media haqqında qanun layihəsi

Parlamentin bu ilki son iclasında səsverməyə çıxarılaraq qəbul olunan və Azərbaycana növbəti il üçün atılan badalaqlardan hesab etdiyim layihə, əslində bu gündən etibarən qanun.

Dünən layihə üzərində kosmetik dəyişiklik edib yenidən gündəmə saldılar, burada bir əmma var ki layihəni hazırlayan medianın inkişafı agentliyi* MEDiA layihənin gedişatı boyunca müstəqil media nümayəndələrinə bir cümlə belə demədən yalnız pro-gov media ilə əlaqə saxlayıb iş aparmışdı. Son bir ayda isə layihənin təfərrüatlarının paylaşılması başda müstəqil jurnalistlər olmaqla, muxalif cəbhədən bir xeyli etiraz səsinin qalxmasına səbəb oldu. Çünki qanun birbaşa olaraq iqtidarın fəaliyyət sahəsinin genişlənməsinə hesablanıb. Belə ki, mənim də fatimə mövlamlı, nurlan libre nümunələrində tənqid etdiyim "hər əlinə kamera alan jurnalist olur" cümləsini bəhanə edərək "media subyekti" adı altında medianın bütün növlərinə nəzarət etmək məqsədi güdülür. Dünən edilən iki dəyişiklikdən biri internet televiziyalarına tətbiq edilməsi istənilən məcburi lisenziyanın ləğv edilməsi və bunun könüllülük əsasında həyata keçirilməsinə qərar verilməsi oldu. Guya 78 maddəlik layihədə problemli olan bu maddə idi və artıq layihə çox mükəmməl hala düşdü.

Eynullası, vüsaləsi, Mir şahini el gözünə bu qanunu bəh-bəhlə tərifləsələr də, qanunun qəbulu ölkədə bitərəf jurnalistikanın baltalanması deməkdir. Hər cürə tarif artımı ilə, dövlət büdcəsindən elm-səhiyyə-sosiala ayrılan fındıq boyda pay ilə, indi də çox demokratik, liberal media qanunu ilə xoş gəlirsən, 2022!

jeux d'enfants

Bir müddətdir ki, uşaqlıqda sevdiyim bir türk mahnısını tapmaq istəyirdim. Ağlımda qalan tək səhnə qızla oğlanın qucaqlaşaraq üstlərinə beton tökülməsi idi, amma necə tapacağımı bilmirdim. Təxminən beş dəqiqə əvvəl anidən ağlıma gəldi və yutub-a "beton dökülen klip" yazaraq ümidsiz şəkildə axtardım və o mahnını tapdım:

(youtube: )

heydər əliyev

Əvvəla bu gün günlərdən "sən elə bir zirvəsən"

(youtube: )

yüksəliş müsabiqəsi

2022-ci ildə ikinci müsabiqənin keçirilməsi üçün prezident tərəfindən sərəncam imzalanmışdır . müsabiqənin maliyyə vəsaiti Azərbaycan Respublikası Prezidentinin Ehtiyat Fondundan ayrılan 1 milyon manat olacaq. təşkilatın komitəsinin sədri ilk müsabiqədə olduğu kimi şirməmməd hüseynovun qızı və Administrasiyanın Humanitar siyasət məsələləri şöbəsinin müdiri fərəh əliyevadır. təşkilat komitəsinin üzvlərindən azad rəhimovun yerinə yeni gənclər və idman naziri fərid qayıbov seçilib.

azərbaycan respublikasının mərkəzi bankı

elektron xidmətləri portalı daxilində virtual təhsil platforması fəaliyyət göstərən bank. platformanın yaradılmasında məqsəd iqtisadiyyat və bank-maliyyə sahəsində bilik və bacarıqların əldə edilməsinin dəstəklənməsidir. siz bu adresdən qeydiyyatdan keçərək azərbaycan, rus və ingilis dillərində müxtəlif kurslar* mikro-makro iqtisadiyyat bank işi mühasibat uçotunun əsasları və s. götürə, müəllimlərin hazırladıqları videodərslərə, təqdimatlara nəzər yetirə və hər mövzunun sonundakı testləri işləmə imkanı əldə edirsiniz. sonda bütün mövzuları oxuyub testlərini bitirdikdən sonra istəyinizdən asılı olaraq mərkəzi bankın maliyyə savadlılığı şöbəsinin hazırladığı yekun imtahanlara yazıla bilərsiniz. imtahanlar həm fiziki, həm də onlayn formatda keçirilir. nəticəsi 70%* 30 sualdan 21 düz və yüksək olan şəxslərə isə mərkəzi bank tərəfindən müvafiq sertifikat təqdim olunur. yekun imtahanlarla bağlı təlimatı buradan əldə etmək mümkündür.

eu4culture

avropa ittifaqı tərəfindən maliyyələşdirilən layihə. Əsas məqsədi şərq tərəfdaşlığı proqramına üzv olan 5 ölkənin - Azərbaycan, Ermənistan, gürcüstan, Moldova və Ukraynanın paytaxt olmayan şəhərlərinin mədəni inkişafına nail olmaq və sosial həyatı canlandırmaqdır.
May ayında beş ölkədən 70 şəhər və rayon müəyyən kriteriyaları ödəməklə ilkin qeydiyyatdan keçmiş, daha sonra qiymətləndirmə əsasında hər ölkədən maksimum 5 namizəd qeydiyyatı tamamlama fürsəti əldə etmişdir. Növbəti mərhələdə seçilmiş 3 namizədə* Moldovada 2 layihələrin inkişafı üçün 30 min avroluq qrantın ayrılması nəzərdə tutulubmuş, hansı ki 12 noyabrda Bakıda mükafatın təqdim edilməsi mərasimi keçirilib . Xəbərdə də yazıldığı kimi, Azərbaycandan olan namizədlər şəki, Lənkəran və Xırdalandır.
Sonda isə hər ölkədən bir namizəd qalib gələrək 300 min avroluq böyük qrantın və ai tərəfindən layihənin reallaşdırılması üçün dəstəyin sahibi olacaq. Layiq olan qazansın deyim-*

gəncliyi doya-doya yaşamağa qoymayan şeylər

Mühit, kasıblıqdan daha mühüm səbəbdir. Mən hələ də kiçik şeylərlə günümü gözəlləşdirməyi bacarıram, təki bunu canı-könüldən istəyəsən. Amma özünü görmədiyim çevrədə irili-xırdalı heç nə bu həyatı (bəli, təkcə gəncliyi yox, istənilən yaş dövrünü) doyaraq yaşamağa imkan yaratmır, yaratmayacaq.
Özümə lazımlı mühit qurduğum və qurmağa davam edəcəyim üçün həyatımın istənilən mərhələsini sevərək və istəyərək yaşamaqda qərarlıyam. Səhv zamanda doğulduğumu düşünənlərdənəm həm də-*

dövlət imtahan mərkəzi

Düzgün yeniliklər edən qurum. 2020-ci ilin dekabrında nazirlər kabineti tərəfindən beynəlxalq münasibətlər və regionşünaslıq ixtisaslarının yenidən 3-cü ixtisas qrupuna qaytarılması qərar a alınmışdı. iki gün əvvəl isə mərkəz birinci və üçüncü qrupların iki yarım qrupa bölünməsi xəbərini elan etdi. düzəlişə əsasən, 3-cü qrup 2022-ci ildən tarixi-coğrafiya(tc) və dil-tarix(dt), 2023-cü ildən isə 1-ci qrup riyaziyyat-informatika(ri) və riyaziyyat-kimya(rk) olmaqla iki yerə bölünəcək. bm və regionşünaslıq tc yarımqrupunda, yerdə qalan ixtisaslar isə dt yarımqrupunda, informatika yönümlü* informasiya texnologiyaları, informasiya təhlükəsizliyi, kompüter elmləri və s. ixtisaslar ri yarımqrupunda, mühəndislik ixtisasları isə rk yarımqrupunda olacaq.

sənəd qəbulu zamanı abituriyentin istəyindən asılı olaraq bir ya da iki yarımqrup üzrə qeydiyyatdan keçirilə bilər. Məsələn, rk üzrə blok imtahanını verən tələbə bir müddət sonra informatikadan fərq imtahanını da verərək ixtisas seçimində bütün ixtisasları kodlaşdırma şansı əldə edəcək. Həmçinin, informatika imtahanının bir müddət sonra kompüterlə təşkil edilməsi nəzərdə tutulur.

Azərbaycanlılar yenə hay-küylə, bilib-bilmədən qərarlara qarşı çıxırlar əlbəttə. Qram təəccüblü gəldisə...-*