plants vs. zombies 2

ilk oyunun davam versiyasıdır. həmişəki kimi həyətimizə gələn zombilərlə mübarizə apararkən crazy dave'in sevimli yeməyi olan tacosunu tapırıq. yedikdən sonra çox ləzzətli olduğunu deyib zamanda geri səyahət edərək yenidən bu ləzzəti dadmaq istədiyini deyir. yeni dostu və maşını olan penny'i çağırır. süni intellektə sahib bu maşın danışa bilir və sürətlə hərəkət edərək zamanda səyahət edə bilir. onu idarə edərək zamanda geri qayıdıb yanlışlıqla qədim misirə gedib çıxırıq. amma bir tərslik var. burdada fərqli görüşüşlərə sahib olsalar da, zombilər mövcuddur. qədim misirdə olan evimizədə hücum edirlər. cəld davranaraq misirdən əldə etdiyimiz bitkilərdəndə istifadə edib, bitkilərimizin əsl potensialını ortaya çıxaran yemlə yemlədikdən sonra onları məğlub edirik. misir macərasının sonlarına çatdıqda dr. zomboss'la qarşılaşırıq. o da bizim kimi yeni ixtirasıyla zamanda səyahət etməyi bacarır və məğlub olduqdan sonra ağ bayraq qaldırmaq yerinə teleportasiya edib qaçır. misirlə işimiz bitdikdən sonra daha fərqli zamanlara səyahət etməyə başlayırıq. piratlar, modern dünya, daş dövrü və s kimi zaman dilimlərinin fərqli tip gücləndirilmiş amansız zombiləriylə baş-başa qalırıq. eləcə də, dr. zomboss da getdiyimiz hər zamanda mövcuddur və bizimlə rəqabətdən heç vaxt əl çəkməyəcək kimidir

shadow fight 2

bir vaxtlar çox güclü bir samuray hərkəsi məğlub edərək qalibiyyət üstünə qalibiyyət alırmış. sonralar yeni döyüşlər axtarmaq üçün uzaq diyarlara gedib çıxır, kölgələr qapısını açır. lakin pis ruhlar tərəfindən lənətlənərək kölgə enerjisini üstünə çəkir, beləcə onun ruhu artıq kölgəyə çevrilir. bu lənəti üstündən atmaq üçün iblis düşmənlərlə savaşmalıdı. bu yolda ona sensei və may adlı qız köməklik edir. kölgə zamanla fərqli silahlar və sehrlərlə döyüşməyi öyrənib gücünə güc qataraq düşmən başçılarını məğlub edir və möhürləri toplayır. yenidən qapılara gedib çıxaraq möhürləri yerləşdirib qapıları açır. tam qapılar açılan vaxtı may içəri çəkilir və qapıların qapanmasıyla içəridə məhbus qalır. may'i xilas etmək üçün zibilə qalsın deyərək yenidən ən başa qayıdıb düşmənləri məğlub edib möhürləri sındırır, və titan adlı əsas boss haqqında məlumat və xəbərdarlıq alır. kölgə bütün bunlara baxmayaraq irəliləməyə davam edərək qapılardan keçib titan'ın dünyasına daxil olur. kölgə titanı tapıb onu dağıtmaqda qərarlıdı. çünki onun sevdiyi qızı ələ keçirib. kölgə titanı qoruyan saysız döyüşçülərlə vaxt itirdikdən sonra tam titan'a çatdım deyirdiki, may onun qarşısına geyimi dəyişmiş, gözləri qızarmış halda çıxır. titan onu tamamilə şeytanlaşdırıb kölgəylə döyüşməsi üçün hipnoz edib. kölgə may'lə bir müdət döyüşdükdən sonra may ayılıb özünə gəlir. bura necə gəldiyi və nələr baş verdiyi haqqında heç bir fikri yoxdu. titan kölgənin meydan oxumasını qəbul edir. nəhəng titan digər döyüşçülərdən fərqli olaraq qat-qat güclüdü çünki daxilində böyük enerji daşıyır. amma hər nə qədər güclü olsa da, kölgə çətinliklə titan'ı məğlub edib ona diz çökdürür. titan paramparça olur, kölgələr qapısı tökülüb dağılmağa başlayır. may çöldə gözləri yaşlı halda sadəcə gözləyir və kölgənin öldüyünü düşünür. amma yox.. kölgə ordadır və qayıdır. üstündəki kölgə lənətini qaldıraraq əvvəlki insan halında qayıtmağı bacarıb. may sevinərək kölgənin boynuna atılır və əl-ələ verib ordan uzaqlaşırlar. bütün bu olanlardan sonra kölgə enerjisi yenədə kölgəni təqib etməyə davam edir, yeni macəraların başlanğıcını qoymuş olur

fəsilsiz anlar

bəzən "təsadüf" həyatımıza bəzi insanları daxil etməklə onların bizə müəyyən bir qatqısı olması üçün şərait yaradır. bu ani olur. heç gözlənilmədən. ölmüş bir diyarda həyat başlayır. yaz fəsli kimi isinməyə başlayıb gül çiçək açırıq o insana xəbərimiz olmadan. vaxt ötür, proseslər ardıcıllığı davam edir. birdə baxırıq ki heç ağlımıza gəlməyəcək şeylər baş verməyə başlayır. bəzi hisslərimiz yay kimi alovlanır qarşımızdakına qeyri iradi. hər şey əla görünür ətrafda. uşaqlar çimərlikdə şellənirlər, müxtəlif növ nemətlərdən həzz alırlar. qovurucu istilik xırda xəsarətlər yetirib bir şeyləri çatdırmaq istəyir, amma o qədər də pis görünmür. duyğular vulkan kimi partlayıb axaraq qarışır eləbil. amma göz qırpımında soyuqlar gəlib çatmışdır çünki artıq payızdır. əvvəlki istilikdən əsər əlamət yoxdu. artıq deyib gülən uşaqlar yox idi ətrafda. ağacların yarpaqları təravətini itirib yerə tökülürdü. hər şey əslində bir yuxu imiş sən demə. yağan yağışlar gözyaşlarını təmsil etməyə başlayır, xatirələr ildırımtək yadımıza düşür. bir vaxtlar istilik yayan şey artıq buz bağlamağa başlayır. hər şey donub və kəskin soyuqdu. artıq ortada heçnə qalmayıb. baş verənlərin hamısı qarın altına həkk olub. kim inanardı axı bir vaxtlar alovlanan duyğular indi buz kəsiləcək?!

yenə düşüncələr beynimi gəmirib parçalayırdı. öz-özümə gülürdüm. özümü öldürürdüm. beyin intihar etmək üçün düşüncələr istehsal edirdi durmadan. əvvəllər hər bir şeyin məntiq qaydaları üstünə qurulduğunu zənn edən mən artıq bununla razılaşmırdım. məntiq anlayışının üstündə olan bir "şey" var idi içimizdə. düşünürdüm yenə beyin sayəsində. soyuq çayımdan bir qurtum daha alıb bir qərara gəlmişdim. məntiqin simvolu olan beyin ən məntiqsiz şey idi. məntiq qaydalarını çox vaxt vəhşicəsinə pozurdu. çünki aciz idi artıq gözümdə. mən artıq beyin deyildim, beynimlə düşünmürdüm. düşünmək kəliməsi belə artıq fərqli bir məna daşıyırdı. o düşmənə çevrilmişdi, mənim böyük bir düşmənimə.

ayağa qalxıb yerdəki stəkan qırıqlarını toplamağa başladım. hərdən əsəbləşdikdə əllərim əsir və idarəetməni itirirəm. etdiklərimin fərqində olmuram. məncə anlayış göstərilməli bir haldır bu, axı düşüncələr çox ölümcüldü. bayıra çıxıb nəfəs aldım dərindən. o2 ciyərlərimə doldu saniyələr içində. sonra xaric etdim. başımı qaldırıb buludsuz səmaya baxdım bir qədər. sonra ağaclara nəzər saldım. onlar yenə dayanmışdılar yerlərində. amma hər hansısa bir fəsil deyildi. fəsilsiz bir anda ilişib qalmışdım. nə alovlanmışdım, nə də donmuşdum. ifadə etməkdə aciz qalmışdım.

bizə verilmiş bu ömür boyunca fərqli fəsilləri yaşayırıq. bütün baş vermiş çovğuna və soyuğa rəğmən yenidən yaşıllaşıb dirilirik torpaqdan. əgər şanslıyıqsa yenidən alovlana bilərik. bəzən kədərliyik, heçnə üzümüzü güldürməz. bəzən də soyuq oluruq hər şeyə qarşı. amma bəzi anlar var ki heç bir fəsil olmaz orda. nə istidi, nə də soyuq. nə hiss edəcəyini bilməzsən. nə düşünəcəyini bilməzsən. nə qərar verəcəyini bilməzsən. amma bir şeyi yaxşı bilərsən ki, baş-başa qalmısan özünlə. özün özünə sual verib özündə cavab tapmağa çalışarsan. cavabları varsa nə şanslıdır o insan. amma yoxdursa çox pisdi vəziyyət. paradoksun içində ilişib qalmaqdan fərqsizdi. fəsilsiz bir anda tıxanıb qalmışam. ətrafda tonla vasitə var ikən, mən yoxluq çəkirəm. bir şeylər ya artıqdı, ya da əksikdi

sözaltı etiraf

günü gündən daha da eqoist oluram deyəsən. bu həftə gözümün önündə bir çox hadisə baş verdi. yaşlı arvadın biri yıxıldı yanda ətrafdakılar təlaşla yaxınlaşıb yardım etdikdə mənim tüküm belə tərpənmədi. birinində halı pisləşmişdi vəziyyəti yaxşı deyildi. bu gün parkda oturanda scooterlə gəzən hardasa yaşıdım bir qız sürüşüb yerə çox pis dəydi. ağlamağa başladığını gördükdə bir az pis olsam da, sonradan yenə görməzdən gəldim. niyə və necə bu hala gəldim bilmirəm. sadəcə körpə uşaqlara rəhmim gəlir. o qızın yerində azyaşlı biri olsaydı bəlkədə kövrəlib ağlayardım, kömək edərdim qalxmasına. uşaqlardan başqa heçkəsə yazığım gəlmir. qorxuram bir gün uşaqlara qarşı olan yaxşı niyyətimidə itirim

zülqərneyn

quranda adı keçən tarixi şəxs. peyğəmbər olub olmadığı mübahisəyə açıq mövzudur. adının mənası "iki buynuz sahibi" deməkdir. bunu dəbilqəsində olan iki buynuzla əlaqələndirirlər. bəziləri onun makedoniyalı isgəndər, birinci dara, ikinci kir, və ya Oğuz xan olduğunu düşünür. yazılana görə o tanrıya iman etmiş etmiş və qiyamət gününə inanırdı. tanrı tərəfindən ona güc verilmişdi, istədiyi yerə xüsusi vasitələrlə səyahət edə bilirdi və qüdrət sahibi idi. şərqə və qərbə səyahət edərkən fərqli millətlərlə rastlaşmış və onların problemlərini ədalətlə həll etmişdir. qarşılaşdığı bir cəmiyyət ondan yəcüc və məcüc tayfasından şiyakət edir və müəyyən məbləğ qarşılığında onlar üçün sədd çəkməyini istəyirlər. çünki onlar fitnə-fəsad törədib soyğunçuluq edirdilər. zülqərneyn sadəcə insan qüvvəsi tələb edib dəmir və mislə sədd çəkir beləcə yəcüc və məcüc tayfasını əngəlləmiş olur. lakin qiyamət günündə yəcüc və məcücün səddi aşacağını xəbərdarlıq edir. zülqərneyn'in hansı dövrdə yaşadığı dəqiq deyil. amma dəmirlə işləyə bildiyinə görə, dəmir dövründən sonra yaşadığı düşünülür. quranda onun haqqında yetərli məlumat verilmədiyindən sirrli bir şəxs olaraq qalmaqdadır