koronavirus müalicə protokolu

Xahiş olunur ki, profilaktik olaraq azitromisini özünüzə döşəməyin. Azitromisin bakterial proses qoşulanda içilir. Sizi o prosesin başlamasından qorumur. Day da lazım olan momentdə bakterial dirəncə görə zibilə keçmək ehtimalınız artır. Kleksanı da çox xahiş edirəm, öz başınızdan içməyin. O dərmanı içmək üçün qan dəyərlərinizi bilmək lazımdır. Deksametazon da vurmayın. Deksametazon əlavə oksigen dəstəyinə ehtiyac duyanlar üçündür. Xəstəxanada reanimasiyaya düşmədiyiniz hala qədər vurmayın. Araşdırmalara görə Covid-19-da işə yarayan antiviral preparat remdesivirdir. Onu da siz çətin tapasınız. Xəstəxana güclə tapır. Xəstəliyə tutulanlara nacizanə məsləhətim, aptekdən pulsoksimetr alın, qanda oksigen faizini ara-ara yoxlayın. SpO2 yazısı çıxacaq. Bax, o yazı 94-95-dən aşağı olmasın. Xəstələr 80 sarturasiya ilə belə boğulduqlarını bəzən hiss etmirlər. Xəstəxanaya da çatanda gec olur.

öz dilini bilməyən insan modeli

bu sifarişi verən: Can vermə qəmü eşqə ki, eşq afəti-candır
(baxma: 1 dil bilən, bildiyi dil də öz dili olmayan və bununla fəxr edən adam)
(baxma: öz dilini bilməyib, özünün danışa bildiyi yeganə dildə danışa bilməyənə çuşka deyən məxluqat)
Yuxarıda yazdığım şeylərə istisna yerli xalqların dilləri aid ola bilər. Bəzən onlar az işlədildiyindən dildaşıyıcılar tərəfindən unudulur. Onlardan da xahişim öz dillərini qorumaqlarıdır. Azərbaycanca da bilin, amma öz dilinizi də danışın. Siz və diliniz bu rəngarəngliyin bir parçasısınız.

azərbaycana və ya azərbaycanlılara xas xüsusiyyətlər

(baxma: allaha söymək)
Valla nə yalan deyim, başqa yerdə görməmişəm. Ən yüngül versiyada "allahın yerə ələnsin"-lə başlayır. Ha, bu arada bu dediyim ifadə qarğış da deyil a. Söhbət edəndə də deyirlər. Tema allahını s..... deyə də ola bilər. Yenə eyni şəkildə adi söhbət vaxtı da deyilə bilir bu ifadə. Bir hekayə də danışım. Demək, bir yoldaş gedib qərb bölgəsinə. Adam da ilahiyyat oxumuş adamdır. Başıqarışıq birindən söz soruşub, nəsə söz soruşduğu bunu almayıb. Bu yoldaş təzədən 1-2 dəfə soruşub. Soruşduğu adam da sənin allahını s....., nə var? edib. indi ilahiyyat oxumuş birinin üzünün ifadəsini düşünün. Lol. Amma məsələ odur ki, bu ifadəni işlədən adamçün bu, çox da ağır ifadə deyil. Zatən 1 əlin barmağı qədər məscid olmayan yerdən danışırıq. (baxma: azərbaycan müsəlman ölkəsidir deyənlər yalan deyir )

düşün ki o bunu oxuyur

Kaş necə təzadlı və maraqlı şəxsiyyətin olduğunu unutmasan. Necə güclü olduğunu da. Həm uşaq kimisən, həm yetişkinsən. Bir insanın həm pambıq ürəyə sahib olub, həm də qəlbini, inamını qıran olanda qəddarlaşa bildiyini səndə gördüm. Yumşaqürəklinin qəzəbindən qorxun, qardaş. Şilləsiylə olmasa, soyuqqanlılığı, buz kimi olması ilə dağıdar sizi. Əslində özün də bilirsən içində içindəki qəzəbin dağıdıcı ola biləcəyini. Və bunu idarə edə bilirsən. Buna görə güclüsən. Həm də güclüsən, ona görə ki, bu boyda şeyin qabağında nə qədər yoruldum desən də, ağlaşma qursan da, içində prinsipiallığını, mübarizə əzmini itirməmisən. Zatən ikimiz də bilirik ki, bizi qabağa aparan o hisdir. Zövq aldığımız şeylərdən birini də bizi kiçik görənləri əldə etdiklərimizlə əzməkdir. Boşuna slytherin deyilik ki. Göz vuran smaylik.

çarəsizlik

Çox yaxınının illərdir qurduğu, bütün enerjisini qoyub, reallaşması üçün çalışdığı xəyallarının sırayla bir-bir suya düşməyi, hətta birgə qurduğumuz ortaq planların batmağı, karantinin onu düşürdüyü vəziyyətə görə günü-gündən depressiya, təşvişə qərq olmağı, hiss elədiyi əlacsızlığını izləyib, heç nə edə bilməmək kombosuna çarəsizlik deyilir. Lənət olsun, Con. Nə qədər hər şey yaxşı olacaq, sakit saxla özünü deyə bilərəm ki? Heç özüm də buna inanmıramsa, onu necə inandırım? Heç nə edə bilmirəm və çox çarəsiz hiss edirəm buna görə. Bu dəqiqə heç danışmaq belə istəmir. Özünün qabığına çəkilib. Yanına qaçıb, qucaqlayasım var. Onu belə edə bilmirəm. Lənət olsun. Bir insanın əlacsızlığına tamaşa eləmək, hələ bu adamın az qala eynin olan insan olması çox çətindir.

latınca ifadələr

(baxma: Amare et sapere vix deo conceditur.) Mənası: tanrı belə həm sevib, həm də eyni vaxtda bilgə ola bilmir.
(baxma: memento mori
memento te hominem esse
respice post te!
hominem te esse memento.)
Fani olduğunu xatırla!
insan olduğunu xatırla
Arxana bax,
Sadəcə insansan, xatırla.
Bunun medalyonun 2 üzü kimi işlədilən versiyası var: (baxma: memento mori memento vivere ). Yəni, unutma ölümlüsən, unutma, yaşayırsan.

evin böyük uşağı olmaq

Hiperaktiv və buna bağlı olaraq da, dili kirimiş, özü də bir yerdə durmayan qardaşınız varsa və eyni məktəbdə oxuyursunuzsa və hətta müəllimləri köhnə müəllimlərinizdirsə, bismillah edəndə çağırılıb onun yerinə danlanmaqdır. Evdə də onun elədiyi qələtə görə danlanmaqdır. Adam əşyamı qırırdı. "O uşaqdı, sən əşyana diqqət elə" deyib danlanırdım. Bir də bunun oyuncaqları yığmaq fastı var. Hələ də yadıma düşəndə gülməyim gəlir. Oynayırdıq kubiklərlə. Yığmağa gələndə özünü vururdu yerə ki, qarnım ağrıyır. O yığsın oyuncaqları. Burada söhbət 2-3 yaşlı uşaqdan gedir. Gözündən yaş gəlirdi, qardaş. Lol. indi də içdiyim çay stəkanından, otağımdan əl çəkmir. Mən evə qayıdanda gəlib görürəm çöküb otağa. Paltarı da oradadı, kitabı da. Amma neyləyəsən, şeytan tükü var. Qovmaq da olmur. Gəlir 1-2 şirinlik edir. Di allah xətrinə, yaxşı edirəm. Ha bir də evin balacası danlanandan sonra bir küncdə sakit duran böyüyə də sıra mütləq çatacaq.
bundan başqa bütün ilk təcrübələrin üstündə yoxlanıb, uğursuz olanların balacaya tətbiq olunmamağı var. Labaratoriya siçanıyıq, balacalar elə həsrətlə başmasın.

uşaq istismarı

Azərbaycanda uşaqlara qarşı xüsusən də psixoloji istismar tətbiq edilir, adını da tərbiyə qoyurlar. Bir də fiziki psixoloji istismar kombosu var. Sonra da "ay bu millət niyə başıqapazlıdır?", "niyə səsi çıxmır?", "niyə aqressivdir? Elə bil qapan itdirlər" deyirik. Şiddət uşaq dövründən öyrənilən bir şeydir. Öyrənilən şiddət sonrakı həyatda başqasına tətbiq edilir. Nəzərə alın ki, uşaqların şəxsiyyətinin inkişafı üçün ilk 3 yaş önəmlidir. 6 yaşa qədər uşağın xarakteri oturuşur. Siz uşağa dillə taciz etsəniz və ya əksinə yox saysanız və yaxud da, mitilini atsanız, gələcəyin normal olmayan fərdini böyüdəcəksiniz. Sonra da "mənə bax, məni sev, mənə sirlərini de" deyəcəksiniz. Nəyini sevib, nəyinə güvənsin bu yetim?