Azərbaycan əsilli türk siyasətçi, politoloq və 14 may 2023 türkiyə parlament və prezident seçkilərində ümit özdağın başçılığı ilə qurulan "ata ittifaqı"nın elan olunmuş namizədi. Siyasətə 2011-ci ildə milliyetçi hareket partisinin ığdırdan seçilmiş deputatı olaraq daxil olan oğanın devlet bahçelinin Ərdoğanla yaxınlaşmasından sonra iki dəfə partiya üzvlüyü ləğv edilmişdir. Birinci dəfə partiyadan göndəriləndən sonra məhkəmənin qərarı ilə üzvlüyü bərpa edilsə də, 2017-ci ildə yenidən üzvlüyü əlindən alınmış, o vaxtdan bu günədək müstəqil siyasətçi kimi fəaliyyətinə davam etməkdədir.
Azərbaycanla və ilham Əliyevlə güclü əlaqələri mövcuddur. 1992-2000-ci illərdə tüdifak-da dekan müavini kimi fəaliyyət göstərən oğan deputat olduğu dövrdə Türkiyə-Azərbaycan parlamentlərarası dostluq qrupunun idarə heyətində çıxış etmiş, 2011-ci ildə əliyevin sərəncamı ilə Azərbaycan diasporunun inkişafındakı xidmətlərinə görə tərəqqi medalı ilə təltif edilmişdir .
Gözəl şənbə günündə, günəşin şəfəqləri altında on birinci yaşını qeyd edən, içi mən qarışıq yüzlərlə djavanın təkamülünə şahid olmuş və bacardığı qədər bu prosesdə kömək etmiş interaktiv ensiklopediyamız. illərdir bezmək bilmədən "layiq olduğundan az dəyər görür ühü" deyən mənim tək istəyim ikinci dekadasının növbəti illərində atsan atılmaz bu torpaqların dinamikasına ayaquyduran məkana çevrilməsi ilə ruhunu müstəqil adarbayqan gəncliyinə ötürməsidir. Neçə belə illərə, əbədiyaşar sözaltı! *
<3
rusiya-ukrayna münaqişəsindən geninə-boluna istifadə edən əliyev tərəfindən yarıyolda qoyulduğu günbəgün ortaya çıxan respublikaçı alternativ partiyasının sədri. Həm qarabağ, həm də Ukrayna böhranından qabaq qərb siyasi elitasının gözündə yox olan imici bərpa etmək üçün dialoq çağırışlarına start verilməsi, real kimi böyük potensialı olan hərəkatın çağırışa qoşulması və sonrasında gedən proseslərlə reytinqini qaldırmağa başlayan məlum şəxsin əvvəlcə Qarabağda qazandığı qələbə, ardınca Ukrayna böhranında avropaya dayaq durması, həmçinin rusiya ilə əlaqələri pozmadan avropa ilə körpü rolunu oynaması nəticəsində dialoqa ehtiyac duymaması gün üzünə çıxdı. Bununla da siyasi aktivliyi öz xoşuna artırmaq istəməyən hökumətin əlinə fürsət keçmiş oldu və beləcə dialoqa ümid edən bütün partiyalar, siyasilər meydandan qovulmağa başlanıldı.
indi başa düşürük ki, real açıq-aşkar son 3-4 ilin məğlublarından biri oldu, üstəlik indi də partiya lisenziyasının ləğvi təhlükəsi ilə də üzləşiblər.
Fikir verirəm, neçə gündür ilqar müəllim siyasi partiyalarla bağlı qanunun tələbi çərçivəsində izləyicilərini üzv yığmağa çağırır. Burada işin əmması budur ki, adam trolları bəhanə edərək verified profilindən istifadəni dayandırıb şəxsi profilindən aktivliyini davam etdirir, orada da yenə kommentə çıxışı bağlayır və öz dostluğunda olan maksimum 5000 nəfər üçün postlar paylaşır. Bu ağılla partiyalara qoyulmuş "deadline"-a qədər zırt 5k üzv yığarlar, böyüklər də məni bağışlasın-*
P.s. son statusunun son abzasında küçəyə çıxıb etiraz etməyin mənasını dərk etdiyini sezdim, ona görə bu entry-ni yazmaq qərarına gəlmişdim. Hələ Türkiyədə müxalifət qələbə qazandığı təqdirdə bizim "3 oxlu" chp-nin necə strategiya quracağı maraqlı gəlir-*
yevravijn mövsümünə qədəm qoymağımızın şərəfinə yenə, yeni və yenidən müsabiqənin bu ilki başlığını özüm açaraq ənənəni davam etdirdiyim üçün sevinirəm-*
Ötən ilki qalib ukraynanın cari durumu nəzərə alınaraq yarışmanın 9-11-13 may tarixlərində böyük Britaniyanın liverpool şəhərində keçirilməsi qərarlaşdırılmışdı. Hazırki vəziyyətə görə, müsabiqədə iştirakını təsdiq edən 37 ölkədən 33-ü təmsilçisini və (ya) mahnısını elan edib, yerdə qalan 4 ölkə isə isveç, Portuqaliya, böyük Britaniya və Azərbaycandır. ilk iki ölkənin təmsilçiləri milli seçim turu çərçivəsində 11 martda bilinəcək, Azərbaycan və Britaniya deleqasiyaları isə bu həftə ərzində təmsilçilərini açıqlayacaqlarını bildiriblər.
indi isə gələk əsas məsələyə. 2021 və 2022-ci illərdə yerli deleqasiyaya rəhbərlik edən isa Məlikov ötən ilin dekabrında vəzifəsindən getdiyini elan etmiş, onun yerinə isə televiziyanın baş direktorunun müavini olan Vasif Məmmədov gətirilmişdi. Yeni rəhbərliyin mahnı müəlliflərinin azərbaycanlı olması tələbini nəzərə alaraq daxili seçim turuna qatılan və son beşliyə qalan namizədlər bunlardır:
Son bir həftədə ölkədə gedən və ümumi topluma ötürülən xəbərlərdən belə bir nəticəyə gəlmək mümkündür ki, xalq arasında olan birliyi, bütövlüyü qorumaq naminə yenə xalqın elliklə dəstəklədiyi bir sıra dəyərlərin təhlükədə olduğunu vurğulamaq lazımdır. Dünyəviliyin ölkənin təməl daşlarından olduğunu ələ alsaq, xalqın müəyyən səbəbdən mobilizasiya edilməsindəki əvəzsiz rolunu qavramış olarıq.
Çox qəribə şeylər baş verir, çünki görəcəyimiz hələ qarşıdadır.
Palma yağı yanır deyə az qala (hətta gördüm) yanğına sevinəcək kəslər gördü bu gözlər. Bu söhbətlə yanaşı toğrul müəllimin bu gün səhər paylaşdığı məlumatı da yerləşdirim, sevinənlərə şey edərsiniz: Qiymət artımı xəbərləri: bu yaxınlarda dünyada ən iri palma yağı təchizatçısı olan indoneziya müvafiq məhsulun ixracına qadağa tətbiq etdi. Bunun bizə təsiri olacaqmı? Əlbəttə. Azərbaycan 2021-ci ildə 50,5 min ton palma yağı idxal edib. Onun 31 min tonluq hissəsi*
yəni, 61,3%-i
indoneziyanın payına düşür. Qalan hissəsi isə Malayziyadan idxal olunur. Orada da qiymətlər son həftə ərzində 9% artıb.
p.s. Palma yağından asılılığı başa düşmək üçün - 2021-ci ildə Azərbaycan 43 min ton günəbaxan yağı idxal edib.
dediyinə görə , paşa bank qurulanda ey-də işlədiyi və tanıdıqları üçün çağrılan ilk 4 nəfərdən biri olan, 2007-ci ildən bəri əvvəl bank nəzdindəki risklərin idarəedilməsi və xəzinədarlıq departamentlərinin sədri kimi, 2015-ci ildən isə ceo kimi fəaliyyət göstərən şəxs, həmçinin Paşayevlərin təyin etdirəcəyi növbəti məmur.
Dövlət təqaüdündən yararlanmaq u üçün qəbul almalı olduğu(m)nuz universitetlərin siyahısı yayımlanıb .
Xülasə lazımdırsa: 15 prioritet ixtisas: informasiya texnologiyaları, mühəndislik, statistika və verilənlərin təhlili, fundamental və tətbiqi elmlər, ictimai səhiyyə, təhsil, ətraf mühit, aviasiya və kosmos, dövlət idarəetməsi, nəqliyyat və logistika, energetika, iqtisadiyyat, maliyyə, arxitektura və dizayn, kənd təsərrüfatı.
Birjalarda müşahidə olunan əsas situasiyalardan biridir. Mahiyyəti bazarda olan qiymətli kağızların (həmçinin birja indekslərinin) davamlı*
bir neçə gün də çəkə bilər, həftə də, ay da, hətta bazarların vayını verərək daha uzun müddət də
dəyər itirməsi və tələb-təklif tarazlığının pozulmasıdır. maliyyə alətlərinin 20%-ə qədər dəyər itirməsi bear market vəziyyətinin yaşandığını göstərir və zəncirin qırılması üçün bir yenilik baş vermədiyi təqdirdə azalma davam edir. Türklərin "alım fırsatı" dedikləri fürsət bu azalma tendensiyasıdır: kağızlara olan etibarın azalması ilə təklifin tələbdən yüksək olması nəticəsində bazarı diqqətlə izləyən trader (əlbəttə riski qəbul edərək) short-selling həyata keçirib böyük qazanclar əldə edə bilər.
rəqəmsal inkişaf və nəqliyyat nazirliyinin technest təqaüd proqramı çərçivəsində abb tech academy nəzdində ikt üzrə təqaüd əsaslı layihə təqdim edəcək dövlət bankı . Məqsəd il sonunadək ikt və əlaqəli sahələr üçün 200-yə yaxın şəxsin əhatə olunacağı mütəxəssis hazırlığı təşkil etməkdir.
.
)
