türkiyə universitetlərinə qəbul

Türkiyə universitetlərinə magistr üzrə qəbul haqqında danışacam. Öncəliklə türkiyədə oxumaq istəyirsizsə ixtisasınızı oradan hansı səviyyədə inkişaf etdiyinə diqqət etməyiniz lazımdı. Sonra isə magistranturanı tezlimi ya tezsizmi oxuyacaqsız onu qərarlaşdırmalısız. Tezli magistrantura 2 ildir və bitirdikdən sonra doktoranturaya vermək mümkündür. Tezsiz 1.5 ildir əsasən praktika yönümlüdür və bitirdikdən sonra doktoranturaya vermək qeyri-mümkündür. Diplomda tezli-tezsiz yazılmır lakin türkiyə təhsil sistemində o qeyd olunur. Deyək ki artıq hansı formatda oxuyacağınızı da seçdiniz geriyə qəbul şərtləri qaldı. Türkiyədə siz özəl və ya dövlət universitetlərində oxuya bilərsiz. Magistr özəllərdə çox bahadır, hələ ixtisasınız tibbi yönümlü gedirsə bahanın bahasıdır. Amma dövlətdə qiymətlər çox yaxşıdır. Mən dövlət üzrə təhsil almağı seçdim. Nəticədə ən böyük maneə ales və yds ballarımın olmamağı idi. Amma özəllərdə ales və yds tələbi yoxdur. Eyni zamanda dövlətlərdə tezsiz təhsildə də ales və yds tələbi olmur. Ales akademik lisansüstü eğitim sınavıdır. 100 sualdan ibarətdir ,50 türkçə 50 matematik sualı var. Ballar 3 hissəyə bölünərək verilir. Sözel, sayısal və eşit ağırlık. Əgər tibb ,kimya,iqtisadiyyat kimi bölmələrdə təhsil alırsızsa sayısalçısız. Əgər humanitar sahədirsə sözəlçi, əgər mənim kimi şansız olaraq sosial və tibbi ixtisas ikisi biryerdə gedirsə eşit ağırlıkdan bal almağınız lazımdır.
Sayılsanda bal hesablanması matematik üzrə çox doğrular gəlməlidir. 0.75 bal 1 düzdən verirdilər əvvəllər. Sözəlçilər üçündə əsas bal hesablanması türkçədən gəlir 0.75 oradan verilir. Deyək ki siz ancaq matematik çox yazdınız türkçə az bal 0.75 ilə sayısala, 0.25 ilə türkçəyə gəlir. Eşit ağırlık isə 0.50 ilə hər ikisi amma guya. Guya deyirəm çünki 2020-ci ildən bəri puan sapması yəni hesablama məsələləri kənara çıxmalarla özünü göstərir. Çünki ösym hər il alesin formatını biraz daha dəyişir və anormallaşdırır. Mən alesə girdiyimdə matematik su kimi türkçə isə mübahisəli cavablarla dolu idi. Balım türkçəyə görə gözlədiyimdən aşağı gəldi amma ösym imtahan günü sualları və cavabları yayımladığında cavablarım əzbərimdə olduğuna görə indi topladığım baldan 9 baı daha yuxarı gəlməli idi. Və bu tək məndə yox bütün alesə girən hərkəsdə oldu. Ballar gözləniləndən çox aşağı gəldi. Nəysə , Aleslə bağlı ayrıca entyr yazacam.

Bir digər imtahan şərtləri olan yds və ya yökdil isə 80 sualdan ibarət olan səhv düzü aparmayan amma düzləri çox aşağı balla qiymətləndirən ingilis dili imtahanıdır. Yəbi siz bu imtahanda 60+ yazsanız balınız 50-60 arasında gəlir. Bir digər qəribə olan isə imtahan suallarıdır. Yökdil sosial, sözel və tıp bölümü olaraq bölünür. Rahat olan cəhəti girəcəyiniz bölməyə görə məqalələr oxuya bilərsiz sözləri əzbərləyə bilərsiz. Yds isə yökdildən daha çətindir. Çünki yds bütün sahələri özündə birləşdirir və əsla bilinən sözlərdən istifadə etmir. Gedir ancaq sinonimlərini istifadə edir. Paraqraf hissəsi isə başqa bir dərddi. Əgər ingilis diliniz çox zəifdirsə bu imtahan sizi çox yoracaq.
3cü gələn imtahan isə tys imtahanıdır. Türkçe yeterlilik sınavı olaraq bilinir və hər il müxtəlif universitetlər tərəfijdən təşkil olunur. Bu imtahana hər kefiniz istəyən universitetdə vermək sizə sərf etməyəcək. Çünki universitetlər digər universitetlərin tys imtahanını qəbul etmir. Yalnız yunus emre tərəfindən keçirilən tys imtahanı qəbul edilir. Tys imtahanı ieltsin türkçələşmiş variantıdır. Okuma dinleme yazma və konuşma olaraq 4 mərhələyə bölünür. Yunus emre bu il c2 səviyyəsini ləğv etdiyinə görə puanlarla bölgülərdə bu il cüzi olaraq dəyişdi. Əvvəllər 71-81 c1 idisə indi 60larda birşeylərə c1 verilib. işin sinir edən tərəfi 71 yığanda 90 yığanda c1 alır və universitetlər bala yox hərflərə baxır. Fərqiniz olmur deyək heçbir c1lərlə. B2 səviyyəsi qəbul edən çox az universitet olduğuna görə c1 səviyyə almaq lazımdır. Çətin deyil lakin çox asan da deyil. Əşi türkçədidə nə olacaq ki? Deyənlər çox oldu və bugün o kafayla imtahana girənlər b2lərə güclə çatdılar. imtahan okumada və dinləmədə məntiq üzərinə durur. Alesin türkçə paragraflarını arındırmayacaq şəkildədir. Yazma işin ən əziyyətli olan hissəsidir. 20 dəqiqəyə 25 dəqiqəyə müəyyön sayda sözlər yazmaq lazımdı. Və da də ilə kimi bağlayıcılar söz kimi sayılmır. Dənə dənə sözlər hesablanmır 1 cümlə seçilir o cümlə içərisindəki sözlər sayılır sonra absazlara görə hesablanır. iri iri yazmaq işinizə heç vaxt gəlməyəcək, boş yazmaq da gəlməyəcək. Yazma da məntiqi əlaqələr qurulmalıdı, sözlər düz yazılmalıdı, giriş gelişme sonuc mütləq qeyd edilməlidi. Eyni zamanda yazma 2 hissəyə ayrılır. Əməli yazı nümunələri və inşa olaraq. Çətin deyil amma kiçik nüasnlar çoxdur deyə 1 səhv vəya unutqanlıq sizdən bal silə bilər. Konuşma isə mənə görə ən rahatı idi çünki tam bal aldım . Təbii ki konuşmadan bal almaq o qədər asan gəlməsin. Otağa girdiyiniz andan etibarən bütün sözlər türkçə düzgün deyilməlidir. Mıkkıldayaraq danışmaq, ıı ,şey demək, nitqi yavaş ifadə etmək, siyasi dini mövzularda dikbaşlıq etmək balınızın kəsilməsi üçün əla səbəb olacaq. Konuşma konularıda asan orta çətin olur. Bəxtinizə hansı düşərsədi. Konuşma da ikicürdü, karşılıklı və sərbəst. Karşılıklı biraz rahat olur amma sərbəstdə 8 dəqiqə birşey haqqında danışmaq çox bezdirir adamı.
indi bütün imtahanları verdiniz və artıq sənəd qəbulu gəlirsə bilin ki bu imtahanlardan aldığınız balların tys xaric 50%i nəzərə alınacaq digər hissələr isə ortalamanız, mülakat və bilim sınavıdı. Ortalamanızı 75+ olması lazımdı. Mülakatda keçərli not tam almağınız sizin şansınızı qaldırır. Bilim sınavı isə dəhşəti vəhşət olan hissəsidir.

azərsun sənaye parkı

Ölkədə nə qədər axmaq insanların olduğunu sənayə parkında başlayan yanğınla bilmiş olduq. Haram yediklərinin indi cəzasıdı deyə yazanlar kim, əcəb oldu qiyməti qaldıranda nə düşünürdülər deyənlər kim. insanların çox az qismi adam kimi düşünür ,anlayır ki, orada çalışan yüzlərlə insan üçün işlərini itirmə riski çoxalıb, yanğın söndürənlər o cəhənnəm mühitdə canlarını riskə atıb yanğın söndürməyə çalışır. Amma bunları unudub dayanmadan haramçılıqdan, tanrının qəzəbinə tuş gəldiklərinə görə cəzalandıqlarından danışırlar.Hansı cəzadan danışırsız siz? Tək oranın sahibləri cəzalandı? Yox. Bu qədər hərşeyi dramatizə edib dinə bağlayanları həqiqətən başa düşmürəm. Orada işləyən insanların günahı nə idi? Orta əmək haqqı ilə ailəsini dolandırıb sabah yağla bərabər yağ tərkibli onlarca məhsulun qiymətinin qalxmasına görə daha çox çətinlik çəkəcəklərin bəs günahı nədi? Bugün ox olsun deyənlər sabah yağ və yağ tərkibli məhsul reyonların qarşısında ağlaşma qurub yenə bilmiş-bilmiş danışacaq.
Əlavə olaraq isə palma yağını da bəhanə gətirənləri də anlamıram. Kişinin oğlu eləbil bütün ömrü boyu nehrə yağı yeyibdi. Hərkəs çox yaxşı bilir ki bugün bütün şkoladlar, şirniyyatlar palma yağındandı. Sabah uşağın marketdə ata-ana bu şirniyyatı al da mənə dediyində tək yağın yox o şirniyyatlarında qiyməti qalxmış olacağını unutmamalıyıq. Olmuşa çarə yoxdur təbii ki, amma tək tərəfdən düşünməkdə heçkimə lazım deyil.

həyatdan soyudan cümlələr

1.O boyda xərc çəkirik sənə amma bizə bir qram faydan yoxdu.
2. Tüpürüm sənin kimi övlada.
3. Çox düzəməllisən bir də flanşeyidə elə.
4. Az danış
5. Mənə maraqlı deyilsən.
6. Səsin başıma düşür açıl başımdan.
7. Ay yazıq, mən olmasam səni adam yerinə qoymazdılar.
8. Sən boyda qızı olan ana görməlidi ev işi?
9. Əcəb edirəm yerə tökürəm ,ev mənimdi sən mənim evimdə yaşayırsan.
10. Kitab oxumaqla adam olacaqsan?
11. Özün çox düzəməllisən guya padruqalarında düzəməlli olacaq.
12. Boyuva /üzüvə yaraşır elə.
13. Ağlın başqa yerdədi.
14. Mən çox gözəl bilirəm sən nə edirsən.
15. Bıçağı soxaram qarnına görərsən.
16. Kimlə cükküləşirsən sən?
17. Gecəylə gəlib yatdığın yerdə yortaram səni.
18. Səndə sənin müəllimlərində qələt edir.
19. Özüm bilərəm.
20. Kim səni neynəsin?
21. Qapıvı kilitləyərəm, qoymaram gedəsən.
22. itin zülmüylə qazandığım pulu başqalarının cibinə ver.
23. Tüpürüm sənin savadına.
24. Haramın olsun .
25. Guya xoşbəxt olacaqsan?
26. Çatmışdı hər yarağın qalmışdı saqqal darağın.
27. Sənöl sənin meydini sərərəm.
28. Artist
29. Artistlik eləmə
30. Qoyasan elə artistlik edə
31. itil gözümdən.
32. Sənin üzündən evimə dava düşür.
33. Şərçağı gözüvün zibilini axıtma
34. Zirzibilivi sox gözüvə
35. Qurban olasan atava
36. Fso! Qurtardı day sənin flan istəyin
37. Atamın ölmüşünə and olsun qoymaram flan şeyi edəsən
38. Sənin həystın yoxdu, səni mən doğmuşam mən bilərəm.
39. 2 ildi hazırlaşırsan ortaya çıxardığın yoxdu
40. Sən doğulangünə daş düşəydi
41. Pomadavı niyə silmirsən? Sil gəl bura baxacam.
42. Həftə 8 mən 9 nə çimməkdi bu?
43. Kimə göstərirsən özüvü?
44. Cəhənnəmə xəstələn
45. Rasxodsan başdan ayağa
46. Yığışdır bunu, bunu da yığ, bunu da, onu da yığ, yığışdır dedim sənə , tez ol
47. Kimsən e vapşe sən?
48. Xeyrindən çox ziyanın var
49. Zəlil qalasan
50. Duxun var elə və s.

internet psixoloqları

Psixologiya ixtisasına girən kimi hələ adicə psixi hal-xassə-prosesi fərqləndirməyi bilməyib amma sosial şəbəkələrdə özünü psixoloq olaraq qələmə verib, internetdə hərkəsin psixoloji məlumat və ya test deyə axtarışa verib rahatlıqla tapacağı habelə psixologiya ixtisasında oxumağa başladığı an beyninə aydınlıq gəlib psixoloq olduğunu zənn edərək sosial medyadakı suallara "məsləhət" verib bir neçə müddət sonra səhifəsini ya bağlayıb ya da fəaliyyətini dəyişən tələbə topluluğudur mənə görə.
Özümü tərifləmək kimi olmasın 4 ildir ki tənbəlliyimdən heç belə boş şeylərə girişib sonradan müəllimlərin, digər ixtisasçıların dilinə düşməmişəm.

3 aprel 2022 bakının mərkəzində partlayış

Səhərdən bəri dəhşətə gəlirəm. Ayrı vaxtı humanist olanlar, müsəlmançılıq humanistlik tələb edir, ar olsun qatillərə deyənlər bugün durur deyirki əcəb oldu onlara. Hansı dünyagörüşüdü bu? Qaz sızması günah işləyənlərin olduğu yerdə olursa o zaman dəfələrlə bina evlərində qaz sızmadan partlayışlar olubdu orda qalan hamısı günah işləyənlər idi? Savabıda günahıda tanrı və insan arasındadı, kiminsə həyatını, əyləncəsini, pis vəya yaxşı gününü heçkim bu şəkildə müzakirə etməməlidi. Necə qıt düşüncəli ola bir insan ki, yaralı insanları ,ölənləri görüb mən ramazan ayında ağıllı durururam deyə mənə heçnə olmadı onlar gedib günah işlədi deyə oldu deyər axı?
Sənə nə axı o adamlardan?Əyləncəsindən, sevincindən sənə nə? Lap ən böyük günahı işləsələr belə sənə nə?! durub onlara qarşı əcəb oldu demək şərəfsizlikdi, bunun başqa adı yoxdu!
Biri rəydə yazıb ki kül orda qızların ailəsinin başına. Kül olan bunun öz başıdı amma bədbəxtin heç özündən xəbəri yoxdu, insanlığını ,adamlığını itirib durur camaata söz deyir. Nədir axı bu? Gecə səhər fərq etmir, insandır e ordakılar ,insan!
Mənim gözümdə yaralanan,ölənlərə qarşı iyrənc düşüncədə olanlar iblis olub mələk görünməyə çalışanlardı. Heç bir yaxşı adam, durub kiminsə başına gələn bədbəxt hadisəyə etiketlər yapışdırmaz, həzz almaz . Nə bilirsən deyən ola sənin sonun harda necə olacaq? Nəyə arxayınsan, nəyə güvənirsən?
Orada olanlar neçə yaşında ,saat neçədə olur olsun, heçkim ocür şeyləri yaşamağa laiq deyildi. başlarına gələn hadisəyə isə Ramazan ayında gedib orda oldular deyə demək də absurddu. Nə qədər şərəfsizlikləri 11 ay edib son 1 ayda dinə imana gələnlər indi durur günahdan, savabdan dən vurur. Əyləncə anlayışı hərkəsdə fərqli şəkildə ola bilər, əgər sənin əyləncə anlayışına bu uymursa sakit durmağı yoxlamağın lazımdı. Amma yox, hərkəs özünü önəmli,fikirləri və rəyləri çox dəyərli olacaq şəxsiyyət gördüyü üçün mütləq ağızlarına gələni də deməlidi. O rəyləri o adamlar onsuzda oxumayacaq, tanışları da bekar durduqda baxarlar, siz rəydə like gəlsin, dm'dən kimsə çox haqlısız yazılsın deyə yazdığınız ortadadı. boş yerə adamı millətindən iyrəndirməyin. Heçkim 5 dəqiqə sonra nə baş verəcək bilmir, kimlərisə qınamazdan, təhqir etməzdən öncə özünüzün nə dərəcədə yaxşı adam olduğunuzu düşünün. Həyat bumerangdı və bugün qınadığınız, əcəb oldu dediyiniz nə varsa birgün sizin özünüzə geri dönəcəyini unutmayın.

qızlardan qızlara tövsiyələr

Bu tövsiyyəm daha çox sevgi münasibəti ilə bağlı olacaq. Tövsiyyərimi sıralayıb nümunələrlə izah edəcəm.

1. Münasibət tərəzidir, siz sağ hissə ,qarşı tərəf sol hissədir. Tarazlıqda qalmadıqca o münasibətdə tez bitəcək.

Son zamanlar həmcinslərimlə danışarkən özəlliklə yeni sevgi münasibətinə addım atanlarla eyni tip yanaşmalar görürəm. "Oğlan mütləq ideal olmalıdı, məndə qüsur olsa da olar, mən qadınam mən mükəmmələm oğlanlar tupoydu." Tip ən bəsit nümunədi.
inanıram ki hər qızın həyatında ya özü belədir ya da belə olan yaxın rəfiqəsi var.
2 yaxın rəfiqəm var ,aralarından birisi anadan gəlmə feministdir. ilk danışmağa başlayanda Aququ yerinə mən qadınam ,mükəmmələm dediyinə inanıram məsələn. Digər yaxın rəfiqəm isə çox həssasdı, kövrəkdi. Və bu kövrək olan yaxın rəfiqəm yeni biri ilə danışmağa başlayır,ciddi münasibət üçün. Özünün deyimiylə çiynində olan mələk və şeytan deyə bölünmüşük. Çünki münasibəti hal-hazırda olmayan ,olduğu zamanda problemlər yaşayıb uzun müddətli münasibət yaşamayan rəfiqəm "oğlanlar gerizekalıdı, biz qadın olaraq ağıllıyıq ,dahiyik; 2 xoş söz 1 şillə cavablar ver ; səmimi olma və s. Bu tip şeylər deyib beynini yeyir. Əslində özünündə münasibətlərindəki problem budur. Rəfiqəmi çox sevirəm, çünki daxilən bilirəm necədir, amma bəzən mən belə illalah edirəm bu xüsusiyyətlərindən və nə üçün münasibətində hər zaman problem yaşayır bilirəm. Çünki problem hər daim konkretdir.
Baxın, əziz xanımlar, bəli siz möcüzəvi varlıqsız, gözəlsiz, özəlsiz amma eyni şey oğlanlar üçündə keçərlidi. Siz qızıldan deyilsiz, qızıldan daha dəyərlisiz, amma oğlanlarda belədi. Unutmayın ki, münasibətlər ego yarışı deyil, qalib olsanız belə əslində məğlubsunuz bu yarışda. Bunu bir növ tərəzidə düşünün. Hansı tərəfin ağır olması əsas deyil, hər iki tərəf bərabər olmalıdır ki, tarazlıq olsun. Özünüzə verdiyiniz dəyəri qarşınızdakına da verin.

2. "Kim birinci" yarışı oynamayın.
Eyni rəfiqəm digər rəfiqəmə o yazmadıqca yazma, qoy o birinci yazsın tərzində təzyiqlər edir. Bunu şəxsən mən düzgün hesab etmirəm. Birinci yazmaq qadın üçün ayıb deyil, bu tabularınızı yıxın. Birinci yazmaq sizi cepte etməz, qarşınızdakına verdiyiniz dəyəri göstərər. Sevirsinizsə və qarşılıqlı olduğunu düşünürsənizsə onun ilk deməsini gözləməyin. Sevgidə cəsarətlilər qazanır, ilk siz deyin onsuzda qəlblər bir olduqdan sonra kimin birinci dediyinin önəmi olmur,əsas deyilməyidir. Təəssüf ki ,hələdə cəmiyyətimizdə ilk qızın yazmasına yada etiraf etməsinə pis baxırlar. Unutmayın ki, cəmiyyət sürüdən kənara çıxanları yox, sürü ilə gedənləri sevir. Vur-tut 15 dəqiqə maksimum biriləri bu haqqda sizi qınayaraq danışar, sizin həyatınızı "pis baxarlar" ideologiyalarının idarə etməsinə icazə verməyin. içinizdən gələn kimi edin, o oğlandı ilk o yazmalıdı,çağırmalıdı, təklif etməlidi,etiraf etməlidirləri atın qırağa.

3. Öz güzgünüz kirlidir deyə baxmaya bilərsiz amma bu başqalarının da güzgüzü kirlidir demək deyil. Güzgüyə baxın.

Yenə qatı feminist rəfiqəmin sözü ilə davam etmək istəyirəm. Ona görə qadınlar nə edirsə haqlıdır, kişilər anadan gəlmə tupoydurlar və ağılları işləmir məhs buna görə də onun həyatına girənlər ona görə qədrini bilmir. Əslində isə əsas məsələ sizin kimi həyatınıza daxil etməyinizdədir. Əlbəttə hər adam mükəmməl deyil ,amma heçkimdə tupoy ,axmaq,gerizekalı deyil. Həyatınıza doğru insan şanslısızsa ilk səfərdən gələ bilər ,daha çox şanslısızsa səhv insanlardan sonra gələr. Niyə daha çox şanslı dedim, çünki siz təcrübə edərək həyatınızda olacaq insanın hansı xüsusiyyətlərinin olmasını yada olmamasını konkretləşdirə biləcəksiz. Səhv seçimlərimizdə seçdiklərimiz axmaqlar deyil, seçimlərimizin doğru olmamağındadır. Feminist rəfiqəm ancaq dünyagörüşü az olan, işi-gücü ata pulu ilə sülənmək olan, özünü inkişaf etdirməyən amma ağzı yaxşı söz edənlərə qəlbini verir məsələn. Sonra da özünə görə haqlı səbəb görərək onları axmaq kimi görür, amma onlarda başqaları üçün dahidir. işte məhs burada seçimlərimiz bizim üçün həm münasibətin əvvəlini, həm ortasını həmdə sonunun olub olmayacağını, olarsa da necə sonlanacağını göstərir.
ikinci kursda oxuduğumda dərsin ortasında özümə bu sualı verdim. "Niyə mənim həyatıma girənlər məni üzür? " sonra bu sualı vərəqin başlığına yazdım və ardıyca həyatımda ilk məni üzən və son dəfə üzən insanları müsbət və mənfi keyfiyyətlərini yazmağa başladım. Nəticədə isə o gün yolu ağlaya -ağlaya özümə söyərək evə qayıtdım. Çünki seçimlərimdə tək dəyişən simalar idi, xarakter,xüsusiyyətlər ,ailə həyatlarına qədər hərşey eyni idi. Və o gündən sonra özüm üçün yeni bir sevgi modeli yaratdım. Bugün isə həyatımda artıq 2 ildir olan şəxs odur. Həm beynimin həm qəlbimin seçimidir. Seçimlərimizdən öncə öz beynimizdəki modelə ayna tutmalıyıq, əgər görmürüksə o zaman başqa aynadan baxın özünüzə. Seçimlərimiz bizim daxilimizdən gəlir. Hər ikisi dəyişəndir, dəyişən kəmiyyətləri sabit görməyin və etməyin.

4. Dalğalanmış suda gördüklərimiz durğun suda görəcəklərimizdən gözəl deyil.

Münasibətlərdə buraxdığınız əsas səhvlərdən biridə artistlikdir. Özünüzü mükəmməl, hərşeyi bilən, hərşeydən başı çıxan kimi aparmağa ehtiyac yoxdur. Ən əsası sizin dünyagörüşünüz onun dünyagörüşü ilə eyni olmağa da məcbur deyil. Fərqli baxış bucaqlarını kəşf etmək sizə həyatı da fərqli dəyərləndirməyinizə kömək edəcək. Sizin fikriniz hər zaman doğru olacaq deyə birşey yoxdur, həyatda kəmiyyətlər konkretdir siz keyfiyyətlər üzərində durursunuz. Özünüzü onun yanında əksik və ya üstün görməyin ,bərabər görün. Özünüz olmağa çalışın, sizin artistlik etdiyiniz kitab mağazalarında cildinə görə kitab seçimi etməyə məcbur etməkdi. O kitab alınacaq bəlkədə hə, rəfə də qoyulacaq ,biraz vərəqlənəcək ,içindən bir iki söz gözünə dəyəcək sonra əşi bu nədir cildində heç bu şeylər bizə göstərilməyib deyib rəfə qaldıracaq. Kitabın içindəki dünyanı isə kəşf etməyəcək.
Siz artistlik etməyə davam etdiyinizdə bir müddət sonra şüursuzca özünüz olacaqsız o anda isə rəfə qaldırılmış cildli kitabla bənzər kadere məhkum olacaqsız. Özünüz olun, olduğunuz kimi görünün.

5. Dövlət işləri gizlin olur, sevgidə bir dövlətdir.
Çox qadının etdiyi tipik səhv rəfiqələrinə hərşeyi danışmalarıdır. Bəzən sevdiyinizlə və ya danışdığınızla mübahisə yaşaya bilərsiz. Unutmayın ki, mübahisə 2 nəfər arasında başlayıbsa 2 nəfər arasında da qalmalı və o 2 nəfər arasında da yekunlaşmalıdır. Bəzən çox mənasız sizə "qaz" vermək halları olacaq, ekstradan sizə ego yükləyə bilərlər. Unutmayın ki, bir mübahisə heç zaman səbəbsiz olmaz və mübahisələr minimum 2tərəfində səbəb olması ilə başlayır. 3'cü şəxsləri daxil etməyin. Səhv qərarlar verməyinizə, sonradan peşman olmağınıza səbəb ola bilər. içinizi tökmək üçün ehtiyac duya bilərsiz amma o an içinizi də mübahisə etdiyinizə tökün. Mübahisələrin həlli dava, söz güləşdirmək, söz atmaq,haqlı olmaq,üstə çıxmaq deyil. Birbirinizin keçirdiyi və birbirinizə yaşatdığınız hissləri paylaşaraq anlamaqdı. Rəfiqələriniz sizi nə qədər çox sevsə də sizin həyatınızda əsla doğru yönləndirmə etməzlər.

6. Kuma olmaq ya tək olmaq?
"Mənə belə yazdı ,nə yazım?" Kimi suallar ya biz qadınlar verir yada rəfiqələrimizdən gəlir. Etməyin,qarışmayın. Unutmayın ki, dialoq 2 nəfər arasında olur,sizin flancür yaz deməyiniz artıq triloq olur. Qarşınızdakı o an sizinlə danışdığını düşünsə belə əslində sizinlə bərabər sizin rəfiqənizlə də danışır. Bu səhvi etməyin. Hər suala ,hər sözə mükəmməl cavablar verməyə məcbur deyilsiz. içinizdən gələn kimi cavab verin, dosta zəng varinatlarını şəxsi münasibətlərinizdə istifadə etməyin.

Hərkəs mükəmməl münasibət yaşayacaq deyə birşey yoxdur, amma yaşadığımız şeyi mükəmməl etmək bizim əlimizdədir.

partaya yazılan yazılar

ibtidai sinifdə oxuyanda partaya xoşuma gələn uşağın baş hərfini yazmışdım. Sinifdə də tək e hərfində bu uşaq idi deyə kimsə otursa mütləq ki anlayacaqdı amma təbiiki uşaqlığımdan gerizekalı cəsarətinə sahibəm deyə heç silmək tənəzzülündə də olmamışdım. Nəysə səhəri gün sinif təmizliyən xala görüb sinif rəhbərimə demişdi o da sinifin ortasında niyə partava e hərfi yazıbsan deyə qışqırmışdı. O gün adını partalara yazıb danlanmağıma səbəb olan e hərfindəki uşaq isə bu hadisədən sonra mənə qurbağa deməyə başlamışdı.

Böyüdükcə artıq partaya yazdığım yazılarda dəyişmişdi, məsələn 5'ci sinifdə winx club'da fanatı olduğum techna'nın adını yazırdım. 7'də oxuyanda fanatik galatasaraylı dönəmlərim idi və gs yazırdım , yuxarı sinifdə fizika ,kimya düsturlarını yazırdım.

Universitetdə isə imtahan zamanları yarım saat tez gedib kopyalarımı karandaşla yazırdım. Köçürüm deyə deyil, yazdığım heçnə düşmürdü deyə bunları da yazım qoy bu da düşməsin deyirdim. Nəticədə 7 fənndən verdiyim imtahanda hamısı ilkin anlayışlar vəya bəsit mövzular idi.
Yalan yok, parta arxasında oturmaqdan ötrü də artıq darıxıram.

şəkərbura vs paxlava

Dad baxımdan mənə görə şəkərbura. Görünüş baxımdan mənə görə yenə şəkərbura. Bişirilməsi və içliyi baxımdan da mənə görə şəkərbura paxlavadan yaxşıdı.
Mamamla bərabər etdim bu il, paxlava bişirmək həqiqətən itin zülmüdü. Ola bilər ki, şəkəburanı hazırlamaq çürütçülük tələb edir , amma paxlavanın əziyyəti qat-qat çoxdu. Bizdə 12 xəmir açdı mama, 2 list etdi və o xəmirin açma cəhdlərini izləyəndə belə belimdən ağrı qalxdı. Sonra hər xəmirinə yağ içlik tökmək üstəgəl artıq yada az olmaz ,tam miqdarında tökmək vapşe əziyyətdi. Birdə 3 dəfə bişirilmə prosesi var. Birincidə eləcə bişir ikincidə şərbətlənir 3cüdə son dəfə şərbətlənir. Hələ onu simmetrik kəsilməsi, off yazanda belə içim çəkildi.
Şəkərbura amma adı kimi şəkərdi. Doldur 1 qaşıq, bük sonra qlrağını bəzə, sonra üstünə naqqaşla bəzəklər vur. Paxlava qədərdə şəkər komasına salmır adamı.

anaya demək istədiklərimiz

Əziz anam, sən yaşlandığın üçün mürvetimi tez görmək istəyini başa düşürəm. Amma 21 yaşındakı qızına evdə qalmış kimi davranıb yaşıdları evlənəndə "bax ana sözü dinləyib; bax gözünə su ver; bax sənin kimi tupoy deyil;" və s. Sözlər işlədib guya evliliyə təhrik edəcəyini düşünməyini anlamıram.
Ən əsası bu yaşımda sənin seçdiyin biri ilə evlənib özümü bədbəxt edəsi deyiləm dediyim üçündə lezbiyan damğası vurmağını heç anlamıram.
Nəysə yaxşı tərəfindən baxıram, zamanı gələndə öz sevdiyimlə evlənmək istəyəndə əlimdə ən əsas bəhanə "lezbiyan olmaqdan qurtardı bu oğlan məni, niçin izin vermezsin evlenmeyimize ?" Deyəcəm.

türk qəhvəsi

ilk dəfə içəcəksizsə zəhər kimi gələn amma sonradan hər zaman içmək istəyəcəyiniz qəhvədir. Kuru kahveci mehmetdən başqa qəhvə çeşitləri məncə mənasızdı. Hər növ qəhvə dəmləmişəm və ən gözəli və içiləsi olan kuru kahveci mehmetin qəhvəsidir.

Qəhvə dəmləyib içməyi sonra stəkan bağlamağı çox xoşlayıram. Fala inanmıram sadəcə o an qəhvənin içməyin zövqlərindən birinin də bu olduğunu düşünürəm özüm üçün.

Qəhvəni elektronik cihazlarla qaynatmamağı tövsiyyə edirəm. Çünki bir dəfə elə formada içmişdim dadı əsla cezvedəki ləzzəti vermirdi. Amma təbii ki, hərkəsin ağız dadı fərqlidir.

Qəhvə dəmləmək üçün edilməli olanları aşağıda qeyd edirəm. Bəlkə kiməsə görə səhv ola bilər amma 2 ildir bucür dəmləyirəm həm özüm həm də qəhvəmdən içən hərkəs çox bəyənibdi. Seçim sizindir.

Öncəliklə, ilk dəfə içəcəksizsə böyük stəkan istifadə etməyin. Məsləhət görürəm ki, araq stəkanı qədər tutumu olan ondan biraz çox olan stəkanda içəsiz. Bu sizə nescafe kimi qəhvələri xatırlatmasın, içdiyiniz an təsiri olacaq.
2 çay qaşığı qəhvə tozunu cezveyə tökün sonra üzərinə orta şəkər üçün 2.5 çay qaşığı şəkər tökün. Əsla çox şirin olmur, ilk dəfə içirsizsə orta şəkərli için, adi halda zəhər kimi dadı ola bilir. Sonra stəkana ilıq su tökün. Su nə qaynar olacaq nə də soyuq. Cezvenin içində qəhvə tozu və şəkəri qarışdırdıqdan sonra suyu əlavə edib təkrar qarışdırın. Suda həll olunduğunu gördükdə ocağı yandırın, zəif dərəcədə kiçik gözdə qoyun. Dəmlənərkən qarışdırmayın özü üçün dəmlənəcək. Üstə köpüklər çıxdıqca qaşığın ucuyla köpükləri yığın stəkanın içinə tökün. Bir müddət sonra köpüklər qalxmağa başlayacaq. Bu an ocağı söndürməyin. Köpükləri toplayın sonra səbrli olun, pıkpık qaynadığını gördüyünüzdə 9'a qədər sayın. Bitdiyində isə yavaş-yavaş stəkana əlavə edin. Qaynar və ya soyuq içməyin, ilıq-isti təhər olduqda için. Yanınızda bir stəkan adi su olsun. Əgər qəhvə sizə narahatlıq yaradarsa su için üzərindən.

Məncə türk qəhvəsi dünyanın ən gözəl nemətidir. Qoxusu, görünüşü, dadı və içərkən yaşatdığı hisslər çox gözəldir. içəcək olanlara da nuş olsun.