lusid yuxu

Astrala cəhd edərkən çox insanın düşdüyü vəziyyətdir bu. Zamanla yuxularını idarə edə bilir insan və yuxuda olduğunu dərk edir. Buna da lucid dream deyilir. Astralla fərqi lucid dream özümüzün ani olaraq idarə etdiyi yuxu; astral səyahət isə metafiziki bədənimizin fiziki bədənimizdən uzaqlaşaraq ani olaraq fərqli məkanlara səyahət etməsidir. Vaxtikən parapsixologiya və metafizika ilə xeyli baş yorduğum üçün astral və lusidə gedən yolun eyni qapıdan sonra ayrıldığını deyə bilərəm. Belə ki, xüsusi meditasiyaları edib, sakit, xüsusi pozada və imaginasiya edərək uzandıqda bir qədər sonra bədəndə daxildən titrəməyə oxşar hiss gəlir. Gözlər yumulu olsa da ətrafda baş verənləri görür və eşidirsiniz, ancaq qədər eləsəniz də hərəkət edə bilmirsiniz. Bu vaxt məndə qulaqda uğultuya bənzər səs də olurdu. Adətən ilk zamanlar bu mərhələdə qorxurdum və dərhal ayılırdım. Sonralar isə davam elədim və davamında iki ehtimal olur; ya lusid yuxuya keçirsiniz, ya da astrala çıxırsınız. Astrala iki dəfə çıxdığımı zənn edirəm. Çox qısa çəksə də lusid yuxudan tam fərqli bir şey idi. Lusid yuxuda isə yuxuda olduğunuzu dərk elədiyiniz an ilk başlarda avtomatik ayılırsınız, sonralar təcrübə qazandıqca artıq ayılmaq əvəzinə ani olaraq davam edirsiniz və bir növ personajı ve rejissoru olduğunuz canlı bir filmin içindəymiş kimi olursunuz.

azərbaycan tibb universiteti

Həyətində çeçenka saçlı, əlində siqaret və təsbeh olan tipləri görə biləcəyiniz və eynilə digər universitetlərdəki kimi ölkə gənclərinin özlərini dağıdıb yüksək bal toplamaqla daxil olduğu halda, xarici tələbələrin asanlıqla pul verib oxuya bildiyi pulversitet. Kim deyirsə ki, rüşvət yoxdu, pox yeyir. Tələbə vaxtı burda oxuyan bir tanışıma semestrdə ümumi 300-400 manat xərcim çıxdı deyəndə, mənə biz bir fənnə yeri gələndə o qədər veririk deyirdi. Oxudun-oxumadın kəsən cındır professorlar var bu universitetdə də, sayları da digər univerlərə nisbətən çoxdu. Əlbəttə yaxşıları da var, bu öz yerində. Buranın tələbələri və məzunları arasında kolonla duodenu, arterial və venoz qanaxmanı ayıra bilməyən, qripi bakterioloji, osteomyeliti yoluxucu zənn edən gijdıllax tiplər var. Soruşsan kişinin oğlu/qızı tibbi oxuyur ya bitirib. Necə bitirib ya oxuyur məlum məsələdi day.

P.s.: bu entry yazarı tərəfindən az qala xəstəliklərin diaqnozunu özümüzün qoyub, müalicə təyin etməsini umduğumuz həkimlər(!) ucbatından hiddətlə yazdırılmışdır və çox böyük təəssüf ehtiva etməkdədir. Savadlı kadrlar bu entrydən azad tutulmuşdur.

ümit özdağ

Ümmətçi və milliyətçi qarışığı bir siyasətçidir. Ölkədə n qədər problem var, ancaq adam miqrantları göndərməkdən başqa problemi göz önünə çıxarmır sən deyəsən. Hərçənd nə iqtidar, nə də müxalifət fərli başlı deyil Türkiyədə hal hazırda. Digərləri arasında da bir qədər ləyaqətli yavaş, incə, uzan, babacan kimilərini göstərmək olar. Ancaq dərinliyinə gedib araşdıranda hərəsinin keçmişində müəyyən qara işlər yaxud qaranlıq işlərdə adı hallanan şəxslər və ya partiyalarla əlaqədə olduğu görünür. Onsuz türkiyə cəmiyyəti demokratiya istəmir, açıq aşkar görmək mümkündü bunu. Adamlar otokratiya sempatizanlığı edirlər. Mütləq tək əldən idarə, qoyun kimi gedülmək arzusundadır böyek bir qismi toplumun.

yazarların linçə səbəb olacaq fikirləri

Uşaqları sevmirəm. Hamısını olmasa da əksəriyyətini. Çünki bu günə qədər rastlaşdığım hər 10 uşaqdan 7-i sırtıq, ərköyün, hörmətsiz olublar. Burda əslində o uşaqların yox, onları normal tərbiyə edib, çatışmazlıqlarını aşılamayan valideynləri günahkar hesab etmək olar. Bu cür uşaqlar böyüdükcə də məsuliyyət sahibi ola bilmir, təməl insani, etik qaydaları düzgün tətbiq edə bilmirlər. Yəni şəxsiyyətin böyük qismi şüuraltımıza işləyən uşaqlıqda formalaşır. Bu da gələcəyimizə çox böyük təsir edir. Uşaqdı, yola verlə tərbiyə olunub axmaq, ağzının danışığını və hərəkətini bilməyən, hörmətsiz, hər şeyə ağlayıb zırıldayan, uzun uzadı yüksək səslə sırtıq kimi gülən uşaqlardan zəhləm gedir. Böyüyəndə də elə bir pox olmurlar onsuz adətən.