boşanmaq istəyənlərə tövsiyələr

tövsiyyə deyil də şəxsi fikir olsun.
"uşağa görə evli qalmaq" deyə bir şeyin olmadığını bilin.uşaq sizin kağız üzərində evli olub olmadığınızı dərk eləmir belə,qaldı ki,bunu bilib sevinsin,onu sadəcə sizin ona qarşı qayğıyla,diqqətlə yanaşmağınız,gülümsətməyiniz,yaşıdlarından geridə qoymamağınız sevindirə bilər,hər gün mübahisəli,qışqırıqlı,göz yaşlı dalaşmağınız yox.
bəzi insanlar da var,düşünür "uşaq olsa düzələr".elə şey yoxdu,bir-birinizlə anlaşmadığınız zamanda bir də uşaq dünyaya gətirib,onun maddi-mənəvi məsuliyyətini olmayan münasibətə əlavə edib,işi lap qəlizləşdirib,uşağın gələcək həyatını,psixologiyasını riskə atmayın.
övladınız varsa,qarşı tərəfdən gələcək (və gəlməli) olan məbləği "lazım deyil" deyib imtina eləməyin,ola bilər sizə lazım deyil,amma uşağın haqqıdır.sabah nə olacağını siz də bilmirsiniz
əlavə səbəb yoxdursa,boşanmadan bir də düşünün,keçici bir dönəmdir,yoxsa ömürlük anlaşmazlıq,xarakter uyğunsuzluğu? əgər,ikincidirsə heç kimə və heç nəyə qulaq asmayın.xoşbəxtlik sizin də haqqınızdır .

uşaq vaxtı qorxulan şeylər

sarı pijamam.”namıdiğer" şeytanlı pijama.deməli,bu pijama o qədər anormal materialda idi ki,daha bilmirəm keyfiyyətsizliyindən idi,ya rəngindən,bu pijamanı anam mənə zorla,birtəhər geyindirirdi,yatıb dururdum,aha .... pijamanın o rəngsiz balaca naxışları olub başım boyda bənövşəyi rəngli,balaca şeytan başları. şeytan başı dediyim də həmən gülşəkilli naxışın üstündəki iki dənə buynuza görə idi -* indi "axx, uşaqlıq" filan demək istəyirəm, amma deyə bilmirəm,çünki vallah billah o mənim hər səhər gördüyüm rəngini bənövşəyiyə çevirən şeytanlı pijamadı. maraqlı məqam da orasındadır ki,mən yazıq bunu heç vaxt anama sübut eləyə bilməmişəm.indilərdə soruşuram ki "mama,niyə mənə zorla o pijamanı geyindirirdin?,görürsən uşaq ağlamaqdan birtəhərdi,nə vacibdir,başqasını geyindir" özü də gülür,deyir "həqiqi,heç özüm də bilmirəm"
yadıma o pijama düşdükcə əsəb oluram -*
bu da belə mənasız bir şey -*

xarici qızlar vs azərbaycanlı qızlar

belə müqayisə çox maraqlı və qəribədir,həqiqətən
yazılanlardan görürəm ki,çoxluq bizim qızları pisləməyə,geridəqalmış adlandırmağa çox alışıb
ilk öncə,qadınları ümumiləşdirmək nə dərəcədə doğrudur? təhsil,təhsil deyirsiniz.xarici qızların 100% təhsilli olduğunu sizə kim deyib? tam əksinə,əgər mütləq nisbət lazımdırsa, "oxu!" bizdə daha çoxdur. çox zaman onlar bizlərə nisbətdə daha rahat və çox şeyi boş verəndirlər.
sadə və makiyajlı deyə müqayisə edib,ikinci yerə yenə bizim qızları qoyanlar var,güldürməyin) körpücük sümüyünə "contour" edib arıq göstərməkdən tut,saçda "ombre",dodağı karandaşla çərçivələyib böyük göstərmək,yanaq boyunca "bronzer" vurub almacıq sümüyünü bəlirgin eləməyə qədər hər şey xaricdən gəlib bizə.sadəcə,hər kəs görmək istədiyini görür.sizin beyninizdə tək məqsədi maddi imkanı yüksək biriylə ailə qurmaq olan,yalançı,şöhrətpərəst,qeybətcil,elmdən,musiqidən,incəsənətdən anlamayan,özünə yaraşmayan şəkildə abardılı makiyaj edən,sırf göstəriş üçün hər şeyin ən bahasını alıb acıq verən,dünyagörüşü aşağı,özündən razı bir natəvan,bir də kitab oxumağı sevən,davamlı elmlə bağlı diskussiyalara qoşulan,təbiəti və bütün canlıları sevib qayğısına qalan,fərqli millət və mədəniyyətləri gəzib görməyi xoşlayan,hər kəsin fikrinə və şəxsiyyətinə hörmətlə yanaşan,qeybət etməyi sevməyən,sadə makiyaj və ya umumiyyətlə makiyajsız çölə çıxan,sevdiyinin maddi imkanına yox düşüncə tərzinə önəm verən natalia var. və bu natəvan gözünüzdə bütün azərbaycan qizlari,natalia da bütün xarici qizlardir. nəzərə almırsınız ki,natəvanla natalia yerdəyişə bilir, abardılı makiyaj sevən qız ali təhsilli və dünyagörüşlü ola bilir,sadə makiyaj sevən və ya heç sevməyən qız da təhsilsiz,elmə,incəsənətə çox uzaq ola bilir və bu qızlar xaricdə də var,azərbaycanda da.
ümumiləşdirmə təkcə qadınlar yox,bütöv insanlar üzərində də edilməməlidir,düzdür,hər ölkənin fərqli mühit şəraiti,yetişdirmə tərzi olur,amma hər insanın da ayrıca xarakteri,dünyaya baxış bucağı var.

ən nifrət edilən insan tipi

(nifrət olmasa da ) çoxdur:
•xəyalındakı insan tipini "oynayan" kütlə.özünü hamıdan fərqli göstərməyə çalışan,universal - incəsənətdən,elmdən,musiqidən ən yüksək səviyyədə anlayırmış kimi davranan insan tipi.pisi də odur ki,bu sahələrdə həqiqətən savadlı insanlar susur,bunlar danışır. bu tip adamların lüğətində "bilmirəm,bacarmadım,haqsızam" və s.cümlələr qətiyyən olmur.bir şey alınmayıbsa da ,ya bu zatı-aliləri daha böyük,layiqliləri gözləyir,ya da kiminsə paxıllığından göz dəyib.belələri səmimiyyətsizliklə havalı olmağı qarışdırır.
...qısacası,azərbaycandakı əksər "facebook fame"-ləri.
•heyvanlara qarşı amansız davranan,vəhşilik edən,insandan başqa canlıların da olduğunu !qanmayan! adamlar,hansı ki kömək edənə də mane olmağa çalışırlar
•cinsiyyət ayrı seçkiliyi salanlar.
•neytral adamlar.