Son yazılanlar
Orkunun bir iki videosunda gördüyüm adam. Yemək yeyəndə godzilla kükrəməsi kimi gəyirməsi və burnunu dəsmala sümkürməsi iyrəndirir konkret. Real həyatda necə biridi bilmirəm, ancaq guya ki rəqibləri demotivə edəcəyini düşünüb etdiyi iyrənc hərəkətlərlə haqqında heç də yaxşı fikirlər formalaşdırmamış biridir.
Mənə görə 2014-2017
Adətən köhnə oyunlardı. Ancaq müəyyən qədər yaşı olan və illərdir oyun oynayan insanlar bilir ki köhnə oyum demək, pis, zəif qrafikalı oyun demək deyil. Zəif qrafikalı ola bilər, ancaq köhnə oyunlar arasında misli bərabəri bir də gəlməmiş oyunlar var. Onlardan bəzi bildiklərimi qeyd edəcəm;
(baxma: praetorians)
(baxma: submarine titans)
(baxma: sudden strike)
(baxma: conflict: desert storm)
(baxma: gta 2)
(baxma: gta 3)
(baxma: rally trophy)
(baxma: rally championship 2)
(baxma: matrix)
(baxma: driver 99)
(baxma: medal of honor: allied assault)
(baxma: rignroll 2: king of the road)
Bunlar və bızilərinin davam seriyaları öz təcrübə etdiyim və məsləhət görə biləcəyim oyunlardandı.
Ağırlaşmaları selikli qişada qalınlaşma və retansiyon kisti yaranmasına gətirib çıxara bilir. Adətən septumda deformasiya, üst tənəfüs yolu infeksiyaları səbəbindəndən xronikiləşir. Dözülməz və baş, diş ağrları ilə qarışan ağrılar verə bilir. Bəzən diaqnoz qoyulmamış xəstələr diaqnoz aldıqda artıq bir neçə dişlərini çəkdirmiş olurlar. Xronikiləşmiş xəstəliyin müalicəsi adətən alovlanma dövründə simptomatik müalicə ilə olur. Ən effektli müalicə üsulu isə cərrahi müdaxilədir, bu yola adətən keçməyən və nəfəs almağı çətinləşdirən sinuzitdə gedilir. Burun laparaskopiyası daha yüngül, lakin sinir zədəsi yaranma ehtinalına görə riskli sayılır. Daha uzun sağalma dövrü tələb edən müdaxilə isə ağızdan, dişlərin üstü-diş əti nahiyəsindən açılan kəsiklə sinuslara müdaxilə ilə olur. Əlbəttə ki bu maksilar sinus üçün keçərlidi.
Fransa öz vətəndaşlarından rusiyanı tərk etmələrini istəyib. bir neçə ölkə istisna olmaqla bütün avropa ölkələri öz hava məkanını rusiya üçün bağlayıb.
Ukran ordusu qondarma donetsk xalq respublikası ərazisində Andriivka şəhəri və Şevçenko aerodromu istiqamətində gözlənilməz şəkildə irəliləyib. Bundan əlavə Kiev ətrafı irpin şəhəri və Xarkov rus silahlılarından tam təmizlənib. Ukran ordusu Hostomel aeroportuna yaxın şiddətli döyüşlər verir.
Məsələyə təkcə rusiya-ukrayna arasındaki münaqişə kimi baxmaq olmaz. Ukrayna orda sənin, mənim, onun söz deməyə cəsarəti çatmayan, dilləndikdə başımızdan basan bir rejimə qarşı, desputizmə qarşı, quldur cinayətkar diktaturaya boyun əyməmək üçün vuruşur! Sənin, mənim xəyalını qurduğu demokratiya, azadlıq, suverenlik və onları qorumaq üçün vuruşur. Post-sovet məkanının üstünü qara buludlar kimi almış diktator(lar) üçün vuruşur. Odur ki, inanırsızsa dua, bacarırsınızsa maddi, heç biri də olmasa netdə sözlü olaraq dəstək olmaq lazımdır. Ukrayna düşsə, hamımız düşəcəyik. Gəlib heç kəs bizi öldürməyəcək bəlkə də, ancaq azadlıq bizim üçün bu torpaqlarda əlçatmaz olacaq. Ukrayna boyun əysə yaxud uduzsa, bu dünyada ilahi ədalət başda olmaqla ədalətin hər cürüna içimdə olan xırda inam belə öləcək.
Artıq birləşmiş ştatlar prezidenti joe biden sonuncu müsahibəsində əllərində iki variant; 1. 3-cü dünya müharibəsi və 2. Sanksiyalar olduğunu bildirib. Artıq ilk dəfədir ki 3. Dünya müharibəsi ifadəsindən açıqca istifadə etdi və sanksiyalardan çox da ümidvar olmadığı görünürdü. Mənə elə gəlir ürək ağrısı ilə də desəm, müharibə artıq qapıdadır. Çünki birləşmiş krallıq baltikyanı ölkələrə bir neçə gündür qoşun və təchizat yığır. Bu günsə finlandiya və isveçin natoya qoşulma məsələsi gündəmə gətirilib. isveç çəkimsər cavab versə də, finlandiya son hadisələrin buna zəmin yaratdığını bildirib. Finlandiyanın qoşulma planı artıq hazırlanıb və təqdim olunub. Nəticələrsə hələlik gözləmədədir. Rusiya isə öz növbəsində belə bir qoşulmanın qarşısında birbaşa həmin ölkələrə hücum edəcəklərini açıqlayıb. Finlandiya sərhədində də qoşun toplandığı barədə məlumatlar var. Polşa sərhədi isə nato müttəfiqləri tərəfindən xeyli silah-sursat və müxtəlif qoşunlar ilə doldurulur. Putin müharibəni elan edən momentə qədər 'müharibə istəmirik və müharibə olmayacaq'- deyirdi. Mənə elə gəlir nato da bənzər bir həmlə edə bilər. Bunu heç istəmirəm, nəticələri hər birimizçün ağır olacaq. Ancaq Putinizmə də elə ya belə son qoymaq lazımdır.
(baxma: azərbaycan birləşmiş ştatları)
Bəli! Gün gələcək tarixi torpağımız olan Moskvadan ata yurdumuz saxalinə qədər geri qayıdacağıq.
Qərbə arxalandı arxalanmağına, hələ ki bu arxalanmağının müsbət ya mənfi bir şey olduğunu yekun nəticə göstərəcək. Ancaq hər bir halda xalqı tərəfindən seçilmiş, ölkəsini qaniçən kriminal diktatorun cənginə döyüşmədən buraxmaq istəməyən, boyun əyməyən və mübarizə apardığı üçün hörmətə layiq bir insandır. Zelenski gedib klounluğunu etməliydi, siyasət onluq deyil, aktyor nə bilir siyasət nədir kimi fikir səsləndirənlər neçə yaşı olur-olsun, əqli olaraq südəmər olduqlarını sübut edirlər. Zelenskinin yerində günü bu gün işsiz olan mən də olsam qürursuz və şərəfsiz bir şəkildə mübarizəsiz öz ölkəmin açarlarını qaniçən qandona (bax: vladimir putin)
təslim edib xalqımın güvənini boşa çıxarmaz və taleyinə xətt çəkməzdim. Qərb ən göt ayaqda belə qoymuş olsa onu lap tutaq ki, müharibəni uduzsalar belə bunu şərəfli bir şəkildə etmiş olacaqlar. Ən azından onlar mübarizə aparır və də səslərinə səs verib küçələrdə müharibəyə qarşı yürüşlər edən düşmən ölkə və region ölkələri vətəndaşları var (bax: gürcüstan) . Belə ki natonun birbaşa döyüşlərə qoşulub 3-cü dünya müharibəsini başladacaq qədər axmaq olmadığını bilir və çoxunun bunu nəzərə almayaraq ukraynanın qaza gətirilib yarı yolda buraxıldığını düşünəcək qədər sadəlöhv olduğunu görürük. Əlimizdən bir şey gəlməsə belə qəlbimiz, fikrimiz və ruhumuzla ukraynanın yanındayıq və qalib olmağını diləyirik. Uğurlar, cənab zelenskiy.Rusiyaya qarşı qəbul edilən sanksiyalar nəticəsində avropa və tərəfdaş ölkələrə giriş-çıxışı qadağan olunan və əmlakı, bank hesabları dondurulan bir ovuc rus oliqarxdan biri. Bu bir yana, onu da qeyd edim ki, abramoviçin oyun alıb-satdığına və mərc şirkətləriylə əməkdaşlığına dair illərdi şaiyələr gəzir.
Gecə saatlarından etibarən ukraynanın xarkov, kiev, odessa və ətraf ərazilərinə qanadlı və ballistik roketlər göndərildiyi bildirilir. Nəticədə bir çox obyektə ziyan dəyib. bmt baş katibi putini hücumlarını dayandırmağa çağırıb. biden açıqlamasında baş verəcək hər şeyə görə putinin məsuliyyət daşıdığını və hər bir insan ölümünə görə dünya qarşısında cavab verəcəyini bildirib. abş və müttəfiqləri lazımi cavabları vahid olaraq verməyə hazırdır- o bildirib. Ukraynada gecə saatlarından hərbi vəziyyət elan olunub. Ukraynanın paytaxt daxil bir neçə şəhərlərində artilleriya və partlayış səsləri eşidilir. Putin xalqa müraciətində müharibəni rəsmən elan edib və rusiyanın ən güclü nüvə ölkələrindən biri olduğunu, rusiyaya olası bütün birbaşa hücumlara cavab veriləcəyini bildirir.
Edit: Donbassda daha iki kənd rus silahlıları tərəfindən işğal olunub. Ukrayna tərəfi ərazidə 5 rus təyyarəsi və 1 helikopterinin vurulduğunu bildirir, rusiya tərəfi məlumatı yalanlayıb. Əhali Kievi tərk edir. Həmçinin Belarus ərazisindən ukraynaya tank birliklərinin keçdiyinə dair materiallar paylaşılır.
Edit: ukrayna prezidenti çıxışında xalqı təşvişə düşməməyə və təxribatlara uymamağa çağırıb. Onun sözlərinə görə ukrayna informasiya müharibəsi də aparır və rusiya tərəfi çaxnaşma yaratmaq üçün vəziyyətin çox ağır olduğuna dair dezinformasiyalar yayır. Bu bir yana, rusiya hazırda krım, belarus və öz sərhədlərindən hücumlar edir. Ukranlar müdafiə mövqelərində qalmağa davam edir. Hal-hazırda ukraynanın torpaq cəhətdən çox bir itkisi yoxdu. Dezolara inanmayın.
Edit: ukrayna tərəfi rusiyanın müxtəlif texnikalarının sıradan çıxarıldığını, düşmənin 50dən çox itki verdiyini və şastye şəhərinin işğalçılardan geri qaytarıldığını bildirir. Qeyri-rəsmi olaraq ukraynaya məxsus 2 su-25 təyyarəsinin də vurulduğu bildirilir.
Edit: ukraynada hərbi komissarlıqların qarşısına müxtəlif yaş qruplarından şəxslər orduya könüllü yazılmaq üçün növbəyə durublar. Prezident zelenski moskva nə düşünür düşünsün, ukran xalqı öz torpağında yaşamaq və onu qorumaq hüququna malikdir- deyib. Artıq mövcud vəziyyətlə əlaqədar litvada da fövqəladə vəziytət elan olunub, bir addım da moldova prezidentindən gəlib. O da öz növbəsində fövqəladə vəziyyət üçün parlamentə müraciət edəcəyini açıqlayıb. Nəzər çatdırım ki moldovanın şimal hissəsi, ukrayna həmsərhəd dnestryanı qondarma respublika putin tərəfindən dəstəklənir və orada rus sülhməramlıları təlimlərə başlayıblar. Göründüyü kimi artıq avropa həm sözlü, həm də feli olaraq vəziytətin içinə sürüklənir. Şəxsi fikrimcə qərbin cavabı ağır və sarsıdıcı olacaq.
edit: ukrayna tərəfi döyüşlərdə əsir götürülmüş rus hərbçilər olduğunu bildirir.
Edit (19:14): ürək ağrısıyla - Xerson Dövlət Administrasiyası: rus qoşunları Heniçeski tutdu, Skadovsk rayonunda Şirokeyə çatdı, Oleşki ələ keçirildi, körpü ələ keçirildi.
Edit (20:41): rusiya ukraynadaki xəstəxanaları atəşə tutub, Mülki əhali həyatını itirib. Ölənlər arasında 6 həkimin olduğu deyilir. Hazırda çernobil nüvə reaktoru və ətraf əraziləri uğrunda döyüşlər gedir. Ukran tərəfi çernihiv ərazisində rusiyaya məxsus 74-cü motoatıcı briqadanı tamamilə ələ keçirib.
Edit (21:14): çernobil atom elektrik stansiyası rusların nəzarətinə keçdi. Aes işçiləri girov saxlanılır.
Edit - 25.02.2022 (10:42): artıq rus ordusu paytaxt kievə yaxınlaıır. Rus tərəfi kievə paraşutla əsgərlər endirərək təzyiqi artırmağa çalışır. Dünən axşam saatlarlnda kievə yaxın aeroport ruslardan alınıb ukranların nəzarətinə keçdi. Lakin bu gün gecə saatlarlndan etibarən kiev başda olmaqla bir sıra şəhərlərə sivil obyektlər də daxil olmaqla ballistik tipi raketlər atılıb. Həmçinin iskəndər-m tipi ballistik roketlərdən də istifadə edildiyi bildirilir. Fransa prezidenti emmanuel makron açıqlamasında ukraynaya hərbi silah-sursat və 1.5 milyard maddi yardlm edliəcəyini açıqlayıb. Kanada baş naziri justin tredau səhər saatlarında rusiya və oliqarx elit təbəqəsinə qarşı ciddi sanksiyalara qoşulduqlarını bəyan edib. Nəticədə rusiyanın bankları, dollar, avro və yenlə ticarəti, rusiyaya məxsus tanınmış oliqarxlar və onların əmlakına blokada qoyulub. Rusiya müharibədə güclü tərəf olaraq irəliləsə də gözlənilməyən ciddi müqavimətlə qarşılaşır. Onlar çoxsaylı itkilər verirlər. Bir sıra dünyaca məhşur rus elit oliqarxların avropa ölkələri və tərəfdar ölkələrə girişi qadağan edilib və maddi əmlakları dondurulub.
Edit (17:28): gün ərzində müxtəlif saatlarda rusiya tərəfi mülki və hərbi obyektləri bombardmana tutub. Sivil əhali arasında ölənlərin və yaralıların artdığı deyilir. Ukrayna kievi müdafiə üçün qoşun toplayır. Rusiya diversiya qrupları kiev oblastlna daxil olublar. Şimal cəbhəsində rus ordusu geri bir qədər geri oturdulub. Lakin bu rahatlamaq üçün heçdə kifayət deyil. Hal-hazırda əhali orduya dəstək üçün silahlandırılır.
Təkcə qaradərililərə yox, demək olar bütün xarici millətlərə var. Yadıma gəli, hardasa təxmini 16-17 il falan əvvəl olardı mən uşaq idim onda. Bizim rayona beynəlxalq proqramların biri çərçivəsində (baxma: josh wandro) adlı bir ingilis gəlmişdi. 30 yaşı olmazdı, cavan oğlan idi. Bu bədbəxt velosipedlə gedirdi hər yerə. O vaxtlar da rayon bir yana, heç bakıda velosiped sürən yox idi. Hamı da bunu ələ salırdı ki, buna bax da bu boyda kişi səhər stadionda idmana gedir, velosiped sürür yolun ortasında, elə bil qaldığı evdə su yoxdu, küçədə su içir. Bu məktəbləri gəzib ingilis dili dərslərini müşahidə edirdi və özü ingiliscə proqramlaşdırma dərsi deyirdi kompüter mərkəzində. Əlində də adı yazılan a4 kağız gəzdirirdi. Çatana dını deyib, göstərirdi. Bir gün yenə bu işdəm çıxıb evə gedir. Çayxananın qabağında duran qaqalar başladılar bunun adıyla məzələnməyə. Bu da heç fikir vermədi, çönüb baxmadan getdi. Bir də jeffrey var idi, soyadı yadımda deyil. O amerikalı idi. O da ingilis dili dərslərini gəzib, şagirdlərlə söhbət edirdi. Bir gün bizim müəllimlərdən biri uşaq döyəndə jeffrey girib araya imkan verməmişdi. Dəhşət əsəbiləşib, başa salmağa çalışmışdı ki bu cür uşaqla davranmaq olmaz. 11-ci siniflər çölün ingilisi bizim müəllimə xod eliyir deyib, jeffreyi döyüb salmışdılar xadimələrin süpürgələri yığdığı yerə, ağzını bağlamışdılar. O gündən sonra heç bir xaricinin rayona ya da məktəbə gəldiyi yadımda deyil. Bakıda da dəfələrlə rast gəlmişəm asiyalı, qaradərili, ya tipindən azərbaycanlı olmadığı bilinən birinə insanlar gözləeini zilləyib baxırlar. Bəziləri də həddini aşıb qıyıqgöz, qarabala, mazot kimi nalayiq ifadələr işlədirlər. Uzun sözün qısası başlıqdan bir qədər çıxmış da olsam, azərbaycanda insanların böyük qisminin öz xalqına belə toleransı, hörməti yoxdur, onda qalmış başqalarına ola. Əksəriyyəti də üzülərək deyirəm ki səviyyəsizləşib insanlarımızın. Çox təəssüf.
Ağır xəstəliyi olan, kaxektiv ((bax: kaxeksiya)
) insanlar üçün müalicə kursunun tərkibinə daxil edilirlər. Məqsəd qida alımı olmayan/çətinləşən, metabolizmi resurs itirən və ya itirməyə meyilli pasiyentlərin müalicəsini dəstəkləmək və bədən tonusunu qorumaqdır. Dərmanlara olduğu kimi, bunlara da qarşı reaksiyalı insanlar ola bilər. Qətiyyən əsl qida yerinə keçməməklə birlikdə, birinə yaxşı təsir edən qida əlavəsi başqa birində ağır fəsadlara yol aça bilər. Ehtiyatla istifadə olunmalıdır, təyin olunan və maksimal dozadan çox istifadəsi xeyirdən çox, ziyan vura bilir.Spoiler olmasın, arthur morganın vərəmdən ölməyi, dutch və micahın elədiyi alçaqlıqlar mənə həddən artıq pis təsir elədi sonlarda. Təkcə john marston və ailəsi adına sevinmək olar.
Yüksəkliyi zamanı mütləq şəkildə usm, hətta nəticəyə görə tomoqrafik müayinə aparılmalıdı. Adətən xbç bir yana, daş, feokromasitoma, bir sıra digər endokrinoloji və ya avtoimmun səbəblərdən də qalxa bilir.
Səhər saatlarından etibarən rusiya tərəfinin 152mm və 122mm çaplı artilleriya zərbələri endirməyə başladığı bildirilir. Ukraynanın Donetsk və Luhansk ətrafındaki mövqeləri ardıcıl atəşə məruz qalır. Rusiya tərəfinin açdığı atəşlər nəticəsində uşaq baxçası, bir neçə mülki struktur da zərər görüb. itkilər barədə dəqiq məlumat bilinmir. Ukrayna tərəfi hazırda paytaxt Kievin təxliyyəsini və köçürülməsini həyata keçirir.
/>.
.
Bir il sonra yenidən yoluxduğum covid ştammı. Məndəki əlamətləri: iştahsızlıq, arabir quru öskürək, boğaz ağrısı, boğazda qıcıq hissi, yüngül nəfəs darlığı, burun tıxanıqlığı, diareya, yorğunluq, yuxusuzluq, əzələ-oynaq ağrılarıdır. Bunlara əlavə, məndən fərqli olaraq evdəkilərdə 38+ hərarət, güclü halsızlıq, bəlğəmli öskürək, burun axıntısı kimi simptomlar var. Mənə onlardan yolxuduğu üçün simptomlarımın hələ inkişaf eləməkdə olduğu ehtimalı var. Bu ştamın yoluxuculuğu, törətdiyi xəstəlik və gedişat əsas virusdan çox fərqlidir.
P.s.: pfizerdən savayı vaksinlərə güvənməyin. Bunu həm şəxsi fikrim, həm də bir çox araşdırmanın nəticəsinə əsaslanıb deyirəm.
Edit: 06.02.2022 - an etibarilə hərarətim 37.3-ü keçdi bir saat ərzində və artmaqdadı. Bundan əlavə artan quru öskürək, başgicəllənmə, konfüziya, orta-ağır halsızlıq kimi simptomlarım var.
Son bəyənilənlər
