30 aprel 1980 ingiltərədə iran səfirliyinə hücum

iran-iraq müharibəsi gedişatında altı silahlı iran ərəbinin londondakı iran səfirliyinə hücum etməsi hadisəsi. Onlar içində səfirlik işçiləri, polis zabiti və ziyarətçilər olmaqla 26 nəfəri girov götürdülər. Məqsədləri xuzistanın suverenliyi və özlərinin britanyadan təhlükəsiz çıxışının təmin edilməsi idi. Səfirlikdəki böhran 6 gün davam etdi. 6-cı gün məqsədlərinə çata bilməyəcəklərini anlayan silahlılar 1 girovu öldürdülər və cəsədini səfirlikdən atdılar. Sas (special air service) ilə olan atışmalarda da bir girov öldü, iki girov isə yaralandı. 1 Sas əsgəri öldürüldü. 6 silahlıdan isə 5-i sas tərəfindən öldürüldü və 1-i tutuldu. sifarişi verən: adsızinsan

evolyusionizm

Təkamülçülük (evolyusionizm) təkamül nəzəriyyəsini ifadə etmək üçün istifadə olunan (çox vaxt təhqir və ya hansısa aşağılayıcı mənada) bir termindir. Təkamülün öyrənilməsi inkişaf etdikcə, onun dəqiq mənası zamanla dəyişdi. 19-cu əsrdə, orqanizmlərin mütərəqqi irsi dəyişiklik (ortogenez) vasitəsilə qəsdən özlərini təkmilləşdirməsi inamını təsvir etmək üçün istifadə edilmişdir. Teleoloji inanc mədəni təkamülü və sosial təkamülü əhatə etməyə davam etdi. 1970-ci illərdə "neo-təkamülçülük" termini "insanların özlərindən asılı olmayan faktorlar tərəfindən dəyişdirilməyə məcbur edilmədikcə, tanış həyat tərzini qorumağa çalışdıqları" fikrini təsvir etmək üçün istifadə edilmişdir. sifarişi verən: mariya kürüsü

yazarların ən sevdiyi yazarlar

Əvvəl bu barədə yazdığım entryləri unudun, bu səfərki update olunmuş versiyadır:
(bax: dr john watson)

antil adaları

Arxipelaqın sahəsi 228 662 km², əhalisi 42 mln. təşkil edir. Böyük Antil adalarına (Kuba, Haiti, Yamayka, Puerto-Riko) və Kiçik Antil adalarına (Virginiya adaları, Küləktutan adalar, Küləktutmayan adalar, Trinidad, Tobaqo və Barbados adaları) ayrılır. Antil adalarında Antiqua və Barbuda, Barbados, Haiti, Qrenada, Dominika, Dominikan Respublikası, Kuba, Sent-Vinsent və Qrenadina, Sent-Lüsiya, Sent-Kits və Nevis, Trinidad və Tobaqo, Yamayka dövlətləri, həmçinin Böyük Britaniya, ABŞ, Fransa və Niderlanda məxsus ərazilər yerləşir. Adaların bir hissəsi Venesuelanın tərkibindədir.Adalar materik və vulkan mənşəlidir. Səthinin çox hissəsi dağlıqdır (maksimum hündürlüyü təqribən 3175 m); düzənliklər, əsasən, Kuba və Haitinin cənub-şərq hissəsində, həmçinin Virginiya və Küləktutmayan adalardadır. Vulkan mənşəli adalar Küləktutan adalar arxipelaqında üstünlük təşkil edir (fəaliyyətdə olan vulkanlar var. Dyabloten, Sufriyer, Montan-Pele və s.). Küləktutmayan adalar Karib And dağları strukturları ilə əlaqədardır. Antil adalarının ərazisi (Kubanın düzən sahələrindən başqa) çox seysmikdir. iqlimi tropik passatdır. illik yağıntı 1200–2000 mm, küləktutan yamaclarda 5000 mm, küləktutmayan yamaclarda 700–800 mm-dir. Yayın axırlarında güclü qasırğalar səciyyəvidir. Təbii bitki örtüyünə –savannalara və tropik meşələrə az rast gəlinir. Küləktutan yamaclarda həmişəyaşıl meşələr qalmaqdadır. sifarişi verən: adsızinsan

moore qanunu

1965-ci ildə Intel şirkətinin yaradıcısı Qordon Mur belə qanun ifadə etdi: istehsal olunan kompyüterlərin yaddaş həcmi hər iki ildə 2 dəfə artır. Əvvəlcə həmkarları buna skeptik yanaşdılar, amma sonra qeyd etdilər ki, qanun təkcə işləməklə kifayətlənmir, digər göstəricilərə də — prosessorun sürətinə, mikrosxemlərin ölçülərinə və s. də aiddir.
Hər iki ildən bir kompyüterlər iki dəfə çox mükəmməl olur. Son illər Mur qanunu hətta sürətlənib. Tədqiqatçılar qeyd ediblər ki, "ikiqat yaxşılaşma hər il yarımda baş verir."
Bu qanun əslində ilk dəfə 1865–1870-ci illərdə ortaya atılıb. Fikri ortaya atan intel şirkətinin qurucularından olan mühəndis Qordon Murun şərəfinə Mur qanunu adlandırılıb. Mur qanununa görə kompyuterlərin gücü hər 18 aydan bir 2 dəfə artacaq. Bunun səbəbi isə müasir texnologiyanın əsasını təşkil edən yarımkeçirici cihazların getdikcə ölçülərinin kiçilməsi və bir səthə hər 18 aydan bir 2 dəfə artıq yarımkeçirici cihaz yerləşdirilə bilinməsidir.
Yarımkeçirici cihaz ondan keçən cərəyanla fəaliyyət göstərir. Cərəyanı yaradan isə sərbəst yükdaşıyıcıdır. Ən sadə halda 1 elektronun hərəkəti zamanı yaranan cərəyanla işləyə bilən yarımkeçirici cihaz yaratmaq olar. Bu isə yarımkeçirici cihazın ölçülərini artıq məhdudlaşdırır. Yəni, yarımkeçirici cihazlar maksimum 1 elektronun yatatdığı cərəyanı keçirə bilərlər. Ondan sonra isə artıq işləməyəcəklər.
1 elektronla işləyən cihaz yaradılsa belə cihaz yenə də işləməyəcək. Çünki həmin ölçülərdə yaranan qanunlar kvant fizikasına tabe olur və ortaya Hayzenberqin Qeyri müəyyənlik prinsipi girir. Bu prinsipə görə həmin ölçülərdə elektronun harda olacağını belə müəyyən etmək mümkün deyil. Nəticədə isə cərəyan cihazın içindən deyil kənarlardan keçə bilər ki, bu da qısa qapanmaya səbəb olar və cihaz sıradan çıxar. sifarişi verən: klostrofobik kaklumbağa