görücü üsulu ilə evlənmək

Ailələrin, qohumların və ya tanışların məsləhəti, basqısı və ya çarə buraxmama yöntəmləriylə( yəni X şəxsin sevdiyi Y şəxsi, pisləmə, ondan ayırma və ya gözdən salma kompaniyaları ilə "sənə ən uyğun olanı, Vallah budur" misalını da çəkərək məcbur edilmə şəkli) bir şəxslə digər şəxsin sevgi münasibəti yaşamadan evlənmə şəkli.
Yəni bu bir zamanlar çox effektli olub deyirlər bəzən, amma bir zamanlar dünya, cəmiyyət, həyat, insanı münasibətlərdə tamam fərqli olub nəzərə alınmalıdır. Bu məsələ bütün cahillikləri bizə əksərən bəla edildi XIX əsrin məhsuludur. (P.S. yəqin ki, Qaraqoyunlu ya ağqoyunlu zamanında at belində, əlindı silah olan bir xanımı ya kişini kiminsə zorla evləndirə biləcəyini düşünmürsünüz). Mənə görə, çox lazımsız və ziyanverici bir "ənənə"dir eləcə də gözəl "adət-ənənə"lərimizə də zərər vurmaqdadır.

universitetə qəbul olanlara məsləhətlər

ilk öncə yuxarıda bəzi entry'lərdə də qeyd edildiyi kimi universitetə daxil olmaq və ya olmamaq sizin həyatınızda böyük dəyişiklik etməyəcək.
Siz Diplomunuz olsa da Milyoner ola bilərsiniz, Diplomunuz olmasa da..
Siz Diplomunuz olsa da, alkoqolik, meşşan tipli həyat yaşıya bilərsiniz Diplomuniz olmasa da..
Yəni burada görünən odur ki, əsas olan "ağıl"dır. Siz ilk öncə ağıllı bir insan olmalısınız. Daha sonra isə həyatda uğurlar və ya uğursuzluqlar qazana bilərsiniz..
ilk olaraq da, univesitetə daxil olmağı uğur pillənizdən çıxarmanızı dilərdim, çünki bu bir uğur deyil, dünya da yüz milyonlarca ali təhsilli insan yaşayıb, yaşayır və yaşayacaqdır. Yəni sizi onlardan sırf universitetə daxil olmusuz deyə heç nə fərqləndirmir..
Amma..
Siz fərqlənə bilərsiniz, necəmi?
1. ilk olaraq sevdiyiniz ixtisasa daxil olaraq. (P.S. Əgər valideyn basqısı, uşaqlıq və s. təsirlərlə bir ixtisasa daxil olmusunuzsa, o zaman yenə də o ixtisası sevməyə çalışın, mən yenidən universitetə daxil olmayacaqsınızsa əgər, universiteti atmağı qətiyyən məsləhət görmürəm)
2. Oxuduğunuz ixtisası sevin, onun maraqlı nöqtələrini sevməyə, araşdırmağa çalışın, qətiyyən ancaq mühazirə mətnlərinə bağlı qalmayın, o mətnləri artıq yüzlərcə tələbə oxuyub və google search'də yazmaqla da böyük ehtimalla tapa bilərsiniz.
3. "Ev dərs çayxana" 3-lüsü ilə vaxtınızı fövtə verəcəksinizsə, valideyninizin sizə xərclədiyi pula yazığınız gəlsin, etməyin, eyləməyin. Belə adamlardan da, uzaq durun. Belə tələbəlikdənsə, ictimai işlərdə vaxt keçirmək daha yaxşıdır, çünki orada heç olmasa, insanlarla münasibət qurmaq, sosial çevrə, universitetin "cool" çoçuklarından biri olmaq kimi məsələlər ortaya çıxacaq, əvvəldə yazdığım 3-lü isə sizə heç bunları da verməyəcək, getdikcə "Qaqli"ləşəcəksiniz.
4. Özümdə ictimai işlərdə məşğul o olmuşam və mənim çox xeyirli olub deyə bunu burada sizə yerə-göyə sığdırmadan tərifləməyəcəm, çünki mənim üçün uğurlu olması sizin üçün də 100-də 100 belə olacaq demək deyildir və eləcə də digəri uğursuz olub, vaxtını düzgün bölməyib imtahandan kəsilibsə də (Çox zaman yalan olur bu da) sizdə də uğur olacaq demək deyildir. Əziz dost, hər şeyi qədərində istifadə edəndə gözəl olur, bunu biləsən.
Və sonda deməliyəm ki, Təbii olaraq, dərslərini bir kənara atıb, o təlim, bu təlim gəzsən heç nə qazanmayacaqsan, amma vaxtı düzgün bölsən və ya ən azından buna çalışsan, imtahanlarını yaxşı başa vurarsan, mütaliə etməyə də bol zamanın olar, konversyeşn klab'larada qoşula bilərsən, yəni universiteti bitirdikdə müəyyən mənada özünü inkişaf etdirmiş olarsan..
* Eşq məsələsinə isə toxunmadım çünki, eşq səni özü gəlib tapır, soruşmur, qrup yoldaşı, patok yoldaşı yoxda da xazeykanın qohumudu bəlkə başqası olsun )). Ona görə də, qəlb qırmadan, təhsilini kənara atmadan sevgi münasibətini də normal qayda da yaşaya bilərsən məncə..

feminizm

Mən feminizimin tərifi və ya şərhi ilə bağlı məsələlərə girmək istəmirəm, zatən bunlarla bağlı dolayısıyla məlumata sahibsiniz. Mən məsələyə öz düşündüyüm yöndən yanaşmaq istəyirəm, belə ki, uzun müddət bəşər cəmiyyətində Patrialxalizm hökm sürməkdə idi. XIX əsrdə baş verən hadisələr yəni kapitalizmin inkişafı bu Patrialxal cəmiyyəti "qadınlara azadlıq verməyə" sövq etdi çünki, onlara ucuz işçi qüvvəsi lazım idi. Lakin, qadınlar onların düşündüyü qədər (zənnimcə də, onlar belə düşünürdülər) ağılsız deyildilər və bəzən yavaş-yavaş( məs. S.Ərəbistanı) bəzən sürətlə (Finlandiya, Kanada) inkişaf etməyə, cəmiyyətdə söz sahibi olmağa başladılar. Təbii ki, bunu da qeyd etməliyəm ki, qadınlar heç də, hər zaman siyasi, elmi və ya dini sferadan kənarda qalmamışdılar. Xatşepsut, II Yekatrina, Sara xatun, Hürrəm Sultan və s. öz yaşadıqları dövrdə layiqincə qiymətləndirilməsələr belə də, öz xalqları, xanədənları və ya sadecə özləri üçün böyük işlər görmüşdülər. Amma bu çox az saylı qadınları əhatə edirdi və çox hallarda da güc sahibi olan və ya olmağa çalışan qadınlar, acınacaqlı sonla da qarşılaşa bilirdilər ( məs. Janna Dark, Yelena Qlinskaya, Mariya Tereza). Kapitalizmin inkişafı ilə, elmi-texniki tərəqqidə də artıq qadınlar öz yerlərini tutmağa başladılar. Daha sonra siyasət səhnəsində daha tez-tez görünməyə başladılar və günümüzdə isə artıq onlar nələrisə onlara bəxş edilən nemət kimi yox, öz suveren hüquqları olaraq görməkdədirlər. Bura qədər əla.. Amma, düşünürəm ki, məsələyə Humanizm mövqeyindən yanaşmalıyıq yəni "male" ya "female" yox, "human" önəmli olmalıdır, bizim üçün.. Hər bir bəşər övladının ümümbəşəri dəyərlərə hörmət etməsi və təbliğ etməsi üçün çalışmalıyıq. Son günlərdə ölkəmizdə də baş verənlər göstərdi ki, bəli problemlər var müəyyən zaman kəsiyində gözardı da edilib amma bu o demək deyil ki, ailə instutunu ləğv edək, bütün adət-ənənələrimizi silib ataq, mən qətiyyən bunun əleyhinəyəm, çünki hər bir xalqı və ya cəmiyyəti ayaqda tutan dəyərlər var ki, onlara zənnimcə toxunmaq olmaz.. Amma, təbii ki, qadınlara şiddət göstərənlərə, onlara II sinif insan müamələsi göstərən hər kəsə qarşı mübarizə aparılmalıdır, həmdə kəskin şəkildə.. Amma sırf sənin razılışmır deyə, digər ideologiya, fikir və düşüncələrə mənsub insanların hisslərini tapdalamamaq şərtilə.. Çünki, sənin istədiyin azadlığın hər kəsin üçün eyni meyarda olmadığını qəbul etməlisən.. El dili ilə, desəm, sən xoş olan mənə naxoş ola bilər..
Bütün bunların ümümunda demək istəyirəm ki, bir gün nə qadın nə kişilərin, nə uşaqların, nə də yaşlıların hüquqlarının tapdalanmadığı bir dünya üçün çalışsaq daha gözəl olar, çünki zorla, məcburiyyətlə kişilərə qəbul etdirilmiş bir Feminizmin heç kimə faydası olmaz, bunun yerinə cəmiyyətin bütün təbəqələrini maarifləndirərək, heç kimsənin hüquqlarının tapdalanmadığı bir cəmiyyət qurmaq olar..
P.S. Aqresiyanı kənara qoy, mənim əziz dostum, ola bilər, oxudun və məna nifrət edin, amma mən səni çox sevirəm, çünki dəyərlisən.