı gülmək tutur. bir yanğın baş verdi və hər kəs vulkanla əlaqələndirdi, amea isə həmin ərazidə vulkan olmadığını deməklə bütün bunları təkzib etdi. türkiyə xəbər kanallarında artıq məsələ ilə bağlı putini günahlandırırdılar -*

türkiyədə gecə 12-dən sonra musiqi qadağası

erdoğanın pandemiya ilə bağlı yeni qərarı. insanı dəli edəcək cinsdən. 1 iyuldan etibarən türkiyədə karantin rejimi tamamilə ləğv edilir, amma və lakin... gecə 12-dən sonra musiqi, konsert fəaliyyəti qadağandır. bir insan ki içində musiqiyə, elmə, teatra, incəsənətə, təbiətə, canlılara sevgi, hörmət olmasın. həqiqətən "şaka gibi".
bu barədə açıqlamanı isə eyniylə bu sözlərlə dilə gətirmişdir:
"1 Temmuz itibariyle sokağa çıkma kısıtlamalarını tümüyle kaldırıyoruz. Müzikle ilgili sınırlamayı 24.00'e çekiyoruz. Gece, kusura bakmasınlar çünkü kimsenin kimseyi rahatsız etme hakkı yok"
başa düşmədiyim budur ki, bu insan nəyinə güvənib bu qədər saçmalığa əl ata bilir? heçmi düşünmür 2023-ü? bir tərəfdən də düşünürəm, görəsən ilham qardaşı ona öyrədib seçki ilə bağlı bug'ları, ona görə qorxmur, arxayındı ki bu işləri belə görür? axı bir kreslo sevdalısı üçün seçim uduzmaq ən qorxulu yuxu olmalıdır? hər ağzını açanda ayağına sıxır.

real tv

təxmini 1 saat öncə "azvision" adlı verilişdə paşinyanın adının altına "ermənistanın boş naziri" , serj sarkisyanın adının altına da " paşinyanın əlavə başağrısı" yazaraq özünü zor, ultra vətənpərvər hesab edən səviyyəsiz jurnalistika nümunəsi olan kanal. bu ölkədə heç bir şey normal, olması gərəkən kimi dozasında olmur da. heç olmasa jurnalist kimliyinizə dönün bir baxın, sonra mən kiməm, nə etməliyəm deyə bir düşünün, sonra efirə elə boş-boş şeylər çıxarıb milləti ələ salmayın. özü də yemək yeyirdim o an, həyatdan soyudum e. sizi biyabır olasınız, məcbur edirsiniz ki, tüpürüb ölkəyə gedəsən, ölkə ilə bütün bağlarını qoparasan ki belə səviyyəsizliklərə tab gətirmək məcburiyyətində qalmayasan.

lider tv

son sözü kanalın səs rejissoru vüqar vəliyev almışdı ki, yarıda kəsildi yayın. bağlanışı heç belə gözləmirdim. son 40 dəqiqəsini izlədim liderin uzuuun zaman sonra. üzüldüm, səbəbi də uşaqlıq xatirələrim. zəif bənd, milyonçu, solo, oyna dostum... bəli, bəli, rəhim rəhimlinin aparıcılıq etdiyi 'oyna dostum' verilişi. çox lağ etsəm də baxırdım o vaxt, əylənirdik özümüz üçün. yəni bu kimi verilişlər. hələ serialları demirəm. klon, zara. yadıma gələn bunlardır hələ. bir dönəm həqiqi lider olan, amma sonra o da sağ yuxarı küncdə böyük bir azərbaycan bayrağı yerləşdirib, əməlli başlı çevrilən, qul rejiminin köpəyi olub tamamən məzmununu itirən digər kanalların ən pis örnəyi oldu. lider tv-nin lider vaxtlarını indiki tv8 ilə müqayisə etmək olar məncə. heyif.. sadəcə uşaqlıq xatirələrimə heyfim gəlir, üzülürəm, çünki son 2 ildə hamısı kütləvi şəkildə ard-arda itir gedir..
r.i.p lider tv